ус опен – Kurir.mk

Новак Ѓоковиќ се пласираше во полуфиналето на УС Опен

Бошко Тасиќ — Wed, 06 Sep 2023 04:04:06 +0000

Српскиот тенисер Новак Ѓоковиќ ја оправда улогата на фаворит против Тејлор Фриц во четвртфиналето на УС Опен. Српскиот тенисер славеше и во осмиот меѓусебен дуел со деветтиот тенисер на АТП листата, а до пласман меѓу четирите најдобри на последниот Грен слем сезонава стигна по нешто повеќе од 2 часа и 30 минути игра – 3:0 (6:1, 6:4, 6:4).

Вавринка највозрасен тенисер со победа на УС Опен од 1992

Ивана Ефремовски — Wed, 30 Aug 2023 09:12:00 +0000

Поранешниот победник на УС Опен, 38-годишниот Швајцарец, Стан Вавринка стана највозрасен тенисер кој победил на грен – слем турнирот во Њујорк од 1992 година кога тоа го направи 40-годишниот Џими Конорс. Вавринка, кој последната од своите три грен – слем титули ја освои во Њујорк во 2016, а изминатите сезони има проблеми со стапалата, триумфираше попладнево во воведното коло над Јапонецот Јошишито Нишиоку со 7-6, 6-2, 6-4. „Мислам дека играм добро. Не се обидувам да се споредувам со оној од минатото, бидејќи никогаш не е добра идеја да се споредува тоа што го правев пред неколку години“, рече Вавринка по натпреварот. Швајцарскиот тенисер се врати на АТП во март 2022, по повеќе од една година пауза и две операции на левото стапало. Пред стартот на овогодишното издание на УС Опен, Вавринка е рангиран на 49 место на светската листа. (МИА)

УС Опен: Новак Ѓоковиќ во првото коло против Французинот Милер

Бошко Тасиќ — Fri, 25 Aug 2023 04:06:06 +0000

Српскиот тенисер Новак Ѓоковиќ во првото коло на последниот грен слем годинава „УС Опен“ ќе игра против 85 тенисер во светот, Александр Милер од Франција. Доколку триумфира вториот светски рекет, во следната фаза ќе игра со подобриот од мечот Бернабе Запата Мираљес – Итан Квин. Моментно најдобриот тенисер на светот Карлос Алкараз се наоѓа во втората половина од жрепката. Потенцијален дуел меѓу Алкараз и Ѓоковиќ е можен само во финалето. Во третото коло Ѓоковиќ би можел да се сретне против својот сонародник Ласло Ѓере кој на стартот ќе игра против Американецот Брендон Накашима.

Ник Кирјос нема да настапи на УС Опен

Бошко Тасиќ — Fri, 11 Aug 2023 04:06:51 +0000

Австралиескиот тенисер Ник Кирјос се повлече од УС Опен откако претходно се повлече од Мастерсот во Синсинати. Од почетокот на оваа година одигра само еден натпревар и очигледно повредата на зглобот нема да му се санира. Потсетуваме, во понеделник започнува Мастерсот во Синсинати, а таму ќе игра и Новак Ѓоковиќ.

Алкараз: Мојот сон е да станам еден од најдобрите тенисери во историјата

Ивана Ефремовски — Thu, 04 May 2023 09:14:33 +0000

Шампионот на УС Опен, Карлос Алкараз, зборуваше за своите соништа во тенисот во пресрет на својот 20-ти роденден. Шпанецот утре ќе наполни 20 години, а веќе има освоено Грен слем турнир. - Сега мојот сон во тенисот е да станам еден од најдобрите тенисери во историјата. Знам дека тоа е голем сон, веројатно преголем. Но, во овој свет, треба да сонувате и да размислувате на големи нешта. Сакам да бидам меѓу најдобрите тенисери во историјата и ќе направам се за да го реализирам ова, рече Алкараз. Утре младиот шпански тенисер ќе игра полуфинале против Борна Чориќ (Хрватска) на Мастерсот во Мадрид. (МИА)

Карлос Алкараз и Каспер Руд ќе играат во финалето на УС Опен

Бошко Тасиќ — Sat, 10 Sep 2022 06:39:14 +0000

Шпанскиот тенисер Карлос Алкараз и Норвежанецот Каспер Руд ќе играат во финалето на УС Опен. Моментно седмиот и третиот тенисер во светот ќе се сретнат во финалната пресметка, а победникот ќе ја добие титулата на УС Опен, огромни финансиски приходи од над два милиони долари и статус на светски рекет број еден. Норвешкиот тенисер Каспер Руд се пласираше во финалето на УС Опен, откако во полуфиналето го совлада Русинот Карен Хачанов со 3:1 во сетови.Во сетови беше 7:6, 6:2, 5:7 и 6:2. Натпреварот траеше три часа и три минути. Алкараз во второто полуфинале го победи американскиот тенисер Френсис Тијафо со 3:2 во сетови, 6:7, 6:3, 6:1, 6:7, 6:3.

