уредување – Kurir.mk

Предвидени 10 милиони денари за уредување на просторот околу станбените згради низ штипските населби

Тале Кристо — Tue, 02 May 2023 13:46:26 +0000

Почна уредувањето околу станбените згради во близина на Здравствениот дом во Штип. Увид во денешните градежни активности изврши градоначалникот на Општина Штип, Иван Јорданов, кој посочи дека овде активностите ќе завршат за десетина дена, но уредувањето ќе продолжи и во останатите населби од градот. - Денесka сме кај стариот пазар, веднаш до Здравствениот дом „Панче Караѓозов“, каде се уредуваат влезовите на станбените згради на улица „Маршал Тито“. Вредноста на ова партерно и хортикултурно уредување со павер елементи е 700.000 денари. Веднаш по завршување на овој простор што претходно бил неуреден и е по барање на жителите на оваа станбена зграда, ќе се започне и со уредување на просторот пред станбените згради во населбите Автокоманда, Осми ноември, Сењак, рече Јорданов. Целта е во градежната сезона да се уредат поголем дел од површините пред станбените згради, бидејќи, како што вели Јорданов, тоа било барање и потреба на жителите. -Ќе има хортикултурно уредување, затоа што во самиот проект е предвидено да се постават жардињери, да се остави зелен појас за да се постави урбана опрема со осветлување и клупи со цел жителите да имаат помодерно место за релаксирање, вели Јорданов. Тој на денешната прес-конференција посочи дека овие градежни активности се согласно со Програмата за уредување на градежно земјиште, а за уредување на станбените влезови на зградите во Штип предвидени се 10 милиони денари.

ЈП „Улица и патишта“: Продолжуваат активностите за уредување на кејот на река Вардар

Магдалена Андонова — Sat, 13 Aug 2022 08:59:30 +0000

Екипите на ЈП Улици и патишта и екипите на ЈП Паркови и зеленило по налог на Градот Скопје продолжуваат со активностите за уредување на кејот на реката Вардар. Во текот на изминативе денови рачно се чисти нискостеблестата вегетација од косините на коритото на потегот од пешачки мост Злокуќани до мост 8-ми Септември каде десната страна од кејот е целосно завршена, а во наредниве деновите екипи продолжуваат машински да ја чистат левата страна од кејот во насока од мост 8-ми Септември кон Влада. Исто така други екипи паралелно го чистеа потегот до мостот кај Александар Палас каде со машини се коси погуста вегетација, се собира наталожениот мил од коритото, се отстрануваат гранки, корења и дрвја во внатрешноста на коритото и според работниот план овој потег до крајот на неделата ќе биде целосно завршен. Покрај чистењето на кејот минатиов период се изврши санација на велосипедската патека со фугирање на оштетувањата од мостот Влајко во долниот дел од кејот кон амфитеатарот, санација на оштетените бекатон плочи на пешачката патека на кејот во делот над Аква паркот, санација на неколку шахти на кејот на кои се поставени бетонски плочи за заштита во делот од пешачкиот мост 8-ми Септември и во делот пред мостот Обединети Нации. А беше и извршена санација на заштитна ограда на пристапната рампа кај хотелот Александар Палас. ЈП Улици и патишта ќе продолжи и во периодот кој следи со активности за интензивно уредување и санација на кејот на река Вардар за соодветна рекреација и спортување за сите посетители и граѓани.

На улица Цветан Димов се уредуваат жардињерите околу дрвјата и се санираат оштетувањата во асфалтот

Тале Кристо — Wed, 20 Apr 2022 12:38:33 +0000

Екипите на ЈП Улици и патишта Скопје денес во рамките на големата пролетна работна акција во општината Чаир работат на санирање на жардињерите околу дрвјата на улицата Цветан Димов и санација на ударните дупки со предходно машинско гребење и асфалтирање. Екипите со акцијата денес покрај улицата Цветан Димов ја санирале и улицата Џон Кенеди во вкупна површина од 15м2. Одговорните лица за одржување на светлосната сигнализација работеа на санација на недостатоците на семафорите и тоа на следните крстосници: улица Џон Кенеди со улица Лазар Трповски, крстосница улица Петар Ичко со улица Лазар Трповски и крстосница улица Христијан Тодоровски Карпош со улица Ферид Бајрам. На сите три крстосници беа оштетени сенилата на семафорите и заменети со нови, информираат од претпријатието.

Се уредува страничното и средишно зеленило на булеварот Александар Македонски на излезот од Скопје

Магдалена Андонова — Sat, 02 Apr 2022 14:49:25 +0000

Екипи на ЈП „Паркови и зеленило“ деновиве работат на средување на страничното и средишно зеленило на булеварот Александар Македонски на излезот од Скопје. На потегот од ,,Агросервис" до надвозникот на автопатот Скопје – Велес се коси тревната површина и диво израсната вегетација, а се собираат и отпадоци од средишната жардиниера и страничното зеленило покрај автопатот. Екипите на ЈП „Паркови и зеленило“ континуирано работат и на чистење на парк шумата Водно. Во рамките на овие активности, екипите на ЈП „Паркови и зеленило“ изминатата недела собраа два полни камиони со отпадоци. Апелираме до граѓаните да се грижат за природата, да го одложуваат отпадот во најблиската корпа за отпадоци и да го одржуваме Водно чисто.

