уметници – Kurir.mk

Уметници насликани на мурал во Кавадарци за 30 години независност на државата

Магдалена Андонова — Wed, 06 Oct 2021 10:59:42 +0000

Чемерски, Бадев и уште петмина други уметници се насликани на мурал во строгиот центар на Кавадарци. Покрај ликовниот уметник Глигор Чемерски и доајенот на македонската народна песна, Никола Бадев, на муралот во центарот на градот се претставени и ликовните уметници Петар Мазев и Симон Шемов, музичките уметници Васил и Зафир Хаџиманов, како и публицистот Иван Мазов-Климе. Автори на муралот се уметниците Никола Иваноски и Симона Манчева. -Проектот е финансиран од Владата и е спроведен во соработка на Фрагмент Комуникации, Студио КР7 и КСП ПОДИУМ – ЈАДРО Кавадарци, рече Манчева, појаснувајќи за МИА дека Кавадарци е дел од поголемиот проект, во кој, со вакви мурали на кои се претставени истакнати културни дејци, се одбележува 30 години од независноста на државата. Проектот е насловен „Градиме култура, сликаме култура – мурали за 30 години независност”. -Темата на муралот е, дејноста и делата на истакнати домашни дејци и автори во сферата на творештвото, културата, уметноста, литературата,музиката, образованието, спортот и други истакнати личности кои имаат директен придонес во развојот на државата, или придонеле во создавањето или во зачувувањето на културното наследство, додаде Манчева. Муралот се уште е во изработка. -Овој мурал зборува за значајноста на кавадаречките дејци на македонската и интернационалната културна сцена и за потребната соработка и комуникација меѓу уметниците, рече Манчева. Тој веќе го краси ѕидот на зградата, во која, меѓу другото, се сместени Домот на културата „Иван Мазов-Климе“ и библиотеката „Феткин”. (МИА)

Намален бројот на ликовни уметности и уметници

Магдалена Андонова — Fri, 28 May 2021 13:10:05 +0000

Според податоците на Државниот завод за статистика, во изминатата година, бројот на организирани ликовни изложби изнесува 314 и во споредба со 2019 година е намален за 41,7 отсто. Дополнително во истиот период, за 44,1 отсто е намален и бројот на ликовните уметници учесници на изложбите, исто така за 76,3 проценти е намален и бројот на посетителите на ликовните изложби. Во 2020 година се организирани 18 ликовни колонии, а бројот на учесниците, во споредба со 2019 година, е намален за 32,3 отсто. (МИА)

Уметниците едвај преживуваат, бараат да бидат дел од петтиот пакет мерки

Магдалена Андонова — Sat, 16 Jan 2021 17:10:46 +0000

Естрадните уметници бараат да бидат вклучени и во петтиот пакет мерки за полесно да го пребродат пустошот што позади себе го остави корона кризата. Иако најзасегнати, велат по десет месеци државата конечно се сети на нив, па пред новогодишните празници на сметка им легнаа две бруто минимални плати. Објаснуваат дека помошта што ја добија е доволна само да се платат давачките кон државата, но не и да се преживее, пренесува Алфа.мк Помош од државата за прв пат во овие десет месеци добивме пред Нова година на 29 или 30декември на сметките ни легнаа, две бруто минимални плати. Но сите не зедоа.ваква помош добија дел од музичарите кои се членови на Асоцијацијата на естрадни уметници, односно околу една третина од музичарите кои се занимаваат со музика„-изјави Јорданчо Тонев, музичар. Целата објава може да ја погледнете на АЛФА

Уметниците со месеци не земале плата- актерката Жугиќ со прашање до колегите: Ќе излеземе ли на 1 септември на протест? (ФОТО)

Дарко Андоновски — Wed, 26 Aug 2020 19:24:39 +0000

Актерката Јелена Жугиќ преку статус на Фејсбук денеска пишува дека колегите уметници немаат земено плата веќе со месеци. -Колеги културњаци, плата??? Ќе искачаме на први септември пред Министерство за култура или ќе чекаме ноември?, прашува Жугиќ преку статус на Фејсбук. Инаку додека уметниците во оваа земја се на удар на оваа власт, во Собранието мнозинството предводено од СДСМ вчера изгласа дури пет потпретседатели на истото кои ќе добиваат дополнителни приходи и до 20 илјади денари месечно плус останати трошоци.

Протест на грчките уметници во Атина

Тале Кристо — Thu, 07 May 2020 13:11:56 +0000

Под мотото „Носиме маски, но не молчиме“, пејачи, музичари, уметници, актери, писатели, кореографи од Грција, односно сите оние чија професија е поврзана со уметноста, во рамките на движењето „Support Art Workers“ одржаа мирен протест пред грчкиот Парламент, барајќи поддршка од државата, јави дописничката на МИА од Атина. Со паноа, маски и пораките „Културата не се замолчува“, „Уметноста не сака жртвување, не е хоби, тоа е работа“; „Културата се спасува, кога се спасуваат луѓето“, уметниците, меѓу другото бараат да бидат вклучени во владината програма за поддршка на вработените кои во периодот на кризата со Ковид-19, поради затворените бизниси и компании принудно останаа дома.

Изложба на уметници од Општина Илинден

Ивона Петрова — Tue, 04 Dec 2018 08:42:01 +0000

Во Домот на култура „Илинден” утре со почетокот од 12 часот ќе биде отворена изложба на дела на уметниците од Општина Илинден. Ова е трета ваква изложба што се реализира во организација на Општина Илинден, на која се претставуваат уметниците од Општина Илинден“ кои професионално или аматерски се занимаваат со сликарство, вајарство, копаничарство... За време на ова традиционална изложба што секоја година се одржува во пресрет на Новогодишните и Божикните празници специјална жири комисија ќе избере две најдобри дела, за чии автори како награда следува самостојна изложба во Домот на култура „Илинден“.