ултиматум – Kurir.mk

Манасиевски: Ние младите нема НЕМО да стоиме на страна и да бидеме НЕМИ набљудувачи, ќе кажеме НЕ на францускиот предлог и пад на оваа ненародна влада

Ивана Ефремовски — Wed, 13 Jul 2022 19:00:29 +0000

„Низ историјата, Македонија постојано се борела за независна држава. Сите сакале да ја распарчат и да ја уништат. Секој сакал да зграби што поголем дел од Македонија. А, сега, некој одвнатре сака тоа да ни го земе! Да не порекне! ЕПА НЕМА ДА ВИ ДОЗВОЛИМЕ. Кирил и Методиј, Климент и Наум Охридски, Крсте Мисирков, Цар Самоил, Гоце Делчев, Браќата Миладиновци, Јане Сандански, Дамјан Груев, Питу Гули, Панко Брашнаров, Петре Пирузе, Чернодрински, Ченто, оставиле македонски печат на МАКЕДОНСКАТА историја и тоа никој не може да го смени. Биле, се и ќе бидат МАКЕДОНИЈА! Без нив, ништо од ова денес немаше да го имаме“, нагласи Валентин Манасиевски на денешниот протест насловен „Ултиматум, НЕ благодарам“.

Манасиевски посочи дека владата во Софија, е таа која денес го спори јазикот, идентитетот, а истите тие биле сојузници на фашистите.

„Истите тие кои сакаат да ни ја земат историјата, тие се бореа против нас пред повеќе од 50 години. Тие никогаш нема да бидат администратори. Тие сакаат да ја нема Македонија и да ја нема нашата историја, бидејќи сме трн во нивните очи! Нашата богата историја покажува колку е нивната слаба. Колку секогаш тие биле на погрешната страна“, рече Манасиевски.

Тој истакна дека Гоце Делчев рекол дека ослободувањето на Македонија се крие во внатрешното востание. Кој мисли инаку да се ослободи од Македонија, тој се лаже и себеси и другите. Затоа денес е потребно востание на умот, на разумот, на демократијата. Ова е историски момент – но за себе и на светот да му се покаже дека граѓаните не сме мали во умот, дека не се македончиња, туку горди Македонци.

„Ова не се протести само за просто отфрлање на францускиот предлог, ова се и ПРОТЕСТИ ЗА ПАД НА ОВАА АНТИМАКЕДОНСКА ВЛАДА!!! Какви Македонци се овие од Владата? Каков Македонец е Маричиќ? Каков Македонец е Османи? Каков Македонец е Ковачевски? Што направија тие истите за младите изминативе скоро шест години!? Освен срам, депресија, безпарица, преживување, зголемена младинска невработеност, зголемено иселување? Што направија!? НИШТО! Ама буквално ништо! Не можат да се пофалат со ниту една странска инвестиција! Ниту со нови работни места! Ниту со подобра иднина на младите! ОВИЕ СЕ НАЈГОЛЕМИТЕ НЕРАБОТНИЦИ И НАЈНЕСПОСОБНИ ЛУЃЕ ШТО МАКЕДОНИЈА ГИ ИМАЛА НЕКОГАШ“, нагласи Манасиевски.

Тој потсети дека пред неколку години, истата оваа власт, вети враќање на младите во Македонија! А, сега истите тие, ќе ги ОСТАВАТ МЛАДИТЕ БЕЗ СОПСТВЕНА ДРЖАВА! Како да не се исселуваат младите, кога го губат чувството на припадност кон својата држава поради националното обезличување што овие го приредуваат години наназад!

„Ние младите нема НЕМО да стоиме на страна и да бидеме НЕМИ набљудувачи. Активно ќе бидеме вклучени, да кажеме НЕ на францускиот предлог и пад на оваа ненародна влада! Ние младите ќе бидеме водачи на овие процеси! МЛАДИТЕ ЌЕ СИ ЈА ЗАШТИТАТ ДРЖАВАТА! ЗА ДА ИМАМЕ ПОДОБРА ИДНИНА! ТУКА ВО МАКЕДОНИЈА, КАКО МАКЕДОНЦИ, КОИ ГОВОРАТ МАКЕДОНСКИ ЈАЗИК! Затоа, ги повикувам сите млади да ни се приклучат и рамо до рамо да бидеме во првите редови“, потенцира Манасиевски.

