усеин болт – Kurir.mk

Усеин Болт загуби 12 милиони долари поради банкарска измама

Тале Кристо — Thu, 19 Jan 2023 13:07:30 +0000

Исчезнаа пари од сметката на Усеин Болт, осумкратниот олимписки шампион во јамајканската инвестициска компанија „Stocks and Securities Limited“ (SSL). Според адвокатот на Болт, Линтон Гордон, околу 12.000 долари ги нема на сметката на заштедите на поранешниот спортист. Јамајканската комисија за финансиски трансакции веќе назначи нов привремен управник во SSL. Болт има намера да поднесе тужба до Врховниот суд во Кингстон доколку парите не бидат вратени во рок од осум дена.

Атлетика и бизнис: Усеин Болт реши да ја заштити познатата победничка поза

Магдалена Андонова — Tue, 23 Aug 2022 08:23:28 +0000

Јамајканецот Усеин Болт, еден од најголемите светски спортисти во историјата, и сѐ уште актуелен светски рекордер во спринт, има намера да ја заштити својата позната поза со којашто редовно ги прославуваше своите победи, како свое лого. Болт стана светски познат по гестикулацијата каде тој се наведнува наназад со раце насочени нагоре, каде едната е испружена, а другата свиткана. Тоа е она што овој светски рекордер сака да го заштити. Според Канцеларијата за патенти и трговски марки на САД, Болт го поднел барањето за трговската марка минатата недела. Поранешниот спортист планира да го користи ова лого за брендирање очила за сонце, накит, чанти, облека, спортска опрема и ресторани и спортски кафулиња. Болт сè уште ги држи светските рекорди на 100 и 200 метри, што го прави најбрзиот човек во историјата.

Ќе се рушат рекорди: Усеин Болт доби наследници, стана татко на близнаци (ФОТО)

Ивона Петрова — Mon, 21 Jun 2021 08:06:27 +0000

Легендарниот спринтер и неколкукратен олимписки победник, Усеин Болт и неговата партнерка Каси Бенет вчера објавија дека станале родители на близнаци. Добиле две момчиња – Тандер Болт и Сент Лео Болт. Атлетичарот од Јамајка ја објави среќната вест на Инстаграм, со семејна фотографија, токму на Денот на таткото, дополнета и со нивната ќерка Олимпија Лајтнинг, која се роди во мај 2020 година. И Каси имаше своја објава со којашто му го честиташе празникот на „новопечениот“ татко. Усеин Болт (34), носител на осум златни медали од Олимписките игри во 2008, 2012 и 2016 година, нема да учествува на Игрите во Токио, бидејќи во 2017 година се повлече од трчањето. Во меѓувреме, се обиде и како фудбалер, но во 2019 година сепак го напушти светот на спортот. Тој сè уште ги држи светските рекорди на 100 и 200 метри и е единствениот спортист кој освоил злато во двете дисциплини на три последователни Олимпијади.

Срушен рекордот на Усеин Болт на 200 метри од тинјеџер

Бошко Тасиќ — Tue, 01 Jun 2021 20:07:50 +0000

Американскиот тинејџер Еријон Најтон (17) предизвика нова спортка сензација, откако трчаше на 200 метри и оствари неверојатен резултат од 20 секунди и 11 стотинки на митинг во Џексонвил, поставувајќи официјален рекорд во категоријата кадети (У18) што досега го држеше спринтерската легендата Усеин Болт. Со време од 20.11, Најтон го сруши рекордот на Болт од 20.13 поставен во јули 2003 година, еден месец пред да го прослави својот 17-ти роденден. Инаку, спринтерот кој е роден во САД, јануари 2004 година, го држи рекордот на 100 метри со време 10,16 и на 400 метри со време 47,48.

Усеин Болт: Сега Роналдо е побрз од мене, тој е супер-спортист

Ивона Петрова — Sat, 14 Nov 2020 08:31:39 +0000

Осумкратниот олимписки шампион во спринтерските трки, Усеин Болт одговори на прашањето на шпански новинар: „Кој би победил на трката доколку се одржи сега – Болт или напаѓачот на Јувентус, Кристијано Роналдо? -Ќе победи Кристијано, велам со сигурност. Затоа што тој сè уште работи со полн капацитет. Го сметам за супер-спортист, тој е секогаш на врвот. Работи напорно секој ден, секогаш фокусиран. Мислам дека сега е побрз од мене, рече Болт. Пред три години, атлетичарот од Јамајка имаше неуспешен обид да започна професионална фудбалска кариера.

