ураган доријан – Kurir.mk

Доријан однесе 30 жртви, властите очекуваат значително зголемување на црниот биланс

Ивона Петрова — Fri, 06 Sep 2019 06:41:08 +0000

Бројката на погинати од страотниот налет на ураганот Доријан врз Бахамите нарасна на 30, соопштија офијални претставници на властите, пренесоа светските агенции. Министерот за здравство Дуане Сандс на Бахамите за американските медиуми изјави дека очекуваат во следните неколку дена оваа бројка „значително да се зголеми“, бидејќи продолжуваат потрагите и акциите за спасување на настраданите Сандс изјави дека жртвите се од островите Гранд Бахами и Абака. Ураганот Доријан во неделата го погоди островот Абака како бура од петта категорија, а потоа и Гранд Бхами како бура од четврта категорија.

Најмалку 20 жртви во ураганот Доријан на Бахамите

Ивона Петрова — Thu, 05 Sep 2019 06:42:02 +0000

Најмалку 20 лица загинаа во ударот на ураганот Доријан на Бахамите, додека локалните власти стравуваат дека таа бројка ќе расте. Најновите податоци за жртвите ги објави министерот за здравство Двејн Сандс. Тој прецизира дека 17 лица загинале на островите Абако, а три на Гранд Бахами. Доријан изминатиот викенд го опустоши брегот на Бахамите со рекордна брзина на ветарот од околу 300 километри на час.

ФОТО: Доријан ги опустоши Бахамите, најмалку 7 загинати

Ивона Петрова — Wed, 04 Sep 2019 06:50:04 +0000

Расте бројот на загинати лица во налетот на ураганот Доријан, особено на Бахамите. Новиот црн биланс го соопшти премиерот на Бахами, Хуберт Минис истакнувајќи дека загинати се седум лица, но се очекува оваа бројка да се зголеми. Минис посочи дека се работи за „историска трагедија“ за карипскиот апхипелаг од 700 острови, кој е погоден од исклучително силен ветер и бранови повисоки од островските куќи. Ураганот Доријан вчера ослабна во трета категорија со ветер од околу 205 километри на час над Бахамите, јави американската метеоролошка служба.

ВИДЕО: Ловец на урагани со авион влета во центарот на ураганот Доријан

Ивона Петрова — Mon, 02 Sep 2019 09:53:25 +0000

Пилот на американската агенција Национална океанско и атмосферска администрација (НОАА), со својот авион влета во „окото“ на ураганот Доријан, кој прерасна во бура од петта категорија. Видеото од пилотската кабина покажува како изгледа тоа како „ловецот на урагани“ успеа да се пробие низ моќниот и опасен вител и да стигне до центарот, каде е мирно. Акцијата ја извел со авионот „Lockheed WP-3D Orion“, кого го нарекуваат „Кермит“ според жабата од популарното Мапет шоу, пренесува Индекс. На снимката се гледа и дека пилотската кабина е украсена со маскота Кермит.

Јужна Каролина објави евакуација на повеќе од милион луѓе поради ураганот Дориjан

Ивона Петрова — Mon, 02 Sep 2019 06:52:33 +0000

Во сојузната држава Јужна Каролина синоќа беше објавена наредба за задолжителна евакуација на жителите во крајбрежните делови на државата поради приближување на ураганот Доријан, која треба да почне денес напладне. Наредбата ја потпиша гувернерот Хенри Мекмастер. -Поради приближување на ураганот во крајбрежните области на државата на пладне на 2 септември ќе почне задолжителна евакуација на која се подложни околу милион луѓе, се вели во документот. Поради приближување на временската стихија, вонредни состојби со предупредувања за силни бури и поплави претходно беа објавени во сојузните држави Флорида, Џорџија, Јужна Каролина и Северна Каролина. Циклонот во моментов беснее се силина од петта, најопасна, категорија во северозападниот дел на Бахамските острови, каде брзината на ветриштата на некои места достигнува и 300 киломери на час, а нивото на морето е повишено и за 23 метри. „Окото“ на ураганот во саботата го промени правецот и се задржа на Бахамите повеќе од 40 часа. Како што се очекуваше, место на Флорида, неделава на удар најверојатно ќе бидат бреговите на Џорџија, Јужна и Северна Каролина. Американските власти ги предупредуваат жителите во југоисточното крајбрежје на САД да бидат подготвени за ураганот и будно да го следат развојот на ситуацијата. Сезоната на ураганите над Северен Атлантски Океан почнува во јуни и трае до ноември. Правилото е секој следен циклон да добива име по азбучен ред, и имињата, кои ги дава Светската метеоролошка организација, напоредно се менуваат според родот. Така, годинава ураганите ги носеа следните имиња: Бари, Шантал (Chantal) и Дориjан, а следен циклон на ред е (доколку се појави) Ерин. МИА