„Браќа и сестри, во ова време невреме, кога сакаат да ни го одземат идентитетот, јазикот, достоинството, потребно ни е обединување. И леви и десни. И мажи и жени. И млади и стари. Македонци, Албанци, Турци, Роми, Власи, Срби, Бошњаци и сите останати. Сите треба да бидеме едни до други. Бидејќи тука сме родени и растени. Сме се образувале, заљубувале, играле, радувале, тажеле. Ова парче земја ни дало се што ни е потребно во животот. Е сега е време и ние да и вратиме на нашата татковина! Ние не сме ниту Грци, ниту Бугари! Ние сме горди Македонци и тоа така ќе остане! Не сакам моето дете да остане без држава! Не смееме да дозволиме нашите поколенија да бидат ништо друго освен горди Македонци! Сите заедно да упатиме јасна порака! Не за францускиот предлог! Не за бугарскиот предлог! Не за ултиматуми! Не за менување на историјата и учебниците! ЕДНО ГОЛЕМО ДА ЗА МАКЕДОНИЈА И МАКЕДОНСКИОТ НАРОД! ДА ЖИВЕЕ МАКЕДОНИЈА“, повика Манасиевски.

Момировски: Оставка според мене не е доволна, за ова предавство власта треба да одговара

Ивана Ефремовски — Wed, 13 Jul 2022 18:50:26 +0000

„Ни велат овие од преку пат овде и таму од „Илинденска“ дека било тешко и дека немало алтернатива. Вие знаете дека секогаш има алтернатива. Зарем Питу Гули имал алтернатива во 1903-тата. Зарем Гоце Делчев имал алтернатива? Зарем Михајло Апостолски имал алтернатива кога се борел со бугарските фашистички окупатори овде во Македонија? И точно една работа дека нема подобар предлог од овој што сега ни се нуди, но само додека е оваа Влада на власт, само дотогаш нема подобра алтернатива“, истакна Горан Момировски на денешниот протест насловен „Ултиматум, НЕ благодарам“.

Момировски додаде дека оставка според него не е доволна. Некој за ова предавство мора да одговара.

„Во македонската историја секогаш имало каколо во житото, сме го имале Коте од Руља, да не ги редам тие од постарата генерација, но сега имаме и Љубчо од Делчево, Зоран од Муртино, Стево од Автокоманда, Димитар од Куманово. Секогаш сме ги имале и секогаш сме ги победувале во историјата и сега ќе биде така“, рече Момировски.

Момировски посочи дека предавниците сакаат да ја уништат Македонија со штетни договори.

„Предавниците, тие се тие кои што мораат да одговараат еден ден“, нагласи Момировски.

Тој запраша зошто власта го крие Протоколот од македонската јавност.

„Власта го крие Протоколот затоа што знае дека во него се поништува македонската нација. И од власта знаат дека за тоа нема да им простиме никогаш! За кого се бориме ние овде и сите што се со нас? Не за нас лично, туку за Македонија се бориме“, потенцира Момировски.

Момировски посочи дека денес пратеничката на СДСМ рече дека македонската посебност не е засебна. Дури пратеничката посочи дури дека македонскиот јазик, македонската култура и идентитет не е засебно.

„Пратеничката на СДСМ денес рече дека македонската особеност не е засебна. Па има ли некој да провери дали тие луѓе внатре имаат деловна способност? И никој од власта не се извини да каже извинете грешка направена, гаф направен. Не, затоа што стојат зад тоа, затоа што нивните дела и нивните зборови докажуваат дека нашиот страв и недоверба се оправдани. Го видовме тоа во неколку наврати претходно“, рече Момировски.

Тој нагласи дека поради предавствата на власта граѓаните имаат право да немаат доверба токму во Владата. Од власта немаат никакво чувство на одговорност.

