улици и патишта – Kurir.mk

Утре и во сабота времен режим на улицата „Александар Урдаревски“

Ивона Петрова — Thu, 06 Apr 2023 11:25:20 +0000

ЈП „Улици и патишта“ Скопје ги известува граѓаните дека поради изведба на градежни активности за асфалтирање на коловозот на улицата Александар Урдаревски, во општина Бутел, на потегот од крстосницата со улица Боца Иванова до населено место Кучевишка бара, деновиве ќе биде воспоставен времен сообраќаен режим. Времениот режим ќе биде обележан со соодветна сигнализација, а асфалтирањето ќе се одвива утре на 07.04.2023 година (петок) од 8 ч наутро до 14 часот попладне во едната насока и во сабота на 08.04.2023 година во истиот временски период на другата спротивна насока. ЈП Улици и патишта Скопје апелира до сите учесници во сообраќајот да бидат внимателни и да ја прилагодат својата брзина на движење според условите на патот.

На улица Цветан Димов се уредуваат жардињерите околу дрвјата и се санираат оштетувањата во асфалтот

Тале Кристо — Wed, 20 Apr 2022 12:38:33 +0000

Екипите на ЈП Улици и патишта Скопје денес во рамките на големата пролетна работна акција во општината Чаир работат на санирање на жардињерите околу дрвјата на улицата Цветан Димов и санација на ударните дупки со предходно машинско гребење и асфалтирање. Екипите со акцијата денес покрај улицата Цветан Димов ја санирале и улицата Џон Кенеди во вкупна површина од 15м2. Одговорните лица за одржување на светлосната сигнализација работеа на санација на недостатоците на семафорите и тоа на следните крстосници: улица Џон Кенеди со улица Лазар Трповски, крстосница улица Петар Ичко со улица Лазар Трповски и крстосница улица Христијан Тодоровски Карпош со улица Ферид Бајрам. На сите три крстосници беа оштетени сенилата на семафорите и заменети со нови, информираат од претпријатието.

Санација на оштетувањата на улица Цветан Димов и санација на светлосната сигнализација на крстосниците во општина Чаир

Тале Кристо — Tue, 19 Apr 2022 11:44:44 +0000

Екипите на ЈП Улици и патишта Скопје денес /вторник/ 19.04.2022г. во рамките на големата пролетна работна акција во општината Чаир работеа на санирање на ударните дупки на улицата Цветан Димов и со машинско гребење на поголемите оштетувања во асфалтот асфалтираа површина од околу 40 м2, а ги санираа и недостатоците на светлосната сигнализација на крстосниците во општината со извршени шест интервенции, информираат од градското претпријатие. Интервенциите на одговорните екипи за семафорите беа на крстосница улица Џон Кенеди со улица Цветан Димов, каде е извршена демонтажа на оштетен семафорски столб и монтиран е нов семафорски столб со возачка и пешачка латерна, направено е поврзување , испитување на семафорот и истиот е пуштен во работа. Потоа на крстосница Џон Кенеди со улица Ќемал Сејфула утврдено е оштетено и монтирано е ново сенило на зелен возач, на к-ца Џон Кенеди со улица Македонско Косовска Бригада монтирани се пет сенила и заменето стакло на зелен возач. Како и на крстосцницата ул.Никола Карев со улица Самоилова монтирани се нови пет сенила и на к-ца улица ул.Никола Карев со ул.Македонско Косовска Бригада монтирани се две сенила и заменети три сијалици на семафорите за пешаци. ЈП Улици и патишта Скопје, по налог на Град Скопје, а заедно со другите јавни претпријатија продолжува и во наредните денови со извршување на следните активности предвидени во рамките на работната акција во општината Чаир, се вели во соопштението на претпријатието.

Санирана е главната улица во општина Сарај

Ивана Ефремовски — Sun, 13 Feb 2022 11:19:21 +0000

Eкипи на Град Скопје и ЈП Улици и патишта извршија санација на поголемите оштетувања на коловозот на ул.20 во општина Сарај, односно од влезот кај мостот во Сарај до клучката за патот кон езерото Треска. Покрај санацијата на оштетувањата на коловозот, интервенирано е и во однос на патната сигнализација којашто на неколку места беше отстранета од непознати причини, а на истите места сега се поставени нови сообраќајни знаци за подобар сообраќаен проток во тој дел од градот и намалување на метежот на тој потег. Екипите на Град Скопје и ЈП Улици и патишта се секојдневно на терен и секаде каде што граѓаните пријавиле проблем или потреба од било каква интервенција од доменот на патната инфраструктура каде има надлежност се постапува навремено.

