унија на жени – Kurir.mk

Пешевска: Унијата на жени на ВМРО-ДПМНЕ со силна поддршка за протестот во недела за неправедно осудените за 27ми Април!

Магдалена Андонова — Fri, 23 Apr 2021 18:02:29 +0000

УНИЈАТА НА ЖЕНИ НА ВМРО-ДПМНЕ СО СИЛНА ПОДДРШКА ЗА ПРОТЕСТОТ ВО НЕДЕЛА ЗА НЕПРАВЕДНО ОСУДЕНИТЕ ЗА 27МИ АПРИЛ! Унијата на жени на ВМРО-ДПМНЕ упатува јавен повик до сите граѓани на Република Македонија, масовно да го подржат семакедонскиот протест за поддршка на неправедно осудените лица за случувањата на 27ми Април, во Собранието на Република Македонија. Осудените не се, и неможат да бидат терористи! Се гледаме во недела во 11 часот пред Влада! Фејсбук статус на Жаклина Пешевска

Протест во 11 часот: Безбедна жена, значи безбедна иднина!

Ивона Петрова — Sat, 20 Mar 2021 08:11:50 +0000

Во организација на Унијата на жени на ВМРО-ДПМНЕ денес во 11 часот пред Министерството за здравство ќе се одржи протест. -ВЕ ПОВИКУВАМ СИТЕ ДА НИ СЕ ПРИКЛУЧИТЕ! ВРЕМЕ Е! КРЕНИ ГО ГЛАСОТ ЗА СЕБЕ! Сабота, 20.03.2021 година во 11 часот, пред Министерство за здравство! И жени и мажи, и стари и млади! Доста беше молк! Време е да го кренеме нашиот глас! Безбедна жена, значи безбедна иднина! Здравјето не е статитика, па секојдневно да молчиме додека се бројат починатите!, напиша на Фејсбук, Жаклина Пешевска, претседателка на Унија на жени на ВМРО-ДПМНЕ.

Пешевска од Велес: Жените од ВМРО-ДПМНЕ ќе бидат носители на промените во Македонија

Магдалена Андонова — Tue, 02 Feb 2021 21:36:25 +0000

Претседателката на Унијата на жени на ВМРО-ДПМНЕ Жаклина Пешевска, попладнево беше во посета на општинските комитети на Унијата на жени во Чашка, Градско и Велес. На социјалните мрежи Пешевска порача, дека жените од ВМРО-ДПМНЕ се силно мотивирани за промени во нашата татковина, бидејќи во општините времето е застанато. Со заминувањето на ВМРО-ДПМНЕ од власт нема ниту проекти ниту решенија за проблемите на граѓаните.

Пешевска: УЖ на ВМРО-ДПМНЕ бара итно расчистување на случајот и одговорност за состојбата која за жената од Дебар ќе има долготрајни животни последици

Магдалена Андонова — Sat, 16 Jan 2021 19:31:28 +0000

Како претседателка на Унијата на жени на ВМРО-ДПМНЕ но првенствено како жена, згрозена сум од веста, дека една жена од Дебар која се породила во болницата во Струга со царски рез, дома се вратила без матка, бубрег и без еден јајник, стои во Фејсбук статусот на Жаклина Пешевска. - Унијата на жени на ВМРО-ДПМНЕ бара и очекува во итна постапка, институциите на системот да го расчистат случајот, и јавноста да добие јасни и прецизни информации што точно се случило со жената од Дебар. Доколку постои лекарска грешка и негрижа, Унијата на жени на ВМРО-ДПМНЕ бара одговорност од евентуалните виновници за ваквата состојба која за жената од Дебар ќе има долготрајни животни последици, пишува таа.

