унија на жени на вмро-дпмне – Kurir.mk

УЖ на ВМРО-ДПМНЕ со хуманитарна акција за настраданите од земјотресот во Турција и Сирија

Дарко Андоновски — Wed, 08 Feb 2023 09:15:51 +0000

Да помогнеме на оние кои им е најпотребно во овој момент. Погодените од земјотресот во Турција и Сирија. Во овие исклучително тешки и тажни моменти за нив, за семејствата на загинатите и повредените, Унијата на жени на ВМРО-ДПМНЕ организира пунктови за собирање донации. Место: Плоштадите на сите градови во Македонија Време: 11.02 и 12.02 сабота и недела од 12.00-14.00 часот Во вакви моменти треба да се потсетиме дека можеме со хуманост и солидарност да им помогнеме на овие луѓе кои за миг изгубија можеби и сѐ што имале. Искрено и од срце посакуваме брзо заздравување на повредените, а овие земји што поскоро да ги санираат погодените места од разорниот земјотрес. Потребни донации: ЗИМСКА ОБЛЕКА (ВОЗРАСНИ И ДЕЦА) Палто - монтка Мантил за дожд Чизми-чизми Џемпер Панталони Ракавици Марама - Шал Беретка/капа Чорапи Долна облека ДРУГИ МАТЕРИЈАЛИ Шатор Кревет Душек (за шатор) Ќебе Вреќа за спиење Каталитичка греалка Боца Термос Рачно фенерче Полнач powerbank Генератор КУТИЈА ЗА ХРАНА (ИЗДРЖЛИВА ХРАНА - КОНЗЕРВИРАНА) ДЕТСКА ХРАНА ПЕЛЕНИ МАТЕРИЈАЛИ ЗА ЧИСТЕЊЕ И ХИГИЕНА ХИГИЕНСКИ ВЛОШКИ

ВО ЖИВО: Унијата на жени на ВМРО-ДПМНЕ организира настан по повод ослободувањето на Скопје, „ Слободата не се подарува, се освојува “

Дарко Андоновски — Sun, 13 Nov 2022 09:30:59 +0000

ВМРО-ДПМНЕ известува дека денес 13.11.2022 (недела) во парк Жена Борец во 11:00 часот Градскиот комитет на Унијата на жени на ВМРО-ДПМНЕ ќе организира настан по повод одбележување на 78 години од ослободувањето на Скопје, под слоганот „Слободата не се подарува, се освојува“.

Унијата на жени на ВМРО-ДПМНЕ во Гази Баба го посети Домот за стари лица Руски

Магдалена Андонова — Sun, 26 Dec 2021 14:03:08 +0000

Заедно со жените од Унијата на жени на ВМРО-ДПМНЕ во Гази Баба, утрово бевме во новогодишна посета на Домот за стари лица Руски кои се наоѓа на територија на општина Гази Баба, информираше преку Фејсбук статус претседателката на Унијата на жени на ВМРО-ДПМНЕ, Жаклина Пешевска. - Возрасните, нашите предци се оние кои не создале и одгледале за денес да бидеме ова што сме и тоа не смееме да го заборавиме. Среќна сум што со нашето малку, на корисниците во домот им го направивме денот и престојните празници повесели, додава таа во својата објава.

Пешевска со честитка по повод роденденот на Унијата на жени: Жените од ВМРО-ДПМНЕ секогаш биле столбот на единството во партијата

Тале Кристо — Sun, 21 Nov 2021 17:43:34 +0000

Денес, кога одбележуваме 24 години постоење добро е да се спомне дека жените од ВМРО-ДПМНЕ секогаш биле столбот на единството во партијата. Секогаш кога ВМРО и Македонија биле исправени пред сериозни предизвици, никогаш не било доведено прашањето на која страна ќе се жените во партијата. Тие секогаш биле на вистинската страна!,пишува во својата честитка Жаклина Пешевска по повод роденденот на Унијата на жени на ВМРО-ДПМНЕ. -СРЕЌЕН РОДЕНДЕН НА УНИЈАТА НА ЖЕНИ НА ВМРО-ДПМНЕ! 24 ГОДИНИ - УНИЈА НА ЖЕНИ НА ВМРО-ДПМНЕ! Почитувани членки на Унијата на жени на ВМРО-ДПМНЕ, Драги мои храбри лавици од општинските и месните комитети од цела Македонија, На сите Вас Ви го честитам денешниот ден, денот на формирањето на Унијата на жени на ВМРО-ДПМНЕ. Денес, кога одбележуваме 24 години постоење добро е да се спомне дека жените од ВМРО-ДПМНЕ секогаш биле столбот на единството во партијата. Секогаш кога ВМРО и Македонија биле исправени пред сериозни предизвици, никогаш не било доведено прашањето на која страна ќе се жените во партијата. Тие секогаш биле на вистинската страна! Денес, после успешно спроведени локални избори на кој ВМРО-ДПМНЕ и коалицијата имаа убедлива победа, Унијата на жени го доби заслуженото место. Денес 14 општини во Македонија имаат жена од ВМРО-ДПМНЕ за претседател на Советот на општините, орган кој преставува парламент на локално ниво. За што ја користам оваа прилика и јавно да се заблагодарам на претседателот на ВМРО-ДПМНЕ Христијан Мицкоски за поддршката кон жените од ВМРО-ДПМНЕ. На крајот, искрено и од срце се заблагодарувам на сите претходни претседателки на Унијата на жени на ВМРО-ДПМНЕ и на сите претходни состави на Извршниот и Централниот комитет, најголема благодарност до секоја една жена од месните и општинските комитети, од минатото и денес бидејќи жените од месните комитети се основната клетка на постоењето на Унијата на жени на ВМРО-ДПМНЕ. Продолжуваме да чекориме напред, обединети и силни кон нови победи! Да сте ми живи и здрави! Да живее Унијата на жени на ВМРО-ДПМНЕ!, пишува Пешевска во својата објава.

