униформи – Kurir.mk

Бесплатни униформи за учениците од училиштата во општина Гази Баба

Тале Кристо — Wed, 13 Sep 2023 12:29:22 +0000

УЧЕНИЦИТЕ ОД УЧИЛИШТАТА ВО ГАЗИ БАБА ДОБИВААТ БЕСПЛАТНИ УНИФОРМИ. Со задоволство сакам да објавам дека заврши постапката за набавка на бесплатни училишни униформи за сите 6800 ученици од општинските основни училишта на територија на општина Гази Баба. Оваа учебна година за прв пат во историјата општината од сопствени средства обезбедува училишна униформа која за секој ученик ќе биде бесплатна. Со реализација на овој проект ги намалуваме трошоците на родителите, а вооедно ја намалуваме класната разлика која се создава помеѓу учениците со што се постигнува степен на еднаквост помеѓу децата за време на престојот во училиштето. Од денес во училиштата започнува евидентирање на учениците со цел утврдување на величината на униформата за секое дете по што ќе следува и доделување на униформите. Реализацијата на оваа мерка доаѓа како исполнување на ветувањето дадено во мојата изборна програма. Ветувањата дадени пред граѓаните се исполнуваат!, објави на социјалната мрежа на Фејсбук градоначалникот на општина Гази Баба Бобан Стефковски.

СПМ до Спасовски: Веднаш да се набават нови комплети на униформа за полициските службеници

Магдалена Андонова — Wed, 09 Jun 2021 08:36:40 +0000

Вонредна и "убава" ВЕСТ ‼️ Конечно по изминување на извесен период "пристигнати" се новите комплети на униформа за припадниците на Македонската полиција Од вчера започнато е со распределба на нови патики од типот „NIKE„ модел „Air Max„ и истите веднаш се распределени на сите припадници на униформираната полиција , па така сега припадниците на Македонската полиција ќе имаат можност своите службени обврски да ги извршуваат опремени со еден од најсовремените светски брендови. НЕКА Е НА ЗДРАВЈЕ Како што дознаваме официјалната ПРОСЛАВА по овој повод е во завршна фаза каде на самата се повикани целиот државен врв во Република Македонија, амбасадори како и претседатели на држави, ЕУ, НАТО... Во најкус временски период се очекува промена на Правилникот за носење на службена униформа , со што се отвара можност униформираната македонска полиција наскоро да биде опремена со нови „NIKE„ капчиња ,нови „NIKE„ поло маици и слично Создаваме ЗАДОВОЛНА ПОЛИЦИЈА што значи дека автоматски имаме БЕЗБЕДНИ ГРАЃАНИ .... За жал оваа не е точно, и имајќи ја во предвид состојбата во која што денеска се наоѓа македонскиот полицаец е ЖАЛНО и ТРАГИЧНО ! Македонскиот полицаец , како никогаш до сега е соочен со недостиг на делови од униформа и опрема , а во одредени случаи и со недостиг на комплет униформа , па истите се приморани своите работни задачи да ги извршуваат снаоѓајќи се по принципот „кој како знае и може„ односно од лични средства кои што и онака се сведени на просечниот минималец , се купуваат обувки и делови од гардероба кои што можат да се носат како во приватниот живот така и на работа како дел од службена униформа , или пак со лични средства по приватни шнајдери се шијат делови од униформа или цел копмплет на униформа .‼️‼️‼️ ЖАЛНО и ТРАГИЧНО е како денсека изгледа македонскиот полицаец , кој што претставува лице и огледало на државата во јавноста и во светот ‼️ ‼️По кој знае кој пат , како Синдикат на Полиција во Македонија - СПМ , реагираме и упатуваме јавно Барање до Министерство за внатрешни работи и до министерот Oliver Spasovski , да го напуштат принципот "дрскиот популизам со евтина пропаганда" во кој што најверојатно ни тие самите не веруваат и кој што имаат за навика јавно да го практикуваат сите овие години наназад и конечно да запознат реално да ги согледуваат и решаваат проблемите на македоскиот полицаец и ВЕДНАШ да набават нови комплети на униформа и со истите да ги опремат сите полициски службеници . Вака Господине Спасовски имате СЕ, само НЕ ЗАДОВОЛНА ПОЛИЦИЈА ‼️ Фејсбук статус на Синдикат на полиција во Македонија

