унија на млади сили на вмро-дпмне – Kurir.mk

Николовска: Студентите во Македонија се жртва на индиферентноста на власта, измина уште еден месец, а нема исплата на средствата за студентски оброк

Дарко Андоновски — Thu, 02 Mar 2023 10:19:45 +0000

Измина уште еден месец во кој студентите не добија никаква исплата на средствата за субвенционираниот студентски оброк. Наместо прослава и награда за успешниот крај на семестарот, завршување на испитната сесија и останати академски и професионални успеси, студентот во Македонија повторно е жртва на индиферентноста на властите кон младите и студентскиот живот, ова денеска преку изјава за медиумите го истакна Александра Николовска од Унијата на млади сили на ВМРО-ДПМНЕ. -Доцнењето на исплатата за месец јануари дури и на почетокот на третиот месец, по којзнае кој пат докажува дека поддршката на власта за студентите, студентскиот живот и стандард е само декларативна и наменета за личен маркетинг. Кога властите секојдневно докажуваат дека не се способни да ја изградат иднината за младите и новите генерации, треба да си заминат и да престанат да си поигруваат со нашето трпение. Наместо барање слепа послушност, конструктивност и премолчување пред колапсот на системот и институциите, властите треба во нас да го препознаат потенцијалот, креативноста и капацитетот за градење на поубаво и здраво општество, вели Николовска. Таа додава дека наместо вложување на десетици илјади евра во спонзорирани објави, како и проекти и мерки наменети за личен бенефит, апелираме до надлежните под итно да почнат да се занимаваат со реалните проблеми со кои се соочуваат студентите и младите. И ние, како и секој друг граѓанин на Македонија, заслужуваме достојни и соодветни услови за живот.

УМС на ВМРО-ДПМНЕ: Студентите се уште немаат добиено пари за субвенциониран студентски оброк за месец јануари, власта да почне да ги решава реалните проблеми

Катерина Бојаџиева — Wed, 01 Mar 2023 10:43:23 +0000

Наместо да го прослави успешниот крај на семестарот, завршувањето на испитната сесија и други академски и професионални успеси, студентот во Македонија се уште се соочува со проблеми предизвикани од индиферентноста на властите кон студентите и студентскиот живот. Иако денеска е почетокот на третиот месец од годината, студентите се уште немаат добиено исплата на средствата за субвенционираниот студентски оброк за месец јануари, велат од Унија на млади сили на ВМРО-ДПМНЕ. -Повеќепати е видено дека целата поддршка на власта за студентите, студентските домови, живот и стандард е само декларативна и наменета за активности од делот на политичкиот маркетинг и градењето на лажна слика за наводна грижа за младите во Македонија. Наместо бунтовност, критика, енергија и креативност, Владата од нас бара слепа послушност, конструктивност и премолчување, игнорирање на нефункционалноста на државните институции, замижување пред целосниот колапс на системот и институциите на државата. Како УМС на ВМРО-ДПМНЕ и како глас на младите во Македонија, порачуваме дека нема да останеме тивки и будно ги следиме сите постапки. Наместо десетици илјади евра за спонзорирани објави и спотови од посети на студентски домови за лична промоција, апелираме до власта да почне да се занимава со реалните проблеми со кои се соочуваат студентите и младите. Апелираме оваа поддршка најитно да се покаже преку дела, а не преку празни зборови, потенцираат од партијата.

71 година од убиството на струмичките студенти: Македонија се разбуди со летоци со нивната цел

Ивона Петрова — Sat, 13 Aug 2022 15:35:17 +0000

На денешен ден 1951 година, биле застрелани петте струмички студенти Борис Белев, Мирко Пецев, Ѓорѓи Костуранов, Стево Топчев и Ѓорѓи Јармов од комунистичкиот режим. -Нивната цел била слободна и независна Македонија. Повторно Македонија се разбуди со нивните летоци по градовите. Нив ги застрелаа за да ја уништат идејата, но заборавија на идните генерации инспирирани од нив, велат од Унијата на млади сили на ВМРО-ДПМНЕ. Пред споменикот на петтемина убиени струмички студенти денеска беше одбележана 71 годишнина од нивното убиство. Пред споменикот на петтемина убиени струмички студенти цвеќе положија членови на нивните семејства, членови на Советот на општина Струмица, политички партии и здруженија на граѓани и претставници на државни институции.

