упад – Kurir.mk

Скопјанец насилно им упаднал во домот во Драчево и упатил закани кон синот на сопственичката

Тале Кристо — Fri, 20 Oct 2023 15:02:01 +0000

На 19.10.2023 во 23.18 часот во СВР Скопје било пријавено дека Д.Ф. од Скопје со употреба на сила влегол во куќата на С.Н.(72) на подрачјето на Драчево, по што оштетил дел од покуќнината и упатил закани кон нејзиниот син А.Н.(24), со кого се познавале. Се преземаат мерки за расчистување на случајот.

Русија отворила истрага по упадот на нејзина територија

Тале Кристо — Tue, 23 May 2023 12:08:53 +0000

Руските власти денеска отворија истрага за „терористичкиот чин“ откако вооружена група од Украина ја нападна руската погранична Белгородска област. „Се преземаат мерки за утврдување на идентитетот на напаѓачот и сите околности на инцидентот“, се наведува во соопштението на Рускиот истражен комитет, орган одговорен за главните истраги во Русија. Гувернерот на Белгородската област, Вјачеслав Гладков, утринава изјави дека рускиот регион синоќа бил нападнат со беспилотни летала, а цел биле куќите и зградата на локалните власти по инвазијата на вооружените борци од Украина. Гладков додаде дека во нападите нема жртви или повредени.

По 18-месечна истрага, собраниската комисија за упадот на Капитол ќе ги објави заклучоците

Тале Кристо — Mon, 19 Dec 2022 07:51:56 +0000

По 18-месечна истрага, парламентарната анкетна комисија за упадот на Капитол денеска ќе ги објави своите заклучоци и се очекува да гласа дали да препорача Доналд Трамп и некои од неговите соработници да бидат кривично гонети. Нејзините членови, седум демократи и двајца републиканци, ќе одржат јавен состанок во 13 часот по локално време за да ги претстават своите наоди за настаните од 6 јануари 2021 година, собрани во осум поглавја. На тој ден, приврзаници на поранешниот претседател Трамп, тврдејќи заедно со него дека Џо Бајден ги „украл“ претседателските избори во 2020 година, ја нападнаа зградата на Конгресот. Комисијата денеска треба да одлучи дали ќе препорача Министерството за правда да го обвини Трамп за поттикнување бунт, попречување официјална процедура (за потврдување на изборниот резултат во 2020 година) и заговор против американската држава. Овие три обвиненија може да доведат до казни кои вклучуваат затвор и забрана за вршење јавна функција во САД, а поранешниот претседател веќе рече дека ќе се кандидира за функцијата во 2024 година. Конечниот извештај на комисијата ќе биде објавен на 21 декември.

Противничка на војната во Украина упадна во рускиот дневник (ВИДЕО)