Во Бутел започна реализацијата на еден од најзначајните проекти: Се чисти речното корито и се уредува кејот на Серава

Магдалена Андонова — Wed, 03 Nov 2021 10:40:29 +0000

Денеска, во општина Бутел започна реализацијата на еден од позначајните проекти од програмата на градоначалникот Дарко Костовски. - Станува збор за чистење на речното корито и уредување на кејот на реката Серава. Проектот ќе се одвива во неколку фази бидејќи течението на реката е долж целата Општина. Затоа, чистењето на речното корито ќе трае до пролет, кога се планира да отпочне уредувањето на кејот, односно изградбата на пешачката и трим патеката со поставување на урбана опрема и хортикултурно уредување, информираат од кабинетот на градоачалникот. За страртот на овој носечки проект од програмата на градоначалникот Дарко Костовски помогнаа повеќе општествено одговорни фирми, а за наредната година ќе бидат предвидени средства во буџетот за 2022 кој веќе се изработува.

Еве зошто не сте среќни дома: Направете го ова ако сакате да ви „прошета“ позитивната енергија

Катерина Бојаџиева — Thu, 27 Jun 2019 16:45:25 +0000

Учителите на ФЕНГ ШУИ советуваат дека влезот во домот мора да е уреден и чист ако сакате позитивната енергија да ви „прошета“ по домот. Пред влезната врата не оставајте кеса со ѓубре или канта, а во ходниците не смеете да имате премногу работи или неред. На овој начин лесно ќе ја „избркате“ негативната енергија, а широка врата ќе и отворите на позитивната. Во вашиот дом нема билка или цвеќе Домот без билка не е дом, ќе ви кажат експертите за уредување на ентериер! Зелените лисја носат светлост, освежување и повеќе возбуда во домот. Исто така ќе ја оживеат просторијата, а некој студии покажале дека присуството на билка во домот го смалува стресот. Имате доволно причини да одите до најблиската цвеќара и да си купите билка. Експертите на Фенг Шуи советуваат дека бамбусот им носи среќа на домашните. Единствено светло имате на плафонот Доколку во вашата дневна соба или кујна единствено светло е сијалица, тогаш имате сериозен проблем! Сијалиците се убаво и модерно осветлување ама не е доволен изворот на светло. Задолжително подгответе го домот со ламби кој ќе Ви бидат доволно осветлување на просторијата и поубаво ќе гледате што правите. Освен тоа, топло осветлената просторија допринесува за подобро расположение во куќата. Фокусна точка во собата ви е телевизорот Доколку гледате во комјутер или телевизор пред спиење, ја смалувате можноста да заспиете, а последиците сигурно ќе ги осетите сабајлето. Една студија покажала дека паровите кај кои пред креветот стои поставен телевизорот, имаат двојно помалку сексуални активности за разлика од паровите кои немаат телевизор во спалната. Доволна причина уредите да ги преместите во дневната или во просторија каде што не спиете. Кујната е во сина боја Ако ви се чини дека боите немаат никаква врска со апетитот, грешите! Некои експерти велат дека бојата на вашата трпазарија сепак делува на апетитот. Сината боја го „убива“ апетитот и одличен начин ако сакате да ослабете, меѓутоа доколку сте спремиле свечена вечера или славите слава не сакате вашите гости да не ги пробаат вашите специјалитети кои се спремени за нив. Освен тоа, сината боја е добар избор за спалната соба затоа што повикува на сон, а премногу е ладна за место каде што се собира целото семејство. Немате шарени детали Кога бирате перница или тапети дозволете си малку слобода. Помешајте ги бојата и структурата и дајте му на домот идентитет. Домовите кои се обоени само во една боја, без шарени и занимливи детали потсетуваат на болница и стерилни простории во кој нема место за позитивна енергија. Набавете некој фенг шуи детал, одберете тапети за еден ѕид или збогатете ја софата со весели перничиња.

Се уредува зеленилото на патот кон Горно Нерези

Дарко Андоновски — Thu, 12 Apr 2018 13:27:11 +0000

Екипи на ЈП „Паркови и зеленило“ - Скопје деновиве го уредуваат зеленилото на патот кон село Горно Нерези до Етно Комплексот „Македонско село“ на падините на парк-шумата Водно. - Вегетацијата во овој период е под постојан раст, особено во вонградската средина каде е доста распространета, и треба редовно одржување. Така, покрај самата сообраќајна лента со соодветна механизација – косилици, се врши кастрење на гранки од дрвја, кроење на грмушки и косење на трева, се наведува во соопштението од ЈП „Паркови и зеленило“ - Скопје. Од ЈП информираат дека се исчистени и диви депонии, како дел од тековните активности за одржување на зеленилото. ЈП „Паркови и зеленило“ - Скопје апелира до граѓаните да внимаваат каде го складираат отпадот и совесно и одговорно се однесуваат кон природата и зеленилото. Посочуваат дека ова се дел од активности за одржување на вонградското зеленилото и дека изминатиов период екипите работеа во С.Р.Ц „Сарај“ и делови од локалитетот Кањон „Матка“.