УНИБанка – Kurir.mk

УНИБанка Скопје го додели станот од наградната игра “Со Mastercard на УНИБанка плати и стан фати!”

Тале Кристо — Wed, 04 Oct 2023 07:31:38 +0000

Самоил Ангеловски од Скопје е среќниот добитник на големата наградна игра на УНИБанка АД Скопје “Со Mastercard на УНИБанка плати и стан фати!” Станот е на супер атрактивна локација во Скопје на бул. Војводина и со површина од 49 м2. Наградната игра предизвика голем интерес, поттикна голем број луѓе да извадат Mastercard картички од УНИБанка Скопје, и да ги согледаат бројните предности кои ги носат безготовинските плаќања, како во поглед на едноставноста и брзината на трансакциите, така и во поглед на сигурноста на самите плаќања со овие картички. Добитникот беше извлечен по случаен избор со помош на компјутерска програма, а согласно претходно поставените услови за учество. Извлекувањето беше реализирано на 27 Септември во Бизнис Центарот на УНИБанка во Скопје, во присуство на надлежен Нотар Анита Адамческа, претставник од Маркетинг агенција КИВИ - Андреа Стојановска и претставниците од УНИБанка: Дејан Доксимовски - Директор на Дирекција Банкарство за население и Маја Јакимовска Наскова заменик-директор на Дирекција Картично Работење, кои се погрижија сè да биде регуларно. Право за учество во наградната игра имаа сите полнолетни физички лица - државјани на Република Северна Македонија (лица со и над 18 годишна возраст на денот на извршување на првата трансакција), кои се корисници на картичките Mastercard Debit, Mastercard Standard и Mastercard Gold издадени од УНИБанка Скопје. Посветеност кон клиентите, имплементирањето иновации во работењето, дигитализација, поддршка за своите корисници се работи по кои и понатаму ќе биде препознаена УНИБанка Скопје. Банката и во иднина ќе иницира активности и проекти со кои ќе ја оправда довербата на своите клиенти, потврдувајќи им дека ја избрале вистинската банка. УНИБанка им се заблагодарува на клиентите за укажаната доверба и ветува дека и понатаму ќе прави напори да ја награди нивната лојалност, а на добитникот му честита и му посакува многу среќни моменти во новиот стан!

УНИ-Банка успешно го одржа третиот тениски турнир „UNIBank Invitational 2023„

Тале Кристо — Thu, 25 May 2023 10:18:47 +0000

Со голема посетеност, вредни награди и одлична забава во саботата на 20 -ти мај беше затворен третиот по ред тениски турнир, организиран од УНИБанка во соработка со тенискиот клуб Мондано АБЦ. Годинава турнирот ѝ се приклучува на прославата на 30-тиот роденден на Банката. Преку градење релации со клиентите и вреднување на нивната лојалност, УНИБанка ја оствари целта и ја оправда укажаната доверба што му даде посебен печат на јубилејот. „Врската која ја градиме со своите клиенти особено е зацврстена а тоа допринесува да бидеме современа и динамична банка, која вложува во квалитетот на производот, брзината на услугата и во развојот на вработените.„ - изјавија од Банката. Пред бројната публика настапија аматери, рекреативци, партнери, клиенти и вработени во банката. Натпреварите ги следеа и официјални судии и делегат кој се погрижи за регуларноста. Турнирот со натпреварувачки карактер беше отворен на 15-ти мај, а во одличната атмосфера пред повеќе од 200 присутни клиенти се следеше финалниот меч каде што беа доделени и главните награди - инвестициско злато. Покрај тенис и награди за возрасните, и годинава УНИБанка им овозможи и на најмладите да се забавуваат, да добијат бесплатен час по тенис. Меѓу жените втора година по ред најдобар успех покажа Моника Бориќ. Таа ја совлада Ана Балевска и ја понесе првата награда - инвестициско злато од 5 гр. Финалистката Балевска се закити со награда инвестициско злато од 2 гр. Машкото финале се повтори од минатата година. Во конкуренција од 34 наптреварувачи со инвестициско злато од 5 гр се закити Петар Трајковски, кој успеа да го совлада Робертино Николовски, кој освои инвестициско злато од 2 гр. Со овие спортски денови покажавме дека Банката се грижи за своите клиенти и преку градење релации и дружење надвор од строгите деловни рамки.

