уништување – Kurir.mk

МИНАТА ОД РИЕКА СОДРЖЕЛА 690 КИЛА ЕКСПЛОЗИВ: Ова е моментот на уништувањето (ВИДЕО)

Ристе Здравков — Sun, 19 Mar 2023 19:01:52 +0000

Откако противбродската мина, оставена во пристаништето Риека од Втората светска војна, успешно беше уништена со експлозив на безбедна локација во заливот Риека, во 14 часот и 45 минути се огласија сирените за крај на опасноста и завршување на акцијата за отстранување и неутрализирање на мината. Како што информираат од Штабот за цивилна заштита на градот Риека, звукот на сирената што означи крај на опасноста означи и крај на забраната за престој во црвената зона на потенцијална непосредна опасност во близина на пристаништето Риека. Мината била од германско производство, имала 690 килограми експлозив, заедно со алуминиумската обвивка тежела околу 1100 килограми, а делумно била затрупана на длабочина од 19 метри. Ваква мина долга 298 сантиметри, со пречник од 70 сантиметри, може да направи големи штети, а при операцијата за извлекување беше опасна се до пристаништето Риека, беше потенцирано попладнво на прес-конференција во Риека по успешното завршување на операцијата за отстранување и неутрализација на минита.

300 ИЛЈАДИ ВАКЦИНИ ФАЈЗЕР ЗАВРШУВААТ ВО ДРИСЛА – им истекува рокот на крајот од овој месец!

Дарко Андоновски — Sat, 05 Feb 2022 18:37:27 +0000

Околу 300.000 дози вакцини на „Фајзер“ наскоро ќе завршат на депонијата Дрисла затоа што им истекува рокот на важност. Од Mинистерството за здравство за телевизија Телма информираат дека рокот на употреба е до крајот на февруари, а потоа ќе отпочне постапка за нивно уништување. Но од таму уверуваат дека на залиха има доволно количини вакцина, а се очекуваат и нови пратки кон крајот на идната недела. Во март се очекува да пристигнат и првите количини од договорените 10.000 вакцини „Фајзер“ за деца од 5 до 11 години, најавуваат од Министерстото за здравство.

Вработен во медицински центар во САД намерно уништи 500 дози вакцини

Магдалена Андонова — Thu, 31 Dec 2020 13:13:01 +0000

Вработен во медицинскиот центар Аурора во Висконсин намерно уништи 500 дози вакцина против Ковид-19 на производителот „Модерна“, објави локалниот телевизиски канал WBAY. Претходно беше објавено дека минатата недела вработен во медицинскиот центар извадил 50 пакувања вакцини од фрижидерот и не ги вратил назад. Потоа, компанијата појасни дека станува збор за 57 пакети. Повеќе од 500 дози вакцина мораа да бидат отфрлени поради неправилно складирање. Истрагата утврдила дека вработениот го направил тоа намерно. Името и причината за постапувањето на сторителот не се споменуваат, но тој повеќе не работи во медицинскиот центар. (МИА)

Група инвеститори бараат состанок со бразилски дипломати поради уништувањето на шумите во Амазон

Магдалена Андонова — Tue, 23 Jun 2020 12:35:05 +0000

Група инвестициски компании од целиот свет, што управуваат со средства во вредност од 3.700 милијарди долари бараат од бразилската Влада да го сопре брзото уништување на шумите во Амазон. Инвеститорите испратија писмо до бразилските амбасади во седум земји, во кое бараат состанок изразувајќи загриженост за слабиот механизам на заштита на животната средина во Бразил. Групата вклучува 29 инвестициски компании предводени од норвешка осигурителна компанија „Сторбренд Асет Менаџмент“. Меѓу 25-те европски компании што испратија барање се и норвешкиот „Нордеа Асет Менаџмент“ и пензискиот фонд на Англиската црква вреден 2.8 милијарди фунти. Писмото го потпишаа и американски компании „Домини Импакт Инвестмент“ и „Пакс Ворлд Фандс“ и јапонска компанија „Сумитомо Митсуи Траст Асет Менаџмент“, додека „Фарм Капитал“ со седиште во Сао Паоло е единствената компанија од Бразил што го потпиша писмото. – Големиот пораст на уништувањето на шумите во последниве години, во комбинација со извештаи за укинување на мерките на животната средина и човековите права и затворањето на државни агенции, создава широка неизвесноста во врска со условите за инвестирање и обезбедување на финансиски услуги на Бразил, пишува во писмото. Претходните инцијативи извршија притисок врз компаниите, а најновата иницијатива е насочена кон бразилската Влада, истакна извршниот директор на „Сторбренд Асет Менаџмент“, Јан Ерик Саугестад. Потписниците не наведуваат какви мерки планираат да преземат доколку бразилската Влада не ги задоволи нивните барања.

