урната зграда – Kurir.mk

ВИДЕО: Се урна станбена зграда во Турција по експлозија, извлечени четири лица под урнатините

Магдалена Андонова — Wed, 05 Oct 2022 13:54:50 +0000

Станбена зграда во Турција се урна по експлозија предизвикана од истекување гас, јавија турските медиуми.„Си-ен-ен Турк“ објави дека експлозијата се случила во провинцијата Јозгат, во централниот дел на Турција.Екипите на итната помош успеале да извлечат четири лица под урнатините. Засега нема информации за потенцијални жртви, ниту за причината за истекувањето на гасот, пренесуваат турските медиуми.

Најмалку четворица загинати и 159 исчезнати при уривањето на висококатницата во Флорида

Тале Кристо — Fri, 25 Jun 2021 18:34:19 +0000

Бројот на загинати по уривањето на висококатницата во Флорида се искачи на четири лица, а спасувачите сè уште трагаат по повеќе од сто лица кои се водат како исчезнати. Повеќе од една третина од 12-катната зграда, во која има 136 станови, се урна претходната ноќ, во 1 часот и 35 минути по локално време. – Досега имаме најмалку четири смртни случаи, а 159 лица се водат за исчезнати, рече градоначалничката на Мајами-Даде, Даниела Левин Кава. Левин Кава денеска во интервју за Еј-Би-Си зјави дека три тела биле извлечени во текот на ноќта. – Кога се разбудив, дознав дека три тела биле извлечени од урнатините минатата ноќ. Ова е трагична вест за семејствата кои се надеваат дека нивните најблиски преживеале. Се разбира, ние продолжуваме со потрагата. Досега не ги идентификувавме тие три тела, а бројот на жртвите во оваа трагична несреќа се зголеми на четири, рече градоначалничката. Гувернерот на Флорида, Рон ДеСантис изјави дека локалните и државните власти се надеваат дека повеќе луѓе ќе бидат спасени од урнатата зграда. – Но, ние се подготвуваме и за лоши вести со оглед на уништувањето на кое бевме сведоци, рече ДеСантис.

Расте бројот на загинати во урнатата зграда во Египет

Тале Кристо — Sun, 28 Mar 2021 08:05:50 +0000

Бројот на лица кои загинаа откако се урна висококатница во Каиро достигна 22 лица, јави ТАСС, повикувајќи се на информации од Екстра Њуз. Претходно имаше информации за 18 мртви. Три лица се пријавени како исчезнати и потрагата продолжува. Спасувачките екипи успеаја да спасат 25 лица. Според прелиминарните извештаи, сопственикот нелегално додал шест ката. Куќата, првично изградена во 2011 година, имала четири ката. Според очевидци, пред неколку дена во продавницата, сместена на приземјето, сопственикот започнал со реконструкција, при што ги пробил sидовите и урнал неколку потпорни столбови.

Најмалку 90 лица под урнатини на зграда во Индија

Дарко Андоновски — Mon, 24 Aug 2020 16:01:46 +0000

Најмалку 90 луѓе, меѓу кои има и деца, останаа заробени под урнатините на зграда со 40 станови што се урна во индискиот град Махад, јужно од финансискиот центар на Мумбај, соопшти полицијата. Властите соопштија дека спасувачите успеале да извлечат 28 лица, а сè уште не е потврдено дали има загинати или повредени. На фотографиите од самото место се гледа дека петкатниот станбен комплекс со 40 станови е целосно уништен. Причината за уривањето на зградата, што се случи за време на силен монсунски дожд, сè уште не е позната, но се појавија контрадикторни информации за тоа колку години е стара. Според некои, таа била изградена пред шест години, додека други тврдат дека зградата е стара 60 години, пренесува „Хиндустан тајмс“. ј

Се урна зграда во Пакистан, 13 лица загинати

Тале Кристо — Tue, 09 Jun 2020 13:54:20 +0000

Најмалку 13 лица загинаа при уривање на зграда во пакистанскиот град Карачи, соопшти денеска локалната полиција. Спасувачките екипи пребаруваат под урнатините, во случај да откријат дали има други жртви. Меѓу загинатите се седум мажи, пет жени и едно девојче. Во инцидентот се повредени најмалку шест лица, а се стравува дека под урнатините има уште луѓе. Поголемиот дел од становите во зградата биле празни, бидејќи властите уште во март предупредиле дека не е безбедна поради полемите пукнатини во ѕидовите, но спасувачите велат дека дошло до уривање откако станарите влегле во зградата да ја земат својата покуќнина. Уривањето на згради е честа појава во Пакистан, бидејќи објектите имаат слаба конструкција и се изградени од лош материјал.

Расте бројот на загинати во уривањето на зградата во Истанбул

Дарко Андоновски — Fri, 08 Feb 2019 08:54:46 +0000

Бројот на загинати во уривањето на зградата во Истанбул се зголеми на 11 жртви, соопшти турскиот министер за внатрешни работи Сулејман Сојлу, јави агенцијата Анадолија. Тој прецизира дека од под урнатините на зградата во населбата Картал е извлечено уште едно тело, со што бројот на загинатите се зголеми на 11. Досега има 13 повредени, а спасувачките операции се уште траат. Под надзор се и објектите кои се наоѓаат во непосредна близина на зградата која се урна, информира Анадолија. Причината за уривањето се уште е предмет на истрага, а локалните власти наведоа дека последните три ката биле нелегално изградени. ј

Се урна зграда во Истанбул, најмалку едно лице загинато

Катерина Бојаџиева — Wed, 06 Feb 2019 14:42:00 +0000

Шесткатна зграда се урна денеска во истанбулската населба Картал, при што загина најмалку едно лице, јави турскиот весник „Хуриет“. Според турските медиуми, најверојатна причина за уривањето на зградата е експпозија. На местото на настанот пристигнаа противпожарни екипи, амбулантни возила и полиција.

Извлечени уште три лица од под урнатата зграда во Хаг

Дарко Андоновски — Mon, 28 Jan 2019 06:34:03 +0000

Припадниците на холандската спасувачка служба извлекоа три лица од под урнатините на трикатната зграда во Хаг која се урна после експлозија на гас. Се уште се трага по уште едно лице за кое се верува дека е заглавено под урнатините. Во потрагата учествуваат и кучиња трагачи. Спасувачите внимателно ги пребаруваат урнатините затоа што се стравува дека би можело да дојде до нови уривања. Во експлозијата беа повредени најмалку девет лица од кои седуммина се пренесени во болница, додека на две лица им е укажана медицинска помош на самото место, по што се пуштени на домашно лекување. Градоначалникот на Хаг, Полин Крике вчера изјави дека станува збор „страшна несреќа“, ветувајќи дека жртвите брзо ќе добијат помош.