ураган флоренс – Kurir.mk

Бројот на жртви од ураганот Флоренс во САД се искачи на 37

Ивона Петрова — Wed, 19 Sep 2018 14:30:48 +0000

Бројот на загинати при налетот на ураганот Флоренс на источниот брег на САД, се искачи на 37, додека 15.000 луѓе се уште не можат да се вратат во своите домови. Поради обемната штета што ветрот и дождовите ја предизвикаа на надземната електродистрибутивна мрежа, над 200.000 луѓе во сојузната држава Северна Каролина се уште се без струја. - Се уште ги чувствуваме последиците од бурата. Дождовите престанаа, но нивото на реките се уште расте и очекуваме нови поплави, изјави гувернерот на Северна Каролина, Рој Купер. Американскиот претседател Доналд Трамп денеска треба да ја посети Северна Каролина, за лично да се увери во штетата и да се запознае со работата на федералните спасувачки служби. МИА

Во бурата Флоренс загинаа 23 лица, најавени големи поплави

Дарко Андоновски — Tue, 18 Sep 2018 06:36:16 +0000

Бурата Флоренс, иако ослабена, и понатаму предизвикува огромна штета во американските сојузни држави Јужна и Северна Каролина, додека се движи крај американскиот источен брег кон Вирџинија и Нова Англија. Бројот на жртви се зголеми на најмалку 23, од кои 17 загинаа во Северна Каролина. Метеоролозите истакнуваат дека поради историскиот раст на нивото на реките, најлошото допрва ќе се случува и предупредуваат на големи поплави, лизгање на земјиште и излевање реки во следните неколку денови. Во меѓувреме, Флоренс ослабна до ниво на циклон кој сепак, со себе носи поројни дождови и силни ветрови.

Флоренс уби 17 лица- патиштата се непроодни, градовите се отсечени (ВИДЕО)

Катерина Бојаџиева — Mon, 17 Sep 2018 09:32:29 +0000

Ураганот Флоренс, кој ја погоди американската сојузна држава, Северна и Јужна Каролина и Вирџинија, досега однесе 17 животи, пренесува агенцијата АП. Како што се наведува повеќе од 640.000 луѓе останале без струја. Во меѓувреме, Вилмингтон, градот во Северна Каролина сосема е отсечен од светот поради обилните врнежи, а се бара и дополнителна помош од полицијата и Националната гарда. Вилмингтон има 120.000 жители, а според зборовите на локалните овластени лица поради обилните дождови сите патишта се непроодни. Ураганот ослабе на ниво на тропско невреме, но останува опасноста од поројните дождови и поплави поради зголемувањето на нивото на реките. АП наведува дека во наредните денови би можеле да следуваат најголемите поплави во историјата на Северна Каролина. Во градовите Њу Берн и Џексонвил спасени се повеќе од 900 лица. Поради невремето откажани се повеќе од 2.400 летови, а потенцијалната економска штета е проценета во распон од 10 до 60 милијарди долари.

ВИДЕО: Му се смее цела Америка – ја миеше колата додека ураганот носеше се пред себе, а тоа што следуваше ќе ве остави во шок

Дарко Андоновски — Sun, 16 Sep 2018 16:28:00 +0000

Целосно нереална сцена е снимена на улиците на Америка која ја погоди стравичниот ураган Флоренс, а станува збор за миење автомобил среде невремето. Снимката, секако со огромна брзина се проширила по друштвените мрежи, бидејќи никој не може да верува дека било кој може да дојде до таква идеја. Додека ветерот со неверојатна брзина удира и кон автомобилот носи сѐ што ќе му се најде на патот, сопственикот нималку нема проблем што е мокар до гола кожа и смирено и детално со сунѓер го чисти својот автомобил. „Знаеш дека си зрел за лудница кога миеш кола по ураган“, „Не сака човекот да се евакуира во нечист автомобил“, „Брату, Флоренс не само што ќе ти го измие автомобилот, туку и ќе ги отстрани сите ДНК остатоци, опушти се“, гласат некои од коментарите под видеото. Доказ дека видеото е повеќе од алармантно е тоа што на истото се гледа како дрвата речици да се корнат, а кантите да отпадоци летаат како листови хартија, погледнете.

