Ураганот Никол стигна до Флорида, ослабе во тропска бура

Магдалена Андонова — Thu, 10 Nov 2022 16:07:01 +0000

Ураганот Никол ослабе до тропска бура откако ја погоди Флорида како ураган од прва категорија, објави Националниот центар за урагани. Максималните удари на ветерот утринава по локално време достигнаа 100 километри на час, пренесува Business Insider. Претходно, Никол го погоди островот Гранд Бахама како силен ураган. Според прогнозата се очекуваат големо количество дожд и опасно невреме. Никол веќе ги приземји авионите и затвори тематски паркови и училишта во земјата пред предвидениот удар, јавува Би-Би-Си. Откако започнаа евиденцијата во 1853 година, Флорида беше погодена само двапати од урагани во ноември - во 1935 и 1985 година. „Никол“ е првиот ураган што дошол на копно во САД кон крајот на сезоната во последните 40 години.

Ураганот Никол за неколку часа ќе пристигне до источниот брег на Флорида

Ивона Петрова — Thu, 10 Nov 2022 07:41:43 +0000

Ураганот Никол се очекува во следните неколку часа да пристигне до источниот брег на Флорида, проследен со силни ветришта и опасни удари на невремето, соопшти Националниот центар за урагани на САД (NHC), пренесуваат британските медиуми. Американските медиуми пренесуваат дека властите на Флорида вчера им наредиле на жителите во најмалку три окрузи да се евакуираат од најоддалечените острови и ниски области, како и од мобилните куќарки. Десетици лица вчера беа евакуирани од чувствителни локации на северозападните Бахами додека ураганот Никол се приближуваше до островот. Официјални лица на Бахамите соопштија дека само неколку лица се пријавиле во повеќе од дваесетина активни засолништа, а поплави и прекини на електрична енергија биле пријавени во местото Абаку.

ураган никол – Kurir.mk

Ураганот Никол стигна до Флорида, ослабе во тропска бура

Ураганот Никол за неколку часа ќе пристигне до источниот брег на Флорида