Урсула фон дер Лаејн – Kurir.mk

Фон дер Лајен: ЕУ има доволно гас до крајот на зимата

Дарко Андоновски — Wed, 09 Mar 2022 12:17:54 +0000

Претседателката на Европската комисија, Урсула фон дер Лајен изјави дека членките на ЕУ веќе купиле доволно течен гас за да можат без увоз од Русија до крајот на зимата, пренесува МИА. „Заедно со поголема заштеда на енергија и проширување на обновливите извори на енергија, ќе можеме да станеме независни“, рече Лајен во заедничката утринска програма на германските телевизии АРД и ЗДФ. Во врска со различните одлуки за увоз на руска нафта, Фон дер Лајен рече дека САД, кои забранија таков увоз, се помалку зависни од нафтата. Целта, посочи таа, е санкциите првенствено да ја погодат Русија, а не западните земји. Лајен изрази загриженост дека бројот на бегалци од Украина ќе биде многу поголем и дека ова е „само почеток“. Таа ја пофали подготвеноста на сите членки на ЕУ да прифатат бегалци, особено на соседите на Украина, Полска, Унгарија и Словачка. На 8 март, Европската комисија претстави план за намалување на зависноста од увозот на руски гас за две третини до крајот на 2022 година. Според планот, ЕУ ќе стане независна од руските фосилни горива до 2030 година.

Фијаско на Заев, Шекеринска и Димитров: ЕУ одвои пари за Србија, Албанија и Црна Гора, а корумпираната Македонија никаде ја нема

Дарко Андоновски — Thu, 11 Mar 2021 14:55:31 +0000

Пратеникот Антонијо Милошоски преку Твитер пишува дека Македонија за жал извиси од групата на земји на кои Европската Комисија ќе им помогне со финансиска и медицинска помош преку солидарниот фонд чиј износ е 530 милиони евра. Во истиот како што пишува тој се земјите кандидати Србија, Албанија и Црна Гора, додека Македонија никаде ја нема. -Македонија, за жал извиси од групата на земји на кои Европската Комисија ќе им помогне со финансиска и медицинска помош преку солидарниот фонд чиј вкупен износ е 530М€, во кој од регионот вклучени се земјите кандидати Србија, Албанија и Црна Гора!, стои во неговиот твит.

Македонија, за жал извиси од групата на земји на кои Европската Комисија ќе им помогне со финансиска и медицинска помош преку солидарниот фонд чиј вкупен износ е 530М€, во кој од регионот вклучени се земјите кандидати Србија, Албанија и Црна Гора! https://t.co/o5aqwJLKDs
— Antonio Macedonian (@AMiloshoski) March 11, 2021

Инаку помошта од Европската Комисија ја објави на Твитер претседателката на ЕК Урсула фон дер Јален.

Лајен: Ова е историски момент во Европа

Ивона Петрова — Tue, 21 Jul 2020 06:18:28 +0000

Претседателката на Европската комисија, Урсула фон дер Лаејн, изјави дека со постигнатиот одговор за буџетскиот пакет на ЕУ од 1.824 милијарди евра за периодот од 2021 до 2027 година е направен голем чекор кон закрепнување. – Европа сега има голема шанса да излезе посилна од кризата. Денеска направивме историски чекор со кој сите можеме да се гордееме, рече Фон дер Лајен. Таа потенцира дека лидерите на ЕУ поминале „четири дена и четири ноќи“ во преговори за повеќегодишниот пакет за закрепнување. – Разговаравме повеќе од деведесет часа, но вредеше. Овој договор е сигнал дека Европа е подготвена да дејствува. Луѓето често ја обвинуваат Европа дека прави премногу малку и предоцна, но ние покажавме дека всушност е сосема поинаку, рече Лајен. Таа истакна дека ЕУ за само два месеци, што е, како што кажа, апсолутен рекорд во историјата на Унијата, успеа да воспостави нов буџетски инструмент како „Нова генерација Европа“ и да се договори за 1.824 милијарди евра финансирање за следните седум години, што претставува повеќе од 5 проценти од БДП на ЕУ27. – Во моментов се наоѓаме во најтешка економска и здравствена криза, но без оглед на тоа, Европа успева да ја реши кризата на ефикасен начин и ја поврзува солидарноста со одговорност. Ова не е само излез од кризата, туку основа за модерна и одржлива Европа, рече фон дер Лајен. Иако наведе дека со овој буџет европското закрепнување ќе биде зелено, дека ќе се забрза дигитализација и ќе се зајакнат националните реформи, Фон дер Лајен укажа и на фактот дека при постигнување компромис има намалување на средствата за одредени програми на ЕУ за здравство, заштита на климата, истражувања, но и за програма наменета за надворешна политика и соседство, од која е финансиран Инструментот за претпристапна помош . – Тоа е за жалење и го намалува иновативниот дел од буџетот, иако 50 проценти од целиот буџет поддржува модерни политики, заклучи фон дер Лајен. Таа истакна дека договорот на Европскиот совет сега мора да биде одобрен и од страна на Европскиот парламент, со цел да стапи во сила до крајот на оваа година. Лидерите на ЕУ рано утрово постигнаа договор за планот за закрепнување и повеќегодишниот заеднички буџет од 1.824 милијарди евра, за периодот од 2021 до 2027 година.