ултиматум не благодарам – Kurir.mk

ВО ЖИВО: Сенароден протест пред Собранието против францускиот предлог

Ивона Петрова — Thu, 14 Jul 2022 10:19:50 +0000

Со развеани македонски знамиња и свирежи за власта се одвива протестот пред Собранието кој започна точно напладне. Од „Ултиматум, не благодарам“ ги повикуваат граѓаните мирно и достоинствено да излезат на сенародниот протест против, како што велат, понижувачкиот предлог за Македонија. Граѓаните повторно велат „НЕ“ на францускиот предлог, кој денеска ќе се најде пред пратениците во рамки на седницата која е закажана за 13:30 часот. Половина час пред почетокот на оваа седница обраќање во законодавниот дом ќе има претседателката на Европската комисија Урсула фон дер Лајен.

ТОЧНО НАПЛАДНЕ: Сенароден протест пред Собранието

Ивона Петрова — Thu, 14 Jul 2022 05:32:56 +0000

За денеска точно напладне е закажан нов протест пред Собранието. Од „Ултиматум, не благодарам“ ги повикуваат граѓаните мирно и достоинствено да излезат на сенародниот протест против, како што велат, понижувачкиот предлог за Македонија. -Масовно да излеземе и да кажеме НЕ за предлогот кој се прифаќаат сите бугарски услови. Власта е должна да го слуша гласот на народот кој е против ваков ултиматум со кој се бугаризираат македонскиот идентитет, јазик и историја. Да излеземе и достоинствено да кажеме „Ултиматум – Не благодарам“, велат од „Ултиматум, не благодарам“. Инаку, денеска во 13:30 часот пред пратениците во Собранието ќе се најде францускиот предлог, а седницата беше закажана откако Владата до Парламентот испрати дел од документите поврзани со предлогот. Половина час пред почетокот на оваа седница обраќање во законодавниот дом ќе има претседателката на Европската комисија Урсула фон дер Лајен.

СЛЕДЕТЕ ГО ПРОТЕСТОТ ВО ЖИВО: „Да порачаме дека Македонија не е на продажба“

Ивана Ефремовски — Wed, 13 Jul 2022 15:59:48 +0000

Во предвечерието на расправата во Собранието за предлогот кој ја бугаризира Македонија да излеземе масовно, да протестираме мирно и достоинствено, велат од „Ултиматум НЕ благодарам“. -Пред владата во 19 часот, преку МНР до Собрание. Да порачаме дека Македонија не е на продажба, дека информацијата и да помине во Собранието, уставните измени не смеат да поминат. Ултиматум, НЕ благодарам! - порачуваат организаторите. Протестот можете да го следите живо на линкот во продолжение:

ВО 19 ЧАСОТ: Нов протест против францускиот предлог – Од Владата преку МНР до Собрание

Ивона Петрова — Tue, 12 Jul 2022 07:04:08 +0000

Го кријат протоколот затоа што со него се распродава Македонија. Полицијата пишува пријави против граѓани кои блокираат раскрсници. Владата врши предавство, а дефокусира со потпалување на етнички тензии, велат од „Ултиматум, не благодарам“. Зоран Дабиќ претседателот на македонскиот дипломатски синдикат кој се обрати пред Собранието и кажа дека предлогот е фијаско на дипломатијата на Бујар Османи, беше експресно суспендиран од работа по теркот на манирите во Северна Кореја. Како што е најавено и денеска протестот ќе започне во 19 часот од пред Владата. Протестниот марш ќе продолжи преку Мавровка до МНР, по што протестот ќе заврши пред Собранието. -Апелираме на мирно и достоинствено протестирање. Апел и до Оливер Спасовски и МВР да се откаже од создавање на тензии, и да обезбеди протоколи за достоинствено и мирно протестирање. Масовно и во голем број да покажеме дека одговорот на ултиматумот, ќе биде НЕ благодарам, се вели во повикот за денешниот протест.

