умс вмро-дпмне – Kurir.mk

УМС со перформанс пред Влада: Лажеа дека јазикот, историјата и идентитетот се заштитени (ФОТО)

Магдалена Андонова — Tue, 19 Jul 2022 11:20:24 +0000

Денес присуствувам на изложба пред Владата наречена Искреност.Најдесно од мене се гледа колку искрено експремиерот и претседател на СДСМ Зоран Заев ни го соопштуваше датумот за почеток на преговори со ЕУ, кој освен фото можност и купи ден продај политика не се материјализираше во ништо друго. Ги гледавме во авиони како се сликаат, на социјалните медиуми, пред граѓаните во Шуто Оризари како лажат и предаваат, изјави денеска за медиумите Борис Шамбевски, член на ИК на УМС на ВМРО-ДПМНЕ. - До неа е изјавата на премиерот Ковачевски за јазикот кој повторно исто како неговиот претходник искрено пред македонската јавност изјави дека јазикот е заштитен, за само по неколку дена портпаролката на ЕК и министерката за надворешни работи на Бугарија да го демантираат. Повторно само лаги и предавства. До неа е изјавата на премиерот Ковачевски за историјата за која искрено тврдеше дека нема да биде дел од преговарачката рамка за потоа да видиме во протоколот кој го потпиша неговиот министер Бујар Османи дека е сосема спротивно на тоа што го тврдеше Ковачевски. Повторно лаги и предавства. И сосема на крај е изјавата дека почнуваме со преговорите за после само неколку дена министерката Генчовска да каже прво Бугарите во Уставот па Македонија ќе ги почне преговорите. Повторно лаги и предавства, појасни Шамбевски. Тој додаде дека останува прашањето, ако се исто толку посветени на државните интереси колку што се искрени дали на некому се уште му е нејасно зашто македонскиот народ ги нарекува предавници?

Стефановски: Ова неспособна Влада, при буџет од 4 милијарди евра годишно, наместо да им помогне на граѓаните објавуваат тендери за бадеми и лешници

Магдалена Андонова — Sat, 29 Jan 2022 13:28:35 +0000

Повеќе од јасно е дека СДСМ од ден во ден се повеќе тоне, а доказ за тоа е фактот што апсолутно некомпетентни луѓе се поставени на важни позиции во Владата предводена од Ковачевски, кој за потсетување лажеше за своето образование и навиката за лажење е уште еден показател дека Ковачевски е само продолжена рака на Зоран Заев. Ова неспособна Влада под раководство на СДСМ, при буџет од 4 милијарди евра годишно, наместо да им помогнат на граѓаните објавуваат тендери за бадеми и лешници, што е доволен показател за тоа дека луѓето кои ја предводат Владата не знаат за што се поставени таму и не знаат домаќински да раководат со парите на граѓаните, изјави денеска за медиумите, Стефан Стефановски, член на УМС на ВМРО-ДПМНЕ. Тој истакна дека на граѓаните им е јасно дека државата ја водат неспособни луѓе без кредибилитет, кои од ден во ден се повеќе придонесуваат за тонење на државата, не знаат да се справат со економската, енергетската и здравствената криза. - Јасно е дека СДСМ бара спас за своите поразителни и грешни политики, и континуирано го напаѓаат Градот Скопје и градоначалничката Арсовска. Не можат да се помират дека нема повеќе расипнички да се трошат пари на граѓаните за бифтеци и виски, при што директно се виновни за милионските долгови во градот и за сите лоши политики. Затоа граѓаните веќе ги казнија на изминатите локални избори, а бидејќи континуирано не работат во интерес на граѓаните, тоа ќе се случи и на наредните парламентарни избори. Ние како Унија на млади сили на ВМРО-ДПМНЕ симболично ќе им ги подариме овие гуми за спасување на СДСМ и Владата, бидејќи тонат во корупција и злоупотреби, 4 милијарди евра буџет наместо да ги употребат да им помогнат на граѓаните, тие сопствениот спас го бараат обвинувајќи ги сите наоколу наместо да понесат одговорност за лошите политики, додаде Стефановски.

ФОТО: Младите од УМС го чистеа снегот место Шилегов

Тале Кристо — Sun, 14 Feb 2021 08:26:10 +0000

Загрижени од неспособноста на градоначалникот на Град Скопје за чистење на снегот кој што ги изненади во месец февруари, младите од УМС на ВМРО-ДПМНЕ се одлучија да се стават во акција за чистење на тротоарите се со цел да им се обезбеди безбедно движење на луѓето на улица, а осопено на повозрасните. -Затоа што Петре очигледно не го "бива" и го мрзи да работи #ГК на УМС се потруди барем влезот пред Градската Болница да биде пристапен, пишува на својот Фејсбук профил претседателот на УМС на ВМРО-ДПМНЕ Сергеј Попов.