Шестмина исчезнати во уривање на дел од повеќекатница во Јужна Кореја

Тале Кристо — Tue, 11 Jan 2022 17:37:03 +0000

Најмалку шест лица се водат за исчезнати, а десетици домаќинства се евакуирани во Јужна Кореја поради уривање на дел од повеќекатна зграда во изградба, јавија денеска локалните власти. Спасувачите привремено ја прекинаа потрагата по исчезнатите во градот Гвангжу, поради страв од ново уривање на зградата. Потрагата би можела да продолжи утре, во зависност од резултатите од безбедносната инспекција. Се верува дека сите исчезнати лица работеле на градилиштето, на кое работеле вкупно 394 лица. Спасувачите од под урнатините извлекоа тројца работници, меѓу кои двајца беа заробени во транспортен контејнер на кој се урна дел од 39-катната зграда. Во инцидентот се уништени и најмалку 10 паркирани возила, а причината за тоа се истражува, додека итните служби евакуирале 109 семејства и околу 90 продавници од околните згради.

Три лица загинаа, двајца се водат за исчезнати при уривање на училишна зграда во Антверпен

Тале Кристо — Sat, 19 Jun 2021 19:51:57 +0000

Тројца градежни работници загинаа, а двајца сè уште се водат за исчезнати, еден ден откако делумно се урна училишна зграда во Антверпен, Белгија. -За жал, мора да известиме дека третата жртва штотуку е пронајдена под урнатините. Спасувачките екипи сè уште неуморно трагаат по уште две исчезнати лица, соопштија преку Твитер пожарникарите од Антверпен. Загинатите градежни работници се државјани на Португалија, односно Романија, а националноста на третата жртва не е позната, изјави полицијата за локалните медиуми. Спасувачките тимови трагаат по двајца работници, едниот од Португалија, а другиот од Русија.

урната – Kurir.mk

Шестмина исчезнати во уривање на дел од повеќекатница во Јужна Кореја

Три лица загинаа, двајца се водат за исчезнати при уривање на училишна зграда во Антверпен