Се санираат оштетувања на улиците и се поставува сообраќајна сигнализација во Скопје

Ивана Ефремовски — Sat, 12 Feb 2022 13:23:27 +0000

Eкипи на Град Скопје и на ЈП Улици и патишта во текот на вчерашниот ден на булевар „Свети Климент Охридски“ извршија обнова на флексибилни столпчиња на велопатеката, а на потегот од улицата Загребска до Детската клиника санираа ударни дупки. На улиците „Цветан Димов“ и „Џон Кенеди“ во текот на вчерашниот ден се санираа бекатон плочи на тротоарите, а пред пешачкиот премин кај старата меѓуградска станица се подготвува теренот за поставување на сообраќајни знаци. На булевар „Босна и Херцеговина“ во делот со улица „Лазар Трповски“ се врши подготовка за семафорска инсталација, додека во општините Бутел, Карпош и Кисела Вода се поставува вертикална сигнализација на повеќе улици и булевари. Екипите на ЈП Улици и патишта континуирано детектираат и санираат оштетувањата на коловозите на булеварите и на улиците низ градот, а вршат и замена или поставуваат дополнителна сообраќајна сигнализација со цел зголемување на безбедноста на сите учесници во сообраќајот.

МВР со детали: Еве каде избувнал пожарот во кој изгоре бараката на ЈП „Улици и патишта“

Ивона Петрова — Wed, 22 Dec 2021 09:32:52 +0000

Министерството за внатрешни работи соопшти детали за пожарот во кој изгоре бараката на ЈП „Улици и патишта“. Пријавата ја добиле околу 01.15 часот дека на ул.„Стефан Јакимов Дедов“ настанал пожар во патничко возило „нисан“, со скопски регистарски ознаки, сопственост на Н.Л.(38) од Скопје. -Од пожарот делумно било зафатено и патничко возило „шкода“, со скопски регистарски ознаки, сопственост на Г.Б.(45) од Скопје и бараките на ЈП „Улици и патишта“ кои биле целосно опожарени, информира МВР. Од екипа на Бригадата за противпожарна заштита Скопје пожарот бил локализиран, а повредени лица нема. Увид ќе се врши во текот на денот.

Настов за Курир: Опожарени се 380 м2 работни простории, оперативните работи на претпријатието функционираат

Ивона Петрова — Wed, 22 Dec 2021 09:14:25 +0000

В.д. директорот на ЈП „Улици и патишта“ Борис Настов во изјава за Курир вели дека во пожарот кој ги зафати бараките на претпријатието, лоцирани зад ТЦ Буњаковец опожарени се околу 380 м2 работни простории. -Пожарот избувнал синоќа, како што ме информираа, по експлозија на паркирано возило во близина на бараката. Полициски екипи и екипи од Противпожарната бригада се уште се на терен. Во моментов не можеме да влеземе да видиме дали се опожарени сите канцеларии, но сите се оштетени. Оперативните и тековни работи на претпријатието си функционираат, вели Настов за Курир. Во бараката се наоѓала документацијата на претпријатието, архивата, документација за вработените, финансови извештаи... Командантот на скопската протипожарна бригада, Владимир Симоновски во изјава за Курир вели дека пожарот кај нив е пријавен во 1:50 минути по полноќ. -На терен е интервенирано со шест возила и 19 пожарникари. Пожарот е под контрола, на терен се уште има пожарникари кои работат на догаснување, вели Симоновски за Курир. Од МВР информираат дека околу 01.15 часот во СВР Скопје било пријавено дека на ул.„Стефан Јакимов Дедов“ настанал пожар во патничко возило „Нисан“, со скопски регистарски ознаки, сопственост на Н.Л.(38) од Скопје. -Од пожарот делумно било зафатено и патничко возило „Шкода“, со скопски регистарски ознаки, сопственост на Г.Б.(45) од Скопје и бараките на ЈП „Улици и патишта“ кои биле целосно опожарени. Од екипа на Бригадата за противпожарна заштита Скопје пожарот бил локализиран, а повредени лица нема, информира МВР. Полициски екипи во текот на денот ќе вршат увид.

