умс на вмро дпмне – Kurir.mk

ВИДЕО: Градскиот комитет на УМС на ВМРО-ДПМНЕ го честита 23 Октомври

Ивана Ефремовски — Mon, 23 Oct 2023 09:18:40 +0000

Градскиот комитет на Унијата на млади сили на ВМРО-ДПМНЕ објави видео честитка за денешниот празник. Нивното видео погледнете го во продолжение:

Маркова: И студентите сакаат нивни 140 денари да ги трошат во владината менза, додека тие мака мачат да се прехранат, владините функционери се гоштеваат речиси бесплатно

Катерина Бојаџиева — Tue, 17 Oct 2023 13:21:00 +0000

Слабиот интерес за појадок во Студентските домови доведе до скратување на појадокот и оставање на студентите сами да се снаоѓаат за појадок, но од друга страна интересот за добра храна е огромен во Владата, истакна Софија Маркова, член на ИК на УМС на ВМРО-ДПМНЕ. -Доказ за големиот интерес за храна во Владата е и менито од кое што јасно може да се забележат ниски, замрзнати цени и намалено ДДВ. Па така додека студентите мака мачат за да се прехранат, нашите владини функционери се гоштеваат речиси бесплатно. Затоа ние студентите се собравме и дојдовме тука пред Владата, нашите дневни 140 денари студентски субвенциониран оброк да ги потрошиме на убаво приготвена и евтина храна. И сето ова можеби е нормално за членовите на Владата, но реалноста е поинаква. Негрижата за студентите продолжува и понатаму. Срамно за една држава и Влада, во која менито во Влада е поевтино од она во Студентските домови и Факултетите, додава Маркова.

Втора годишна конференција на Унија на ветерани на ВМРО-ДПМНЕ во Струмица

Ристе Здравков — Sun, 01 Oct 2023 12:14:34 +0000

Почитувани, Ве известуваме дека денес (01.10.2023) во 14:00 часот во Струмица ќе се одржи Втората годишна конференција на Унија на ветерани ВМРО-ДПМНЕ насловена „Традиција која обврзува за иднина која доаѓа“ на која ќе се обрати и претседателот на ВМРО-ДПМНЕ Христијан Мицкоски. Курир во живо ќе ја пренесува годишната конференција:

УМС на ВМРО-ДПМНЕ: Владата на Ковачевски им го скрати доручекот на студентите во студентските домови

Катерина Бојаџиева — Thu, 14 Sep 2023 09:55:25 +0000

Премиерот Ковачевски очигледно беше последниот, кој за камери и за сатисфакција на скапо платените пиар активности, доручкуваше во еден од студентските домови во Скопје, велат од Унијата на млади сили на ВМРО-ДПМНЕ. -Според најновите најавени промени, студентите од домовите „Стив Наумов” и „Гоце Делчев” нема да добиваат доручек како дел од својот престој и истите се упатени да ги искористат средствата од студентскиот оброк, со кој владата промовираше подигнување на студентскиот стандард. Јавно ги прашуваме министерот и претставниците од Министерството за образование и наука, како е можно, државата да наоѓа стотици милиони евра за матни зделки и тендери во четири очи, а имаат проблем со наоѓање цели 140 денари за студентски оброк? Зошто во време на двоцифрена инфлација и сѐ потежок живот за сите граѓани, Владата вложува напори да компензира смешни 140 денари, кои и онака се недоволни за достоен живот на еден студент? Премиере, студентите веќе научија да се снаоѓаат сами и се навикнаа со маки да го поминуваат секој нов ден. Во период кога донесовте понижување и трагедија во секое поле на државните работи, вие продолжувате да си поигрувате и со нас. Можеме да ви ветиме само едно - одговорот ќе биде соодветен, а ќе се соочите со нашиот гнев на улиците, но и преку гласачкото ливче, додаваат од УМС.

