Унаи Емери. – Kurir.mk

Емери најдобар тренер во Премиер лигата во април

Ивона Петрова — Fri, 12 May 2023 16:45:08 +0000

Предводникот на Астон Вила, Унаи Емери, е прогласен за најдобар тренер во Премиер лигата во месец април. Емери изминатиот месец ја предводеше Астон Вила до пет победи на седум натпревари на кои неговата екипа постигна 11 голови, а прими три. Астон Вила го почна април со победа над Челзи на „Стемфорд Бриџ“, а три денови подоцна забележа и гостинска победа против Лестер. Потоа на домашен терен беше совладан Нотингем Форест, по што уследи реми со Брентфорд и победа над Фулам. Победничката серија на Астон Вила ја прекина Манчестер јунајтед.

Емери се збогува со Виљареал

Магдалена Андонова — Tue, 25 Oct 2022 14:08:11 +0000

Досегашниот тренер на Виљареал, Унаи Емери се прости од шпанскиот тим. Претходно, фудбалскиот стручњак беше назначен за нов шеф на стручниот штаб на Астон Вила. – Виљареал е мојот дом во последните 2,5 години. Мојот дом, а не мојот клуб. Јас лично учествував во проектот промовиран од семејството Роиг и нашиот сакан Хозе Мануел Ланес. Благодарност до играчите и навивачите кои ни одржаа лекција за лојалност, изјави Емери. Тој потенцира дека секое утро среќен одел на работа, бидејќи чувствувал почит во тимот. Истакна дека уживал во секој ден во Виљареал и дека збогувањето не му е лесно. – Денес, откако го направив ова, можам да им кажам на навивачите, клубот и моите играчи дека не ни сонував дека ќе бидам толку среќен како што бев со сите вас, го цитира Емери прес-службата на Виљареал. Шпанскиот стручњак ќе започне со работа со новиот тим на 1 ноември, кога ќе ги комплетира сите потребни документи за работа во Англија. Астон вила досега ја предводеше Стивен Џерард. Тимот од Бирмингем собра 12 бода од 12 натпревари оваа сезона и е 14-та позиција во Премиер лигата. (МИА)

Емери: Виљареал немаше ресурси во вториот дел да се спротивстави на моќта на Ливерпул

Тале Кристо — Wed, 04 May 2022 06:09:16 +0000

Тренерот на Виљареал, Унаи Емери призна дека неговиот тим немаше доволно сили синоќа во реваншот од полуфиналето на Лигата на шампионите. против Ливерпул. По првото полувреме шпанскиот тим поведе со 2:0, но на крајот загуби со 2:3. – Првото полувреме го одигравме според планираното. Се одвиваше според најоптимистичкото за нас сценарио. Сепак, моравме да ги одиграме перфектно сите 90 минути, особено во одбраната. Првото полувреме беше едноставно совршено. Прикажавме игра која ни даде надеж. На полувремето знаевме дека Жерар Морено е во неволја и се чувствува повреден, но сакавме тој да остане на теренот што е можно подолго. Но, тој не можеше и останавме без важен играч. Требаше да имаме поголем посед на топката, контрола на играта. Но, во второто полувреме немавме ресурси да се спротивставиме на оваа моќ на Ливерпул, изјави Емери. На првата средба Ливерпул на домашен терен победи со 2:0, па вкупен пласман во финалето избори со 5:2. Финалето на Лигата на шампионите ќе се одигра на 28 мај на „Стад де Франс“ во Париз. Ривалот на тимот на Јирген Клоп ќе биде победникот од пресметката помеѓу Манчестер сити и Реал Мадрид. Англискиот тим го доби првиот натпревар со 4:3.

Емери пред натпреварот пртив Ливерпул во ЛШ: За да постигнете нешто важно, треба да ги победите фаворитите

Тале Кристо — Tue, 26 Apr 2022 06:35:09 +0000

Тренерот на Виљареал, Унаи Емери ги процени шансите на Виљареал за успех во Лигата на шампионите. Предводникот на шпанскиот клуб зборуваше во пресрет на првиот полуфинален натпревар против Ливерпул кој ќе се одржи утре на теренот на англискиот тим. – За да постигнете нешто важно, треба да ги победите фаворитите. Победата над Јувентус во осминафиналето ни влеа поголема самодоверба. Во полуфиналето ќе се обидеме да создадеме услови за да имаме шанси. Ливерпул е одличен тим. Ни претстои возбудлива пресметка, изјави Емери. Средбата ќе се игра утревечер на „Енфилд“ со почеток во 21 часот.

Емери: Ако Баерн го покаже најдоброто, ќе биде фаворит

Ивона Петрова — Tue, 12 Apr 2022 06:13:35 +0000

Тренерот на Виљареал, Унаи Емери, ги сподели своите очекувања за реваншот од четвртфиналето на Лигата на шампионите против Баерн. – Мораме да покажеме почит кон Баерн. Ќе биде многу тежок натпревар, но мора да знаеме како да реагираме. Не е тајна дека се навикнати да постигнуваат многу голови дома – тоа им е сосема природно. И тие не почитуваат нас, но доколку Баерн ги покаже своите најдобри квалитети, тие ќе бидат фаворити. Дома ќе ја почувствуваат својата сила и ќе пристапат на натпреварот со оптимизам, изјави Емери за официјалната веб-страница на УЕФА. Натпреварот Баерн – Виљареал ќе се одигра во Минхенвечер со почеток во 21 часот. На првиот дуел шпанскиот клуб победи со резултат 1:0.