Anyone know of someone who washes a car in a hurricane??? Especially Madame #Florence ? #HurricaneFlorence #USA pic.twitter.com/ssKGG0wzUB
— WEATHER/ METEO WORLD (@StormchaserUKEU) September 15, 2018

Жариштето на ураганот Флоренс достигна до Северна Каролина

Ивона Петрова — Fri, 14 Sep 2018 13:04:37 +0000

Жариштето од ураганот Флоренс денеска пристигна до копното во близина на градот Рајтсвил во сојузната држава Северна Каролина, соопшти Американскиот центар за набљудување на ураганите. Флоренс останува ураган од прва категорија, со брзина на ветрот во жариштето од 150 километри на час. Метролозите нагласуваат дека најсериозна опасност од ураганот претставува количеството на врнежи, а не јачината на ветрот, па се очекува дождот да предизвика катастрофални поплави. Националниот центар за урагани во Мајами предупредува дека Флоренс ќе донесе големи поплави во поголемиот дел на крајбрежјето на Северна Каролина. Најмалку 70 лица беа спасени од еден хотел во Северна Каролина, загрозен од ураганот. Тие се преместени во засолниште и никој не е повреден, соопштија официјални лица од градот Џексонвил. Компанијата „Дјул енерџи“ проценува дека и до три милиони домови ќе останат без струја. Флоренс, чиј пречник во моментов изнесува 400 километри, ќе ги погоди подрачјата на кои живеат околу 11 милиони Американци. Досега се откажани околу 1.200 авионски летови, а експертите проценуваат економска штета од 10 до 60 милијарди долари. Во Севена и Јужна Каролина во моментов се наоѓа припадници на брзата помош од Калифорнија, Флорида и државите од подрачјето на Нова Англија, кои се подготвени да влезат во погодените подрачја кога условите го дозволуваат тоа. Ураганот вчера подзастана, откако неколку дена се движеше директно кон атланскиот брег на САД, и загуби дел од својата моќ, но се уште се смета како бура од прва категорија, која може да предизвика сериозни поплави и да однесе човечки жртви. Гувернерот на Северна Каролина Рој Купер, нареди евакуација на илјадници жители од најизложените крајбрежни подрачја. МИА

ВИДЕО: Ураганот пустоши во САД – летаат кровови, нема струја, вода во домовите

Ивона Петрова — Fri, 14 Sep 2018 10:28:12 +0000

Ураганот Флоренс кој беше најавен во делови на САД, пустоши од вчера, водата влезе во домовите во Каролина, нема струја во делови, а летаат и кровови и предмети од ветерот со 120 километри на час. Авиони ја надлетуваат државата и хеликоптери, а веќе има пријави за штети.

Ураганот Флоренс ја погоди Северна Каролина

Ивона Петрова — Fri, 14 Sep 2018 05:49:39 +0000

Американската сојузна држава Северна Каролина е погодена од силни ветрови и дождови предизвикани од ураганот Флоренс, кој беснее над Атланскиот океан. Најтешко погоден е крајбрежниот град Њу Берн, каде има извештаи за граѓани отсечени во поплавени населби. Ураганот вчера подзастана, откако неколку дена се движеше директно кон атланскиот брег на САД, и загуби дел од својата сила, но се уште се смета како бура од категорија 1, која може да предизвика сериозни поплавувања и да однесе човечки жртви. - Иако непоканет, ураганот Флоренс само што не пристигнал, изјави гувернерот на Северна Каролина Рој Купер, кој нареди евакуација на илјадници жители од најизложените крајбрежни подрачја. Флоренс предизвикува ветрови со брзина од 175 километри на час и поројни дождови, при што проценките се дека наместа ќе паднат до 75 сантиметри дожд. Илјадници домови се оставени без струја, а граѓаните се подготвуваа за бурата што доаѓа со трупање резерви на храна и вода за пиење, стравувајќи дека поплавите ќе ги загадат водоводните системи.

Ураганот Флоренс се доближува до САД: Ветрови од 175 км/час, затворени неколку пристаништа

Ивона Петрова — Thu, 13 Sep 2018 06:06:03 +0000

Ураганот Флоренс, кој се доближува до источниот брег на САД, ослабна до ураган од втора категорија според скалата на Сафир-Симпсон одс пет степени, соопшти Националниот центар за следење на урагани.

Тој се наоѓа на 520 километри источно-југоисточно од летувалиштето Мартл бич во Јужна Каролина со максимална брзина на ветрови од 175 километри на час. Невремето се движи кон северозапад со брзина од 28 километри на час, соопшти Центарот, а властите во Јужна и Северна Каролина затворија неколку пристаништата. Американскиот претседател Доналд Трамп повтори дека безбедноста на американските граѓани му е на прво место. - Не жалиме за трошоците. Ние сме целосно подготвени, рече Трамп и додаде дека Флоренс би можел да биде „еден од најсилните урагани кои некогаш го погодиле источниот брег“. Според американската Национална метеоролошка служба, повеќе од десет милиони жители во три американски држави се предупредени на опасноста од ураганот Флоренс. МИА