урош зорман – Kurir.mk

Словенците во проблеми пред стартот на квалификациите за ЕП

Бошко Тасиќ — Sat, 08 Oct 2022 04:53:41 +0000

Селекторот на машката ракометна репрезентација на Словенија, Урош Зорман пред неколку дена го објави списокот на играчи за подготвителниот период пред квалификациските натпревари за пласман на Европското првенство 2024 година. Зорман одлучи да го прошири списокот пред двата квалификациски натпревари и да повика дополнително уште тројца играчи. На местото на повредените Гашпер Маргуч, Борут Мачковшек и Тадеј Мазеј, словенечкиот стратег реши да ги повика Домен Новак, Алекс Кавчич и Дарко Цингесар. Зорман и неговите избраници на 9 октомври ќе го имаат првиот собир, додека на 13 и 16 октомври ќе ги одиграат првите квалификациски натпревари против БиХ, односно Косово. Ракометарите на Словенија и на двете средби важат за големи фаворити. Голмани: Јоже Базник, Клемен Ферлин, Урх Кастелиц Десни бекови: Нејц Цехте, Јуле Доленец, Матиц Грошељ Десни крила: Блаж Јанц, Домен Новак Леви бекови: Ник Хенигман Леви крила: Дарко Цингесар, Тилен Кодрин Средни бекови: Деан Бомбач, Алекс Кавчич, Домен Макуц, Јака Малус, Рок Овничек, Алекс Влах. Пикери: Блаж Благотиншек, Матеј Габер, Кристијан Хоржен, Стефан Жабиќ

Урош Зорман ја презема ракометната репрезентација на Словенија

Бошко Тасиќ — Thu, 10 Feb 2022 21:54:41 +0000

Поранешниот ракометен репрезентативец на Словенија, Урош Зорман, се наоѓа пред промоција на селекторската функција во словенечката машка ракометна репрезентација, а неговото официјално претставување како нов селектор би требало да биде потврдено до крајот на денот. Зорман, моментално го предводи амбициозниот тим на Тримо Требње, екипа во која настапуваат ракометарите од Македонија, Тоше Ончев и Милан Лазаревски. Тој беше главен фаворит од понудените кандидати за нов селектор на сениорската репрезентација на Словенија.

Давид Дејвис или Урош Зорман во комбинација за замена на Веселин Вујовиќ

Бошко Тасиќ — Sat, 11 Dec 2021 20:31:39 +0000

Рускиот специјализиран портал за ракомет „Брз центар“ пишува дека наследник на Вујовиќ ќе биде добро познато лице на македонската ракометна сцена - Давид Дејвис. Шпанецот, кој дојде во Скопје уште во 2014 година, како помошник на Раул Гонзалес. Три години го водеше Веспрем, а си замина летово, откако ја загуби титулата во унгарското првенство од Пик Сегед. Втората опција е 41-годишниот Урош Зорман. Тримо Требње е неговото единствено исксутво како прв тренер и се уште трае, но претходно му беше асистент на Љубомир Врањеш на клупата на Словенија, како и на Талант Душебаев во Кјелце. Тимот засега ќе го води Владо Недановски, а неговото најголемо искушение ќе биде дербито со Еурофарм Пелистер в четврток, во Битола.

Урош Зорман се пофали, ама еве кој е нов тренер на Вардар!

Катерина Бојаџиева — Tue, 11 Jun 2019 10:11:26 +0000

Македонскиот и актуелен европски првак Вардар ја продолжува традицијата со ангажирање на шпански експерти на клупата на шампионскиот тим. Откако Урош Зорман не се договори со управата на „црвено-црните“, нов предводник ќе биде искусниот стратег на Ваљадолид, Давид Писонеро. Тој потпишал едногодишен договор со клубот и сега е во потрага по нови играчи. Преговорите со легендата на словенечкиот ракомет Урош Зорман беа во завршна фаза, но двете страни не се договориле околу помошниците на тренерот. Додека се одржуваше Ф4 турнирот во Келн од Словенија стигна потврда дека Зорман го презема Вардар. Словенецот барал да донесе свои луѓе во стручниот штаб, додека управата на „црвено-црните“ инсистирала помошник да биде шпански тренер. На крајот наместо Зорман во Скопје ќе се дојде уште еден искусен тренер од познатата школа на Ваљадолид, Давид Писонеро. Деновиве дел од управата на македоонскиот клуб била забележана во друштво на новиот тренер на Вардар во еден познат скопски локал. Тој бил пристигнат на преговори. Овој 46-годишен шпански стратег ќе дојде на клупата на Вардар по Роберто Парондо Гарсија и Раул Гонзалез тренери кои ги однесоа „црвено-црните“ до врвот на Лигата на шампионите. Писонеро и Гонзалез ги поврзува и играчката кариера, во тимот на Ваљадолид каде биле одличен тандем, а соработката меѓу пикерот и централниот бек му донела многу важни титули на шпанскиот тим. Писонеро беше предводник на клупата на Ваљадолид изминативе 18 месеци. Иако шестмина ракометари на Вардар заминаа, а имаше и најава за „црно сценарио“ клубот излезе од криза и сега се подготвува за новата сезона каде ќе брани четири трофеи, а ќе се обиде и првпат да стане „светски клупски првак“ бидејќи ќе настапува на Супер Глоуб на крајот на август. Тоа е единствен трофеј што им недостасува во клупските витрини. Извор: 24ракомет

Кјелце потврди: Вардар го сака Зорман на кормилото!

Предраг Кукиќ — Wed, 05 Jun 2019 09:04:45 +0000

Актуелниот тренер Роберто Гарсија Парондо се договори да биде нов селектор на репрезентацијата на Египет, па Вардар започна да бара нов кормилар. Словенечките медиуми пренесоа информација дека нов тренер на „црвено-црните“ ќе биде Урош Зорман, кој моментално е помошник на Талант Душебаев во Кјелце, но и прв асистент на Веселин Вујовиќ во словенечката репрезентација. Сега стигна потврда и директно од првиот човек на Кјелце, Бертус Сервас, кој потврди дека Вардар го сака Зорман.