Ристе Здравков — Tue, 15 Mar 2022 06:18:25 +0000

Жена во понеделникот вечерта упадна во најгледаната рска информативна емисија влегувајќи во кадарот со транспарент проти војна во Украина, Невладинта организација ОВД-инфо, која жената ја претстави како извесна Марина Овсјаникова, вработена во руската телевизја, објави дека таа била приведена во полициска станица. Сцената се одигра во текот на вечерната информативна емисија „Время“ на првиот канал, која секој ден ја следата милиони Руси. Додека позната водитела Екатерина Андреева ги читаше вестите, Овсјаникова се појави зад неа со транспарент на кој пишуваше „„Не на војната. Не ѝ верувајте на пропагандата, Тука ве лажат. Русите се против војната“. Водителката проролжи со читањето на вестите неколку секудни а потоа програмата брзо мина на репортажа и го прекина директниот пренос. „Интерната истрага е отворена за овој инцидент“ со „пафицистичка содржина“, објави телевизијата. Неодамна во Русија беше донесен закон кој одредува и до 15 години затвор со што се казнува отна што законодавците го оценуваат како „лажни информации“ за руската војска. Спроед ОВД-инфо повеќе од 14.100 лица се приведени изминатите десет дена поради изразување несогласувања на непријавени и неодобрени според законот јавни собири со руската одлука за почнувањео на „специјалната воена операција“ во Украина. Овсјаникова , која пред упадот снимила видео. Овсијаникова, исто така, објави видео на нејзините канали на социјалните мрежи во кое ја изразува својата срам што работи за Канал 1 и шири „пропаганда на Кремљ“. „За жал, неколку години работев на Канал 1 и работев на пропаганда на Кремљ, многу ми е срам од тоа во моментов. Се срамев што ми дозволија да кажувам лаги од телевизискиот екран. Се срамам што дозволив зомбификација на рускиот народ. Молчевме во 2014 година кога ова само што почнуваше. Не излеговме да протестираме кога Кремљ го отру Навални“, рече таа. „Ние само немо го гледаме овој античовечки режим. И сега целиот свет се сврте против нас и следните десет генерации нема да можат да се исчистат од срамот на оваа братоубиствена војна“. Облечена во ѓердан во сина и жолта боја на украинското знаме, Овсијаникова во својата видео изјава рече дека нејзиниот татко е Украинец, а нејзината мајка Русинка. „Она што се случува во Украина е злосторство, а Русија е агресорот“, рече таа. „Одговорноста за оваа агресија лежи на рамениците само на една личност: Владимир Путин“. Таа ги повика сонародниците Руси да се приклучат на антивоените протести со цел да се стави крај на конфликтот. „Само ние имаме моќ да го запреме сето ова лудило. Одете на протести. Не плашете се од ништо. Не можат сите да нѐ затворат“.

Пет години затвор за упадот во Капитол

Ристе Здравков — Sat, 18 Dec 2021 12:49:10 +0000

Сојузниот суд на Соединетите Американски Држави го осуди демонстрантот Роберт Палмер, кој учествуваше во упадот на Капитол на 6 јануари, на повеќе од пет години затвор. Тоа е највисоката досега изречена казна за учество во упадот на зградата на Конгресот на САД. Во обвинението се наведува дека Палмер на полицијата фрлил дрвена талпа и средство за гасење на пожар, како и дека, потоа, нападнал полициски службеници со шипка. Палмер се изјасни како виновен за напад врз полицајци. Тој, во писмо до судијата, наведе дека го издале поранешниот американски претседател Доналд Трамп и неговите сојузници, кои изнесувале теории на заговор. „Поддржувачите на Трамп постојано изнесуваа лажни тврдења за украдени извори и порачуваа дека наша должност е да ѝ се спротивставиме на тиранијата“, кажа Палмер. Тој е меѓу првите учесници на немирите од 6 јануари кој е осуден за обвиненијата за напад, пружање отпор или попречување на службено лице со употреба на оружје. Пред таа пресуда, најдолгата затворска казна му беше изречена на Џејкоб Ченсли, познат како „Кјуанон шаман“ и на Скот Ферлемб.

ВМРО-ДПМНЕ: Упадот на финансиска полиција во домот на пратеникот Јаулески значи дека режимот на Заев е очаен и во распаѓање

Тале Кристо — Thu, 11 Nov 2021 08:05:45 +0000

Тоа што во домот на пратеникот Јован Јаулески утрово, упадна финанасова полиција и МВР на Спасовски на денот на гласање за доверба на влада, значи само дека режимот на Зоран Заев е очаен, во распаѓање и не одбира средства за притисоци и уцени врз пратениците. Таквите методи својствени за Чаушеско ќе бидат жестоко поразени, велат во партиското соопштение од ВМРО-ДПМНЕ.