Со златните монети од УНИБанка купуваме дел од историјата, а ја осигуруваме иднината!

Ивана Ефремовски — Tue, 28 Mar 2023 07:54:59 +0000

Побарувачката за инвестициски златни прачки и монети бележи раст во светски рамки. Банки, компании, индивидуалци инвестираат во инвестициско злато како најисплатлива и најсигурна инвестиција. Тоа е во моментов инвестиција која e отпорна на инфлација, на девалвација, на било какви кризи и тековни случувања. Благодарение на УНИБанка и граѓаните и деловните субјекти во земјава можат да купат златни плочки и монети со највисока чистота и да ја осигураат својата финансиска иднина. Без разлика дали станува збор за лица кои се во потрага по најсигурна и најисплатлива инвестиција, или само сакаат да имаат диверзификувано портфолио, независно дали се професионални трговци со злато, или пак лица кои имаат страст за историјата, пасионирани нумизматичари, УНИБанка нуди можност за купување инвестицискo злато. Единствено во оваа наша реномирана финансиска институција која со право го носи епитетот “the bank of gold” може да се купат златни плочки со чистота од 999.9/1000 (24 карати) и златни монети со чистота од 900/1000 (22 карати) и монети со уште поголема чистота. Златни монети кои се меѓу најбараните на светско ниво, кои се исковани по 1800 година, и кои во земјата на потекло се или биле законски платежни средства. Како на пример Американскиот Орел (American Eagle), Австрискиот Дукат (Ducat) и Виенската Филхармонија (Vienna Philharmonic), Канадскиот јаворов лист (Maple Leaf), Британската Britannia Gold и други. Најново во понудата се 20-те швајцарски франци-Vrenelli кои се произведувале во периодот од 1897-1949 година, 20-те белгиски франци- Leopold II (1876-1882), 100-те австриски круни Franz Josef I (1908-1915), 20-те француски франци Louis Philippe I (1830-1848) и други кои носат со себе извонредна вредност заради историската и културната вредност од регионите од кои потекнуваат. Интересен е податокот дека златната монета од 100 австриски корони е со тежина и чистота кои се загарантирани од австриската суверена влада и со оглед на тоа што содржат 1,08 тројски унци достигнуваат висока сума на пазарот на благородни метали. Вредноста на инвестициското злато е уште поголема бидејќи тоа многу брзо може да се продаде (секогаш е барано), може да се употреби како залог за кредит, или едноставно да се зачува како највредно наследство за поколенијата. Ослободени се и од ДДВ! Овие уникатни стари монети даваат чувство на патување низ времето и историјата и чувство за тоа како тој свет можеби изгледал пред неколку векови. УНИБанка инвестициското злато го набавува од странски водечки рафинерии за благородни метали од Швајцарија и Германија и реномирани светски познати дилери на злато. Набавката се одвива преку овластени дилери за тргување со благородни метали на платформи за тргување со инвестициско злато по моментално котирани берзански цени. Уште еднаш во современата историја на човештвото златото ја потврдува својата улога како антитеза на стравот. Глобалната неизвесност, енергетската криза, војната во Украина уште еднаш ја истакнаа функцијата на златото како спас, пристаниште за инвеститорите во сериозни кризни ситуации. УНИБанка како единствен дилер на монети од златни шипки, нуди монети по високо конкурентни цени, а нуди и можност истите да ги чува за своите клиенти. Контакт-веб страницата на банката: www.unibank.mk

УНИБанка АД Скопје ја исплати петтата полугодишна камата на сопствениците на Перпетуални обврзници

Ивона Петрова — Thu, 22 Jul 2021 07:39:48 +0000

УНИБанка ја исплати петтата полугодишна камата на сопствениците на перпетуални обврзници со ISIN MKBLBA200011 и шифра UNIPO. Известувањето за исплатата на каматата е објавено од страна на Банката преку Соопштение до Македонската берза. Право на исплата на камата имаат сите лица регистрирани како сопственици на перпетуални обврзници во Централниот депозитар на хартии од вредност на 21.07.2021г. Како потсетување, во јануари 2019 година УНИБанка ја издаде првата емисија на перпетуални обврзници во Република Северна Македонија, што претставува прв финансиски инструмент од овој вид на македонскиот пазар на капитал. Вкупната номинална вредност на емисијата изнесува 5 милиони евра. Обврзницата е без рок на доспевање, со фиксна каматната стапка од 9% на годишно ниво за првите пет години, по завршување на овој период каматната стапка се зголемува на 11%. Номиналната вредност на обврзницата изнесува 1.000 евра. Перпетуалната обврзница е котирана и со истата може да се тргува на официјалниот пазар на Македонска берза.