Синдикатот на полицијата побара МВР да ги реши проблемите со униформите

Магдалена Андонова — Wed, 14 Oct 2020 08:20:30 +0000

Синдикат на Полиција во Македонија преку соопштение денеска побара од Министерството за внатрешни работи решавање на нивните проблеми со униформите и со неисправните службени возила. -Ги „украсивте“ полициските станици, а полициските службеници се возат во неисправни возила, униформата се уште ја нема комплет, зимата кај и да е доаѓа, а младите колеги, бројка и до неколку илјади и понатаму ќе мрзнат со популарната јакна тешка не повеќе ни помалку од „300 грама“. До кога полициските службеници ќе ги извршуваат службени задачи прошарани со униформа „кој од каде ќе се снајде“ и до кога ќе се радуваме на донации господа од Министерството, се наведува во соопштението. Од Синдикатот на полицијата велат дека правдата е на нивна страна и дека нивната цел не е само да седнат во удобни фотељи туку и да се изборат за подобри услови за работа. Според нив од надлежните во МВР зависи дали паролата „Задоволна полиција- безбедни граѓани “ ќе се постигне или не. (МИА)

Од магацините во Министерството за одбрана украдени се повеќе комплети униформа и други делови од униформа

Тале Кристо — Wed, 01 Jul 2020 12:41:39 +0000

Универзитетскиот професор по одбрана и безбедност, Александар Нацев објави дека изминатата ноќ од магацините кои се наоѓаат во кругот на Министерството за одбрана и Генералштабот се украдени повеќе од 35 комплети униформа и други делови од униформа -Измината ноќ од магацините кои се наоѓаат во кругот на Министерството за одбрана и Генералштабот се украдени повеќе од 35 комплети униформа и други делови од униформа. Додека министерката за одбрана си тера кампања со службени возила и користи униформирани лица за снимање партиски спотови, некој се дрзнал да ја ограбува Армијата. Министерството за одбрана засега молчи и случајот се држи во тајност, пишува на социјалната мрежа на Фејсбук Нацев.

Нацев: Некомплетни униформи за безимена армија!

Тале Кристо — Tue, 23 Jun 2020 15:17:32 +0000

Обидот да се изманипулира јавноста и да се претстави лажна реалност пред граѓаните е вештина која актуелната власт успешно ја има совладано. Но, граѓаните веќе се доволно рационални за да можат критички да ги гледаат работите и да не потпаѓаат под влијание на селективни прес конференции и празни ветувања. Денешниот обид да се прикаже купувањето униформи за припадниците на АРМ како спектакуларен успех од невидени размери, всушност е само катастрофален обид за манипулација на јавноста, обвинува универзитетскиот професор по одбрана и безбедност Александар Нацев. Бидејќи јас сум воено лице и сум носел неколку комплети униформа за време на мојата служба во АРМ, знам (а сигурно знаат и сите оние кои отслужиле воен рок или работат како ПфВ и старешини) дека комплетната униформа не се состои од панталони и палто, туку има уште неколку парчиња кои сочинуваат еден комплет, како маици, поткошула, зимска јакна, џемпер, чорапи и слично. Па така, освен што е очигледно дека на новите униформи недостасува името на нашата татковина, очигледно е дека тајмингот за делење на униформите е само предизборен трик, бидејќи се делат на еден ден пред почетокот на изборната кампања, а истите тие униформи стоеја во магацини веќе подолго време. Но, освен за униформите, еве да прашам за неколку други состојби во АРМ, кои селективно се изоставуваат од бледите прес-конференции: Како се дозволи да се појави шуга во касарната во Велес? Што стана со истрагата за ешерихија коли во водата во касарната во Штип? Што се презема во врска со значителното зголемување на бројот на заразени војници со COVID-19, и појавата на голем број позитивни лица во касарните „Гоце Делчев“ и „Илинден“, но и во Генералштабот и во Министерството за одбрана? До каде е комплетирањето на набавката на чизми за војниците, бидејќи при првата набавка немаше доволно за сите? Зошто го уништивте Полкот за специјални операции? Зошто ги трансформиравте тенковските и артилериските единици? Оваа низа на прашања може да продолжи уште многу, но за сега ќе застанам овде. Припадниците на АРМ се наши херои и се во првите редови на одбраната на татковината и на нејзиното достоинство. Јас, како поранешен припадник и офицер на АРМ, ќе се залагам за достоинствен третман на нашите војници, и секогаш кога им се нанесува неправда, ќе реагирам и ќе ја кажувам вистината, вели во својата објава Нацев.

