Урсула фон дер Лајан – Kurir.mk

Прво од Собранието ќе се обрати Фон дер Лајен, а потоа пратениците ќе расправаат за францускиот предлог

Ристе Здравков — Tue, 12 Jul 2022 17:03:51 +0000

Собранието за в четврток во 13:30 ја закажа седницата на која пратениците треба да расправаат за францускиот предлог. Како што може да се види од информациите на собраниската веб-страница закажана е 81. седница со единствена точка на дневниот ред – Информација за содржината на Предлог преговарачката рамка за пристапните преговори на Република Северна Македонија со Европската Унија, предложена од страна на Претседателството на Франција со Советот на Европската Унија на 30 јуни 2022 година. Претходно, Собранието на Република Северна Македонија за в четврток во 13:00 часот ја закажа и 80. седница на Собранието на која треба да се обрати претседателката на Европската комисија Урсула фон дер Лајен. Владата, според барањата од вчерашната координација во Собранието, попладнево достави до Собранието дополнување на Информацијата за содржината на Предлог-преговарачката рамка за пристапните преговори на Република Северна Македонија со Европската Унија, предложена од страна на Претседателството на Франција на 30 јуни 2022 година, соопшти собраниската прес-служба. Документите, како што посочуваат од Собрание, се доставени до сите пратеници.

Фон дер Лајен најави нови санкции за Москва: Она што Путин го нарекува ослободување, јас го викам воени злосторства

Магдалена Андонова — Wed, 06 Apr 2022 09:22:25 +0000

Европската унија ќе воведе дополнителни санкции кон Русија, покрај последниот пакет мерки објавен вчера, а кои најверојатно ќе вклучуваат мерки против увозот на руска нафта, изјави претседателката на Европската комисија Урсула фон дер Лајен. – Овие санкции нема да ни бидат последни, изјави Фон дер Лајен Данадс пред Европскиот парламент за време на претставувањето на последниот пакет санкции, кој вклучува забрана за купување руски јаглен. Таа додаде дека сега останува да се „види нафтата и приходите што Русија ги добива од фосилните горива“. Таа се осврна и на ситуацијата во Буча, каде над 400 цивили беа убиени. - Сите ги видовме потресните слики на Буча. Ова е тоа што се случува кога војниците на Путин ја окупираат украинската територија. Тие го нарекуваат ослободување. Јас го нарекувам воени злосторства, истакна Фон дер Лајен, дополнувајќи дека руските власти ќе одговараат за сите злодела. (МИА)

Лајен: Сите земји-членки на ЕУ во исто време ќе ја добијат вакцината против Ковид-19

Ивона Петрова — Fri, 30 Oct 2020 06:23:02 +0000

Претседателката на Европска комисија Урсула фон дер Лајан синоќа изјави дека сите земји-членки на Европска Унија ќе добијат вакцини против Ковид-19 во исто време и под исти услови во согласност со бројот на жители. Таа по видеоконференцијата на лидерите на ЕУ кои вонредно разговараа за соработката и одговорот на вториот бран на новиот коронавирус, оцени дека ситуацијата во Европа е „многу сериозна“ поради зголемениот број на новозаболени, хоспитализирани и смртни случаи. – Ако не реагираме итно и кохерентно здравствениот систем ќе биде преплавен од бранот на пандемијата,предупреди фон дер Лајен. Претседателката на ЕК ги повика сите земји-членки на ЕУ да споделуваат точни и правовремени информации за националните епидемиолошки ситуации со Европскиот центар за превенција и контрола на заразните болести, а сите Европејци да преземат мобилни апликации за следење на контактите со цел да се запре ширењето на новиот коронавирус. – Разбирам дека сите се уморни и загрижени, но сега е време за трпение и дисциплина. Најважно е да се усвојат одбранбените здравствени навики како што е носење маски, дистанца иизбегнување гужви. Само така заедно ќе го победиме вирусот, посочи фон дер Лајен.

Фон дер Лајан: Имав добар разговор со Вучиќ

Магдалена Андонова — Fri, 26 Jun 2020 11:41:53 +0000

Претседателката на Европска комисија, Урсула фон дер Лајан денеска на Твитер напиша дека имала добар разговор со претседателот на Србија, Александар Вучиќ. Таа истакна дека по изборите во Србија потребен е широ дијалог со сите политички сили за да се постигне напредок во реформите, што се потребни за земјата да се приближи до Европска Унија. – Дијалогот со Косово е клучен, истакна Фон дер Лајан. Таа додаде дека ЕК ќе ја поддржи обновата на Србија по пандемијата со Ковид-19. (МИА)

Лајан: Кина ќе и достави два милиона маски на ЕУ

Дарко Андоновски — Thu, 19 Mar 2020 07:55:07 +0000

Претседателката на Европска комисија, Урсула фон дер Лајан најави дека Кина ќе испрати повеќе од два милиони заштитни маски на Европска Унија, која стана центар на пандемијата од новиот коронавирус.

Таа наведе дека тоа и го соопштил кинескиот премиер Ли Кечијанг во телефонски разговор. – Се согласивме дека борбата против коронавирусот е глобална и дека мора да се помагаме во овие тешки моменти. Кина не ја заборави помошта што ја доби од ЕК во јануари, кога таа беше во центарот на епидемијата, посочи Лајан. Таа наведе дека „набрзо“ очекува дека два милиони хирушки маски, 200.000 маски од типот Н-95 и 50.000 тестови за откривање на новиот коронавирус. – Во јануари ЕУ испрати 50 тони медицинска опрема во Кина, посои Лајан. И компанијата „Алибаба“ испрати маски во Франција и во Италија.

ЕУ ќе воведе привремена забрана за влез

Катерина Бојаџиева — Tue, 17 Mar 2020 06:32:16 +0000

Претседателката на Европска комисија, Урсула фон дер Лајан најави дека на денешната видео конференција земјите-членки на Европска унија треба да го прифатат предлогот на ЕК за привремена забрана за влез во Европска Унија за сите они кои немаат важна причина за патување. – Рестрикцијата првично ќе трае 30 дена, а по потреба може да биде продлжена, истакна фон дер Лајан. Од ограничувањата ќе бида исклучени државјаните на Велика Британија, сите кои имаат постојан престој во ЕУ, членови на семејствата на државјани на ЕУ, дипломати, медицински персонал, како и тие што превезуваат стока и работат во пограничните подрачја.