Меморандум за соработка меѓу ФИТР и УНИБанка за полесно финансирање за стартапите

Тале Кристо — Wed, 26 May 2021 09:00:03 +0000

Фондот за иновации и технолошки развој и УНИБанка потпишаа Меморандум за меѓусебна соработка, со кој се отвораат нови можности за финансирање и олеснување на пристапот до финансиски средства за микро, малите и средни претпријатија. Најголем дел од поволностите ќе бидат обезбедени за старт-ап компаниите. Од соработката, бенефит ќе имаат компаниите- апликанти за кофинансирани грантови на ФИТР, за кои Банката би обезбедила дополнителна финансиска поддршка во делот на сопствено кофинансирање преку поповолни услови од редовните. Олеснување ќе добијат и компаниите кои аплицирале но не им било одобрено кофинансирање од Фондот. -Истражувањето кое го објавивме минатата недела покажа дека над 70 отсто од стартап компаниите во државата, во фазата на развој на бизнисот имаат потреба од дополнителни финансиски средства и токму тогаш најголема поддршка добиваат од страна на Фондот за иновации и технолошки и развој. Во Северна Македонија имаме стартапи со светски идеи и услуги и токму тоа е главниот мотив кој не движи да работиме со полна пареа за да им обезбедиме олеснувања при реализирање на бизнис плановите и пласман на глобалните пазари. На мое огромно задоволство УНИБанка станува четврта банка партнер на ФИТР која верува во домашните иноватори а и самата е иноватор во банкарскиот сектор, изјави Коста Петров, директор на Фонд за иновации и технолошки развој. Пакетот „УНИ Иновација” вклучува: 6 месеци без надомест електронско банкарство со уникатни бизнис Е-пакети, наменска сметка без надомест за одржување за првите 6 месеци, услуга „Мој Банкар” без надомест, како и маркетинг поддршка преку канали на банката. Имено, за сите корисници преку овој пакет, ќе бидат обезбедени бесплатни промотивни активности. Во однос на кредитната поддршка, компаниите би добиле поволности преку инвестицискиот кредит „БИЗНИС 12-ка”, со флексибилна отплата до 12 години, грејс период до 12 месеци и со повластени каматни стапки. Компаниите исто така можат да аплицираат за дозволено пречекорување overdraft во износ до 10% од годишните приливи со поволни услови. Предност при користење на овие поволности ќе имаат компаниите кои доаѓаат од индустриите фармација и медицина, ИТ и телекомуникации, храна и обновливи извори на енергија. -Двострано е задоволството од потпишување на Меморандум на соработка помеѓу ФИТР и УНИБанка. Убедени сме дека микро, малите и средните компании се тие кои ќе имаат значителен бенефит од оваа соработка. Со долгогодишно искуство, профилирани како Банка на клиентот, точно ги препознаваме потребите на компаниите, фазите на развој, инвестициските циклуси, финансиските потреби и севкупните предизвици со кои тие се соочуваат. За таа цел, во соработка со ФИТР, за дополнителна поддршка на компаниите, го промовираме пакетот УНИ ИНОВАЦИЈА. Во пакетот би ја издвоиле услугата МОЈ БАНКАР, каде назначуваме Личен Банкар за секоја од овие компании, кој ќе овозможи професионално финансиско советување без надомест и непосредно водење низ целиот процес за успешна реализација на инвестицијата. Дополнително, за компаниите иноватори, преку електронското банкарство ќе овозможиме повеќекратна заштеда, при извршување на редовните банкарски трансакции. -Кредитната поддршка на компаниите иноватори, ќе биде со флексибилни услови, согласно специфичностите на проектот и карактеристиките на бизнисот на самата компанија. Во таа насока, во пакетот е вклучен долгорочниот и флексибилен кредитен продукт БИЗНИС 12-ка како и оведрафтот за поддршка на тековната ликвидност на компаниите, изјави Виктор Филиповски, Директор на Дирекција Корпоративно банкарство во УНИБанка. Во наредниот период, УНИБанка во соработка со ФИТР ќе организира едукативни и промотивни активности поврзани со можностите за финансирање на домашните компании од страна на банката и ФИТР, зголемување на финансиската писменост, со цел олеснување на пристап кон финансиските средства, олеснет бизнис развој и комерцијализација на иновации. Повеќе информации за бизнис пакетот „УНИ Иновација” можат да се најдат на следниот линк: https://unibank.mk/mk/news