Шамбевски: Не може да продаваат популистички патриотизам, во оваа генерација на млади луѓе не поминува тоа

Ивана Ефремовски — Fri, 01 Sep 2023 15:14:30 +0000

Борис Шамбевски од УМС на ВМРО-ДПМНЕ оценува дека политичари кои се претставуваат како блок во опозицијата не можат да продаваат патриотизам кога ќе се земе предвид нивното однесување. -Блокови во опозицијата, кои јас не би ги нарекол опозиција бидејќи се покажа во овие 7 години, тоа не е опозиција. Кога ти узрипуваш во секој момент за владава да остане, а играш со чувствата на луѓето и продаваш некој патриотизам кој што се гледа дека е популистички. Тоа можеби ќе ви поминеше пред 10-15-20 години, но во оваа генерација на млади луѓе не поминува тоа. Не може пена да ти фати устата, по штабовите, по говорите на говорница во Собрание, по социјалните мрежи, илјадници евра во бустови на Фејсбук да уплатиш дека 65% од населението или 75% не може да отиде на одмор, а ти се чекираш и леташ во Хургада на одмор, рече тој. Шамбевски посочи дека не може тие луѓе да објаснуваат за патриотизам и за тоа колку работникот и младиот човек во оваа држава е угнетен. Видеото погледнете го на ОВОЈ ЛИНК https://www.facebook.com/reel/1405800549986998

УМС на ВМРО-ДПМНЕ со хуманитарна акција во 30 населени места, се собираат материјали кои се потребни за безгрижно детство и успешен почеток на учебната година

Ристе Здравков — Thu, 31 Aug 2023 11:23:22 +0000

Новата учебна година е извор и почеток на нова детска радост, денови кога повторно го слушаме детскиот џагор и ја чувствуваме нивната посебна енергија насекаде околу нас, рече Билјана Јанева од ВМРО-ДПМНЕ. -Како Унија на млади сили, на сите ученици им посакуваме среќна и успешна учебна година, но истовремено не забораваме и на нашите сограѓани кои се соочуваат со финансиски и други потешкотии во овој дел од годината. Со денешната акција која ја спроведуваме, собираме материјали кои се потребни за безгрижно детство и успешен почеток на учебната година, а кои ќе бидат доставени до поединци, млади семејства и хуманитарни организации кои работат во оваа дејност. Акцијата на УМС се одвива во 30 населени места низ цела Македонија, а за таа цел, нашите членови, симпатизери, како и одговорни граѓани, на пунктовите низ државата даваат свој придонес во разубавувањето на овој период од годината на многу млади луѓе. Денес, подаруваме нешто што е за нас малку, но истовремено е извор на среќа, сигурност и стабилност на голем број семејства низ Македонија, истакна Јанева. Хуманоста е вредност според која се водиме, а УМС е авангарда во процесите кои ја враќаат довербата во луѓето, кои потсетуваат на важноста од нашата човечност, солидарност и грижата за нашата нација, додаде Јанева.

УМС положи цвеќе на Споменикот на Слободата- „Сила, слава и победа” на Тврдината Кале во Скопје

Катерина Бојаџиева — Wed, 02 Aug 2023 09:58:14 +0000

Делегацијата предводена од Борис Шамбевски, претседател на Градскиот Комитет на Унија на млади сили на ВМРО-ДПМНЕ заедно со потпретседателите на Градскиот Комитет на Унија на млади сили на ВМРО-ДПМНЕ, Адриан Наумоски и Љупчо Ристески положија свежо цвеќе на Споменикот на Слободата-„Сила, слава и победа” на Тврдината Кале во Скопје.

