уметнички слики – Kurir.mk

Во Тетово ќе се продаваат уметнички слики, средствата наменети за лицата со посебни потреби

Тале Кристо — Tue, 27 Jun 2023 13:53:06 +0000

Во Тетово се организира хуманитарен настан за продажба на уметнички слики, а собраните средства ќе се дадат на лицата со посебни потреби. Настанот го организираат Здружение за церебрална парализа Тетово и ликовните уметници. Уметничките слики ќе бидат изложени и ќе има аукција за нивна продажба во кафе-клубот „Вајб“ (Vibe) кај Стара градинка утре, среда 26 јуни 2023 година со почеток од 20 часот. -Ја иницирав оваа аукција во соработка со Здружението за церебрална парализа Тетово со хуманитарен карактер за да се помогне на лицата со посебни потреби. Мислам дека секој од нас треба да им помогне на овие луѓе затоа што што промените треба да почнат од секој од нас, за да имаме едно подобро општество за сите. Секој добронамерен, особено општествено одговорни компаниите што се од Тетово, треба да бидат дел од овој настан и да се помогне на овие лица затоа што и како им треба нашата помош и поддршка, информира уметникот Славчо Максимовски. Музички гости се Трио Шербет кои ќе настапат во клубот. Вакви добротворни аукции Максимовски има реализирано во Велес и Битола.

Изложба во најава: Уметнички слики за модерен дом

Super Admin — Wed, 02 Nov 2022 09:33:41 +0000

Изложбата „Rejuvenation“ на Моника Ризовска е уште една можност да се запознаеме со новите дела на оваа уметница која секоја година на своите изложби успева да долови разнолик колорит совршен за секој модерен и современ дом. Нејзините дела се со богата префинета ликовна имагинација и како таква пренесуваат позитивна енергија, емоции, соништа, замисли и копнежи. „Rejuvenation“ изложбата е од отворен карактер, а ќе биде отворена на 11ти ноември од 20ч. во Концепт 37. Оваа изложба ќе биде прикажана и на апликацијата InRoomPreview, преку која посетителите визуелно ќе можат да видат како ќе изгледа сликата во нивниот дом или просторот каде ќе сакаат да ја постават. Ќе бидат изложени над 40 слики со комбинирана техника од масло на платно и акрил. Овие дела се сублимат од инспирацијата од секојдневието, притоа осврнуваат акцент на вибрантна, енергична свежина и спокој преку тиркизните, розевите и жолтите бои, а некои од сликите имаат и дополнителна функционалност со додаток на внатрешна амбиентална светлина. Повеќе за делата на Моника Ризовска може да погледнете на инстаграм профилот и нејзината FB страна.

Одреден притвор за приведениот крадец на уметнички слики – дел од одземеното вратено на сопственикот

Магдалена Андонова — Fri, 01 Jul 2022 07:52:08 +0000

На 29.06.2022 на подрачјето на Центар полициски службеници од Полициска станица Центар го лишиле од слобода Е.Д.(33) од Скопје. За него била издадена локална потерница, поради постоење основано сомнение дека сторил две тешки кражби на уметнички слики од книжарница на ул.„Ѓуро Стругар“ во Скопје, извршени на 26 и 27.06.2022 година. Дел од украдените уметнички слики се пронајдени и вратени на сопственикот. Е.Д. е задржан во Полициска станица Центар и во координација со Јавен обвинител против него е поднесена кривична пријава за сторено кривично дело „тешка кражба“, казниво по член 236 од Кривичниот законик, а од страна на судија на претходна постапка одредена му е мерка притвор.

Несекојдневна кражба: Украдени 16 ретки дела на Павле Кузманоски

Магдалена Андонова — Mon, 27 Jun 2022 16:41:53 +0000

Два дена по отварањето на изложбата на слики во Мултимедијалниот културен центар Матица Ексклузив од уметникот Павле Кузманоски, украдени се 16 негови ретки дела во маслена техника, пастели, акварели и цртежи во туш на тема урбани пејсажи создадени во последните 60 години. – По големата кражба во седумдесетите години на минатиот век на делото на Пикасо од Музејот на современа уметност во Македонија, денес сме сведоци на кражба и на исклучително вредни уметнички дела од нашиот голем сликар, наведуваат од Матица Ексклузив.

Украдени уметнички слики од канцеларијата на поранешниот германски канцелар Герхард Шредер

Тале Кристо — Fri, 27 May 2022 14:29:14 +0000

Поранешниот германски канцелар Герхард Шредер, кој во изминатите недели беше постојано во фокусот на медиумите поради останувањето на функцијата во руска компанија, сега стана мета на кражба. Пет уметнички слики од приватниот имот на Шредер исчезнаа од зградата на германскиот Бундестаг, каде тој има канцеларии. Украидени се дела на уметникот Увер Бремер и еден неименуван кинески уметник. Тие уметнички дела цели 16 години го красат јавно достапниот простор пред канцеларијата на Шредер, пишува магазинот „Стерн“. Бундестагот го потврди исчезнувањето на сликите, како и дека Шредер во понеделникот поднел кривична пријава против непознати лица. Од Бундестагот посочуваат дека ваквите кражби се невообичаени во нивните згради.