улици – Kurir.mk

Прилепските пензионери протестираат со блокада на улици

Тале Кристо — Wed, 25 Oct 2023 11:01:51 +0000

Прилепските пензионери денеска излегоа на протест со блокада на една од поголемите сообраќајници во центарот на Прилеп, повторувајќи ги барањата за линеарно, а не процентуално зголемување на пензиите и решеноста дека нема да се откажат ниту од протестите ниту од барањата за достоинствен живот. -Денеска е светски ден на правдата, но каква правда ние имаме? Душата ни ја испразнија, а ние се чувствуваме повредени, омаловажени, понижени. Празни сме како теглите што ги покажаа пензионерите. не може да се согласиме, ниту да се помириме со тавот дека ако е линеарно покачувањето на пензиите, ќе биле повредени оние со повисоки пензии. Бараме оставка од министерката за труд и социјална политика, изјави Билјана Шекероска од иницијативниот одбор на пензионерите. -Со месеци протестираме, луѓето се разболија, а никој не сака да го слушне нашиот глас. Но ние не се откажуваме ниту од протестите, ниту од барањата, рече пензионерката Марија Ристеска. Прилепските пензионери ги продолжуваат своите протести на различни локации низ градот. Апелираат на протести да излезат сите пензионери.

Без струја неколку улици во Кисела Вода и Карпош и поголем дел од Визбегово

Тале Кристо — Wed, 25 Oct 2023 06:04:49 +0000

ЕВН известува дека, поради технички зафати во електро-дистрибутивната мрежа, денеска без електрична енергија ќе останат неколку улици во општините Кисела Вода и Карпош и поголемиот дел од населбата Визбегово во општина Бутел. Од 09:00 до 15:00 часот, без струја ќе бидат корисниците од улицата „Лазар Димитров' во Кисела Вода. Од 09:00 до 15:00 часот, корисниците од улиците „Ристо Равановски“, „Анкарска“ и „Борка Талевски' во Карпош. Од 10:00 до 13:00 часот, корисниците од поголемиот дел од населба Визбегово во општина Бутел.

Голем дел од Скопје утре ќе бидат затворено за сообраќај, ќе има симулациска вежба во итна ситуација – земјотрес

Ивана Ефремовски — Tue, 17 Oct 2023 13:31:11 +0000

Министерството за внатрешни работи ја информира јавноста дека поради симулациска вежба во итна ситуација–земјотрес насловена како „Хуманитарен одговор 2023“ во организација на Црвен Крст на РМ и под покровителство на Претседателот на државата во Градски парк Скопје, на 18.10.2023 (среда) во периодот од 9 до 14 часот ќе бидат затворени за сообраќај: Бул.„Илинден“ од крстосница со бул. „Св. Климент Охридски“ до крстосница со ул.„Франклин Рузвелт“ и од крстосница со ул.„Бледски договор“ до крстосница со ул.„Никола Тесла“, ул.„Наум Наумовски Борче“, во продолжение ул.„Јордан Хаџиконстантинов-Џинот“ до крстосница со ул.„Ленинова“ (ул.„Аминта 3-ти)“, ул.„Ристо Шишков“ од крстосница со ул.„Наум Наумовски Борче“ до крстосница со ул.„Ленинова“, сообраќајниците околу градски стадион Тодор Проески и бул.„8-ми Септември“ од крстосница со бул.„Илинден“ до сервисна улица за влез во х.Александар Палас. Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници. МВР апелира до граѓаните да ги почитуваат наредбите што ги издаваат полициските службеници.

Реконструкција на коловоз во битолско Логоварди

Катерина Бојаџиева — Fri, 14 Jul 2023 15:54:50 +0000

Градоначалникот на општина Битола, Тони Коњановски, денес го посети селото Логоварди, каде во завршна фаза е реализацијата на проектот за реконструкција на коловоз на уличен крак 2 низ селото во должина од 235 метри. За овој проект, локалната самоуправа од општинскиот буџет инвестира 2.315.112 денари. Ова е еден од проектите со кои општина Битола, продолжува да вложува во подобрување на патната инфраструктура во руралните средини.

