управен суд – Kurir.mk

Сомнение за злоупотреба: Кривична пријава против шефот на Управниот суд, го пријавиле вработените

Ивана Ефремовски — Sun, 09 Jul 2023 18:09:31 +0000

Вработени во Управниот суд во Скопје поднесоа кривична пријава против првиот човек на овој суд Бурим Сејдини поради сомнение за злоупотреба на службената должност. Кривичната пријава која ексклузивно ја обезбеди Алсат е испратена до Финансиската полиција, Комисијата за спречување на корупцијата, премиерот Димитар Ковачевски и вицепремиерката за добро владеење Славица Грковска. -Содржината на пријавата првенствено вклучува сомневања за рачна распределба на предметите, иако Сејдини бил должен тоа да го прави преку електронскиот АКМИС систем. Според анонимните пријави од вработени, Сејдини е осомничен и дека неодамна вработил две лица во судот, но според нив, тоа е спротивно на законот бидејќи се работи за мајка и ќерка и дека во овој случај има конфликт на интерес, објави телевизијата. Пријавата содржи и тврдење за намерно застарување на над 190 предмети од 2021 до 2023 година, главно финансиски предмети од Царината и од Управата за јавни приходи. Неофицијално, нанесената штета на државниот буџет би изнесувала милиони евра. Засега не се знае дали ваква буџетска штета е констатирана и во Финансиската полиција и Антикорупциската комисија.

Отворање на новата зграда на Управен суд Скопје

Ивона Петрова — Wed, 06 Jul 2022 05:22:30 +0000

Министерот за правда Никола Тупанчески денеска ќе присуствува на свеченото отворање на новата зграда на Управен суд Скопје. Како што е најавено, на свеченото отворање ќе присуствуваат и Бурим Сејдини, претседател на Управен суд, Беса Адеми, претседателка на Врховен суд на Република Северна Македонија, Павлина Црвенковска, претседателка на Судскиот совет на Република Северна Македонија, Амбасадор Клеменс Која – Шеф на Мисија на ОБСЕ во Скопје, Ана Павловска Данева, професорка по административно право и јавна администрација на Правниот факултет „Јустинијан Први“- Скопје, како и високи претставници од државниот врв, на дипломатскиот кор, членови на судскиот совет, судии, членови на академската и научната заедница.

Управeн суд ја поништи одлуката на Министерството за култура за избор на директор на Центарот за култура во Струмица

Ивона Петрова — Wed, 18 Aug 2021 06:03:14 +0000

Управниот суд ја поништил одлуката на Министерство за култура за избор на директор на НУЦК „Антон Панов“. Судот ја уважил тужбата на двете одбиени кандидатки, Јасмина Пијанманова и Оливера Аризанова Мансбарт и според образложението на пресудата тужбата е основана, а тужениот, Министерството за култура, донело неправилна и незаконита одлука. Одлуката на Управниот суд е донесена на 8 минатиот месец, а ја објави Иницијативата „Култура или Фискултура“, во која членуваат актери од струмичкиот театар, кои во изминатите осум месеци организираа повеќе протести во Струмица и Скопје и предупредуваа на незаконитоста на постапката за избор на директор. Според Јасмина Мазгалиева, една од кандидатките која конкурураше за конкурсот на Министерството за култура за избор на директор, со пресудата се утврдило прекршување на постапка и тоа дава надеж дека еден дел од државата функционира и дека се враќа довербата во правосудниот систем. -Правдата е бавна, но доаѓа. Во иднина ги охрабрувам сите кои сметат дека правото е на нивна страна во вакви и било какви други постапки да се охрабрат и да постапуват, бидејќи само на ваков начин можеме да се бориме против “намерните” или “ненамерните” грешки донесени од страна на надлежните институции, изјави Мазгалиева за МИА. Според одлуката на судот, Министерството за култура треба да ја повтори постапката за избор на директор на НУЦК „Антон Панов“, каде на таа позиција беше избран Васил Бубев на 26 јануари оваа година.