УМС на ВМРО-ДПМНЕ донираа аудио книги во Националниот сојуз на слепи лица на Македонија

Магдалена Андонова — Tue, 27 Apr 2021 10:40:43 +0000

Денеска, Унијата на млади сили на ВМРО-ДПМНЕ, донираа аудио книги во Нациоланиот сојуз на слепи лица на Република Македонија. - Во пресрет на најголемиот христијански празник, Велигден, денес членот на ИК , Столе Пандов и претседателката на Клубот на оратори, Александра Петровска, ги предадоа првите аудио книги во Националниот сојуз на слепи лица на Македонија. Проектот за снимање на аудио книги е соработка на Републичката Комисија за култура и Клубот на оратори при УМС на ВМРО-ДПМНЕ, се вели во Фејсбук статусот на Унијата на млади сили на ВМРО-ДПМНЕ. - Унијата на млади сили, како општествено одговорна младина, активно работи на подобрување на условите на лицата со било каква попреченост и се залага за инклузивно општество, пишува во објавата.

Герила акција на УМС на ВМРО-ДПМНЕ: Бројот на заболени расте, до каде сте со пописот? (ФОТО)

Дарко Андоновски — Fri, 19 Mar 2021 11:50:06 +0000

Унијата на млади сили на ВМРО-ДПМНЕ денеска организираше герила акција на влезот на Скопје. Имено тие ја прашуваат власта преку транспаренти до каде се со пописот кој сакаат да го протуркаат во време кога бројот на заболени од коронавирус вртоглаво расте. -Бројот на заболени расте, до каде сте со пописот?, стои во транспарентот. Инаку пописот треба да се одржи во земјава од 1 до 21 април идниот месец, во време кога во Македонија бројот на заразени расте од ден на ден. Само вчера беа регистрирани над 1200 новозаразени, а бројот на починати во просек на ден не е под 15 лица.

Унија на млади сили на ВМРО-ДПМНЕ: СДСМ е партија која лаже и ништо не работи (ФОТО)

Дарко Андоновски — Sun, 07 Mar 2021 15:21:40 +0000

Унијата на млади сили на ВМРО-ДПМНЕ преку статус на Фејсбук пишуваат дека СДСМ е партија која лаже и ништо не работи. -СДСМ е партија која лаже и ништо не работи, затоа денес, организиравме активности за потсетување на градоначалниците што ветија пред четири години. Да ги потсетиме зошто дојдоа на власт. Ги потсетивме на сите лаги кој градоначалниците од СДСМ ги претставија пред граѓаните во 2017-та година. Денес младите од Македонија ги потсетија дека ниту еден од големите проекти не го реализираа. Ќе продолжиме со кревање на свеста за лагите на несериозните градоначалници, заради отчетноста, заради тоа што ние не сакаме да останеме тука без никаков напредок и развој. И да им кажеме патем дека овие лаги и неспособност ќе ги чинат избори, зошто Македонија нема повеќе да трпи лаги! #ОдговорностЗаЛагите, стои во нивниот пост на Фејсбук.

СДСМ е партија која лаже и ништо не работи, затоа денес, организиравме активности за потсетување на градоначалниците што... Posted by Унија на млади сили на ВМРО-ДПМНЕ on Недела, 07 март 2021

Унијата на млади сили на ВМРО-ДПМНЕ со доделување на заштитни маски и ракавици во Црвениот крст го одбележа светскиот ден на здравјето

Дарко Андоновски — Tue, 07 Apr 2020 10:57:25 +0000

Унијата на млади сили на ВМРО-ДПМНЕ денеска со поделување на заштитни маски и ракавици за потребите на Црвениот крст го одбележаа светскиот ден на здравјето. -Имајќи ја предвид новонастанатата ситуација со коронавирусот и грижата за здравјето на луѓето, денес поделивме 400 маски и 450 пара ракавици за потребите на Црвениот крст во Дом на хуманитарни организации ,,Даре Џамбаз", согласно нашите можности. Грижата за јавното здравје е на сите нас и ние секогаш ќе бидеме вклучени во хумани мисии сѐ со цел да допринесеме за зачувување на здравјето. На овој начин и го одбележуваме Светскиот ден на здравјето и се заблагодаруваме на сите херои кои се борат на првата линија со пандемијата од коронавирусот. https://www.facebook.com/UMSVMRODPMNE/posts/2999618340099429

