УСА Опен – Kurir.mk

Сабаленка против Гауф за титулата на УСА Опен

Бошко Тасиќ — Fri, 08 Sep 2023 13:06:28 +0000

Гауф во првото полуфинале на грен - слем турнирот во Њујорк синоќа ја совлада чешката тенисерка Каролина Мухова со 2-0 во сетови (6-4, 7-5), а потоа Сабаленка спречи американско финале совладувајќи ја Медисон Кејс со 2-1 (0-6, 7-6, 7-6). Сабаленка избори финале во Њујорк по два последователни порази во полуфиналните дуели, од Лејла Фернандез во 2021, и лани од Ига Швјонтек. Белорусинката ќе има можност да ја освои втората грен – слем титула оваа сезона, откако ја почна годината со триумф на Австралија Опен. За 19-годишната Гауф ова ќе биде прво грен - слем финале во кариерата.

Медведев го надигра Рубљев и обезбеди полуфинале на УСА Опен

Бошко Тасиќ — Thu, 07 Sep 2023 03:55:43 +0000

Рускиот тенисер Данил Медведев се пласира во полуфиналето на УС Опен откако за 168 минути го совлада сонародникот Андреј Рубљев со 3-0 во сетови (6-4, 6-3, 6-4). Ривал на Медведев во полуфиналето ќе му биде победникот од мечот Александар Зверев - Карлос Алкараз.

Серена Вилијамс во Торонто ќе се подготвува за УС Опен

Бошко Тасиќ — Sat, 16 Jul 2022 07:23:04 +0000

Американската тенисерка Серена Вилијамс, која доживеа дебакл на Вимблдон, многу веројатно ќе настапи на турнирот во Торонто кој започнува на осми август. Серена се пријави за турнирот, кој е една од подготовките за УС Опен, иако по Грен слемот во Лондон сакаше да зборува за своите понатамошни планови. Искусната тенисерка по една година пауза настапи на Вимблдон и загуби од Хармони Тан уште во првото коло. „Кога играте дома, особено во Њујорк и на УС Опен, каде што ја освоив првата голема титула, секогаш е посебно. Има мотив да се подобрам и да играм дома“, изјави Серена. Првата од 23-те Грен слем титули Серена ја освои во 1999 година во Њујорк. Отвореното првенство на Соединетите Американски Држави започнува на 29 август.