Асвалтирање на седум улици во битолско Оптичари

Тале Кристо — Thu, 29 Jun 2023 15:44:18 +0000

АСФАЛТИРАЊЕ НА СЕДУМ УЛИЦИ ВО СЕЛО ОПТИЧАРИ Проектот за изградба на коловоз на седум улици во село Оптичари, влегува во завршна фаза. Согласно склучениот договор на Општина Битола со изведувачот на активностите „ЗИМАК“ ДООЕЛ Битола, денес започна асфалтирањето на новата патна мрежа во должина од 1090 метри. Вкупната вредност на инвестицијата од општинскиот буџет изнесува 5.238.208 денари. Жителите на селото Оптичари, му се заблагодарија на градоначалникот Тони Коњановски, за неговата посветеност во работењето, посебно за подобрувањето на инфраструктурните услови во руралните места, со што конечно се решаваат и долгогодишните проблеми на населението од селата кои гравитираат кон општина Битола.

Ударните дупки низ штипските улици ќе се санираат со нова италијанска технологија

Ивана Ефремовски — Tue, 13 Jun 2023 14:47:04 +0000

Нова италијанска технологија ќе се применува за санација на ударните дупки низ штипските улици. Зоран Крушиќ, претставник од Белград на италијанската фирма „Интеркимика“ вели дека станува збор за техника која подразбира употреба на изгребен асфалт, што значи рециклирање на материјали. Технологијата денеска првпат се користеше во државава, а досега има неколку примери во Србија и други европски земји. -Се работи за употреба на 100% изгребен асфалт на ладно, со додаток на само еден адитив т.н. рејвинатор кој го оживува битуменот од стариот асфалт и овозможува повторно на ладно да се вгради оваа технологија. Може да се користи за активности на санација, поправање на ударни дупки, може да се користи за изградба на пешачки патеки, велосипедски патеки. Ова е технологија која лесно може да се бои со додаток на соодветен пигмент, така што може да добиеме и еколошки асфалт кој се изработува од 100% изгремен асфалт на ладно во боја, вели Крушиќ. Професорот од Градежен факултет-Скопје, Горан Мијоски додаде дека користењето на ваквата технологија е во чекор со европските трендови на зачувување на природата, а е доста едноставно, брзо и лесно. По подготовката, материјалот се поставува исто како и типичен асфалт. Во случај на санација на ударни дупки, прво треба истите соодветно да се подготват и да се исчистат, па масата да се нанесе мануелно, а потоа и да се израмни механички. - Тенденциите на Европа во моментов се тоа, рециклирање на материјалите, намалувањето на емисијата на штетни гасови во природата со вакви ладни постапки, така што и ние одлучивме да направиме чекор со светот и првпат да ја примениме оваа технологија, рече Мијоски. (МИА)