Ратајковски: Да им кажеме НЕ за обезличена Македонија, власта да го послуша сопствениот народ, доста е со заткулисни преговарања

Ивана Ефремовски — Tue, 12 Jul 2022 18:48:02 +0000

Тука на ова место треба најгласно да одекне македонскиот крик, македонскиот непокор, овде пред оваа зграда каде што тие во оваа зграда треба да го чујат гласот од Македонија, изјави Диме Ратајковски, новинар и историчар на денешниот протест „Ултиматум – не благодарам“. Ратајковски истакна дека тука во Собранието почива гласот на македонското минато и сега некој треба да направи заверка на не наша, туку туѓа историја. - Тука лежи гласот на македонската вистина на улиците и барикадите. Вие избраници таму чујте го овој глас затоа што тој ви порачува дека нашата вера е силна, а нашиот пат јасен. Ние народот без разлика на кој етникум припаѓаме ние сме господари на својата судбина и одлучуваме за својата иднина и поинаку не смее да биде, рече тој. Ратајковски и порача на власта дека вистинските демократски вредности го налагаат тоа, се што е спротивно од гласот на народот е рамно на тиранија и режим и хунта и го повика македонскиот народ да каже НЕ за тоа што власта се обидува да го направи. -Да кажеме едно големо НЕ на лагите кои ги слушаме со години, да кажеме НЕ за манипулациите, да кажеме НЕ за кукавичлукот кој ни го сервираат, да кажеме НЕ за обезличена Македонија Гласно да им порачаме Стево Пендаровски, доста е, Димитар Ковачевски, доста е , Бујар Османи доста е, Бојан Маричиќ доста е. Ова што го правите не е демократски не е европски. Послушајте го сопствениот народ, рече Ратајковски. Тој додаде дека жално е што не се научило од историјата и сме осудени да ни се повторува. - Оставете ги историјата и јазикот настрана, на историчарите и лингвистите, под политички диктат не пишувајте историја. Понастрана од заткулисни преговарања, истакна Ратајковски.

ФОТОГАЛЕРИЈА: Народот сплотен да ја одбрани Македонија од неправдите – порака на граѓаните е “НЕ“ за ултиматум

Ивана Ефремовски — Tue, 12 Jul 2022 18:37:38 +0000

Под мотото „Ултиматум, не благодарам“ вечерва во Скопје продолжија протестите против францускиот предлог. Илјадници граѓани по деветти пат излегоа на протест да го кренат својот глас против неправдата која се сервира пред Македонија. Се пееја македонски песни, се вееја македонски знамиња, народот покажа сплотеност и решителност. Рамо до рамо со останатите граѓани беа и низа политичари од опозицијата - лидерот на ВМРО-ДПМНЕ Христијан Мицкоски, потпретседателите на партијата, градоначалници, пратеници... Фотогалеријата од протестот погледнете ја во продолжение: ж

Младите оставија моќна порака пред МНР: Македонија НЕ е на продажба! (ФОТО)

Ивана Ефремовски — Tue, 12 Jul 2022 17:57:25 +0000

Народот и денес масовно излезе на протест да го крене својот глас против ултиматумот пред кој е ставена Македонија и за истиот да порачаат „НЕ, благодарам“. Протестантите тргнаа од Влада до Собрание, а на средината на трасата застанаа и пред објектот на Министерството за надворешни работи. Таму група млади лица оставија моќна порака, која ќе остане на улицата пред МНР да биде сведок на ставот на македонските граѓани. Пораката е едноставна, а многу важна: „МАКЕДОНИЈА НЕ Е НА ПРОДАЖБА“!

СЛЕДЕТЕ ГО ПРОТЕСТОТ ВО ЖИВО: „Го кријат протоколот затоа што со него се распродава Македонија“

Ивана Ефремовски — Tue, 12 Jul 2022 15:54:37 +0000

Го кријат протоколот затоа што со него се распродава Македонија. Полицијата пишува пријави против граѓани кои блокираат раскрсници. Владата врши предавство, а дефокусира со потпалување на етнички тензии, велат од „Ултиматум, не благодарам“. Како што е најавено и денеска протестот ќе започне во 19 часот од пред Владата. Протестниот марш ќе продолжи преку Мавровка до МНР, по што протестот ќе заврши пред Собранието. -Апелираме на мирно и достоинствено протестирање. Апел и до Оливер Спасовски и МВР да се откаже од создавање на тензии, и да обезбеди протоколи за достоинствено и мирно протестирање. Масовно и во голем број да покажеме дека одговорот на ултиматумот, ќе биде НЕ благодарам, се вели во повикот за денешниот протест. Протестот можете да го следите во живо на линкот во продолжение:

