урбана мафија – Kurir.mk

Ѓорѓиевски на барање на граѓаните го стопираше планот за изградба на 99 згради во Расадник, градоначалникот најави борба против урбаната мафија

Магдалена Андонова — Thu, 30 Dec 2021 18:19:25 +0000

Градоначалникот на Кисела Вода Орце Ѓорѓиевски на барање на граѓаните го стопираше планот на претходната локална самоуправа за изградба на 99 згради во Расадник.Општината ќе објави меѓународен конкурс на кој архитекти ќе може да достават предлог идејни решенија, по што Комисијата за урбанизам ќе ги разгледа и ќе го изработи новиот детален урбанистички план. - Стопиран е и планот за Расадник. Во истиот Комисијата констатира дека има 99 нови згради, па согласно барањата на граѓаните, заклучно со февруари, ќе биде објавен меѓународен конкурс за изработка на идејно решение за ДУП Расадник, по што најдоброто решение ќе го изберат граѓаните на Расадник. По изборот на идејното решение, ќе се пристапи кон изработка на новиот Детален Урбанистички План за Расадник, изјави градоначалникот на Општина Кисела Вода Орце Ѓорѓиевски. Ѓеорѓиевски најави борба против урбаната мафија со формирање на Партиципативно тело каде може да се пријават граѓани, невладини организации и стручна јавност. Рокот за пријавување истекува на 15 јануари а целта е сите транспарентно да бидат вклучени во понатамошниот развој на општината. - За да ја запреме урбаната мафија, потребна ми е и вашата помош. Ве повикувам сите да направите увид во Урбанистички планови и сите ваши забелешки, сугестии и предлози за измени, дополнувања или укинувања на цели или делови од плановите да ни ги доставите во рок од 30 дена – вели Ѓорѓиевски. Општината направила ревизија на 34 плана меѓу кои и планот за Црниче каде во зелениот појас биле предвидени изградба на станбени куќи, планот за Припор каде биле предвидени станбени згради, а ќе се разгледува и планот за населбата Пржино.

ВМРО-ДПМНЕ: Шилегов е дел од урбаната мафија, нека им објасни на младите зошто законите не важат за сите подеднакво

Ивана Ефремовски — Thu, 02 Sep 2021 17:09:47 +0000

Денес Шилегов среќавајќи се со младинските организации добро беше да им објасни зошто законите не важат за сите подеднакво. Зошто просечно семејство за изградба на настрешница му треба дозвола, а за изградба на зграда како Шилегов нема потреба од дозвола, реагираат од ВМРО-ДПМНЕ.

Од партијата порачуваат дека визијата на Шилегов до младите е градете дивоградби исто како и урбаната мафија.

-Жално е што првиот човек на градот е дел од урбаната мафија градејќи дом станбена зграда која е дивоградба. Тоа значи дека лудилото и забеганоста достигнуваат максимум. Затоа денес Шилегов бега од одговори на две клучни прашања: зошто градел дивоградба, и второ како се стига со чиновничка плата до станбена зграда? - посочуваат од ВМРО-ДПМНЕ.

Граѓаните од Ѓорче Петров најавуваат предупредувачка блокада: Или ѓорчепетровци или урбаната мафија!

Ивана Ефремовски — Wed, 24 Feb 2021 20:13:39 +0000

Граѓаните од скопската општина Ѓорче Петров најавуваат предупредувачка блокада. Тие на Фејсбук обелоденуваат голем проблем во општината и испраќаат предупредување. Нивниот допис ви го пренесуваме во продолжение: На утрешната седница на Советот повторно спротивно на сите ветувања ставен на усвојување е ДУП - Детален урбанистички план Градска четврт СЗ 15 (од потегот карши кружниот тек во Порта Влае - позади Убац - до Американ Констракшн и целиот дел позади карши недоправениот трговски центар) во кој на тој мал простор треба да никнат: -Над 15 згради со вкупна бруто развиена површина од 138.918 м2 или 23.578 м2 градежна површина. -Висина од 31 метар БЕТОНСКИ ЗИД. -предвидено над 1359 НОВИ ЖИТЕЛИ . -во овој ДУП се легализира и спорната ЗГРАДА ВО ПАРКОТ Се прашуваме кога ли ќе престане ова печатење на урбанистички планови !? Хром, Дексион - Јурија, сега и овој !? ОПШТИНАТА И ГРАДОНАЧАЛНИКОТ АЛЕКСАНДАР НАУМОСКИ ДОКОЛКУ УТРЕ НЕ ГО ПОВЛЕЧАТ ОВОЈ УРБАНИСТИЧКИ ПЛАН И НЕ ПОКАЖАТ ДОБРА ВОЛЈА ВО НАСОКА НА УРБАНАТА ЗАШТИТА НА ЃОРЧЕ ПЕТРОВ ВО САБОТА (27.02) ЌЕ ОДРЖИМЕ ПРЕДУПРЕДУВАЧКА БЛОКАДА НА УЛИЦА. ИЛИ ЃОРЧЕПЕТРОВЦИ ИЛИ УРБАНАТА МАФИЈА ! Иницијатива против урбаното дивеење на Ѓорче Петров.