УМС со нови активности: Подкаст и најава за теренска акција „Иднина за сите во Македонија“ која ќе финишира со „Саем за млади“

Ивона Петрова — Wed, 12 Jul 2023 19:02:14 +0000

Младите луѓе, вклучувајќи ме мене и тебе Драгана ние не гледаме вести, не седиме пред малите екрани, не чекаме да дојде 16 часот, 18 часот или 23 часот за да пуштиме вести туку најголемиот дел од нашето време и местата од каде се информираме претставуваат социјалните мрежи Фејсбук, Инстаграм, Јутјуб, Тик – Ток и сите останати. Па така ние како политички подмладок доколку сакаме млади луѓе да не слушаат треба да го менуваме и нашиот начин со кој комуницираме со младите луѓе. Прв таков пример беше создавањето на весникот „Мегафон“ со кој се трудиме цело време да го надградуваме со подобрување на неговата веб страна и слично“, истакна претседателот на УМС на ВМРО-ДПМНЕ Сергеј Попов во денешниот подкаст на УМС наречен „УМСTalks“. Тој додаде дека УМС цело време се труди да биде во чекор со новите трендови кои го движат македонското општество и светските трендови, па така дојдовме до идејата да го снимаме овој подкаст. „УМС секогаш има што да најави па така и сега еве да најавам за прв пат во „УМСTalks“ подкастот дека како Унија на млади сили започнуваме со караван. Караванот ќе се вика „Иднина за сите во Македонија“. Со оваа активност практично ќе одржиме средби речиси со сите таргет групи на млади луѓе“, најави Попов. Тој посочи дека тие средби ќе финишираат со еден саем на нашата понуда кон младите, односно „Саем за млади“ на кој ние ќе ја презентираме целокупната наша понуда што ќе ја имаме кон младите луѓе бидејќи за да младите луѓе ни дадат поддршка мора да знаат што ние конкретно за нив планираме. „Како УМС имаме формирано тимови кои работат на изработка на проектите за млади, од млади за млади бидејќи ниту една политичка партија ниту едни експерти не можат од блиску да го живеат луѓето што го живеат младите луѓе бидејќи 26-27 години може само еднаш во животот да имаш и само тогаш знаеш што му треба на тој 26 годишен млад човек. Така да ние го започнавме овој процес, почнуваме од утре во Скопје и ќе поминеме повеќе градови во државата“, изјави Попов Во текот на подкастот на УМС говореше и Драгана Бојковска член на ИК на УМС на ВМРО-ДПМНЕ. Таа посочи дека Општествено одговорно е да ги пренесуваме информациите на младите на начин на кој им е најдостапен на нив. Бојковска посочи дека и најновите анкети покажуваат дека народот во државата кажува дека најголем проблем е длабоката корупција во која е влезена државата. Најновата анкета на НДИ покажува дека најголем процент од луѓето кажуваат дека државата се наоѓа во лоша ситуација поради корупцијата, потоа следи инфлацијата и животниот стандард и слично. „Се надевам дека со овие проекти кои ќе ги понудиме до младите ќе ги дадеме како решение и ќе помогне да остана младите во Македонија затоа што тоа е најголемиот проблем со кој се соочуваме. Во секојдневието го гледаме тоа како си заминуваат. Младинската невработеност која за жал во Македонија е далеку над просекот во Европа кој моментално постои во Македонија е 30% тоа е погубувачки за младиот човек кој заминува и се останува без егзистенција во Македонија“, децидна е Бојковска.

Перформанс на УМС на ВМРО-ДПМНЕ: Награди за Ковачевски за инфлуенсер на годината, Маричиќ турист на годината, а Груби најдобар агент со недвижности