ПРОТЕСТ во сабота во 11 часот пред МЗ : Здравјето не е статистика, жените против неправдите!

Катерина Бојаџиева — Tue, 16 Mar 2021 20:04:37 +0000

Последните скандали ја прелеаа чашата која се полнеше со повеќе случаи во кои пациенти завршиле трагично поради лекарски грешки кои не биле санкционирани. Нашите тела не се „кукли фантоми за вежбање“ на партиските миленици, нашите животи не смеат да зависат од некадарноста на оние кои вршат злостор и поминуваат неказнето бидејќи се заштитени од политиката. Не смееме да дозволиме враќање во средниот век во кој жените од страв ќе се породуваат дома, ќе стравуваат за своето здравје, бидејќи штетниците се заштитени од Филипче и хаотичното здравство, велат од Унијата на жени на ВМРО-ДПМНЕ, кои најавуваат протест во сабота во 11 часот пред Министерството за здравство. -Здравјето на сите граѓани е загарантирано во Устав! Мора да има одговорност, мора да има правда. Ако премолчиме за ова ќе се случуваат уште многу други вакви случаи. Ако не го кренеме гласот, хоророт ќе продолжи, а виновниците ќе поминуваат неказнето. И затоа не смее повеќе да се молчи! Ве повикуваме гласно да се спротиставиме против неправдите на протест во сабота 20-ти март во 11 часот пред Министерството за здравство, затоа што и затоа што неказнивоста значи одобрување. ЗДРАВЈЕТО НЕ Е СТАТИСТИКА, ЖЕНИТЕ ПРОТЕСТИРААТ. Ова е протест за жената и женските права, ова е протест против заштитата на злосторниците, ова е протест против хаосот и трагедиите во здравството и очекуваме поддршка од сите општествени чинители!

Протест на УЖ на ВМРО-ДПМНЕ пред здравство: Сите сме Јилдиз, не казнивоста значи одобрување

Дарко Андоновски — Tue, 16 Mar 2021 13:55:35 +0000

Сите сме Јилдиз - Неказнивоста значи одобрување. Болниците станаа „жолта куќа“ во која никој не е безбеден. Последниот скандал со Јилдиз Веапоска, родилката од Струга, ја прелеа чашата која се полнеше со повеќе случаи во кои пациенти завршиле трагично поради лекарски грешки кои не биле санкционирани, ова денеска преку изјава за медиумите го истакнаа од Унијата на жени на ВМРО-ДПМНЕ. -Како да не беше доволно што на Веапоска и извадиле здрави органи и матка поради што повеќе нема да може да раѓа, туку и сомнежот за полот на бебето е јасен показател дека докторот Мухамед Асани извршил злосторство за кое мора да има казна, а не заштита од нефункционалниот хаотичен систем на Филипче и неговите пајташи. Нашите тела не се „кукли фантоми за вежбање“ на партиските миленици, нашите животи не смеат да зависат од некадарноста на оние кои вршат злостор и поминуваат неказнето бидејќи се заштитени од политиката. Не смееме да дозволиме враќање во средниот век во кој жените од страв ќе се пораѓаат дома, бидејќи штетниците се заштитени од Филипче и хаотичното здравство, велат од унијата на жени. Од таму додаваат дека мора да има одговорност, мора да има правда. Ако премолчиме за ова ќе се случуваат уште многу други вакви случаи. Ако не го кренеме гласот за ова, хоророт ќе продолжи, а виновниците ќе поминуваат неказнето. И затоа не смее повеќе да се молчи! -Ве повикуваме да го подигнете гласот против неправдите на протест во сабота 20-ти март во 11 часот пред Министерството за здравство, затоа што Сите ние сме Јилдиз и затоа што неказнивоста на ваквите трагични случаи значи нивно одобрување. Ова е протест за жената и женските права, ова е протест против заштитата на злосторниците, ова е протест против хаосот и трагедиите во здравството и очекуваме поддршка од сите општествени чинители, потенцираат од Унијата на жени на ВМРО-ДПМНЕ.

