ураган мајкл – Kurir.mk

САД: Од ураганот Мајкл загинаа 16 лица

Ивана Ефремовски — Sat, 13 Oct 2018 10:10:07 +0000

Бројот на жртви во САД од ураганот Мајкл е 16, соопштија американските власти. Спасувачките тимови почнаа да ги пребаруваат најтешко погодените места во Флорида. Пристапот до нив е скоро невозможен поради опустошените делови, јавија американски медиуми. Тројца загинати се во Мариана, во округот Џексон. Се очекува да се зголеми бројот на загинати бидејќи нема информации за загинати од крајбрежните населени места како Мексико Бич, Порт Сеинт Џо и Панама на Флорида. Тие се најтешко погодени од ураганот.

Ураганот Мајкл во САД усмрти 12 лица

Ивона Петрова — Fri, 12 Oct 2018 16:04:18 +0000

Бројот на загинати во разорниот ураган Мајкл, што ги погоди американските сојузни држави Флорида, Џорџија, Северна Каролина и Вирџинија, денеска се искачи на 12, а властите стравуваат дека бројот на жртви најверојатно ќе расте. Спасувачките екипи кои користат тешка механизација продолжуваат да ги расчистуваат урнатините. - Очекувам денеска и утре да порасне бројот на загинати, изјави директорот на Федералната аганција за управување со вонредни ситуации (ФЕМА) Брок Лонг. Ураганот Мајкл денеска ослабна и продолжи да се движи над Атлантски Океан, североисточно од Норфолк во Вирџинија. Мајкл, најмоќниот ураган во континентална Америка во последните 50 години, го зафати северозападниот брег на Флорида во близина на Мексико Сити со ветер од 250 километри на час. Невремето уништи цели редови куќи, оставајќи ги само темелите. Околу 1,1 милион домаќинства, трговски и бизнис објекти во Флорида, во Алабама, во Џорџија, Северна и во Јужна Каролина останаа без електрична енергија. Движејќи се кон внатрешноста, ураганот уништи голем број далноводи и дрвја. МИА

Најмалку седуммина загинати по налетот на ураганот Марјкл во САД

Дарко Андоновски — Fri, 12 Oct 2018 05:47:02 +0000

Најмалку седум лица загинаа во налетот на ураганот Мајкл во американските сојузни држави Флорида, Џорџија и Северна Каролина. Мајкл, најмоќниот ураган во континентална Америка во последните 50 години, го зафати северозападниот брег на Флорида во близина на Мексико Сити со ветер од 250 километри на час. Невремето уништи цели редови куќи, оставајќи ги само темелите. Гувернерот на Флорида, Рик Скот изјави дека северозападниот дел на државата е претворен во слика на „незамисливо опустошување“. Повеќе од 900.000 домаќинства, трговски и бизнис објекти во Флорида, Алабама, Џорџија, Северна и Јужна Каролина останаа без електрична енергија. Движејќи се кон внатрешноста, ураганот уништи голем број далноводи и дрвја. Метеоролозите предвидуваат значителни врнежи во Северна и Јужна Каролина и Вирџинија пред денеска ураганот повторно да стигне до океанот.

Две лица загинаа во ураганот Мајкл, околу 320.000 не успеале да се евакуираат

Дарко Андоновски — Thu, 11 Oct 2018 07:33:09 +0000

Околу 320.000 луѓе не се евакуирале на брегот на Мексиканскиот Залив на Флорида пред ударот на ураганот Мајкл, соопшти синоќа официјален претставник на американскиот Црвен крст. Иако државните и локалните претставници издадоа наредба за евакуација за околу 325.000 лица, Управата за вонредни ситуации соопшти дека не е познато колку луѓе ја напуштиле областа, но наведува дека околу 6.000 жители се сместени во 80 засолништа во пет сојузни држави. Потпретседателот на операциите и логистика на американскиот Црвен крст, Бред Кисерман изјави дека бурата „зајакнала со екстремна брзина и немало доволно време за да се направи нешто“. Најмалку две лица загинаа кога ураганот Мајкл ја погоди Флорида достигнувајќи јачина од четврта категорија, а речиси половина милион луѓе останаа без електрична енергија на Флорида, во Алабама и Џорџија. Ураганот вчера ја погоди областа во близина на Мексико Бич, на околу 32 километри југоисточно од Панама Сити во регионот Пенхендл на Флорида, носејќи со себе ветрови со брзина од 249 километри на час. Американскиот Национален центар за урагани соопшти денеска дека Мајкл ослабнал во тропска бура над централниот дел на Џорџија, но и понатаму дуваат силни ветрови во внатрешноста на земјата. Националната метеоролошка служба претходно предупреди дека се можни торнада ширум северозападниот дел на Флорида, во југоистчна Џорџија и Јужна Каролина.

ВО ЖИВО: Вонредна состојба- ураганот „Мајкл“ ја погоди Флорида (ВИДЕО)

Матеја Петровски — Wed, 10 Oct 2018 19:48:04 +0000

Ураганот Мајкл ја погоди Флорида

Ивона Петрова — Wed, 10 Oct 2018 19:30:28 +0000

Ураганот „Мајкл“ погоди област во близина на Мексико Бич во сојузната држава Флорида, со сила на ураган од четврта категорија, соопшти Националниот центар за урагани. Ураганот предизвика смртоносни бранови, носејќи со себе ветровите од 250 километри на час. Силните ветрови на ураганот уништија неколку објектите во градот Панама Сити бич. Ураганот „Мајкл“ претходно денска се претвори во ураган од четврта категоријата пред да ја погоди Флорида, а 500.000 луѓе беа советувани да се евакуираат. - Помина времето за евакуација по должината на брегот, напиша гувернерот на Флорида Рик Скот на Твитер, и додаде: „Ако одлучите да останете во областа за евакуација, веднаш треба да побарате засолниште". Американскиот претседател Доналд Трамп прогласи вонредна состојба на цела Флорида. Градоначалникот на Апалачикола Ван Џонсон рече дека, во градот, кој најверојатно ќе биде најсилно погоден од ураганот, евакуацијата е задолжителна. -Мојата најголема загриженост е тоа што некои луѓе дури сега почнаа сериозно да ја сфаќаат оваа бура и да се евакуираат, рече Џонсон за Си-Ен-Ен. - Се надевам дека другите што не донеле таква одлука ќе можат да заминат додека патиштата се проодни и пред да се затворат мостовите, вели Џонсон. МИА

Мајкл прерасна во ураган од четврта категорија

Матеја Петровски — Wed, 10 Oct 2018 13:15:42 +0000

Ураганот Мајкл денеска прерасна во ураган од четврта категорија, пред да ја погоди Флорида, поради што 500.000 луѓе се советувани да се евакуираат. - Ураганот Мајкл со себе носи ветер со брзина од 220 километри на час, а може да предизвика и големи бранови со висина од четири метри, предупреди Нациоанлниот центар за урагани. Гувернерот на Флорида, Рик Скот на Твитер напиша дека „Помина времето за евакуација долж брегот, ако одлучите да останете во зона на евакуација мора веднаш да побарате засолниште“. Претходно, американскиот претседател Доналд Трамп прогласи вонредна состојба во цела Флорида. Градоначалникот на Апалачикол, Ван Џонсон изјави дека градот би можел да биде најмногу погоден и оти евакуацијата е обврзна. (Миа)