умрени – Kurir.mk

Природниот прираст негативен и покрај тоа што има повеќе родени а помалку умрени

Магдалена Андонова — Fri, 25 Feb 2022 13:53:03 +0000

Во четвртото тримесечје лани, во земјава се евидентирани 5 015 живородени деца, што е зглемување од 12,4 отсто во споредба со истиот период од претходната година, соопшти Државниот завод за статистика. Бројот на умрените лица во четвртото тримесечје од 2021 година е 7 186, од кои 34 се умрени новороденчиња и бележи намалување од 23,9 % во споредба со истото тримесечје од 2020. Природниот прираст е -2 171, односно за толку лица е помал бројот на живородените деца од бројот на умрените лица. Бројот на склучените бракови во ова тримесечје од годината е намален за 3,5 отсто во однос на истиот период во 2020 година, односно склучени се 2 707 бракови. За ова тримесечје се добиени 499 извештаи за разведените бракови, што претставува намалување за 5,3 проценти во споредба со истото тримесечје во 2020 година.

ОН: Годинава од глад во светот умреле седум милиони лица

Тале Кристо — Tue, 13 Oct 2020 16:29:35 +0000

Светската програма за храна на Обединетите нации соопшти дека годинава од глад во светот умреле седум милиони лица, додека пандемијата на Ковид-19, која може двојно да го зголеми глобалниот глад, однела уште еден милион животи. Светската програма за храна, која минатата недела ја доби Нобеловата награда за мир за нејзините напори да ја спречи употребата на гладот како оружје за војна и конфликти, соопшти дека досега собрала 1,6 милијарди долари. -Треба да собереме многу повеќе пари за да се осигураме дека ќе избегнеме глад, рече Дејвид Бисли, извршен директор на програмата, на прес конференција организирана од Организацијата за храна и земјоделство (ФАО). Бидејќи разгорувањето на пандемијата на коронавирусот и ограничувањата поврзани со неа ги исцедија веќе гладните заедници, гладот поврзан со КОВИД-19 во оваа прва година од пандемијата месечно убиваше други 10.000 деца, алармираа ОН уште во јули. Бидејќи блокадите и меѓународните трговски патишта ја нарушуваат испораката на виталната помош, ОН предупреди дека пандемијата на коронавирусот може да има „генерациски ефект“ врз здравјето на милиони деца. Врз основа на најлошото сценарио, напишано од експерти на ОН, само годинава може да умрат речиси 180.000 деца, додека пандемијата може да предизвика малите деца да пропуштат 50 отсто од услугите за грижа и третман на храна. Во земјите кои веќе се соочуваат со хуманитарна криза, Фондот за деца на Обединетите нации (УНИЦЕФ) предупреди дека може да се нарушат до 100 отсто од основните услуги за храна.

Најмногу умрени во еден ден од почетокот на пандемијата во Бугарија

Магдалена Андонова — Tue, 25 Aug 2020 10:09:25 +0000

Во последните 24 часа во Бугарија од Ковид-19 умреа уште 18 лица, што е најголем број смртни случаи во еден ден од почетокот на пандемијата. Со овие последни случаи, вкупниот број на умрени од Ковид-19 во оваа земја достигна 563, јави БТА. Бројот на потврдени случаи на Ковид-19 достигна 15.386, откако од вчера до денеска се регистрирани нови 99 случаи на инфекција, од вкупно 3.588 тестирани, покажаа најновите официјални податоци на бугарските здравствени власти. Во земјата во моментов има 4.326 активни случаи на коронавирус. Хоспитализирани се 714 пациенти, а 65 од нив се на интензивна нега. (МИА)

Поразителна статистика: Во Македонија почесто умираат луѓе, поретко се раѓаат бебиња!

Ивана Ефремовски — Thu, 27 Feb 2020 15:58:43 +0000

Природниот прираст во земјава во четвртиот квартал од 2019 година е негативен и изнесува минус 49, односно за толку бројот на живородените деца е помал од бројот на умрените лица, објави Државниот завод за статистика. Во најголемиот дел општини има негативен прираст. Во Битола минус 127, Прилеп минус 81, Охрид минус 51, Штип минус 43, Гевгелија минус 39, Кичево минус 35, Делчево минус 23, Куманово и Велес, Македонска Каменица и Кратово минус 18, Пробиштип минус 16, Демир Хисар минус, Крива Паланка минус 10…. Во скопските општини негативен прираст има во Гази Баба од минус 60, Карпош минус 49, Крисела Вода минус 41, Ѓорче Петров минус 34. Позитивен прираст има во Тетово 113, Студеничани 80, Струга 43, Липково 38, Желино 22, Илинден 11, Зелениково 10, Долнени 14 и во Скопје девет. Според податоците на Државниот завод за статистика, бројот на живородените деца во четвртото тримесечје од 2019 година, во споредба со истиот период од претходната година, е намален за 0,5 отсто и изнесува 5 103 живородени деца. Бројот на умрените лица бележи намалување од 1,1 отсто во споредба со истото тримесечје од 2018 година и изнесува 5 152 лицa, а од нив 32 се умрени доенчиња. Бројот на склучените бракови во ова тримесечје од годината е зголемен за 5,2 отсто во споредба со истиот период од 2018 година и изнесува 3 381 брак. Во полседниот квартал лани се регистрирани 592 разведени бракови. (МИА)