За упадот во Капитол Хил изречени уште две затворски казни од по 6 месеци

Тале Кристо — Sat, 24 Jul 2021 18:43:14 +0000

Двајца мажи од американската држава Охајо ќе добијат казна затвор до шест месеци и парична казна од по 5.000 американски долари за учество во упадот во Капитол Хил на 6 јануари годинава. Тие се изјасниле за виновни за хулиганство, објави Ројтерс. Пресудите официјално ќе бидат соопштени во септември Откако упаднале, тие се фотографирале во канцелариите на спикерот на Претставничкиот дом (долниот дом на Конгресот) Ненси Пелоси. Дерек Јанкарт (39) и Ерик Рау (28) се меѓу најмалку 20 лица кои ја признаа вината за насилниот упад во Конгресот. Претходно 38-годишниот Пол Хоџкинс веќе е осуден на осум месеци затвор за попречување на работата на Конгресот. Ана Морган-Лојд беше осудена на три години условна казна и општокорисна работа, а Мајкл Курцио беше осуден на шест месеци затвор, онолку колку што поминал затворен додека чекаше судовите да го решат неговиот случај. Дури 535 Американци, приврзаници на поранешниот претседател на САД, Доналд Трамп, се обвинети за учество во незаконски активности во Капитол Хил на 6-ти јануари. Некои од овие лица се обвинети за извршување на неколку незаконски дела одеднаш.

Хакерски упад во системот за снабдување со вода за пиење во Флорида, се обиделе да ја затрујат

Тале Кристо — Tue, 09 Feb 2021 06:49:28 +0000

Хакери упаднале во системот за снабдување со вода во градот Олдсмар во американската сојузна држава Флорида и се обиделе да ја затруат водата, соопшти локалната полиција. Хакерите го зголемиле количеството на содијум-хидроксид, што се додава во водата во мали количини поради регулирање на киселоста, но е опасен над дозволеното ниво. Хакерскиот напад бил на време откриен и количината на содијум-хидроксид што продрел во водата е мининална. Американското Федерално истражно биро (ФБИ) од тајната служба ќе го истражат случајот.

Го пријавил својот татко за упад во Конгресот: Емоции ги тргнав на страна и го направив тоа за што сметам дека е исправно!

Тале Кристо — Wed, 27 Jan 2021 13:12:27 +0000

Тинејџер од Тексас, Џексон Рефит го пријави својот татко дека учествувал во нападот врз Конгресот. По пријавата Гај Рефит е уапсен поради учество во немирите и поврзаност со екстремистички воени групи. При приведувањето во домот на Гај Рефит пронајдени се и две парчиња оружје. Федералното истражно биро (ФБИ) го пронајде Рефит благодарение на снимката од немирите објавена на „Фокс њуз“, а бил контактиран и неговиот 18-годишен син Џексон, кој помогнал да бидат докажани сомневањата на ФБИ. ФБИ соопшти дека Гај Рефит по врајќањето од Вашингтон дека им се заканил на своите деца: „Ако ме пријавите, вие сте предавници, а знаете што се случува со предавниците… Предавниците добиваат куршум“. Гај Рефит во меѓувреме е обвинет за незаконско влегување во зградата на Конгресот, попречување на правдата и закани кон членовите на семејството. – Сите емоции ги тргнав на страна и го направив тоа за што сметам дека е исправно, изјави Џексон Рефит за „Тајмс“, додавајќи оти не жали поради својата одлука. Џексон не е повеќе во семејниот дом поради страв за сопствената безбедност и се наоѓа на тајна локација. По неговото интервју за Си-Ен-Ен на Твитер беше покраната кампања „GoFundMe“ и само за четири дена собрани се речиси 140.000 долари. – Секој долар ќе го потрошам за факултет или како заштеда за следните години. Можеби ќе бидам исфрлен од семејниот дом поради вмешаност во случајот против мојот татко, секој цент ќе ми помогне да преживеам, напиша Џексон Рефит на Твитер.

ХАОС ВО ЦЕНТАРОТ НА БЕЛГРАД: Група мигранти упаднале во познатиот бутик „Зара“ – го нападнале обезбедувањето и ограбиле роба (ВИДЕО)

Магдалена Андонова — Wed, 27 Jan 2021 08:43:14 +0000

Вчера во Белград околку 18:00 во самиот центар на „Кнез Михаилова“ се случил невиден хаос. Имено, група мигранти упаднале во бутикот „Зара“, го нападнале обезбедувањето се со цел да го ограбат местото. Пресметката траела околу десет минути, а очевидец од местото на настанот наведува дека останатите мажи само го гледале овој конфликт. Во продолжение може да погледнете видео во кое е снимен дел од нападот.

View this post on Instagram

A post shared by MOJ BEOGRAD (@moj_beo_grad)