Откако го сменија името на македонската Армија, сега ќе се менуваат униформите на нејзините припадници

Ивана Ефремовски — Fri, 05 Jul 2019 19:01:40 +0000

Новите униформи ќе бидат целосно усогласени со Уставот и со Уредбата на претседателот. Во Преспанскиот договор имаме одреден период на транзација и никој не очекува работите да се променат преку ноќ, изјави министерката за одбрана Радмила Шекеринска, одговарајќи на новинарско прашање кога може да се очекува да бидат заменети ознаките и да се набават нови унформи за Армијата откако вчера претседателот Стево Пендаровски ја потпиша Уредбата за преименување на АРМ. Новата процедура, како што рече, ќе започне согласно со новата Уредба на претседателот и за тоа ќе треба време согласно закон. -Не е добро да се влечат процедурите и да се работи без процедури. Тоа го кажавме од почетокот. Можевме да прифатиме униформи кои нема да одговараат на стандардите и на спецификациите, но рековме дека со неквалитет армијата и досега платила голема цена, рече Шеќеринска, одговарајќи на новинарски прашања при презентацијата на опремата од вежбата „Одлучен удар”, што е изложена вечерва во центарот на Скопје. Како што посочи, не се фокусирани за замена на униформите на Денот а Армијата – 18 август, со оглед дека станува збор за борбени, а не за службени униформи.

ФОТО: „Тигрите“ добија нови униформи

Ристе Здравков — Mon, 22 Oct 2018 10:18:38 +0000

Единицата за специјални задачи добија нови униформи и делови што припаѓаат покрај униформата за извршување на посебни и специјални задачи. Набавени се 200 комплети униформи за специјална полиција за урбана средина и 200 комплети униформи за специјална полиција за рурална средина. Секојдневните наши ангажмани како актуелно раководство на министерството за внатрешни работи јасно ја докажуваат нашата цврста решеност да ја трансформираме полицијата во кредибилна институција, во реален сервис на граѓаните, во достоинствена и репсектирана професија.

ФОТО: Шестата управа доби нови униформи – вака ќе биде облечено обезбедувањето во иднина

Курир — Mon, 23 Apr 2018 10:00:27 +0000

рипадниците на Одделот за заштита на одредени личности или објекти познат како Шеста управа денеска добија нови службени униформи.

Министерот за внатрешни работи Оливер Спасовски ги промовираше униформите, нагласувајќи дека МВР врз основа на јавна набавка обезбедило 464 машки и 39 женски комплети цивилна облека. Цената на еден комплет изнесува 6.560 денари без ДДВ, а МВР за сите униформи потрошило 3.299.680 денари.

– Веќе долго време немаше никаква набавка на униформи не само за Шестата управа, туку и за сите припадници на полицијата. Целта е да се унапредат стандардите на професионално работење на сите оддели во МВР, а Шестата управа е оддел кој има специфичен вид на задачи и МВР е должно да поведе сметка за сите аспекти од нивното работење, рече Спасовски. Додаде дека во Министерството престојат уште задачи и активности не само од материјално-технички аспект, туку и во насока на подигнување на стручноста, организацијата и системското работење на Министерството.

„Несомнено“: Заев ветуваше дека униформите и парите нема да бидат да бидат двојазични, со законот за јазици се предвидени како двојазични

