Ули Хенес – Kurir.mk

Ули Хенес убеден дека Левандовски ќе остане во Баерн

Ивана Ефремовски — Tue, 03 May 2022 07:02:58 +0000

Почесниот претседател на Баерн, Ули Хенес верува дека напаѓачот Роберт Левандовски ќе остане во тимот од Минхен. – Сигурен сум 100 отсто дека Роберт следната сезона ќе игра за Баерн. Тој има договор до 2023 година. Би сакал да биде продолжен, ова сум го кажал повеќе пати. Ова е моја гледна точка, изјави Хенес. Претходно беше објавено дека Баерн има финансиски проблеми, па клубот не може да ја зголеми платата на играчот. Левандовски е во Баерн од 2014 година. Во сезоната 2021/22, напаѓачот постигна 48 гола и оствари шест асистенции на 43 натпревари за тимот. (МИА)

Ули Хенес: Барселона е практично уништена, во Германија веќе ќе банкротираше

Тале Кристо — Tue, 14 Sep 2021 08:16:00 +0000

Почесниот претседател на Баерн Минхен, Ули Хенес ги сподели своите ставови за финансиската состојба во Барселона. – Барселона е практично уништена! Ако случајот беше во Германија, тогаш веќе ќе беше банкротиран, и соодветниот суд ќе се занимаваше со тоа. Барселона повеќе не е пример за нас. Давид Алаба еднаш ми рече: „Сè уште сонувам да играм за Барселона“. Јас му одговорив: „Со кого сакаш да преговараш? Со претседателот или со стечајниот управник?” И јас се залагам за одење до крај, меѓутоа во моментот кога сето ова повеќе не е можно да се рефинансира, треба да кажете НЕ, изјави Хенес. Барселона која се соочува со тешка финансиска криза, има проблеми и со спонзорите кои почнаа да ги прекинуваат договорите.

Хенес се повлекува по 40 години работа во Баерн

Ивона Петрова — Wed, 24 Jul 2019 08:22:57 +0000

Претседателот на Баерн Минхен, Ули Хенес, нема да се кандидира за нов мандат во ноември, напуштајќи го клубот по 40 години работа. Весникот „Билд“ прв излезе со веста дека Хенес повеќе не сака да биде на чело на неговиот омилен клуб. Тој исто така ќе ја напушти функцијата претседател на надзорниот одбор на клубот. Хенесе изрази желба да биде заменет со поранешниот шеф на Адидас, Херберт Хајнер, кој сега е меѓу неговите најблиски соработници. Веќе во зима, Ули навести дека размислувал да се повлече, а тогаш кажа дека ќе донесе конечна одлука кон крајот на јуни. – Ќе се откажам кога ќе видам дека работите се случуваат во клубот онака, како што јас сакам. Сакам да го напуштам клубот во добри раце и во добра состојба, рече Хенес. Една причина за напуштање на шефот е острата критика кон него на претходното годишно собрание од фанот, Јоханес Бахмајер. – Не сум доживеал ништо слично, тоа не е мојот Баерн, тогаш беа зборовите на Ули, цитирани од „Билд“. Хенес се приклучи на раководството на клубот веднаш по завршувањето на неговата фудбалска кариера во 1979 година, кога беше менаџер на клубот. Во 2009 година тој стана претседател и го зазеде местото до денес со прекин од 2 јуни 2014 година до есента 2016 година поради неговата казна затвор за затајување данок. Ули Хенес се смета за најважната фигура во модерната историја на баварскиот гигант. Тој го спаси клубот од банкрот со важни договори во 1980-тите, а успеа да оствари профит од продажбата на главни играчи. Пред четириесет години, клубот имаше само 20 вработени, денес тие се над 1.000. За тоа време, Баерн ја освои два пати Лигата на шампионите и 29 титули. Во 1979 година, прометот на Баерн е 12 милиони марки, а денес тој изнесува 657,4 милиони евра. Членовите на клубот се зголемуваат од 6.616 на 290.000, а Хенес има голема заслуга во изградбата на „Алијанц Арената“, модерен центар за тренинг, како и за претворањето на кошаркарскиот тим во водечка германска сила. МИА

Претседателот на Баерн со поддршка за Ковач

Ивона Петрова — Mon, 08 Oct 2018 14:01:16 +0000

Претседателот на Баерн Минхен, Ули Хенес го заштити тренерот Нико Ковач, кој се наоѓа под голем притисок по новиот кикс изминатиов викенд. Шампионите дозволија срамен пораз на домашен терен против Борусија Менхенгладбах, откако беа совладани со 0:3 во саботата. - Не сум помислил ни за секунда да му наштетам на Ковач. Ќе го бранам до крв! Четири натпревари без победа? Кај нас владее спокојство, изјави шефот за списанието „Кикер“. Неговите коментари можат да се прифатат за изненадувачки, бидејќи денови порано (по нерешениот резултат 1:1 со Ајакс во Лигата на Шампионите), претседателот на баварците упати предупредување за тренерот со зборовите: „Тој треба да сноси одговорност за ротациите“. Според најтиражниот европски весник „Билд“, шефовите на тимот од Минхен воопшто не размислуваат за тренерска смена и стојат цврсто зад Ковач. Нов проблем пред Хрватот сепак, е дека покрај натпреварите на националните тимови нема да може да води комплетни тренинзи. МИА