уништен – Kurir.mk

Основен суд Кавадарци уништи документиран материјал со изминат рок на чување

Тале Кристо — Thu, 03 Aug 2023 10:35:31 +0000

Основен суд Кавадарци уништи документиран материјал со изминат рок на чување, информираа денеска од кавадаречкиот суд. Се работи за документиран материјал, списи од предмети. - Врз основа на Решението за уништување на документираниот материјал УП1 бр. 17-111 од 24 јули оваа година на Државниот архив на РС Македонија и дадената согласност на Основен суд Кавадарци, денес во Еуро Никел во село Возарци беше извршено уништување на 100.000 документиран материјал – предмети, согласно Законот за архивски материјал. Во процесот на подготовката, транспортот и уништувањето беа вклучени сите вработени од Основен суд Кавадарци, појаснија од Судот со проширена надлежност. Оттаму нагласија дека со извршеното уништување на документираниот материјал, којшто беше со изминат рок на чување, постапено е во согласност со Законот за архивски материјал и е овозможен нов простор за архивирање на други предмети.

Украина уништила голем руски брод со 20 тенкови и 400 војници

Тале Кристо — Fri, 25 Mar 2022 07:33:56 +0000

Украинските сили објавија дека рускиот десантен брод, што го уништија во напад во текот на вчерашниот ден, бил бродот Саратов, а не Орск, како што беше претходно информирано. -Според ажурираните информации, големиот десантен брод Саратов е уништен за време на нападот на окупираното пристаниште Бердјанск. Оштетени се големите десантни бродови Цезар Куников и Новочеркаск, се наведува во извештајот на украинскиот Генералштаб на вооружените сили. – На Саратов уништени се 20 тенкови, 45 оклопни транспортери и 400 луѓе, појасни Антун Герашченко. Рускиот брод носеше оружје и резерви за силите што се борат во Мариупол. Медиумите потсетуваат дека беа објавени драматични фотографии од оган и црн дим, откако украинските балистички ракети го погодија бродот, што пристигна на пристаништето на Азовското Море.

Украинската морнарица: Уништивме голем руски десантен брод (ВИДЕО)

Ристе Здравков — Thu, 24 Mar 2022 12:14:34 +0000

Украинската морнарица денеска соопшти дека го уништила големиот руски десантен брод Орск од руската Црноморска флота во близина на пристанишниот град Бердјанск. Морнарицата објави кратко соопштение на Фејсбук, со снимка од пожар и густ чад што се шири во пристаништето.

⚡️ The port of #Berdyansk is on fire
Presumably, the #Russian occupiers blew up fuel tanks. pic.twitter.com/r6OzC00cmM — NEXTA (@nexta_tv) March 24, 2022

Руската армија не соопшти што се случило со бродот. Пристанишниот град Бердјанск е под руска контрола од 27 февруари. Генералштабот на украинската армија објави и видео од уништување руски тенк. „Редот во пеколот штотуку стана малку подолг“, напишаа тие во објавата на Фејсбук.

Тревникот на Арената „Тоше Проески” уништен, кој ќе понесе одговорност за неодржување на Aрената?

Дарко Андоновски — Thu, 17 Sep 2020 08:35:31 +0000

Изминатите две седмици на Арената „Тоше Проески” се одиграа неколку првенствени и два репрезентативни натпревари. Според прикажаното, очигледно е дека тревникот на нашиот најголем стадион е уништен. Со тоа се согласуваат и прволигашките клубови, но и А – селекцијата на Република Македонија, која на мечот со Израел мака мачеше цели 90 минути. Спортските работници велат дека во минатото немавме убав и грандиозен стадион, но тревникот редовно бил одржуван и скоро никогаш не бил во незавидна состојба. Сега, по толку години кога Република Македонија конечно доби современ и стадион по светски стандарди, надлежните не ја вршат својата работа и стадионот пропаѓа. На спортската јавност и е добро познато дека на Арената „Тоше Проески” тревникот е всушност бусен, кој поради дренажата и се што е поставено под него, чини прилично многу. Тоа се средства кои ниту федерацијата, ниту пак Владата мораат да ги издвојуваат за негова смена, само доколку истиот редовно се одржува, односно надлежните ја вршат својата работа. Власта уште еднаш покажува незаинтересираност и немање желба за инвестиции во спортот, односно не чувствува потреба за вложување во спортот и стремеж кон големи успеси на нашите клубски и репрезентативни претставници.