Ивана Ефремовски — Thu, 22 Mar 2018 17:07:24 +0000

Полицијата ќе носи двојазични униформи, специјалците, посебните единици, мобилната Алфа, сообраќајната и редовниот полициски состав, на амблемите од униформите ќе им пишува на македонски и албански јазик. Ова го предвидува чл.8 ст.3 од законот за јазици, вели новинарката Гетева во емисијата „Несомнено“ на телевизија Алфа. Ова е спротивно на тврдењата на премиерот Зоран Заев од март лани, кога тој велеше дека двојазичните униформи се косат со Уставот. Имено тогаш Заев од партиски прес кажа дека парите и униформите, се користат на целата територија на Република Македонија и тие не можат да бидат двојазични, бидејќи тоа е спротивно со Уставот. Спротивно на ветувањата на Заев во постојното законско решение стои дека униформите на полицијата, здравствените работници и пожарникарите во општините каде најмалку 20% од граѓаните зборуваат службен јазик различен од македонскиот јазик, како и во градот Скопје, се напишани на македонски јазик и на јазикот кој го зборуваат најмалку 20% од граѓаните на Република Македонија. Со оглед на фактот дека седиштата на посебните и специјалните единици на полицијата се во Скопје, назнаките од униформите на „Тигар“, „ЕБР“, „Алфа“, „ПЕП“ ќе бидат двојазични. Заев, кој еднаш ги излажа граѓаните со ветувањето дека нема да има двојазични униформи и пари, сега повторно поради противвењето на претседателот на државата да го потпише Указо на законот, излегува со ново ветување и вели дека законот треба да живее и дека администрацијата во источна Македонија нема да треба да учи албански јазик. Гетева објаснува и дека постапките пред суд, граѓански и кривични, ќе треба да се водат покрај на македонски јазик и на албански јазик, доколку судија, јавен обвинител, странка или друг учесник во постапката е лице кое зборува албански јазик. И одлуките во овие постапки ќе се донесуваат на македонски и на албански јазик. Законот ги обврзува судовите, јавните обвинителства, полицијата, како и сите други органи, тела и институции, да овозможат превод на сите потребни документи и материјали, како и симултан превод на излагања, изјави и рочишта во работата или постапката што се води. Необезбедувањето на превод на сите потребни документи и материјали. Додека необезбедувањето на симултан превод за време на целиот тек на постапката, претставува суштинска повреда на постапката. Гетева завршува дека и имињата на органите и институциите ќе бидат напишани и на македонски и на албански.

Грци во униформи на андартите, кои ги палеа македонските села во Егејска Македонија – протестираа во Солун против Македонија (ФОТО)

Курир — Mon, 22 Jan 2018 09:17:10 +0000

Грци во униформи на андартите од 19 век, кои ги палеа македонските села во Егејска Македонија, ги колеа и протеруваа Македонците вчера од центарот на Солун побараа бришење на Македонија. Овие слики на кои се гледаат грци облечени во андартски униформи, наоружени до заби беа дел од поситителите на стоилјадниот протест во Солун против употребата на зборот Македонија во името на нашата држава. Кои се всушност андартите? Андартите се паравоена структура формирана од страна на Германос Каравангелис со поддршка од грчката држава, кои имале за цел етничко чистење на Егејска Македонија и нејзино целосно еленизирање. Дејствувале во текот на 19 век и во сојузништво со турскиот аскер ги малтретирале македонските селани. Андартите извршиле големи злосторства врз Македонците. Најпрочуените злосторства се масакарот во село Загоричани и ја организирал крвавата свадба во Зелениче. Додека по Илинденското востание самиот Каравангелис ги координирал палењата на селата Черешница и Вишени, при што иннсистирал да се убијат видните дејци на ВМРО. Во масакарот во Загоричани биле убиени 79 селани, а целото село било запалено. Овој масакар е опеан и во песната „Народе македонски“ во која се спомнува Каравангелис и андартскиот напад врз Загоричани.Најмалата жртва на Каравангелис било дете на возраст од 4 година, а најстариот дедо на 100 години. Крвавата свадба во Зелениче завршила со убиени 11 и ранети биле 4 луѓе. Во 1903 година Каравангелис му платил 50 лири на Коте Христов за да го убие војводата Лазар Поп-Трајков, а фотографијата со главата на војводата ја закачил во својот кабинет. Под притисок на андартите и Каравангелис 140 македонски села биле принудени да го признаат своето елинско потекло. Меѓутоа истите тие села откако добиле султанова амнестија повторно се откажале од Патријаршијата. Истите тие андарти присилно иселија илјадници Македонци од Егејска Македонија до Балканските војни, но и после се до протерувањето на Македонците од Егејска Македонија. На протестите се забележаа и грци во војнички униформи, со што се доаѓа до заклучокот дека протестот е одоброволен од официјалните грчки власти.