Попова: СДСМ кокаинска и шверцерска, аздисаноста нема граници, градоначалник фатен во шверц, пратеник со дрога, директорот Смаиловиќ со кокаин

Ристе Здравков — Tue, 18 Aug 2020 11:21:26 +0000

СДСМ станува партија во која конзумацијата на кокаин е нормална и вообичаена појава за партиските функционери, изјави на денешната прес-конференција Ирена Попова од ВМРО-ДПМНЕ. -По Павле Богоевски, кој беше фатен како нарачува кокаин додека ја извршувал функцијата пратеник, вчера медиумите објавија дека е фатен со кокаин кадарот на Петре Шилегов - Сенад Смаиловиќ Сенко, директорот на ЈП Улици и патишта-Скопје. Сенко е фатен со цели две кесички кокаин. Дали тоа значи дека истиот или е дилер или веќе подолг период е корисник на овој наркотик. Аздисаноста од власта и моќта, очигледно ја зголеми конзумацијата на кокаин помеѓу функционерите на СДСМ. Државни функционери стануваат се почести корисници на кокаин, а реакцијата на власта со нивно разрешување откако ќе бидат фатени на дело е задоцнета и лицемерна. СДСМ дозволува лица корисници на дроги да извршуваат јавни функции, и истите да одлучуваат за судбината на многу луѓе, но и целата држава, ова е недозволиво, опасно, но и ги става под знак прашалник нивните одлуки и колку тие се носени трезвено. Се поставува прашањето дали скопјани газат рунирани улици и полни со дупки затоа што директорот на ЈП Улици и патишта бил под дејство на некоја психотропна супстанца додека ги извршувал работните задачи? СДСМ го сведе Скопје на ниво со него да управуваат луѓе со искривени морални вредности и лошо општествено поведение. Скопје е заложник на шака луѓе, кои не го изградиле ниту својот личен имиџ, и никако не можеме да очекуваме да го градат имиџот на градот, истакна Попова. Разрешувањето на Сенко не треба да биде последен чекор. Шилегов сам треба да си поднесе оставка, затоа што тој е човекот кој именува вакви луѓе и им дозволува да менаџираат со јавните претпријатија и нашите пари. Оставка од Шилегов веднаш! Потенцираше таа.

ФОТО: Ова е новиот в.д. директор на ЈП Улици и патишта откако претходниот беше фатен со кокаин

Ристе Здравков — Tue, 18 Aug 2020 11:04:37 +0000

Откако вчера експресно беше разрешен, денеска Јавното претпријатие „Улици и патишта“ доби нов в.д директор – Бобан Црничиќ. Разрешувањето на претходниот директор Сенад Смаиловиќ следуваше откако полицијата во Струга кај него пронашла кесички со кокаин. Смаиловиќ веќе два дена е недостапен за медиумите. Имено, во полицискиот билет беше објавено дека на 15 август, во 22:40 часот на улицата „Владо Малески“, во Струга, полициски службеници од полициската станица-Струга го лишиле од слобода С.С.(33) од Скопје, затоа што при преглед кај него бил пронајден кокаин. Тој бил приведен во полициска станица и по целосно документирање на случајот против него ќе биде поднесен соодветен поднесок.

(НЕ)работата на власта на дело- Улица и патишта ги информира граѓаните дека го чисти снегот во јули, сајтот на град Скопје не го знае името на државата (ФОТО)

Дарко Андоновски — Mon, 22 Jul 2019 10:06:05 +0000

Граѓаните се почесто се збунети кога користат некоја интернет страница на некое јавно претпријатие во нашата земја. Секојдневните раскопувања во екот на летото на улиците и тоа за време на работно време ги тера граѓаните се почесто да се информираат за работните настани и протокот на сообраќај преку јавното претпријатие „Улици и патишта“, но попусто. Доколку сакате да дознаете кои се дневните активности на претпријатието во месец јули, вас ќе ве пречека информација дека „Скопските коловози целосно расчистени од снег“, информација која не е ажурирана од февруари годинава. Овие збунувачки информации се уште еден доказ за неажурноста на претпријатието на чие чело веќе три години човек од редовите на СДСМ. Инаку во медиумите претходно директорот Сенад Сенко Смаиловиќ го тресеа неколку скандали. Прво тој стана директор на претпријатието за само три месеци откако претходно беше возач на заменикот министер за здравство, а потоа и си ја покачил платата од 1.000 на 1.700 евра. Освен неажурноста и (НЕ)работењето на техничките служби вработени во државната администрација, граѓаните пребарувајќи информации на страната на градот Скопје се прашуваат каде живеат откако Заев го промени името во „Северна“ Македонија, бидејќи тоа не е променето.