Почна првиот уписен рок на Универзитетот „Гоце Делчев“-Штип

Магдалена Андонова — Mon, 24 Aug 2020 12:36:07 +0000

Универзитетот „Гоце Делчев“-Штип од денеска до 1 септември го реализира првиот уписен рок за прием на студенти за академската 2020-2021 година, кој ќе се спроведе според здравствените протоколи. Слободни се 3800 места за идни студенти за 90 студиски програми на 12 факултети и три академии. Пред речиси два месеца е отворена и електронска платформа на која студентите можеа да си направат профил, да ги внесат оценките и да извршат електронско плаќање, а од денеска на пунктовите може само да ги достават потребните документи за упис. -Отворени се пунктовите за упис на студенти во прва година во нашите центри во Штип, Струмица, Скопје, Кавадрци и Гевгелија. Доколку студентите не можат да се снајдат на платформата, нашите вработени на отворените пунктови ќе им помогнат да ги завршат сите постапки, рече проректорот на УГД-Штип Мишко Џидров денешната на прес-конференција. Македонските универзитети сè уште немаат добиено насоки како ќе се држи наставата – со физичко присуство во предавалните или онлајн. -Ние како Универзитет сме подготвени да се вратиме во предавалните, а подготвени сме и за далечинско учење. Од Мајкрософт добивме и признание дека најдобро сме одговориле на предизвикот за онлајн-учење. Во текот на минатите месеци на наставниот кадар им е дадено насоки да го прошират материјалот и да го прилагодат за ваков тип на настава, додаде Џидров. (МИА)

Почнаа уписите на Универзитетот „Гоце Делчев“ во Штип

Катерина Бојаџиева — Wed, 29 Aug 2018 11:41:56 +0000

Вкупно 5.000 слободни места има на 12 факултети и три академии на Универзитетот „Гоце Делчев“ (УГД) во Штип. Уписите на студенти во прва година почнаа од денеска, а ќе траат до трети септември. Проректорот на УГД-Штип Кирил Барбареев на денешната прес-конференција истакна дека уписите се одвиваат во Штип, Струмица, Кавадарци, Прилеп и Скопје. - На првиот ден од уписите има повеќе од 500 до 600 студенти. Тоа е според очекувањата на Универзитетот. Ако се прават некои ранг листи за интерес, на Факултетот за медицински науки има најголем интерес за студирање, но, и кај сите факултети постои интерес за студирање, рече Барбареев. Тој истакна дека Штипскиот универзитет има обезбедено 150 стипендии за најдобро рангираните идни студенти, кои ќе се запишат на некои од факултетите или академиите. - Во моментов имаме и најава дека ќе имаме и повеќе од 100 странски студенти на Универзитетот и тие се регулираат со посебниот начин на запишување, заедно со министерствата за надворешни работи и за образование и наука, рече Барбареев. Штипскиот универзитет „Гоце Делчев“ очекува оваа година да има 2.000 студенти во прва година, а академската 2018-2019 година почнува на 1 октомври.

Универзитет Гоце Делчев – Kurir.mk

Почна првиот уписен рок на Универзитетот „Гоце Делчев“-Штип

Почнаа уписите на Универзитетот „Гоце Делчев“ во Штип