Ветената гасификација за општина Бутел уште една голема лага на Велимир Смилевски

Магдалена Андонова — Sat, 16 Jan 2021 13:38:58 +0000

Среќавајки се со своите пријатели, другари, познаници во Општина Бутел неможе, а да не проговориме за инфраструктурните проблеми со кои се среќаваме низ животното секојдневие во оваа општина. Ветуваните проекти на градоначалникот Смилевски за планска и темелна изградба на канализациски и одводни мрежи, квалитетни и согласно пропишани стандарди асвалтирани улици, изградба на детски градинки и игралишта, обезбедување на здраствена заштита во современ и технолошки опремен објект ни одалеку не се на повидок. Веке четврта година ништо од ветувањата, ништо ни од таканаречените приоритетни проекти од посебно значение за граѓаните од оваа општина. Најавуваниот клучен проект во програмата на Смилевски за гасификација со кој гасот ќе биде присутен во секое домакинство, училиште и градинка остана само “клучен проект” на хартија во програмата на градоначалникот Смилевски. Напразно ветувањата дека преку овој проект сметките за електрична енергија на граѓаните ќе се намалат, дека детските градинки и училишта ќе добијат поефтин енергенс за затоплување, напразно дека бутелчани ќе дишат почист воздух. Бутел има прекрасна местоположба, распространет на сончевата страна на градот Скопје, под пазувите на Скопска Црна Гора има можност да биде една од општините во градот со најубави климатски условии и чист воздух за живеење. Но затоа е повеке од потребно што поитно да се започне со подготовка на проектна документација за реализација на гасификацијата на домакинствата и правните субјекти како единствен начин да се елиминира загадувањето на воздухот преку емисија на штетни гасови предизвикана од затоплување на домовите со дрва и дрвни продукти. Воведувањето на гасификацијата во општина Бутел ќе создаде и многу поприфатливи економски услови за привлекување и отварање на индустриски објекти и можност за нови вработувања, а со тоа и економско зајакнување на општината што секако ќе овозможи понатамошни инфраструктурни инвестиции. Нема никакво оправдување за инертноста на градоначалникот за незапочнување на никакви активности за овој процес, особено ако се знае дека е воспоставена и главната гасоводна мрежа, а за приклучување на истата и за дистрибуција на гасот потребен е главен проект од страна на општината. Преку оваа проектна документација треба да се предвиди потребната структура која ке овозможи дистрибуција на гасот до домакинствата , градинките, училиштата и останатите општествени и индустриски објекти. Ако се земе во предвид и фактот дека самата реализација на мрежата подразбира и решавање на имотно правни прашања повеке од несериозно и ирационално е однесувањето на градоначалникот Смилевски кон граѓаните на општина Бутел со ветување во својата програма дека проектот Гасификација требало да биде готов до крајот на 2020 годинa, a при тоа не се преземени буквално никакви активности. За жал ова е само уште една потврда дека граѓаните на општина Бутел ќе останат изманипулирани од ова несериозно и измамничко раководење на општината. Лугето кои го сакаат ова прекрасно населено местои на кои приоритет им е квалитетен, достоинствен и безбеден начин на живеење без етнички и верски предрасуди заслужуваат многу повеке. Заслужуваат пред се одговорни луге со чесен и професионален однос кон работата, луге кои ангажирано и посветено ќе работат на инфраструктурно, економско и безбедносно развивање на општина Бутел. Јулијана Спировска Претседател на УЖ ВМРО ДПМНЕ ОК Бутел

УЖ при ВМРО ДПМНЕ од Берово организираше хуманитарна акција во делење на посен ручек во чест на утрешниот празник

Магдалена Андонова — Fri, 18 Dec 2020 14:53:35 +0000

Денеска под мотото "Хуманоста-темел во меѓучовечките односи" УЖ при ВМРО ДПМНЕ од Берово организираше хуманитарна акција во делење на посен ручек во чест на утрешниот празник Св.Никола. Во соработка со ресторан Мис Стон од Смојмирово,кој беше и главен покровител на настанот,УЖ во рамките на своите традиционални хуманитарни акции и активности и овој пат ја покажаа својата хуманост и грижа за оние семејства кои се социјално ранливи и на кои овој гест на хуманост најмногу им значи. Беа поделени над 100 порции ручек а граѓаните беа пријатно изненадени и истиот гест го поздравија. Во кратката изјава што ја даде претседателката на УЖ од Берово,Виолета Марковска Димовска,најави дека во следните денови имаат уште неколку активности од хуманитарен карактер каде ќе бидат опфатени традиционално и дечињата штитеници на Мал групен дом за деца без родители во Берово како и фамилии кои имаат потреба од топла зомска облека и обувки. Таа истакна дека грижата за нивните пријатели и сограѓани не ја забораваат и во овие органичени услови на светска пандемија и дека во овие мигови сме си најпотребни едни на други.