“МОЈ БАНКАР” за правни лица

Тале Кристо — Mon, 17 May 2021 08:27:41 +0000

УНИБанка промовира нова услуга за правни лица. “МОЈ БАНКАР” Професионална, персонализирана и постојана поддршка во извршување на секојдневните банкарски активности на компаниите. Преку оваа услуга, компаниите добиваат полесен, побрз и поедноставен пристап до користење на сите продукти на Банката како и стручни консултации поврзани со нивните редовни деловни активности. За лојалните клиенти на Банката оваа услуга е без надомест. Дополнително, за правните лица, УНИБанка промовираше БИЗНИС КРЕДИT 12-КА. Кредитот е со флексибилна отплата до 12 години и грејс период до 12 месеци, соодветно потребите и можностите за отплата на секоја компанија, со цел исполнување на инвестициските потреби и финансиско стабилизирање. Заинтересираните клиенти можат да добијат информации на телефоните 02/3 204 323 и 02/3 111 111 или да закажат иницијален состанок, со својот иден МОЈ БАНКАР, преку адресата [email protected]

Купувај за 500 денари и можеш да добиеш 100.000 денари

Ивана Ефремовски — Wed, 09 Sep 2020 08:03:45 +0000

Десет корисници на Visa картичките на УНИБанка ќе освојат парични награди од играта „Купи...победи” Учествувајте во наградната игра на УНИБанка и Visa и можете да освоите 100.000 денари! Од 01.09 до 31.10.2020 година, купувајте онлајн или платете на ПОС терминал минимум 500 денари пет пати и имате можност да бидете еден од десетте победници во играта на УНИБанка „Купи...победи” . Наградите се – тројца добитници ќе освојат по 60.000 денари, тројца по 30.000 денари, тројца по 10.000 денари и само еден ќе успее да ја освои главната награда од 100.000 денари! Право на учество во играта имаат сите физички лица на возраст над 18 години, корисници на една од следните картички - Visa Classic Debit, Visa Classic и Visa Gold, издадени од УНИБанка. Се земаат предвид сите трансакции направени од страна на корисникот на картичката или од страна на корисниците на дополнителни картички поврзани со единствената сметка на корисникот, на проджните места или електронска трговија не само во земјата, туку и во странство. Во играта не влегуваат исплатите на готовина од банкомат, банкарски шалтери, членарини и провизии, како и сторнирани трансакции. Право на учество немаат вработените на УНИБанка како и членовите на нивните семејства. Сите корисници на картички имаат подеднаква шанса во извлекувањето, но само десет најсреќни од нив ќе бидат извлечени компјутерски по принцип на случаен избор на 30.11.2020 и ќе бидат објавени во рамките на три работни дена на сајтот на организаторот - www.unibank.mk

УНИБанка воведува “3D Secure” технологија за поголема сигурност при интернет плаќања со картички

Ивана Ефремовски — Tue, 03 Sep 2019 08:41:12 +0000

Заштитата со 3D Secure технологија е бесплатна и обезбедува дополнителен степен на безбедност и сигурност при плаќање со картичка преку интернет „УНИБанка” воведува 3D Secure технологија со што обезбедува дополнителна заштита на своите клиенти при интернет плаќања со картички. 3D Secure технологијата претставува превенција од злоупотреби при интернет плаќања преку користење на највисоко ниво на автентикација на клиентите корисници на картички. Заштитата на клиентите се заснова на динамички метод на автентикација на корисникот на картичка, кој се реализира со користење на еднократна лозинка – ОТП лозинка. Клиентите ќе ја добиваат ОТП лозинката преку СМС порака на мобилен телефонски број регистриран во банката и истата е валидна само за конкретната интернет трансакција. Оваа технологија ќе се применува на плаќањата со Mastercard и Visa картички. “3D Secure” технологијата не го менува начинот на плаќање преку интернет, но додава дополнителен чекор, кој овозможува проверка на идентитетот на корисникот на картичката. Покрај стандардните податоци кои се потребни за плаќање на интернет, кај трговци кои учествуваат во програмите за сигурност Mastercard SecureCode и Visa Secure/Verfied by Visa, ќе биде потребно и внесување на ОТП лозинка. Со цел непречено извршување на интернет плаќањата, неопходно е клиентите да го ажурираат својот мобилен телефонски број во било која експозитура на банката. Новата технологија, која обезбедува највисоко ниво на заштита на клиентите, е бесплатна за сите корисници на картички издадени од УНИБанка АД Скопје и за нејзино користење не е потребна дополнителна регистрација.