Управниот суд ги одби сите 185 тужби од политичките партии за предвремените парламентарни изборите

Дарко Андоновски — Fri, 24 Jul 2020 17:49:47 +0000

Управниот суд ги одби сите 185 тужби од политичките партии за предвремените парламентарни избори и ги потврди решенијата на Државната изборна комисија, откако денеска ги разгледа и одлучуваше и по последните четири тужби. – Одлуките се одбивателни. Сите четири тужби коишто денеска беа разгледувани и одлучувано. ВМРО-ДПМНЕ две, една Демократи и една Единствена Македонија, тужбите се одбиени и се потврдени решенијата од ДИК, изјави денеска Ивана Смугреска од Управиот суд. Пресудите коишто ги донесе Управниот суд се конечни, односно како што појасни Смугреска, против истите се нема право на жалба. – Откако ќе бидат изготвени, верификувани пресудите истите веднаш се доставуваат до ДИК и до тужителите, односно до партиите. Роковите сега течат, не од понеделник, изјави Смугреска. Појасни дека судечките совети нашле дека тужбите се неосновани, односно се судело врз основа на Изборниот законик, одредбите во Изборниот законик, така што во тужбите не може да се предлагаат нови докази, нови околности. – Може да се предложат истите докази, факти и околности коишто биле предложени пред ДИК, тоа е предвидено во Изборниот законик, така што Управниот суд постапува во рамките на своите законски надлежности и нашол дека тужбите се неосновани, изјави Смугреска.

Тужбите до Управен суд не ги променија одлуките на ДИК

Ивона Петрова — Fri, 24 Jul 2020 05:23:28 +0000

Поднесените тужби од политичките парти до Управен суд, против решенијата донесени од Државната изборна комисија не донесоа ништо ново. Со исклучок на две тужби на ВМРО-ДПМНЕ и по една на партијата Демократи и на Единствена Македонија, што ќе бидат разгледани во текот на денешниот ден, Судот ги одби сите други тужби, поднесени од коалицијата Алијанса за Албанците – Алтернатива и партиите Левица, Интегра и МОРО – Работничка Партија, како неосновани. Со оглед на големиот број на тужби во Управниот суд изминатите денови се одржа повеќе јавни седници. Разледувањето и одбивањето на тужбите против одлуките на ДИК се одвиваше одделно од неколку совети предводени од по пет судии. До вчера во Управниот суд беа разгледани 186 тужби. – Заклучно со ден 22.07.2020 година, донесени се вкупно 77 одлуки од кои, 75 одлуки по тужби поднесени од тужителот Алијанса за Албанците и Алтернатива, една одлука по тужба поднесена од тужителот Интегра Македонска Конзервативна Партија како и една одлука по тужба поднесена од тужителот Живка Арсовска и по истите донесени се пресуди со кои тужбите на тужителите се одбиваат како неосновани и решенијата на Државната изборна комисија се потврдуваат, информира вчера Управниот суд. Сите 77 одлуки се објавени на официјалната веб страна на Управниот суд. Управниот суд исто така ги одби како неосновани и 101 тужба поднесена од Левица. Тужбите на Левица поднесени до Управниот суд беа разлгедани вчера на повеќе јавни расправи . Освен тужбите од Левица, Управниот суд ги одби и тужбите поднесени од Социјалдемократската унија и политичката партија Демократи. Левица по поднесувањето на тужбите до Управниот суд, преку соопштение информираа дека ним како политичка партија „им се украдени тројца пратеници (за околу 500-600 гласа по пратеник)“. – Тужбите за поведување управен спор се поднесени врз основа на погрешно утврдена фактичка состојба и погрешна примена на материјалното право. Сакаме да ја известиме јавноста дека образложенијата на побиваните решенија на ДИК се изработени на „темплејт“, т.е. однапред подготвен шаблон за одбивање, без навлегување во спецификите на секој поединечен случај – што е недозволиво за една државна институција. Истите се штури и банални и изобилуваат со цитирање на неповрзани членови од Изборниот законик, без воопшто да се впушти во материјално расправање за она што беше предочено во приговорите, образложија од Левица.

Управниот суд ги одби сите досега резгледани тужби на решенијата на ДИК

Ивана Ефремовски — Thu, 23 Jul 2020 17:23:56 +0000

Управниот суд ја одби и тужбата поднесена од МОРО – Работничка партија, информираат за МИА, од Судот. Ова беше последната тужба за денеска за кој беше одржана јавна седница во Управниот суд. -Управниот суд ја информира јавноста дека закажаната јавна расправа по тужбата поднесена од МОРО-Работничка партија е завршена и изреката на одлуката со која тужбата се одбива и се потврдува Решението на Државната изборна комисија е јавно соопштена на овластениот претставник, соопштија од Управен Суд. Претходно, овој Суд ги одби како неосновани сите 101 тужба поднесени од Левица, 75 тужби од Алијанса за Албанците и Алтернатива, односно тужби поднесени против решенијата на ДИК, од страна на Социјадемократската Унија и политичката партија Демократи. За утре се закажани и последните јавни расправи за тужбите поднесени од ВМРО-ДПМНЕ и Еднинствена Македонија.

