уплата – Kurir.mk

Нови услуги на шалтерите на Пошта

Ивона Петрова — Wed, 28 Jul 2021 09:52:44 +0000

АД „Пошта на Северна Македонија“ денеска соопшти дека согласно потпишаниот договор со Халк Банка, покрај постоечките услуги, на нивните шалтери може да се извршуваат нови услуги. Почнувајќи од вчера, 27 јули 2021, на нивните шалтери може да се извршувате следните услуги: уплата со уплатница (обр. ПП10) за физички лица, исплата на пензија на физички лица резиденти со налог за исплата на готовина (обр. ПП40), единствено за исплата на пензија од трансакциска сметка на физички лица-резиденти кои пензијата ја примаат на трансакциска сметка во Халк Банка АД Скопје. Може да се изврши пренос на средства од една на друга сметка со налог за пренос на средства (обр. ПП30), безготовинско плаќање на јавни давачки (од сметката на клиентот кон трезорска сметка со налог за плаќање на јавни приходи (обр. ПП50), безготовинско префрлање на средства од налогодавачот кон повеќе примачи (обр.ПП53). Досега на шалтерите на единиците на поштенска мрежа на цела територија на државата можеше да се изврши уплата на режиски трошоци, уплата на дневен пазар од правни лица, уплата на јавни давачки со образец ПП 50.

Каков среќник: По грешка уплатил две лото ливчиња и освои 46,6 милиони долари

Ивана Ефремовски — Wed, 27 Mar 2019 10:11:00 +0000

Еден работник во Мелбурн, Австралија освои 46,6 милиони американски долари на лотарија откако по грешка уплатил две ливчиња со исти бројки, пишува „Дејли меил“. Мажот уплатил едно ливче во Сент Албанс, а речиси заборавил дека неколку дена претходно веќе уплатил уште едно ливче со исти бројки на друго продажно место. Секое ливче поединечно му носи добивка од 23,3 милиони американски долари, а џекпотот бил толкав затоа што никој друг немал добивка во последните неколку седмици. Уште еден добитник освоил 23,3 милиони долари во Хобарт и допрва треба да ја преземе добивката. Во случај мажот да уплатил едно ливче добивката би се поделила на двајца и тие би добиле по 35 милиони долари. Но, бидејќи едниот играч уплатил две ливчиња, наградата е поделена на три дела и на тој начин едниот од добитниците добил две третини од џекпотот, односно 46,6 милиони долари. Добитната комбинација била 12, 28, 24, 29, 9, 18 и 25, а дополнителните броеви биле 13 И 31. Мажот кој уплатил две ливчиња вели дека истите бројки ги игра 30 години и дека е можно сега да се пензионира, да купи нова куќа, а можеби со семејството ќе замине на одмор.

Обложувалниците „горат“: Со 80 денари уплата, фатил 57.000 евра

Ивона Петрова — Fri, 30 Mar 2018 13:31:18 +0000

Откако двајца Македонци беа хит во обложувачкиот свет со огромни добивки, нов балкански мајстор за обложување се појави во Хрватка кој вчера успеал да погоди ни помалку ни повеќе туку пет точни резултати. Станува збор за обложувач од Шибеник, кој со 10 куни (околу 80 денари) успеал да заработи 430.000 куни (57.000 евра), откако погодил пет мечеви со точен резултат 2-1 во италијанската Серија Б. Интересно, вчера во второлигашката конкуренција на Апенините, дури седум меча од осумте кои се играа завршија неверојатно со ист резултат – 2-1.