уривање на зграда – Kurir.mk

Шест лица загинаа при уривање на зграда во Мумбај

Магдалена Андонова — Fri, 17 Jul 2020 08:38:33 +0000

Шест лица загинаа, а неколкумина се повредни при уривање на шесткатна зграда во Мумбај, како последица од поројните дождови. Во зградата, која и пред уривањето била во многу лоша состојба, живееле пет или шест семејства, на кои претходно им било советувано да се евакуираат. – Не е исклучена ниту опасност од нови уривања, истакна шеф на пожарникарска служба. Поради поројните дождови во тој дел на Индија е издадено црвено предупредување за Мумбај и околината. (МИА)

Најмалку девет лица затрупани под урната зграда во Шангај

Дарко Андоновски — Thu, 16 May 2019 07:53:59 +0000

Најмалку девет лица останале затрупани во града која денеска се урнала во финансискиот центар на Шангај. Спасувачката служба соопшти дека зградата во дистриктот Чангнинг во моментот кога се урнала била во фаза на реновирање, со цел во неа да се отвори салон за продажба на автомобили. Од 20 луѓе, 11 се извлечени од под урнатините, но се уште нема детали за нивната здравствена состојба.

Уште три тела откриени под урнатините, се зголемува бројот на жртви во Магнитогорск

Ивона Петрова — Wed, 02 Jan 2019 11:13:55 +0000

Бројот на загинати при уривање на станбен блок во рускиот град Магнитогорск се искачи на 16, откако под урнатините беа откриени уште три тела, соопшти руското Министерство за вонредни ситуации. Повеќе од 20 луѓе се уште се водат како исчезнати по експлозијата на системот за гас, што предизвика уривање на зградата на 31 декември. Експлозијата предизвика уривање и оштетување на 48 станови во станбениот блок. МИА

Расте бројот на жртви по уривање на зграда во Русија

Ивона Петрова — Wed, 02 Jan 2019 08:12:41 +0000

Бројот на загинати по уривање на зграда во рускиот град Магнитогорск се искачи на 13 лица, соопшти регионалната служба за медиуми на руското министерството за вонредни ситуации, пренесува Танјуг. -Потврдуваме дека со моментов има 13 жртви, се вели во соопштението. Дел од станбена десеткатница се сруши на 31 декември, евакуирани се десетици лица, а по околу 30 се уште е трага. Рускиот Истражен комитет верува дека главната причина за рушењето е експлозија на гас во еден од становите. Еден од жителите како што пренесуваат светските медиуми доживеал „новогодишно чудо“ откако неговиот 11 месечен син Иван е пронајден жив под урнатините, 36 часа по рушењето на зградата. Бебето има повреди на главата и скршеници, како и хипотермија, по што било хоспитализирано во болницата во Москва. Таткото на Иван бил на работа кога неговата сопруга му се јавила и му рекла дека зградата се срушила. Таа успеала да се спаси заедно со тригодишниот син. Бебето Иван било пронајдено кога еден од спасувачите слушнал плач.

Најмалку четири жртви при уривање на зграда во Бахреин

Дарко Андоновски — Wed, 10 Oct 2018 08:50:45 +0000

Најмалку четири лица загинаа, а 20 се повредени при уривање на зграда во главниот град на Бахреин, Манама. Министерството за внатрешни работи соопшти дека на лице место биле пронајдени три тела, а четвртото лице починало во болница. Несреќата се случила во предградието на Манама, Салманија.