Одбиени сите тужби од Алијанса и Алтернатива и на Интегра, потврдени решенијата на ДИК

Ивона Петрова — Thu, 23 Jul 2020 10:24:34 +0000

Тужбите поднесени од Интерга, Алијанса за Албанците и Алтернатива и едно физичко лице, се одбиваат како неосновани и се потврдуваат решенијата на Државната изборна комисија, информираат од Управниот суд. – Заклучно ден 22.07.2020 година, донесени се вкупно 77 одлуки од кои, 75 одлуки по тужби поднесени од тужителот Алијанса за Албанците и Алтернатива, една одлука по тужба поднесена од тужителот Интегра Македонска Конзервативна Партија како и една одлука по тужба поднесена од тужителот Живка Арсовска и по истите донесени се пресуди со кои тужбите на тужителите се одбиваат како неосновани и решенијата на Државната изборна комисија се потврдуваат, информира Управниот суд. Сите 77 одлуки се објавени на официјалната веб страна на Управниот суд. Пред Управниот суд во тек е одржување на јавни расправи по поднесени тужби од Политичките партии Левица, Социјалдемократска Унија, МОРО – Работничка партија и Демократи, чии одлуки ќе бидат јавно соопштени по завршување на расправите.

Шест нови тужби до Управниот суд, две од ВМРО-ДПМНЕ

Ивана Ефремовски — Wed, 22 Jul 2020 17:41:36 +0000

Шест нови тужби од политички парти се поднесени до Управниот суд по однос на одбиените приговори од Државната изборна комисија за парламентраните избори одржани на 15 јули. -Две тужби се поднесени од политичката партија ВМРО-ДПМНЕ, две од партијата Демократи, една од политичката партија Единствени за Македонија, односно коалицијата „Никогаш Северна, само Македонија”, и една од МРО Работничка партија, потврдија за МИА од Управниот суд. Предходно, во текот на денот до Управен суд тужби пристигна и од политичката партија Левица и политичката партија Социјалдемократската унија. Рокот за поднесување тужби до Управниот суд е 24 часа откако политичките партии ќе ги добијат решенијата од Државната изборна комисија за отфрлање или одбивање на приговорите поднесени од политичките партии за предвремените парламентарни избори. Управниот суд денеска одби 40 од поднесените 75 тужби од Алијанса за Албанците и Алтернатива, и ги потврди одлуките од Државната изборна комисија Одбиена е и една тужба поднесена од ИНТЕГРА. По одлуката на Управниот суд и добивањето на евентуалните одлуки од Уставниот суд за заштитата на избирачкото право, ДИК, согласно законот ќе ги објави официјалните конечни резултати од предвремените парламентарни избори. Потоа ДИК ќе им издаде уверенија на избраните пратеници. Крајниот рок за одржување на конститутивната седница на Собранието е 4 август. (МИА)

Управен суд ги одби тужбите од Алијанса/Алтернатива

Ристе Здравков — Wed, 22 Jul 2020 17:08:05 +0000

Четириесет тужби поднесени од Алијанса за Албанците и Алтернатива се одбиени попаднево од страна на Управниот суд, за изборите одржани на 15. јули. Коалицијата поднесе 75 тужби по одбивањето на приговорите од страна на Државната изборна комисија. Од судот информираа дека тужба поднела е Социјалдемократската Унија, а 101 тужба пристигнале од страна на партијата Левица. Исто така има тужби и од страна на партијата Интегра. Рокот за поднесување тужби до Управниот суд е 24 часа откако политичките партии ќе ги добијат решенијата од Државната изборна комисија по приговорите за парламентарните избори.

Управен суд одби 40 тужби поднесени од Алијанса за Албанците и Алтернатива

Ивана Ефремовски — Wed, 22 Jul 2020 14:37:10 +0000

Управниот суд одби 40 од поднесените 75 тужби од Алијанса за Албанците и Алтернатива, и ги потврди одлуките од Државната изборна комисија, информираа за МИА од Управен суд. Одбиена е и една тужба поднесена од ИНТЕГРА. Истовремено до Управниот суд, е поднесено тужба од страна на Социјалдемократската унија. Во тек на денешниот ден до Управен суд, исто така, се поднесени 101 тужба од Левица. Рокот за поднесување тужби до Управниот суд е 24 часа откако политичките партии ќе ги добијат решенијата од Државната изборна комисија за отфрлање или одбивање на приговорите поднесени од политичките партии за предвремените парламентарни избори. По одлуката на Управниот суд и добивањето на евентуалните одлуки од Уставниот судот, за заштитата на избирачкото право, во ДИК, согласно законот, Комисијата ќе ги објави официјалните конечни резултати од предвремените парламентарни избори. Потоа ДИК ќе им издаде уверенија на избраните пратеници. Крајот рок за одржување на конститутивната седница на Собранието е 4 август. (МИА)