ВО 13 ЧАСОТ: Блокади на четири места во Македонија, за недела закажан масовен протест

Ивона Петрова — Fri, 08 Jul 2022 05:43:10 +0000

Протестот против францускиот предлог продолжува и денеска со блокади на четири места во Македонија. Од 13 до 14 часот сообраќајот ќе биде блокиран во Скопје пред Владата, на магистралните патишта Штип-Велес, Струмица-Радовиш и Плетвар-Прилеп. -Повикуваме на масовност да кажеме НЕ на ултиматумот за бугаризација на Македонија, НЕ за бруталноста и полициските местенки, ДА за иднината на Македонија, соопштија неформалните организатори „Ултиматум – НЕ благодарам“. Утре, сабота, во знак на почит на сограѓаните муслимани кои чествуваат празник нема да има протести. Масовно протестирање е најавено за во недела со почеток во 19 часот пред Владата. Откако Владата вчера го достави предлогот во Собранието, лидерот на опозициската ВМРО-ДПМНЕ, Христијан Мицкоски при учеството на вчерашниот протестот против францускиот предлог порача дека нема да поддржат какви било уставни измени во контекст на исполнување на бугарските барања. -Македонската јавност да биде сигурна дека што и да се случува понатаму со ова национално предавство и катастрофа која што ја подготвува Владата на СДСМ и ДУИ, ВМРО ДПМНЕ во Парламентот тоа нема да го прифати. За тоа се потребни 80 пратеника, бидете сигурни дека ги немаат, изјави Мицкоски. Поради францускиот предлог изминатите шест дена се одржаа протести под мотото „Ултиматум, НЕ, благодарам“ пред Владата и Собранието, а синоќешните поминаа мирно и без инциденти.

„Нема отстапување од Македонија“: И денес протест „Ултиматум – НЕ благодарам“

Ивана Ефремовски — Thu, 07 Jul 2022 07:23:20 +0000

Нема враќање чекор назад. Нема отстапување од Македонија. Денес продолжуваме, масовно, мирно и гордо во 19:00 часот пред влада, преку министерство за правда каде ќе порачаме дека нема промена на Уставот за внес на Бугарите, затоа што Уставот не е Википедија, и ќе завршиме пред Собранието, информираат од „Ултиматум – НЕ благодарам“. „Нема полициска монтировка која ќе не уплаши. Нема меѓуетнички тензии, туку има заштита на криминал и предавство на Македонија против кое се бориме. Апелираме да не се наседне на полициските провокации. Ултиматум, не благодарам. Против асимилација и бугаризација. Излезете масовно. Македонија е нашата последна тврдина“ - се наведува во поканата за протест.

Петрушевска: Идентитетот е нешто за кое не се преговара, цел живот ни помина во уцени, притисоци и закани

Ивона Петрова — Wed, 06 Jul 2022 06:06:58 +0000

Актерката Весна Петрушевска се огласи на социјалните мрежи откако вчера присуствуваше на протестот против францускиот предлог. -Вечерва излегов на протест за да ви кажам дека македонскот јазик е тврдина, идентитетот е нешто за кое не се преговара. Ова е наша работа за сите нас. Цел живот ни помина во уцени, притисоци и закани. Зошто да потклекнеме и да дозволиме да ни менуваат историја, култура...велат не се секирајте"бетониран е јазикот". Па од бетон глава не кренавме! Сакаме да сме асимилирани, денационализирани и без историја? Да сме гости на сопствениот живот? Беше радикално вечерва и не поддржувам насилство, но народот е бесен и гневен. Жално и тажно за сите нас во што ни помина животот?, пишува Петрушевска на Фејсбук. Таа вчера имаше и обраќање на кое истакна дека општествена одговорност е секој културен работник, актер, музичар да дојде и да говори дека имаме само еден јазик, а тоа е македонскиот. Петрушевска нагласи дека никој нема право да преговара за македонскиот идентитет и македонскиот јазик бидејќи како што рече таа тоа е нашата тврдина.

ПРОТЕСТ ВО 19 ЧАСОТ: Од Влада преку МНР до Собрание, ова е денешната траса

Ивона Петрова — Tue, 05 Jul 2022 10:19:13 +0000

Денеска со почеток во 19 часот пред Владата граѓаните повторно ќе излезат на протест „Ултиматум – НЕ благодарам“ . Како што се најавува, протестот ќе започне пред Владата, а потоа ќе продолжи преку Министерството за надворешни работи до Собранието . Граѓаните и денеска масовно ќе се спротивстават на понижувачкиот предлог за Македонија со кој се прифаќаат сите бугарските услови. Веќе неколку дена голем број граѓани протестираат искажувајќи дека се против францускиот предлог.