Коронавирусот го стигна и најбрзиот човек во светот

Магдалена Андонова — Tue, 25 Aug 2020 09:26:48 +0000

Најбрзиот човек во светот Јамајканецот Усеин Болт е позитивен на коронавирусот. Само неколку дена по роденденската забава, легендарниот спринтер објави дека има корона и дека наредниот период ќе го помине во самоизолација, односно ќе постапува како што ќе му наложат здравствените работници. -Здраво на сите, потврдено е дека сум позитивен на Ковид -19. Направив тест и покрај тоа што немав никакви симптоми, но резултатите покажаа дека сум позитивен. Се изолирав и ги чекам понатамошните упатства за да постапам по протоколот, изјави Болт. Резултатите од неговото тестирање одекнаа како бомба во светските медиуми, особено се подвелкува дека на неговата роденденска забава биле и неколку фудбалери Рахим Стерлинг (Манчестер Сити), асот на Леверкузен, Леон Бејил, легендарниот крикет играч Лис Гејл, реге пејачот Кристофер Мартин и многу други познати личности. Болт иако веќе се пензионираше од атлетиката, се уште ги држи рекордите на 100 и 200 метри поставени на Светското првенство во Берлин во 2009 година. Тој стотката тогаш ја истрча за 9.58 секундо, а на двојно подолгата делница постави резултат од 19.19 секунди.

ФОТО: Болт ќе стане татко

Ивона Петрова — Mon, 27 Jan 2020 10:36:13 +0000

Најбрзиот човек на планетата, Усеин Болт и неговата девојка Каси Бенет го чекаат своето прво дете. И двајцата се пофалија со тоа на друштвените мрежи. „Само сакам да Ви соопштам дека наскоро ќе пристигне КРАЛОТ или КРАЛИЦАТА“, напиша Јамајканецот на Твитер. Болт (33) во кариерата на атлетски тркач освои осум златни олимписки медали, како и 11 први места на светските првенства. Сè уште го држи светскиот рекорд на 100 метри, (9,58 секунди) и на 200 метри (19,19 секунди). Двојката е заедно од 2014 година.

View this post on Instagram

I just want to say a KING or QUEEN is about to be HERE. @kasi.b

A post shared by Usain St.Leo Bolt (@usainbolt) on Jan 23, 2020 at 2:03am PST

Болт: Човекот кој ќе ги сруши моите рекорди сè уште не е роден

Катерина Бојаџиева — Sat, 07 Sep 2019 20:04:34 +0000

Поранешниот спринтер од Јамајка и светски рекордер на 100 и 200 метри, Усеин Болт искажа свое предвидување кога неговите рекорди ќе бидат соборени. – Човекот што ќе ги сруши моите рекорди сè уште не е роден. Моите постигнувања ќе бидат достигнати, но прашање е на време кога. Се надевам дека за 20-25 години ќе можам да им кажам на моите деца дека моите рекорди сè уште важат, зјави Болт. Кога ја започнав кариерата, сколиозата почна да ме мачи. За некое време не знаев како да го лекувам, сè додека не најдов доктор во Германија. Во тој момент, мојата кариера беше во опасност, но не се откажав и успеав да го надминам искушението, додаде Болт. 33-годишниот Јамајканец постави рекорди на 100 метри (9,58 секунди) и 200 метри (19,19 секунди) на Светското првенство во 2009 година.

Таа е вистинска секс бомба: Новата девојка на Болт претера со нејзиното длабоко деколте (ФОТО)

Дарко Андоновски — Mon, 24 Dec 2018 11:48:46 +0000

Најбрзиот човек на светот Усеин Болт речиси никогаш не споделува фотографии од својот приватен живот, особено од девојките со кој се забавува. Но, овој пат атлетичарот направи исклучок и објави провокативна фотографија од неговата девојка. Неговата девојка Каси Бенет не се срами да ги покаже бујните гради, па длабокото деколте е доказ дека таа зрачи со сексапил.

View this post on Instagram

Together forever keep watching. @kasi.b #yesyou?

A post shared by Usain St.Leo Bolt (@usainbolt) on Dec 23, 2018 at 6:45pm PST

Инаку додека Болт ретко објавува фотографии со неговата девојка, на нејзиниот профил може да се забележат многу заеднички фотографии.

View this post on Instagram

A post shared by Kasi J. Bennett (@kasi.b) on Aug 17, 2018 at 4:49pm PDT

View this post on Instagram

A post shared by Kasi J. Bennett (@kasi.b) on Jul 20, 2018 at 6:50am PDT

View this post on Instagram

? The one and only @nikoiwill

A post shared by Kasi J. Bennett (@kasi.b) on Dec 10, 2017 at 11:02am PST

View this post on Instagram

A post shared by Kasi J. Bennett (@kasi.b) on Aug 21, 2017 at 6:32am PDT

Заврши авантурата на Болт во Австралија

Предраг Кукиќ — Fri, 02 Nov 2018 09:09:47 +0000

Светскиот рекордер во спринт на 100 и 200 метри, Усаин Болт се раздели со Централ Коуст маринерс. Австралискиот клуб објави дека Болт го одбил предложениот договор. – Иако не успеавме да се разбереме да продолжиме со фудбалската авантура на Усаин Болт во Централ Коуст маринерс, за нас беше многу возбудливо да имаме олимписки шампион во спринт и светски рекордер во составот во минатите осум недели, изјавија од клубот. Болт пак изрази благодарност до сопствениците, раководство, тренерскиот штаб, играчите и навивачите на тимот за дадената шанса и му посака успех на тимот. Пред да пристигне во Маринерс, 32-годишниот поранешен спринтер изјави дека бил контактиран од неколку ниско-профилни европски тимови. Агентот на Болт претходно изјави дека спринтерот одбил понуда на малтешкиот шампион Валета за двогодишен договор. (МИА)