Поради овие грешки кои сами ги правите, постојано сте уморни!

Ивана Ефремовски — Sun, 01 Aug 2021 16:25:07 +0000

Многу нешта влијаат врз квалитетот на животот, но еден од најважните фактори е спиењето. Доколку преку ноќ често се будите, спиете лошо, веројатно во текот на денот ќе се чувствувате изморени и тоа многу ќе влијае на вашата „функционалност“. Доколку, пак, трае подолго време, тоа се претвора во хроничен проблем во спиењето. Оливија Арезоло, експерт за сонот, ги открила најчестите грешки кои ги прават луѓето, и кои имаат негативно влијание врз квалитетот на сонот. Вклучени светла до доцните ноќни часови Иако многумина ги обвинуваат мобилните телефони за проблемите со спиењето, и собната светлина може да биде подеднакво штетна. Истражувањата покажуваат дека светилките во собата можат да го намалат лачењето на мелатонин (хормонот на будноста и спиењето) и може да доведе до кратко и недоволно спиење, истакнува докторката. Таа препорачува, 90 минути пред да си легнете, да ги затемните светлата во собата, така што вашето тело ќе добие сигнал дека е време да се опушти. Одложување на станувањето За многумина е едноставно неодоливо наутро да го одложуваат будилникот по неколкупати. Д-р Арезоло советува да не го правите тоа. Научниците од Универзитетот во Калифорнија докажаа дека токму поради оваа навика станувате тромави, мрзливи и се чувствувате како воопшто да не спиете, вели таа. Топол туш пред спиење Иако топлиот туш ги опушта мускулите, тоа исто така ја зголемува и температурата на телото што го прави потешко заспивањето и го спречува обновувањето енергија за вашето тело за следниот ден, предупредува таа. Доколку сепак, сакате да се опуштите со топол туш, правете го тоа најмалку еден час пред да одите в кревет, или пак наутро. Работење до доцна во ноќта При продолжена работа мозокот се одржува во активна состојба, и притоа вам ќе ви треба повеќе време за да се наспиете. Ова може да влијае на квалитетот и должината на спиењето, но и му штети на вашиот мозок кој можеби нема да има можност да се одмори до следното утро, додава таа. Претерувате со алкохол Сите истражувања за нарушувања на спиењето, посочуваат дека прекумерното консумирање алкохол влијае негативно на сонот. Тоа воопшто не е за изненадување, бидејќи главната состојка во алкохолот е шеќерот кој го стимулира телото и влијае врз нас слично како кофеинот, објаснува експертот советувајќи да не се пие алкохол најмалку три часа пред легнување.

Ова ве измачува и мора да превземете нешто: Ако постојано се чувствувате уморно, дознајте зошто!

Ивана Ефремовски — Fri, 17 May 2019 18:46:35 +0000

Отидовте на спиење на време, не сте се буделе во текот на ноќта… И повторно се разбудивте како да ве тепале цела ноќ? Овие фактори се честа причина за необјаснив замор: Неуреден работен простор Два збора: ментална исцрпеност. Што повеќе предмети имате во видното поле (куп документи и папки на вашата работна маса на работа, хаос во кујната, затрупани валкани садови…), тоа за вашиот мозок е потешко да го филтрира она што е важно и да се фокусира. Резултат? Ќе бидете мртви уморни многу брзо. Не јадете редовно Ако јадете во правилен временски интервал во текот на денот (не го одложувајте ручекот за да ја завршите работата, не го прескокнувајте доручекот бидејќи доцните на работа), нивото на енергија ќе ви биде стабилна во текот на денот и ќе бидете помалку уморни. Ако сте во брзање, јадете барем малку овошје, неколку бадеми и банани се добар избор. Во текот на денот, две, три коцки црно чоколадо и јаболко ќе ви помогнат да иструркате до ручек. Не сте физички активни Не морате да вежбате со часови, но дваесет минути лесни вежби наутро или прошетка со побрзо одење до работа ќе ви помогнат да се чувствувате подобро и да имате повеќе енергија до крајот на денот. Ви фали железо Ако не внесувате доволно железо, многу брзо ќе почувствувате последици како што се слаба концентрација, замор, нервоза. Железото е многу важно за функционирањето на организмот бидејќи без него црвените крвни клетки не би можеле да пренесат кислород таму каде што е потребно. Бидејќи нашето тело не произведува железо, морате да го внесувате секојдневно, преку храната што ја консумирате. Јадете доволно темнозелен зеленчук, јајца, безмасно месо, ореви, во комбинација со цитрусно овошје и зеленчук кои го содржат витаминот Ц, кој ја подобрува апсорпцијата на железото. Премногу спиете Ова може да звучи чудно, но, ако сте постојано уморни, а генерално добро спиете, можеби би требало да се обидете да спиете помалку, односно да станувате порано. Квалитет на сон, а не на квантитетот, е тоа е она што е важно. Луѓето кои спијат повеќе од девет часови ноќе, подложни се на болести како и оние кои страдаат од несоница.

уморни луѓе – Kurir.mk

Поради овие грешки кои сами ги правите, постојано сте уморни!

Ова ве измачува и мора да превземете нешто: Ако постојано се чувствувате уморно, дознајте зошто!