ФОТОГАЛЕРИЈА: Македонскиот народ на нозе, не прифаќа УЛТИМАТУМ и бара оставки

Ивана Ефремовски — Mon, 11 Jul 2022 18:51:49 +0000

Со транспаренти „Ултиматиум, не благодарам“ и „Сепак, ние ќе победиме“, учесниците на протестот и денес излегоа на улица. Се пееја македонски песни, се вееја македонски знамиња, народот покажа дека е на нозе против францускиот предлог. Тргнаа од Владата, а пред да дојдат пред Собранието, граѓаните поминаа покрај Министерството за правда каде скандираа „оставка“. Беше забележано и големо полициско присуство, но протестите беа мирни и достоинствени. Вечерва осми ден под мотото „Ултиматум, не благодарам“ продолжија протестите против францускиот предлог. Фотогалеријата од денешните протести погледнете ја во продолжение:

Атанасовски: НЕ за разнебитување на Македонија, НЕ за заборав на македонскиот народ и НЕ за македонскиот јазик да биде некаков си дијалект

Ивана Ефремовски — Mon, 11 Jul 2022 18:24:14 +0000

НЕ за разнебитување на Македонија, НЕ за заборав на македонскиот народ, НЕ за македонскиот јазик да биде некаков си дијалект затоа што сме посебни од памти век па до ден денеска говориме на македонски јазик и така ќе остане, изјави Димитар Атанасовски на денешниот протест насловен „Ултиматум НЕ, благодарам“. Атанасовски повика на обединување, на национално обединување на сите граѓани на Република Македонија: „Но, не само на граѓаните кои живеат овде туку и на сите Македонци во целиот свет кои ги засега оваа тематика. Освен Македонците ги повикувам и Албанците, Турците, Бошњаците, Србите, Власите, Ромите и сите кои им значи Македонија“. -Повикувам да излеземе во што поголем број и да кажеме не, не заради тоа што сега или никогаш е дојдена работата. Не смееме да поминеме преку ова, не смееме да дозволиме историјата да не пишува како хибридна нација затоа што не сме такви, затоа што Македонци сме се родиле и Македонци се и нашите деца и сите идни поколенија, рече Атанасовски. Атанасовски замоли секој ден во 19:00 на протест затоа што гласот на македонскиот народ е најважен и тој е гласот којшто ќе победи. „Ги повикувам сите граѓани кои не можат да дојдат овде во Скопје да го изразат својот револт да се соберат во секој град и во секое село што помасовно за да кажеме дека ова е важно за цела Македонија“, кажа Атанасовски.

СЛЕДЕТЕ ВО ЖИВО: Народот на протест кажува НЕ за ултиматумот

Ивана Ефремовски — Mon, 11 Jul 2022 15:57:16 +0000

Време е да се обединиме под македонското знаме. Ги повикуваме граѓаните денес помасовно и побројно против отворената бугаризација и асимилација, велат организаторите на протестите под мото „Ултиматум НЕ благодарам“. „Продолжуваме со протесниот марш во 19 часот пред Влада, преку министерство за правда, па се до Собранието. Масовно, мирно и достоинствено да протестираме, народот да е последната брана против нечесната игра која ќе направи насилна бугаризација на народот и Македонија. Да кажеме НЕ на Ултиматумот“ – посочуваат тие. Протестот можете да го следите во живо на линкот во продолжение:

„Време е да се обединиме под македонското знаме“: Протест од Влада до Собрание

Ивана Ефремовски — Mon, 11 Jul 2022 14:49:25 +0000

„Продолжуваме со протесниот марш во 19 часот пред Влада, преку министерство за правда, па се до Собранието.

Масовно, мирно и достоинствено да протестираме, народот да е последната брана против нечесната игра која ќе направи насилна бугаризација на народот и Македонија.

Да кажеме НЕ на Ултиматумот“ - посочуваат тие.