Катерина Бојаџиева — Sun, 05 Mar 2023 11:48:30 +0000

Доблеста и човековата големина се покажуваат со постапки и дела, а не со празни зборови. Како политички активна младина, го докажуваме ова, со тоа што се одлучивме да не бидеме некој што постојано ќе критикува, туку и некој кој ќе ја пофали успешноста, претприемачкиот дух и визијата за професиите на иднината, истакна Младен Јаневски, претседател на Комисија за животна средина на Унија на млади сили на ВМРО-ДПМНЕ. -Македонија можеби навидум е мала земја, но истовремено е полна со таленти, кои ја открија тајната на успехот, збогатувањето во најбрз можен рок и оптимизацијата при користењето на социјалните мрежи. Можеби рафтовите со леб во маркетите се празни и народот нема со што да се прехрани, но една таква мала и неважна работа не смее да го засени фактот дека со само 26.000 евра, можат да се купат неколку стотина лајкови на Фејсбук. Наградата за инфлуенсер на годината, заминува кај премиерот Димитар Ковачевски – Таче, за најмногу пари инвестирани во развојот на културата на социјалните мрежи во Македонија. Можеби на планетата Земја има седум континенти и речиси 200 држави, но тоа не значи дека со силен коалициски капацитет, сервилност и злоупотреба на функцијата, светот не може да биде истражен. Наградата за турист на годината, оди кај вицепремиерот Бојан Маричиќ, кој покажа дека дипломатијата е само споредна работа за еден светски патник како него. Во фокусот на секоја успешна држава, каква што е Македонија во последните неколку години, е да се изградат што поголем број на згради и станови. Наградата за најдобар агент со недвижности, заминува кај првиот вицепремиер Артан Груби, за неговите лик и дело, и усовршувањето на преговарачките техники кои му ги донесоа најдобрите цени и зделки. Големината на еден човек се докажува и според способноста за лично докажување во повеќе сфери и области. Покрај успешната инфлуенсерска кариера што чини само 26.000 евра, премиерот-инфлуенсер докажа дека истовремено може да се биде и совршен менаџер. Во духот на Европскиот зелен договор, борбата против климатските промени и ургентната потреба за зачувување на планетата, на Димитар Ковачевски му се доделува и дополнителната награда за најдобар менаџер во полето на алтернативните извори на енергија. Семеен бизнис во тесна врска со коалициските партнери е она што и е потребно на Македонија за да обезбеди сигурна иднина, додава Јаневски.

Изгласан новиот состав на ИК на УМС: Нашите врати се отворени за сите што ги споделуваат нашите вредности и идеологија, желбата за промени и излез од актуелната ситуација, како и љубовта кон Македонија

Катерина Бојаџиева — Tue, 13 Dec 2022 16:50:12 +0000

Секоја година носи новитети и големи промени во нашите животи, а новата 2023 година одлучивме да ја посветиме на промените кај младиот човек во Македонија. Како УМС на ВМРО-ДПМНЕ и организација која секојдневно се бори за подобрување на животот на младите во државата, се грижиме новата година и новите предизвици да ги дочекаме подготвени, со консолидирани редови, нова енергија, нова надеж и посветена борба за подобра иднина на секој еден од нас, велат од Унијата на млади сили на ВМРО-ДПМНЕ. -Почитувани, ни претставува чест да ве известиме дека со вчерашната одлука на Извршниот комитет на ВМРО-ДПМНЕ, беше изгласан новиот состав на Извршниот комитет на Унијата на млади сили. Сергеј Попов Мартин Андоновски Филип Ѓорѓиев Горан Степановски Билјана Јанева Марија Милошевска Борис Шамбевски Тодор Конески Димитар Манчев Валентин Манасиевски Стефан Стефановски Александра Николовска Тијана Тесалоника Шишкоска Изабела Апцева Бојан Никовски Илија Ристески Дамјан Коњановски Кристи Стојковски Столе Пандов Стефан Калошев Драгана Бојковска Антоанета Лазаревска Ангела Тасева Христијан Велков Лука Стефаноски Денис Пановски Драган Јовески Филип Анастасов Марио Николовски Ангела Димитриеска Јована Спасеноска ВМРО-ДПМНЕ и УМС и понатаму остануваат отворени за секој млад човек што има енергија, желба и идеја за остварување позитивни промени во општеството. Нашите врати се отворени за сите што ги споделуваат нашите вредности и идеологија, желбата за промени и излез од актуелната ситуација, како и љубовта кон Република Македонија, додаваат од УМС.