Живковски: Во изминативе три години, Кисела Вода е претворена во главно упориште на урбаната мафија во Скопје

Магдалена Андонова — Sun, 15 Nov 2020 21:37:22 +0000

“Дивеењето на моќниците блиски до градоначалникот Темелковски продолжува. Вечерва се случува обид да се заплаши локалното население во населба Пржино и да се спречи утрешниот протест против урбаниот хаос. За жал во изминативе три години Кисела Вода е претворена во главно упориште на урбаната мафија во Скопје” Фејсбук статус на Иван Медо Живковски

Урбаната мафија царува во Ѓорче Петров, во населба Хром не се знае кој гради, ниту што ќе никне

Магдалена Андонова — Tue, 15 Sep 2020 12:47:54 +0000

Откако почна да се остварува планот за изградба на нови 100 згради во населеното место Хром, општина Ѓорче Петров, сега никнуваат нови градби за кои не е поставена инфо табла за инвеститорот, како ниту за проектот кој се гради. Жителите на Хром неколку денови реагираат до општина Ѓорче Петров и бараат одговор кој и како гради во населбата без при тоа да има поставено табла на која јасно ќе се гледа кој е инвестиротот и што всушност ќе се гради, но оттаму молк. Дали градоначалникот Александар Наумоски е во тесна корелација со одредени инвеститори кои моментално хараат низ населба Хром, останува мистерија, бидејќи ниту тој, ниту пак инвеститорите се огласуваат по ова прашање?! За потсетување, во предизборната кампања за минатите локални избори кога Наумоски се бореше за градоначалничката позиција, беше главен поборник за стопирање на изградба на објекти наменети за колективно домување во населба Хром, односно велеше дека откако ќе стане градоначалник нема да издаде ниту една дозвола, со цел да запре хаосот во населба Хром. Чесните кадри на СДСМ како што милува да ги нарече нивниот лидер Зоран Заев, не само што не ги исполнуваат ветувањата кои ги ветуваат, туку дрско манипулираат и на грбот на граѓаните преку урбаната мафија во општина Ѓорче Петров “заработуваат” станови.

Лашкоска: Предлог законот за градење е закон за криминал и закон за урбаната мафија

Тале Кристо — Thu, 23 Jan 2020 15:50:37 +0000

На денешната седница на собранието на Република Македонија пратеничката од редовите на ВМРО-ДПМНЕ, Ане Лашкоска упати критика до власта нарекувајќи го законот за градење закон заштитен моќник. Таа исто така го праша и министерот за кого го поднесуваат законот -За кого господине министер го поднесувате овој закон? Закон за урбаната мафија на СДСМ, која на големо веќе во секоја општина цвета, закон за сите кои што од СДСМ почнаа да се занимаваат со градежништво, впрочем СДСМ гледаме дека последнава година дена имале голем број на градежници-нагласи Лашкоска. Лашкоска упати прашање до Министерот Сугаревски дали тој е избран да биде жртвено јагне и дали е спремен да се носи со ова што денес го предлага? -Најстрашно и најтажно е што предлагач конкретно на овој закон е господинот Сугаревски кој што во минатото од оваа сала од оваа говорница беше најжестокиот критичар на закони, меѓутоа на закони кои што имаа точно јасни одредби и денес е просто за неверување и просто несфатливо тој истиот Сугаревски да го предлага на пратениците овој закон, да го предлага на своите колеги овој криминален закон и да очекува од своите сопартијци или од своите коалициони партнери да го гласаат овој закон- истакна Лашкоска. Таа додаде дека тие како ВМРО-ДПМНЕ имаат поднесено неколку амандмани од кои што бил прифатен само еден. -Нашите најголеми забелешки се однесуваат на член 4 член 10. Со ова предлог законско решение кое што денес го имаме се предвидува ако некој е сопственик на градежна парцела 90 %, добива одобрение за градење и комотно истиот тој кој што поседува само 90 % од градежната парцела може уште веднаш да започне со градење. Истиот тој кој што ќе започне со градење еве да речиме гради зграда може уште веднаш да започне со продажба на становите.Што ќе сеслучи ако сопственикот не докупи уште 10% од земјиштето? ФИКОМ 2 ли предвидувате? Кого штитите министер- сугерираше Лашкоска. Во понатамошната дискусија Ане Лашкоска истакна дека ова е закон за криминал, закон за урбаната мафија, таа исто така додаде дека граѓаните треба да внимаваат доколку се донесе овојзакон на кого уплаќаат и што прават бидејќи оваа властсака да донесе закон за Фиком 2 или закон заштитен моќник. а заштитен моќник за многу брзо време ќе се види кој е и за кого точно се носи овој закон.

Урбаната мафија во Карпош цвета- згради никнуваат на секој чекор, жителите секојдневно апелираат дека општината тоне во ѓубре (ФОТО)

Дарко Андоновски — Fri, 07 Jun 2019 10:28:03 +0000

Коментарите на социјалните мрежи со денови апелираат да се спречи урбаната мафија која масовно го нападна Карпош кој во минатото важеше за зелена општина. Граѓаните незадоволни од општинските власти на чие чело е Стефан Богоев секојдневно фотографираат уништени паркови каде никнуваат нови згради во општината. Жителите од Тафталиџе во близина на пожарната овие денови апелираат до властите да прекинат со урбаната мафија која буквално го уништи целото зеленило во општината. -Ордите на урбаната мафија ги запоседнуваат и последните зелени остатоци во градот! (Пред пожарната во Тафталиџе), е само дел од коментарите од револтираните граѓани на Карпош. -Карпош е катастрофа, урбана мафија и паркинг, стои во друг коментар. Инаку градоначалникот Богоев очигледно не го интересираат полните контејнери, кучињата скитници и улиците со дупки, освен зделките со урбаната мафија, се само дел од коментарите на жителите од оваа општина на социјалните мрежи.