За една година во Амазон уништени се шуми со големина на Либан

Ивона Петрова — Thu, 11 Jun 2020 08:41:49 +0000

Уништувањето на шумите во Амазон во 2019 година е поголемо отколку што првично беше соопштено, се наведува во денеска објавениот владин извештај. Бразилскиот Национален институт за истражување на Вселената во периодот од август 2018 година до јули 2019 година регистрира дека се уништени 10.129 километри квадратни шума. Областа е со големина на Либан и е за 34,4 проценти повеќе од претходните извештаи за уништувањето на шумите во истиот период претходната година. Според претходните податоци биле уништени 9.762 километри квадратни шума или 29,5 проценти повеќе од претходната година. Податоците за 2019 година покажуваат најголемо уништување на шумите во бразилскиот дел на Амазон од 2008 година.

ЕУ бара построги мерки против уништувањето на шумите

Ивона Петрова — Tue, 17 Dec 2019 07:07:24 +0000

Земјите членки на ЕУ апелираат до Европската Комисија да предложи конкретни мерки за борба против уништувањето на шумите како дел од новиот европски Зелен пакт. Барањето на сите 28 земји членки е усвоено едногласно, тие изразуваат “длабока загриженост“ за недостатокот на конкретни политички мерки за спречување на дефорестацијата и бараат од Европската Комисија итно да се координира со земјите на ЕУ, индустријата, граѓанското општество и земјите партнери на ЕУ во рамките на Зелениот пакт на ЕУ. ЕУ членките препорачуваат во иднина во сите трговски партнерства со трети земји да бидат вклучени специфични услови за одржливо управување со шумите како и одржливи земјоделски производи кои не предизвикуваат уништување на шумите. ЕУ смета дека политиките на финансирање треба да бидат пренасочени кон одржлива употреба на почвата и истакнуваат дека треба да се мобилизираат доволно средства за заштита и ресторација на шумите во светот.

Пет начини на кои ги уништувате сите врски во кои сте биле

Ристе Здравков — Thu, 29 Nov 2018 14:28:32 +0000

Можеби навистина последниот партнер со кој сте биле во врска навистина бил за никаде, но ако не можете да одржите нормална, здрава врска на подолг рок, можеби е време да се преиспитате и да проверите дали проблемот е во вас. Ако правите една (а можеби и повеќе!) од овие работи, тогаш сами сте виновни за неуспехот на вашите врски. Мора секогаш да сте во право Вам ви изгледа дека сосема случајно сте секогаш на вистинската страна, но тоа може да биде напорно, особено кога не сте во право и не знаете да признаете пораз. Мора да контролирате сѐ Одлично е тоа што имате контрола врз сопствениот живот, но не може да ги контролирате туѓите животи. Кога обидите да го имате под контрола секој аспект од врската ги преминуваат границите на добриот вкус, никој нема да сака да остане со вас долгорочно. Се повлекувате Проблемите не ги решавате со разговор, туку се повлекувате во себе и очекувате да се решат сами од себе. Во полош случај, се повлекувате целосно од врската и ја осудувате на пропаст без обид да го решите проблемот. Никој не сака да биде единствениот кој постојано се бори за врската да опстане. Желба за одмазда Ако некој ве повреди, макар и ненамерно, во вас гори желба да се одмаздите – со иста мера или повеќе! Одлика на човек во здрава врска е знаењето кога треба да простите и да заборавите и едноставно да не се навраќате на лошите моменти откако сте ја решиле ситуацијата. Премногу сте искрени Искреноста е голема доблест, но и таа има различни форми. Детската искреност, која најчесто следи без промисленост, не им прилега на возрасните луѓе. Понекогаш е подобро да премолчите и да размислите. Проценете кои работи се за премолчување, а кои и мора да бидат кажани и како.