Надал по елиминацијата на УС Опен: Мораш да бидеш брз и многу млад, а јас не можам да го задржам тоа темпо

Дарко Андоновски — Tue, 06 Sep 2022 06:32:11 +0000

Шпанскиот тенисер Рафаел Надал даде свое видување за поразот во четвртото коло на УС Опен од Френсис Тиафо (4:6, 6:4, 4:6, 3:6). – Одиграв лош натпревар, а но тој одигра многу добро. Мора да си брз и многу млад, но не можам повеќе да го задржам тоа темпо. Нема да барам изговори. Отидов во четвртото коло и се соочив со играч кој беше подобар од мене. Важно е да се препознаат сите добри работи што ги прави и направи противникот. Дали повредите ми пречеа? Сега можеме да жалиме и да се жалиме за нешто, но тоа нема да ја промени ситуацијата. Ова е дел од мојата кариера, изјави надал. Мечот се одигра ноќеска и траеше 3 часа и 32 минути. Триесет и шестгодишниот Шпанец имаше девет аса, исто толку двојни сервис грешки, и две брејк топки од шест можности. Дваесет и четиригодишниот Американец сервираше 18 асови и четири двојни грешки, а искористи пет од осум брејк топки. Тиафо во четвртфиналето ќе се соочи со Русинот Андреј Рубљов.

Медведев по УС Опен нема да биде прв светски рекет

Ивана Ефремовски — Mon, 05 Sep 2022 07:31:05 +0000

Рускиот тенисер Данил Медведев ноќеска загуби од Ник Кирјос во четвртото коло на УС Опен – 6:7, 6:3, 3:6, 2:6. Медведев за прв пат по 2018 година загуби на УС Опен пред полуфиналмата фаза. Пред четири години тој беше елиминиран во третото коло. По поразот од Кирјос, Русинот не ги одбрани бодовите добиени по минатогодишната титула и сигурно ќе ја загуби првата позиција на АТП ранг-листата по завршувањето на Грен слемот во Њујорк. На првото место ќе остане 16 недели. Тој е 27-от тенисер кој бил на врвот на АТП ранкингот. На 12 септември број 1 ќе стане, Рафаел Надал, Карлос Алкараз или Каспер Руд. (МИА)

Радукану по елиминацијата на УС Опен: Сега можам да почнам од нула

Магдалена Андонова — Wed, 31 Aug 2022 07:12:56 +0000

Минатогодишната шампионка на УС Опен, Ема Радукану не успеа да го помине првото коло на годинашниот Грен слем во Њујорк. – Секако дека сум многу вознемирена и многу тажна. Но, на некој начин, мило ми е што сега можам да почнам од нула. Ќе паднам на ВТА, но способна сум да се вратам помеѓу најдобрите. А ако се гледа од друга гледна точка, за 19 годишна тенисерка ова не е лоша сезона. Да ми кажеа пред една година дека ќе бидам во Топ 100, ќе се согласев, рече Радукану на прес-конференцијата по поразот од Ализе Корне. Британката знае дека и е потребна поголема стабилност. – Ми треба повеќе стабилност. Ако погледнете колку играв и колку тренирав оваа година, бројките ќе бидат минимални. Од турнирот во Рим до крајот на Вимблдон, за два и пол месеца играв само 14 дена. Ова е лудило. За мене најважно е постојано да настапувам и тренирам, без долги паузи, додаде Радукану. Младата тенисерка ќе загуби 2030 поени и ќе падне од 11. до најмалку 80. позиција на ВТА ранг-листата. (МИА)

Циципас загуби од 94. рекет на светот во првото коло на УС Опен

Ивона Петрова — Tue, 30 Aug 2022 07:29:14 +0000

Петтиот рекет на светот Стефанос Циципас од Грција во првото коло на УС Опен загуби од Колумбиецот Даниел Галан-Риверос кој е 94-ти на светската ранг-листа, со 1:3, по сетови 0:6, 1:6, 6:3, 5:7. Средбата траеше 2 часа и 43 минути. Циципас имаше пет аса, четири двојни грешки и две реализирани брејк топки од девет шанси. Во второто коло Галан-Риверос ќе се соочи со Џордан Томпсон од Австралија. Шпанецот загуби од Џон Џефри (САД) со 3:0. На машкиот дел на Грен слемот во Њујорк, елиминиран во првото коло е и 16.носител, Роберто Баутиста-Агут. Наградниот фонд на УС Опен изнесува 60 милиони долари.