„УНИБанка“ ја исплати првата камата на инвеститорите во перпетуална обврзница

Ивана Ефремовски — Tue, 23 Jul 2019 08:23:37 +0000

УНИБанка ја исплати полугодишната камата на сопствениците на перпетуални обврзници, со ISIN MKBLBA200011 и шифра на UNIPO. Исплатата на каматa се изврши вчера. Право на исплата на камата имаа сите лица, регистрирани како сопственици на перпетуални обврзници во Централниот депозитар на хартии од вредност, на 21.07.2019 г. „УНИБанка” изврши емисија на перпетуални обврзници со вкупна номинална вредност од 5 милиони евра по пат на приватна понуда, во јануари оваа година. Емисијата е без рок на доспевање, а каматната стапка е фиксна, 9% на годишна основа за првите пет години и се зголемува на 11% по завршување на овој рок. Банката го издаде хибридниот капитален инструмент, познат како перпетуална обврзница со цел да го зголеми својот основен капитал. Новиот капитален инструмент на „УНИБанка” беше издаден по цена од 1.000 евра за обврзница и е првиот ваков производ на македонскиот финансиски пазар. Перпетуалната обврзница, претставува инструмент за хибридно финансирање, којшто ги обединува карактеристиките на акција и на обврзница и се исплаќа камата на инвеститорите два пати годишно. Перпетуалната обврзница котира на официјалниот пазар на Македонска берза и со истата може да се тргува. За повеќе информации: http://www.unibank.mk/files/attachments/Prospekt.pdf

„УНИБанка” одбележа 15 години во Прилеп

Катерина Бојаџиева — Thu, 06 Jun 2019 09:28:58 +0000

„УНИБанка” прослави 15-годишнина на својата експозитура во Прилеп со елегантен коктел во ресторан „Кристал Палас”. На настанот присуствуваа над 100 клиенти, партнери и пријатели на банката од градот и од регионот. -Еве како изминаа 15 години од кога првиот клиент на експозитура Прилеп го пречекори прагот на банката. Денес се радувам да видам дека јубилејот на нашата експозитура е и јубилеј на нашите клиенти и партнери. Заедно поминавме долг пат и со времето докажавме дека “УНИБанка” е симбол на висок професионализам, лојалност и партнерство. Им благодарам на сите наши клиенти за довербата низ годините, како и на вработените во експозитура Прилеп кои што секојдневно бескомпромисно ги оддржуваат високите стандарти на “УНИБанка”, изјави раководителот на експозитура Прилеп, Кире Стевановски, по време на настанот. Специјално за јубилејот, на прославата присуствуваа г-дин Делчо Крстев, член на УО и извршен директор на „УНИБанка”, г-ѓа Милка Тодорова, претседател на УО и извршен директор на „УНИБанка” и г-дин Иво Зимоски, директор на дирекцијата „Мрежа на експозитури“. Заедно со раководителот на експозитурата Прилеп , тие ја пресекоа тортата по повод јубилејот. Елегантниот коктел продолжи со музичките изведби на Теди и Рубин и прекрасен огномет кој што го обои небото над градот. До денес, мрежата на експозитури на банката во земјата брои 30 експозитури. Во регионот на Прилеп „УНИБанка” е веќе сигурен партнер на близу 12.000 клиенти. Експозитурата управува со кредитно портфолио од 11 милиони евра и депозитно портфолио од 9,5 милиони евра. Главните дејности, за кои Банката обезбедува финансирање, се фокусираат на инвестициите во градежништвото, производството, трговијата, услугите, угостителството. Со ова, финансиската институција придонесува за развојот на бизнис климата во регионот и за реализација на нови проекти, со што директно и индиректно влијае врз стапката на вработеност преку обезбедување многу работни места.