Унијата на млади сили на ВМРО-ДПМНЕ спроведе крводарителска акција

Дарко Андоновски — Thu, 02 Apr 2020 13:52:28 +0000

Унијата на млади сили на ВМРО-ДПМНЕ денес спроведе крводарителска акција во соработка со Црвен крст и Центарот за крводарители во Дом на хуманитарни организации ,,Даре Џамбаз’’. Тие преку статус на Фејсбук апелираат до сите да бидат хумани и да даруваат крв. -Унијата на млади сили на ВМРО-ДПМНЕ денес спроведе крводарителска акција во соработка со Црвен крст и Центарот за крводарители во Дом на хуманитарни организации ,,Даре Џамбаз’’. Хуманитарната помош и помошта за граѓаните е секогаш на прво место. Бидете хумани, дарувајте крв!, стои во нивниот посто на Фејсбук. https://www.facebook.com/UMSVMRODPMNE/posts/2988734617854468

Здравствениот тим на УМС на ВМРО-ДПМНЕ го објави на македонски јазик најпреведуваниот документ поврзан со коронавирусот

Дарко Андоновски — Thu, 02 Apr 2020 12:52:08 +0000

Унијата на млади сили на ВМРО-ДПМНЕ го објави на македонски јазик најпреведуваниот документ поврзан со коронавирусот. -Здравствениот тим на УМС на ВМРО-ДПМНЕ во изминатиот период работеше на превод на значајни документи за правенција, третман и справување со последиците од пандемијата со корона вирусот. Денеска го објавуваме на македонски најпреведуваниот документ во светот во кој се содржат препораките на еден од најефикасните тимови кои се наоѓаат во првите редови во борбата против COVID-19. Се работи за Прирачник за превенција и третман издаден од FAHZU (Првата придружна болница на Медицински факултет при Универзитетот во Жеијанг) на основа на клиничкото искуство во лечењето на овој нов корона вирус, а е финансиран преку фондацијата Џек Маа и Алибаба. Додека медицинскиот персонал во FAHZU се изложуваше на огромна лична опасност за време на лечењето на пациентите со COVID-19, го бележаа своето дневно искуство кое може да се пронајде во овој Прирачник. Во рок од 50 денови, 104 потврдени пациенти беа примени во FAZHU, од кои 78 беа тешко и критично болни. Благодарение на напорите на медицинскиот персонал и примената на нови технологии доживејаа чудо. НИТУ ЕДЕН ЧЛЕН НА ПЕРСОНАЛОТ НЕ Е ИНФИЦИРАН, НЕМАШЕ ПРОМАШЕНИ ДИЈАГНОЗИ И НИТУЕ ЕДЕН ПАЦИЕНТ НЕ ПОЧИНА. Со доближувањето на овој материјал до здравствените работници и општата јавност сакаме да дедеме придонес во подобрувањата на безбедноста на работните места во здравствените установи но и да придонесеме до отварање нови можности и нови модалитети на третман на пациентите. Ваквите искуства се највредниот извор на информации и најсилното оружје во рацете на здравствените работници кои се наоѓаат на првите борбени линии. Им благодариме ним и на нивните семејства. Со почит. Лнк за преземање на прирачникот: https://www.facebook.com/UMSVMRODPMNE/posts/2988623357865594

УМС на ВМРО-ДПМНЕ донираше пакетчиња во Дневниот центар за деца на улица

Дарко Андоновски — Tue, 24 Dec 2019 12:26:19 +0000

Унијата на млади сили на ВМРО-ДПМНЕ донираше пакетчиња во Дневниот центар за деца на улица. -По повод новогодишните и божиќните празници Градскиот комитет на УМС донираше пакетчиња во Daycare Centre for street children/ Дневен Центар за деца на улица Се надеваме дека им ги разубавивме претстојните празници, стои во нивниот пост на Фејсбук.