урбана опрема – Kurir.mk

ВИДЕО: Уништена урбана опрема во Општина Бутел

Ристе Здравков — Sat, 02 Sep 2023 14:31:14 +0000

Градоначалникот на Општина Бутел, Дарко Костовски го осуди вандалскиот чин со кој се уништува урбана опрема. – Жално е што сè почесто сме сведоци на дивјаштвото врз реквизитите и урбаната опрема која претходно е поставена на местата каде децата и граѓаните најчесто одмараат. Последниот случај е во дворот на ООУ “Ацо Шопов” каде што целосно е уништена урбаната опрема, а оштетен е и летниковецот, објави Костовски. На овој потег во изминатиот период се вложени над 4.000.000 денари во ново игралиште, нова урбана опрема и ново зеленило. – Јавно ќе побарам од директорот на основното општинско училиште и до МВР да постапи и најригорозно да го санкционира ваквиот вандалски чин, најави градоначалникот.

Се поставува нова урбана опрема во Младинскиот парк во Велес

Катерина Бојаџиева — Mon, 07 Aug 2023 17:13:02 +0000

Во тек е монтирање нова урбана опрема, клупи за седење во Младинскиот парк во Велес, со што овој парк и понатаму ќе остане омилено место за одмор и релаксација на велешани. Средствата се обезбедени преку Центарот за развој на Вардарски плански регион, кофинансирање помеѓу Бирото за регионален развој и Општина Велес, информираат од Општина Велес. -Младинскиот парк го доби својот нов лик.Тоа е место за секојдневен за одмор и релаксација на граѓаните,како за одржување на бројни манифестации и настани, и затоа направивме напори да го разубавиме, целат од Општина Велес. Инаку во изминатите неколку месеци Општина Велес целосно ги реконструира патеките во Младинскиот парк.

15 нови локации во Градскиот парк, паркот Гази Баба, СРЦ Сарај, „Рајски парк“ и кејот на реката Вардар за урбана опрема

Тале Кристо — Mon, 25 Jul 2022 11:50:29 +0000

Советот на Град Скопје на денешната 15-та седница ја донесе Одлуката за определување локации за поставување урбана опрема подвижни објекти, апарати и други направи во Градскиот парк Скопје, паркот Гази Баба, СРЦ Сарај, „Рајски парк“ во Ново Лисиче и на кејот на реката Вардар. Со одлуката се предвидени 15 нови локации, од кои во Градскиот парк предвидени се 3 локации, во Гази Баба предвидени се 3 локации, во СРЦ Сарај 4 локации, во „Рајски парк“ во Ново Лисиче предвидени се 2 локации и на кејот на реката Вардар предвидени се 3 локации. Согласно со утврдените стандарди, станува збор за урбана опрема и поставување подвижни апарати на предложените локации, што ќе овозможи да се зголеми посетеноста на наведените локалитети.

Град Скопје со јавен повик за користење на локации за поставување на урбана опрема во Градскиот парк

Магдалена Андонова — Fri, 25 Feb 2022 09:49:31 +0000

Град Скопје објави јавен повик во дневните весници Нова Македонија и Коха, како и на официјалниот портал на Град Скопје www.skopje.gov.mk, за користење на локации за поставување на урбана опрема и други подвижни направи во Градски парк во Скопје. Урбаната опрема ќе се поставува на 28 локации во Градски парк утврдени во графичкиот прилог составен дел на повикот. - Право на учество на јавниот повик имаат сите правни лица заинтересирани за користење на локација во Градски парк – прв и втор дел за поставување на урбана опрема – подвижни објекти, подвижни апарати и други подвижни направи за продажба на сладолед, пијалоци и други производи, подготовка на пуканки, шеќерна волна и крофни, палачинки и слични производи. На заинтересираните субјекти кои ги исполнуваат условите ќе им биде одобрено користење на локација за поставување на подвижните објекти согласно принципот прв дојден, прв услужен. Рокот за поднесување на пријавите е 10 дена од денот на објавување на јавниот повик во дневните весници. Барањето, изјавата и графички приказ на локациите може да се подигне во Архивата на Град Скопје и барака број 11, канцеларија број 1, бул. Илинден бр. 82, 1000 Скопје. Барањата со целокупната документација, треба да се достават, преку архивата на Град Скопје, до Сектор за комунални работи, со назнака за Јавен Повик за утврдување на начинот, условите и постапката за користење на локации за поставување на урбана опрема во Градски парк во Скопје, се појаснува во соопштението на град Скопје. Повеќе информации за јавниот повик, заинтересираните можат да добијат, од објавите во дневните весници Нова Мaкедонија и Коха, и на официјалниот портал на Град Скопје, како и на контакт телефон 02/3297-389, Сектор за комунални работи на Град Скопје.