улица даме груев – Kurir.mk

Утре времен режим на сообраќај на улицата „Даме Груев“

Ивона Петрова — Fri, 19 May 2023 08:24:34 +0000

Поради изведба на градежни активности за асфалтирање на коловозот со втор слој асфалтна маса на улица „Даме Груев“ во насока на движење од крстосницата со улица „Димитрие Чуповски“ до улица „Македонија“, утре (сабота) во периодот од 8 до 15 часот ќе биде воведен времен режим на сообраќај, информираат ЈП Улици и патишта Скопје. Времениот режим ќе биде обележан со соодветна сигнализација, а поради изведба на градежните активности ќе биде затворена една, а потоа и другата коловозна лента на коловозот. Од ЈП Улици и патишта Скопје апелираат до сите учесници во сообраќајот да бидат внимателни и да ја прилагодат својата брзина на движење според условите на патот.

Денеска и утре времен режим на улицата „Даме Груев“

Ивона Петрова — Tue, 16 May 2023 05:41:41 +0000

Од ЈП Улици и патишта Скопје информираат дека во зависност од временските услови денеска и утре ќе се реализират градежни активности за асфалтирање на пешачки патеки на ул. „Даме Груев“ во насока на движење од крстосницата со улица „Димитрие Чуповски“ до улица „Македонија“. Во периодот од 8 часот наутро до 15 часот попладне, ќе биде воведен времен режим на сообраќај. - Времениот режим ќе биде обележан со соодветна сигнализација, а поради изведба на градежните активности ќе биде затворена една коловозна лента на 16.05.2023г., а потоа на 17.05.2023г. ќе биде затворена и другата коловозна лента во спротивната насока, појаснуваат од ЈП Улици и патишта Скопје. Апелираат до сите учесници во сообраќајот до завршување на градежините активности да бидат внимателни и да ја прилагодат својата брзина на движење според условите на патот.

Утре сообраќаен режим на улицата „Даме Груев“

Ивона Петрова — Fri, 09 Dec 2022 11:33:20 +0000

ЈП „Улици и патишта“ известува дека утре од 8 до 15 часот екипите на претпријатието продолжуваат со активностите за реконструкција на коловозната површина на улицата „Даме Груев“. Како што истакнуваат утре ќе се асфалтира на потегот од раскрсница со улица Македонија до улица 11ти Октомври. Поради изведба на градежните активности на овој потег ќе бидат затворени двете коловозни ленти и обележани со соодветна сигнализација.

Нема повредени во пожарот во Центар, интервенирале 7 противпожарни возила

Ивона Петрова — Sun, 07 Jan 2018 11:43:02 +0000

Пожарот што претпладнево избувна во стан во центарот на Скопје е локализиран, а во текот на гаснењето нема повредени, изјави за МИА командантот на Територијалната противпожарна единица на Град Скопје, Ѕвонко Томевски. Опожарен бил стан на втор кат во зграда на улица „Даме Груев“, како и балкон на стан над него. Противпожарните единици интервенирале со седум возила, и како што истакна Томевски, навреме е спречено проширување на пожарот. Засега нема официјални информации за причината за пожарот. Полициски екипи се во зградата каде што избувна пожарот. Од полицијата посочуваат дека се уште немаат информации за причините за пожарот, единствено посочуваат дека пожарот е пријавен кај нив.