уметничко лизгање – Kurir.mk

ВИДЕО: Златен медал за Суи и Хан во уметничко лизгање – спортски двојки

Ивона Петрова — Sat, 19 Feb 2022 14:48:16 +0000

Кинеската спортска двојка Венјинг Суи и Конг Хан го освои златниот медал на Олимписките игри во Пекинг. Ова е второ злато за Кина на зимските Олимпијада во оваа дисциплина. Суи и Хан со резултат 239,88 бодови, зад себе оставија три руски двојки. Евгенија Тарасова и Владимир Морзов го освоија среброто со 239,25 поени, додека трети беа Анастасија Мишина и Александар Галијамов со 237,71 освоен бод. За Кина ова е деветти златен медал по што изби на третата позиција во поредокот на најуспешните земји на 24. Зимски олимписки игри. До крајот на ЗОИ 2022 во уметничко лизгање останува уште Гала вечерта закажана за утре, последниот ден од натпреварувањето.

ВИДЕО: Камила Валиева (15) испиша историја, изведе „невозможен“ скок за олимписко злато

Ивона Петрова — Tue, 08 Feb 2022 06:53:51 +0000

Руската репрезентација се закити со најсјајното одличје на тимското натпреварување во уметничко лизгање, за тоа најзаслужна е тинејџерката Камила Валиева која има само 15 години и е веќе потврдена како екстра квалитет во овој спорт. Валиева е првата во уметничко лизгање во историјата што извела четирискок на Олимписки игри. Оваа фигура таа успеа да ја направи два пати при својот настап.

Поранешeн француски селектор во уметничко лизгање обвинет за полов напад

Дарко Андоновски — Fri, 08 Jan 2021 20:40:28 +0000

Повеќемесечната истрага против поранешниот француски селектор во уметничко лизгање Жил Бејер резултираше денеска со обвинение за „полов напад“ и „сексуално вознемирување“. Истрагата се водеше од минатиот февруари, на барање на француското Министерство за спорт, откако десеткратната француска шампионка во уметничко лизгање Сара Абитбол објави книга во која тврди дека 64-годишниот Бејер повеќе пати ја силувал во периодот од 1990 до 1992 година, додека била тинејџерка. Бејер, кој во текот на истрагата призна дека имал „интимни“ и „недолични“ односи со Абитбол, беше приведен во средата, а судот денеска подигна обвинение против него за „полов напад и сексуално вознемирување од страна на службено лице“. Аферата доведе до оставка минатата година на долгогодишниот претседател на француската Федерација во уметничко лизгање Дидие Гајаг.

Трет национален и меѓународен натпревар во уметничко лизгање „Скопје на мраз 2019“

Дарко Андоновски — Sun, 24 Feb 2019 12:43:42 +0000

Во спортскиот центар „Борис Трајковски“ во Скопје изминатите два дена се одржа третиот национален и меѓународен натпревар во уметничко лизгање „Скопје на мраз 2019“ на кој настапија вкупно 73 натпреварувачки од земјава и регионот. На државното првенство, кое се одржа во рамките на натпреварот, највисоко на пиедесталот се искачија Нина Стрезовска во категорија на сениорки, Јана Куковска во младинки и Ангела Прилепчанска во категоријата на јуниорки. Во интерпретативни категории најдобри на мразот беа гостите од Србија Милица Круниќ, Ана Радуловиќ и Анита Ковач. „Скопје на мраз“ е во организација на Федерацијата на лизгачки спортови на Македонија и има за цел популаризирање на овој спорт и поттикнување што е можно повеќе млади да се занимаваат со уметничко лизгање.Овогодинешното издание е поддржано од Агенцијата за млади и спорт, како и повеќе приватни компании. Од федерацијата апелираат дека е неопходно да се создадат подобри услови за практикување на овој спорт пред сè преку изградба на затворено лизгалиште. аа/бак/

Уметничкото лизгање никогаш не било толку секси

Ристе Здравков — Tue, 29 Jan 2019 21:25:15 +0000

Лизгачката Александра Степанова, која го освои сребрениот медал на Европскиот шампионат во уметничко лизгање 2019 во Минск со нејзиниот партнер Иван Букин, исто така ги одушеви обожавателите со фантастичната изведба. Но, причината зошто во арената светкаа толку многу блицови од камери и мобилни телефони не беше незаборавната изведба, туку модниот избор на Степанова. Лизгачката ги покажа затегнатите облини во целосен припиен костим во црна боја, изработен од многу провиден материјал и изгледаше заносно на мразот во арената во Минск. Степанова и Букин раскажаа страстна љубовна приказна на романтичната мелодија, па фановите веднаш реагираа дека ниедна двојка во уметничко лизгање не изгледала толку секси и заводливо досега. Самата изведба беше смела и впечатлива, но под светлата во арената, провидниот костим на Степанова беше она што ќе остане запаметено. Корисниците на социјалните мрежи главно беа одушевени, со коментари дека „уметничкото лизгање никогаш не било толку секси“, но некои беа разочарани и рекоа дека изборот на костим е „невкусен“ и дека Степанова изгледала „полугола“.