Крводарителска акција: Жените од ВМРО-ДПМНЕ и денес ја покажаа својата големина и хуманост

Катерина Бојаџиева — Fri, 05 Mar 2021 17:41:25 +0000

Во организација на Унијата на жени на ВМРО-ДПМНЕ, денес се одржа крводарителска акција во рамки на планот на активности на Унијата на жени за чествување на 8-ми Март, Меѓународниот ден на жената. -Им благодарам на сите жени кои земаа учество во денешната акција, но и на сите мажи. Му благодарам за поддршката и на генералниот секретар на ВМРО-ДПМНЕ Ѓорѓија Сајкоски! Им благодарам и на колешките пратенички од ВМРО-ДПМНЕ за поддршката и учеството во акцијата. Жените од ВМРО-ДПМНЕ и денес ја покажаа својата големина и хуманост!, напиша претседателот на УЖ на ВМРО-ДПМНЕ Жаклина Пешевска на Фејсбук.

Унијата на жени на ВМРО ДПМНЕ во хуманитарни акции – ја понудија својата помош онаму каде што е најпотребно

Магдалена Андонова — Mon, 07 Dec 2020 11:26:29 +0000

„Почитувани сограѓани, Унијата на жени на ВМРО ДПМНЕ, во организација на Градскиот Комитет, ја продолжи традицијата за реализирање на хуманитарни акции. Во услови на тешка пандемија и криза, најмногу страдаат социјално ранливите категории на граѓани, многудетните семејства, самохраните родители. Унијата на жени на Општински Комитети Аеродром, Бутел, Гази Баба, Кисела Вода, Сопиште, Центар, Чаир и Чучер Сандево во пресрет на новогодишните празници ја понудија својата помош онаму каде што е најпотребно. Хуманоста е наша општествена вредност и таа е втемелена во основните принципи на Унијата на жени на ВМРО ДПМНЕ. Лично се заблагодарувам на сите членки за нивната човечност и искрена хуманост. Со длабока почит Жаклина Пешевска , претседател на Унија на жени на ВМРО ДПМНЕ“

ИК на ВМРО-ДПМНЕ ја избра Жаклина Пешевска за претседател на УЖ на ВМРО-ДПМНЕ, распишан е оглас за избор на претседатели на неколку комитети

Магдалена Андонова — Wed, 07 Oct 2020 09:15:25 +0000

ИК на ВМРО-ДПМНЕ вчера имаше своја редовна седница на која беше разгледана актуелната политичка ситуација во Македонија, но и општата закана по здравјето на граѓаните од корона вирус, која е причинета поради неспособноста на Заев и Филипче да менаџираат. Дополнително ИК констатираше и дека Заев не води сметка за економската состојба на среден и долг рок. И преку константното задолжување, прво ги крши критериумите од Мастрихт, а следствено и ја загрозува ликвидноста и солвентноста на системот. На седницата на ИК беа донесени и неколку кадровски одлуки. За претседател на Унијата на жени на ВМРО-ДПМНЕ беше избрана Жаклина Пешевска. Пешевска е актуелен пратеник во собранието на Република Македонија. Доаѓа од ОК на ВМРО-ДПМНЕ во Гази Баба. А пред да биде избрана за претседател на Унијата на жени била член на ИК на Унијата на жени. ИК донесе одлука и за распишување на јавен повик за кандидирање на претседатели на следните ОК: Старо Нагоричане; Пехчево; Пробиштип; Ранковце; Гевгелија; Неготино; Новаци; Ресен; Струга; Кичево; Центар Жупа; Дебар; Гостивар; Теарце; Брвеница; Боговиње; и Битола. Процесот на внатрешно реструктурирање и реформи ќе продолжи и во наредниот период, се со цел јакнење на партиските капацитети.

Ласовска и членки на УЖ на ВМРО-ДПМНЕ во посета на Домот за стари лица Идила

Ивана Ефремовски — Wed, 25 Dec 2019 22:06:52 +0000

По повод претстојните празници, Претседателката на Унијата на жени на ВМРО-ДПМНЕ, Благица Ласовска заедно со членки од Извршниот Комитет на Унијата на жени, денес го посетија Домот за стари лица Идила, во Скопје. Во пријатна атмосфера, членките на Унијата се дружеа со корисниците на услугите на домот и поминаа преубав ден. -Грижата за лицата кои целиот свој живот твореле и работеле, мора да биде приоритет на државата. Слушнавме многу корисни совети и убави желби. Ви посакуваме добро здравје и среќни пензионерски денови. Благодарност до тимот на Идила, на љубезноста, истакна Ласовска.