Пешевска со честитка по повод роденденот на Унијата на жени на ВМРО-ДПМНЕ

Тале Кристо — Sat, 21 Nov 2020 12:06:49 +0000

На денешен ден, пред точно 23 години е формирана Унијата на жени на ВМРО-ДПМНЕ. Во овие 23 години, Унијата на жени била стожерот на единството во ВМРО-ДПМНЕ. Секогаш кога и било тешко на партијата и државата, жените биле тие кои стоеле во заштита на идеалот затоа што кој ако не жената, која го има заштитничкот мајчински инстикт да се одбрани своето, може да стои во одбрана на светиот идеал, пишува во својата честитка пратеничката од редовите на ВМРО-ДПМНЕ Жаклина Пешевска. Во продолжение интегрално ви ја пренесуваме честитката на Пешевска: СРЕЌЕН РОДЕНДЕН УНИЈА НА ЖЕНИ НА ВМРО-ДПМНЕ ! ! ! На денешен ден, пред точно 23 години е формирана Унијата на жени на ВМРО-ДПМНЕ. Во овие 23 години, Унијата на жени била стожерот на единството во ВМРО-ДПМНЕ. Секогаш кога и било тешко на партијата и државата, жените биле тие кои стоеле во заштита на идеалот затоа што кој ако не жената, која го има заштитничкот мајчински инстикт да се одбрани своето, може да стои во одбрана на светиот идеал. Силата и успесите на Унијата на жени се благодарение на работата на секоја една жена од секој еден Месен комитет. Првото раководство на Унијата на жени предводено од Марија Јорданова ги постави темелите врз основа на трите значајни постулати: Вера, Надеж и Љубов како животна сила и мудрост на успехот и победата. И успешната приказна, наречена Унија на жени на ВМРО- ДПМНЕ започна од градот на гемиџиите, градот Велес. Денес, Унијата на жени на ВМРО-ДПМНЕ преставува респектибилен фактор во креирањето на политиката во партијата и секако фактор во борбата за правата и учеството на жените, општо во политичкиот и општествениот живот. Унијата на жени не е дрво без корен. Во Унијата на жени се вложиле и оставиле белег, генерации и генерации на жени. Како актуелна претседателка на Унијата на жени на ВМРО-ДПМНЕ изразувам голема благодарност до претходните претседателки на Унијата на жени Марија Јорданова, Силвана Бонева, Косана Мазнева, Даниела Караѓозовска, Даниела Рангелова и Благица Ласовска како и до нивните состави на Извршни комитети. Благодарност и до сите досегашни претседателки на сите 73 Општински комитети и на сите досегашни претседателки на сите 835 Месни комитети на Унијата на жени на ВМРО-ДПМНЕ. Оваа 23та годишнина ја посветувам на Вас, драги жени, членки на Унијата на жени на ВМРО-ДПМНЕ. Бидете здрави, живи, среќни, весели, успешни и долговечни и не заборавајте ВМРО-ДПМНЕ е нашето заедничко, големо семејство! Да живее Унијата на жени на ВМРО-ДПМНЕ!, пишува Пешевска.

ВМРО-ДПМНЕ продолжува со процесот на кадровско освежување, објавен повик за претседател на УЖ на ВМРО-ДПМНЕ

Магдалена Андонова — Tue, 01 Sep 2020 09:37:37 +0000

-ВМРО-ДПМНЕ продолжува со процесот на кадровско освежување и катарза најавено од страна на претседателот проф. Д-р. Христијан Мицкоски. Во таа насока, а врз основа на Статут од денес се распишува јавен повик за кандидирање на Претседател на Унија на Жени на ВМРО-ДПМНЕ, стои во соопштението на ВМРО-ДПМНЕ. Тие во прилог го испраќаат јавниот повик, како и потребната апликација во електронска форма. Огласот е активен до 14.09.2020 година, деталите околу огласот се содржани во јавниот повик. Од ВМРО-ДПМНЕ велат дека ги охрабруваат сите членови на партијата кои ги исполнуваат условите да аплицираат и да дадат свој допринес во борбата за подобра иднина на нашата татковина. Процесот на освежување ќе продолжи во периодот пред нас.