Започна со уметничкото лизгање, а потоа почна да се соблекува: Сите подзинаа на овој вистински стриптиз на мраз (ВИДЕО)

Ивана Ефремовски — Sat, 19 Jan 2019 19:26:47 +0000

Уметничкото лизгање отсекогаш го привлекувало вниманието на публиката ширум светот, но во последно време се чини како овој спорт да е запоставен. Меѓутоа, една лизгачка одлучила да го врати на голема сцена со нејзиниот интересен настап. Иако многумина процениле дека ваквата точка не била пристојна за на мраз, публиката со воодушевување го следела овој настап. Една од најдобрите уметнички лизгачки на денешницата, Елизавета Туктамишева направила мал скандал, одигрувајќи сцена во која на прилично експлицитен начин почнала да се соблекува. Во секој случај, настапот бил проследен со овации, а машкиот дел од публиката веројатно ќе започне да го следи овој спорт кој досега не му паднало напамет да го погледне.

Олимпиец во уметничко лизгање убиен при обид за грабеж

Ивона Петрова — Thu, 19 Jul 2018 18:58:11 +0000

Казахстанскиот олимпиец, Денис Тен, кој на зимските олимписки игри во Сочи во 2014 година го освои бронзениот медал во уметничко лизгање, денеска бил убиен при обид за грабеж во Алмати. Како што соопштија локалните власти, 25-годишниот Тен неколкупати бил избоден додека се обидувал да спречи две лица, кои краделе делови од неговиот автомобил. Тој бил пренесен во болница со неколку убодни рани во пределот на слабината, но по неколку часа им подлегнал на повредите. Освен бронзениот медел од Сочи, Тен го освои среброто на Светското првeнство во уметничко лизгање во 2013 година во Лондон, како и бронзен медал од Мундијалот во 2015 година во Шангај. МИА

Таа е кралица на мразот: Феноменалниот настап на 15-годишната Русинка (ВИДЕО)

Ивана Ефремовски — Thu, 22 Feb 2018 09:17:51 +0000

Алина Загитова доминира на мразот на ЗОИ. 15-годишната Русинка со рекорден број поени застана на врвот на табелата по завршувањето на настапите во рамките на кратката програма. Судиите, публиката, па дури и нејзините конкуренти на мразот беа воодушевени од она што го направи ова девојче. Светските медиуми ја нарекоа „Кралица на мразот“. Жирито и даде оцена од 82,92 бодови со што го собори светскиот рекорд кој десет минути пред настапот на Загитова го постави нејзината сонародничка Јевгенија Медведева (81,61). -Задоволна сум што сите елементи ги изведов како што треба, но ова не е моето најдобро издание, мислам дека можам подобро, нагласи 15-годишната олимпијка.

ВИДЕО: Непријатност на мразот, и се скина костимот за време на настап

Ивона Петрова — Mon, 19 Feb 2018 17:09:06 +0000

Француската лизгачка Габриела Пападакис доживеа голема непријатност кога за време на настапот со нејзиниот партнер Гијом Сизерон и се скина костимот, но и покрај тоа успеа да ја заврши точката. Француската двојка заврши на второто место и утре ќе се натпреваруваат во конкуренција за олимписки медал. - Веднаш почувствував штом се случи тоа. Тоа навистина е голем проблем, но си велев дека морам да продолжам. Ние двајцата на крајот имавме одличен настап, на кој можеме да бидеме горди без разлика на тоа што се случи, изјави Пападакис по настапот. На ЗОИ во Пјонгчанг сличен ваков проблем имаше и корејската лизгачка Јури Мин.

Ја изведоа „Спиралата на смртта“ и ги оставија сите без здив (ВИДЕО)

Ивана Ефремовски — Thu, 15 Feb 2018 13:12:05 +0000

Риом Тае-Ок и Ким Џу-Сик се младиот пар на двојки од Северна Кореја, кои на Зимските олимписки игри во Пјонгјанг предизвикаа бурни реакции и се прославија на веб-страниците. Нивниот прв олимписки настап ја „наелектризира“ публиката, танцувајќи со инструменталната обработка на песната „A Day in the Life“ и забележаа личен рекорд со вкупен резултат од 69,40. По нивниот настап, севернокорејските навивачи паднаа во транс, а слатката двојка го освои второто место на табелата. Додека арената се тресеше од аплаузи, самодовербата на двојката, коментаторите ја препишуваат на бронзениот медал што го освои на Шампионатот на четирите континенти на уметничко лизгање, кој се одржа минатиот месец во Тајван. И покрај тоа што Риом и Ким се омилени спортисти во нивната родна Северна Кореја, тие, исто така, ја одушевија публиката со клучното движење, спектакуларната „спирала на смртта“. Нивниот канадски тренер, Бруно Марко, чија сестра Џули ја смисли кореографијата за ЗОИ, вели дека двојката има извонредно движење, елегантно и класично и дека нивната синхронизација и експресивност се најсилната точка за кај публиката да разбуди „неверојатни емоции“.