Универзитет „Св.Климент Охридски“-Битола – Kurir.mk

Втор уписен рок на УКЛО, најмногу слободни места на Технички факултет-Битола

Дарко Андоновски — Mon, 14 Sep 2020 07:19:06 +0000

Универзитетот „Св.Климент Охридски“-Битола, денеска и утре го реализира вториот уписен рок за студенти бруцоши, а можност за студирање во новата академска година имаат уште 1.874 кандидати. Најмногу слободни места има на Технички факултет-Битола каде за сите струки и насоки огласени се 328 места, а голем број слободни места за упис има и на Факултетот за информатички и комуникациски технологии-ФИКТ каде може да се запишат 303 студенти. Од УКЛО-Битола информираат дека во вториот уписен рок на Технолошко-техничкиот факултет во Велес може да се запишат уште 60 студенти, на Економскиот факултет во Прилеп слободни се 174, а на Факултетот за туризам и угостителство – 207 места. Индекси за идни бруцоши има за кандидатите кои ќе одлучат да студираат на Правен факултет каде се огласени 165 места, на Факултетот за безбедност во Скопје слободни се 155, а на Педагошкиот факултет во Битола – 151 место. Втор уписен рок се организира и на факултетот за биотехнички науки каде слободни се 118 места, на ветеринарниот факултет има 34, а на Високата медицинска школа слободни за упис се 179 места.

УКЛО објави конкурс за упис на студенти во прва година

Даниел Василев — Mon, 04 Jun 2018 06:47:47 +0000

Универзитетот „Св.Климент Охридски“-Битола го објави конкурсот за упис на студенти во прва година за новата академска година. Според конкурсот, во новата академска година, на прв циклус студии ќе може да се запишат 3.635 бруцоши, од нив 2.005 редовни студенти во т.н. државна квота, 1.015 студенти со партиципација во студирањето и 615 вонредни студенти. Најмногу слободни места за упис годинава нуди Економскиот факултет во Прилеп, вкупно 504, а потоа следуваат Технички факултет-Битола со објавени 490 слободни места, Факултетот за безбедност-Скопје може да запише 450 студенти, ФТУ-Охрид со 405, ФИКТ-Битола со 400 слободни места збирно во трите категории за студирање, Технолошко-технички факултет-Велес има 210 слободни места, Правен факултет-Кичево има 315, Педагошкиот факултет објави 225 слободни места, а Биотехничкиот факултет обезбеди можност за упис на 230 студенти. На прв циклус студии Високата медицинска школа ќе запише 325, а Ветеринарниот факултет годинава може да запише максимум 45 студенти. Првиот уписен рок во сите високообразовни единции на УКЛО-Битола ќе се реализира на 30 и 31 август.