Емери: Не се исплашивме од Јувентус и покажавме дека сме зрел тим

Ивона Петрова — Wed, 23 Feb 2022 07:30:56 +0000

Тренерот на Виљареал, Унаи Емери ги пофали своите избраници за зрелата игра против Јувентус. Во првиот натпревар од осминафиналето на Лигата на шампионите, шпанскиот и италијанскиот клуб синоќа одиграа нерешено 1:1. – Не се плашевме и се покажавме како зрел тим. Можевме да го израмниме резултатот во првото полувреме, но заслужено го направивме тоа во второто. Главната работа е што покажавме зрелост. Промашивме, но се вративме во игра, израмнивме и целевме на победа. Мора да одиме во Торино и да победиме. Нивното засилување Влаховиќ прави разлика на теренот. Погоди во првата минута и можеше да постигне повеќе. Тешко е да го задржите во текот на целиот натпревар. Но, генерално, сепак успеавме да ги исфрлиме него и Мората од игра, рече Емери. Реваншот во Торино е закажан за 16 март.

Емери останува во Виљареал, сега Хау е главен кандидат за тренер на Њукасл

Ивана Ефремовски — Wed, 03 Nov 2021 16:58:31 +0000

Тренерот Унаи Емери најави дека ќе остане во Виљареал и ги демантира шпекулациите за негов трансфер во Њукасл. -Решив да останам овде. Виљареал е мојот дом и верувам 100 % во проектот. Горд сум што врвен клуб е заинтересиран, но лудо сум среќен во овој тим. Затоа му кажав на Фернандо Роиг (претседателот на Виљареал) дека останувам. Сакам да бидам дел од овој проект, бидејќи клубот и играчите многу ме почитуваат. Оваа почит е заемна, објави Емери. Педесетгодишниот тренер ќе го води Виљареал во 2020 година. Тимот ја освои Лигата на Европа минатата сезона, првиот трофеј на клубот досега. Поради одбивањето на понудата на Њукасл од страна на Емери, Еди Хау, кој минатото лето го напушти Борнмаут и оттогаш е невработен, е главен кандидат за тренерска позиција во англискиот клуб. (МИА)

Емери нов тренер на Њукасл?

Бошко Тасиќ — Tue, 02 Nov 2021 21:24:26 +0000

Англискиот фудбалски клуб Њукасл продолжува да го води привремениот тренер Грем Џонс, додека од неодамна почна да се наведнува и Шпанецот Унаи Емери, кој моментално го води тимот на Виљареал. Шпанскиот тренер би сакал да се врати во Премиер лигата каде претходно го водеше Арсенал, но се уште е под договор со „жолтата подморница“ која не може да ја остави без поголемо обешететување. 49-годишниот тренер е познат како специјалист во Лига Европа, трофеј кој го освои три пати со Севиља, а неодамна во последното издание го остави зад себе со Виљареал, па Њукасл го гледа како вистинскиот човек да го подигне клуб на високо ниво..

Емери за Суперкупот на УЕФА: Натпреварот ќе покаже за што е способен Виљареал против величина како Челзи

Тале Кристо — Wed, 11 Aug 2021 06:46:27 +0000

Тренерот на Виљареал, Унаи Емери, ги сподели своите очекувања за денешниот натпревар од Суперкупот на Европа против Челзи во Белфаст. – Сакам да го освојам Суперкупот, бидејќи не сум го освоил порано. Победата ќе биде одличен начин да се повлече границата од минатата сезона. Можеме уште еднаш да се запишеме во историјата и да постигнеме нешто неверојатно на почетокот на новата сезона. Суперкупот ќе покаже за што сме способни во натпревар со таква големина како Челзи – актуелниот европски клупски шампион и, според мое мислење, најдобриот тим на планетата, рече Емери. Тој како тренер на Севилја учествуваше два пати во Суперкупот (2014 и 2015 година) и два пати загуби.

ПСЖ им даде отказ на двајцата, а Тухел и Емери ја покорија Европа

Ивона Петрова — Sun, 30 May 2021 12:54:31 +0000

Унаи Емери и Томас Тухел добија откази од ПСЖ поради слаби резултати, а оваа сезона двајцата ја покорија Европа. Тухел синоќа со Челси ја освои Лигата на шампионите, откако неговиот тим во финалето во Порто го победи Манчестер Сити со 1:0. Прв трофеј во Лигата на шампиони за Тухел, втор за Челси. Тухел доби отказ од ПСЖ откако кон крајот на минатата година јавно го критикуваше раководството на клубот. Клубот претходно му врачи отказ на Емери кој оваа сезона ја освои Лига Европа. Емери и Виљареал по пенал рулетот во финалето во Гдањск ја победи екипата на Манчестер Јунајтед.