Започна капиталниот проект за обнова на улиците во 11 0ктомври Бараки

Ивона Петрова — Mon, 08 May 2023 13:58:46 +0000

Со градежните активности на ул. “Петар Драпшин”, во Општина Кисела Вода започна големиот проект за санација на улиците во населбата 11 Октомври Бараки. Од општината информираат дека се работи за зафат кој ќе опфати повеќе од 11 000 квадратни метри површина и ќе донесе подобрување на условите за живот на жителите кои чекаа 30-тина години на оваа активност. За рехабилитацијата на “Петар Драпшин”, средствата се обезбедени од “Проектот за поврзување на локални патишта” кој се реализира од страна на Министерството за транспорт и врски со финансиска поддршка од Светска Банка. Покрај оваа, со реконструктивни зафати Општина Кисела Вода ќе ги опфати и улиците “Ефтим Спространов”, “Лазар Димитров” и “Лав Tолстој”. -Извршивме увид во отпочнувањето на градежните зафати на улицата “Петар Драпшин”, со чија санација на површина од 8000 квадратни метри, започнува големиот проект за обнова на улиците населбата 11 Октомври бараки. Рехабилитацијата на оваа клучна сообраќајна артерија опфаќа санација на коловозот и тротоарите, што е барање и потреба на жителите веќе 30 години. За оваа значајна градежна активност сакам да се заблагодарам на Министерството за транспорт и врски, преку чиј проект се обезбеди финансиската поддршка од Светска Банка. Подобрувањето на локалната патна инфраструктура е значаен сегмент од развојот на секоја заедница и убаво е кога ќе се најде заеднички јазик за решение на ваков децениски проблем. Паралелно, Општина Кисела Вода ќе санира и други улици во населбата 11 Октомври Бараки. Нов асфалт и тротари ќе добијат и “Ефтим Спространов”, “Лазар Димитров” и “Лав Tолстој”. Се работи за градежна интервенција со вкупна површина од околу 11000 м2 кои ќе бидат завршени за околу три месеци и ќе овозможат нов подобрен лик на улиците и ќе ги направат побезбедни за одвивање на сообраќајот. Дополнително ќе поставиме и ново модерно штедливо осветлување. Досегашните живини, ќе ги замениме со лед светилки. Како што најавив во текот на вчерашниот ден, ја продолжуваме традицијата со крупни инфраструктурни проекти да ја комплетираме прославата на значајните настани во општина Кисела Вода, па така, и овој проект е првиот од неколкуте капитални кои во седмицата што е пред нас ќе ги промовираме, во рамки на одбележувањето на патрониот празник 6 Мај, истакна градоначалникот Ѓорѓиевски при увидот во отпочнувањето на градежниот зафат на ул.” Петар Драпшин”. Инаку вчерашниот ден, патронатот на Кисела Вода, беше исполнет со најразновидни содржини за сите генерации. Паркот “Македонија” беше полн со посетители од утрото до вечерта. За најмладите настапија Биби од “Светот на Биби”, “Поточиња” и танчерите од “Данса Латина Стефи”, а повозрасните во вечерните часови уживаа во хуморот на Атанас и Тино, како и во журката што потоа до крајот на вечерта ја приреди ДЈ Напстер. Инфраструктурните проекти, пак, што ќе се реализираат во склоп на одбележувањето на 6 Мај, ќе продолжат во текот на целата седмица.

Започнаа работните активности за реконструкција на 10 улици во населбата „Недопирливи“ во Битола

Тале Кристо — Tue, 02 May 2023 13:58:44 +0000

Денес започнаа работните активности за реконструкција на 10 улици во населбата „Недопирливи“. Проектот вклучува реконструкција на водоводната, канализационата мрежа и нов коловоз во должина над 2 километри. Градоначалникот на општина Битола, Тони Коњановски и стручните екипи од општинската администрација, заедно со директорот на КЈП „Никоградба“, Зоран Талевски, извршија увид на активностите кои започнаа со реконструкција на мешовитата канализација од улица „Студентска“, профил 1. Градоначалникот Коњановски, информираше дека, наскоро се очекува да започне и реконструкцијата на водоводната мрежа во овој дел, за да може реализацијата на проектот да се одвива со предвидената динамика и обезбедените средства од општинскиот буџет за реконструкција на водоводната и канализационата мрежа во износ од 37.000.000 денари. По завршувањето на овие фази, продолжува реконструкцијата на коловозот, за што од Светска банка обезбедени се 28.725.287 денари. Покрај големите инфраструктурни активности кои се во тек на 6 други локации во општината, паралелно се врши и партерно уредување на помали улици, а во селото Кременица, со цел времено санирање на проблемите со патната инфраструктура, екипите на КЈП Нискоградба вршат вградување на гребен асфалт на местата каде што тоа е неопходно.

Без вода три улици во Центар

Тале Кристо — Wed, 05 Apr 2023 05:43:31 +0000

Поради изведување водоводен приклучок од ф-80 милиметри на улица „Васил Иљоски“ број 7, денеска прекинато водоснабдување ќе имаат корисниците од оваа и од улиците „Никола Кљусев“ и „Скопска“ во Центар. Како што соопшти ЈП „Водовод и Канализација“ – Скопје, водоснабдувањето ќе биде во прекин од 08:30 часот, па до завршување со работните активности.

Неколку скопски улици останаа без вода

Ивана Ефремовски — Mon, 27 Feb 2023 10:01:46 +0000

На 27.02.2023, поради уличен дефект ф-100 мм на „Методија Андонов Ченто“ 11/13, прекинато водоснабдување ќе имаат корисниците на дел од ул. „Методија Андонов Ченто“, дел од „Алија Авдовиќ“, „Радован Ковачевиќ“, „Анри Барбис“ и „Томас Минцер“. Водоснабдувањето ќе биде прекинато од 11:00 часот до завршување со работните активности.