Хуманитарна акција на УЖ од Охрид и Коалицијата на Египќани

Предраг Кукиќ — Mon, 27 May 2019 19:26:06 +0000

Унијата на жени на Општинскиот комитет на ВМРО-ДПМНЕ Охрид и коалицискиот партнер Коалицијата на Египќани спроведоа хуманитарна акција во која собраа парични средства и купија прехрамбени продукти за социјално загрозените семејствата од муслиманска вероисповед.

Ласовска: Насилството врз жените треба да се препознае како огромен проблем во општеството наместо да се игнорира

Предраг Кукиќ — Sun, 25 Nov 2018 15:46:54 +0000

По повод Светскиот ден против насилство врз жените, УЖ на ВМРО-ДПМНЕ и Централната комисија на партијата против родово базирано насилство организираа дебата: “Слушнете ме и мене“ која се одржа во Централниот штаб на ВМРО-ДПМНЕ. На дебатата присуствуваа : -Благица Ласовска, в.д Претседател на Унија на жени на ВМРО-ДПМНЕ и пратеник во Собранието на Република Македонија, -Анита Ангелевска, Претседател на комисија против родовото базирано насилство на Унија на жени на ВМРО-ДПМНЕ -Александра Цветковска, Претставничка на Националниот демократски институт (NDI) Претставник на Македонското женско лоби -Савка Тодоровска, Национален совет за родова рамноправност - СОЖМ -Елена Димушевска, Националната мрежа против насилство врз жените и семејно насилство, и други жени претставнички од општествениот, културниот и политичкиот живот во Република Македонија. Претседателката Ласовска во своето обраќање пред присутните ги истакна заложбите на Унија на жени против секаков вид на насилство против жените и девојчињата и ја истакна поддршката што ќе им биде давана во нивната борба против насилството. - “Унија на жени на ВМРО-ДПМНЕ потврдува дека застанува против секој вид на родово насилство. Во оваа прилика сакаме да нагласиме дека даваме поддршка на секоја жена во нивната борба против насилството. Насилството врз жените треба да се препознае како огромен проблем во општеството наместо да се игнорира. УЖ заедно со сите граѓански организации ќе продолжи да работи но и воедно се обврзува преку законски решенија да ја подобриме положбата на жената во општеството. Жените жртви не ја добиваат потребната заштита од институциите. Треба уште многу да се работи и да се бориме против сите форми на насилство“ рече Ласовска. Анита Ангелевска, Претседател на комисија против родовото базирано насилство на Унија на жени на ВМРО-ДПМНЕ во своето излагање кажа дека иако факт е физичката различност помеѓу мажите и жените во општеството сепак стереотипите мора да се сменат. - “Неоспорен факт е дека мажите и жените се различни. Општеството наметнува стереотипи во однос на жената и тоа треба да се смени. УЖ се залага за родова еднаквост и повеќе права за жените. Ние сме подготвени и спремни сме да се бориме против секаков вид на насилство. Ние сме против секој вид на родово базирано насилство“ кажа Ангелевска. Александра Цветковска од Националниот демократски институт (NDI) пред присутните кажа дека промените во однос на жените треба да почнат од политичките партии па после тоа би се пресликало во општеството. - “Насилството на жените во политиката има различни форми и има за цел тоа да се спречи и да се чуе гласно гласот на жените. Жртви можат да бидат дури и пратеничките од сите политички партии. Свесни сме за такви примери насекаде околу нас. Она што ќе го работиме следнава година заедно со УЖ и со другите форуми е да видиме конкретни податоци кои заедно со истражувањата и со различни фокус групи имаме за цел тие податоци да ги искористиме и да спречиме повторување на насилството врз жените“ кажа Цветковска. Оваа дебата на УЖ на ВМРО-ДПМНЕ е дел од 16-дневниот активизам по повод родово базирано насилство и насилство врз жената кој ќе се одбележува во различни општински комитети. Дополнително 4-рите општински комитети: Штип, Битола, Струмица и Св. Николе ќе работат со женските форуми на сите политички партии и граѓански организации се со цел за намалување на насилството врз жените и девојчињата.