усје – Kurir.mk

Неделен извештај за измерени средно-дневни вредности на емисии од главните емисиони точки во Цементарница УСЈЕ

Ристе Здравков — Fri, 10 Mar 2023 12:27:46 +0000

Легенда: ИСДВ – измерена средно-дневна вредност ГВЕ – гранична вредност на емисии (Законски максимално дозволена вредност) * Ротирна печка 3 не работела на 08.03.2023 поради кратки сервисните активности ** Ротирна печка 4 не работи од 13.01.2023 поради редовен годишен ремонт

Емисиите од работата на Цементарница УСЈЕ постојано се под граничните вредности определени со Закон

Од 2007 година, емисиите на Цементарница УСЈЕ се мониторираат 24 часа, 365 дена во годината од страна на независен, автоматски систем за мониторинг (вкупна прашина, SO₂ и NOx), кои се контролирани од страна на надлежните органи. Компанијата не е во можност на каков било начин да влијае врз резултатите.

Производството запира доколку филтрите не работат

Технолошкиот процес оневозможува работа на погонот без работа на филтрите.

Цементарница УСЈЕ не влијае врз зголемување на присуството на PM10 честички во воздухот

Паралелното мерење на амбиенталниот воздух (PM10 честички) во кругот на Цементарница УСЈЕ не покажува меѓузависност со состојбите со амбиенталниот воздух измерени на други мерни станици, надвор од цементарницата.

Работењето на компанијата постојано е следено од страна на Државниот инспекторат за животна средина

Кога печките на Цементарница УСЈЕ работат, тие работат 24 часа

Цементарница УСЈЕ поради технолошки и деловни причини работи во текот на целото денонокие. Печките или работат континуирано (24 часа) или не работат.

Производството на цемент е поинтензивно лете, отколку зиме

Поради поголемата сезонска побарувачка на цемент, производството е поголемо лете, отколку зиме. Цементарница УСЈЕ ги поканува сограѓаните, невладините организации, граѓанските групи, медиумите во кое и да е време да ја посетат компанијата и да добијат одговори за сите прашања од интерес. Посетите ќе со одвиваат согласно условите пропишани со протоколите за справување со пандемијата Covid-19.

Неоснованите напади на УСЈЕ служат за евтини политички поени и не водат кон решенија за загадувањето на воздухот во градот Скопје

Тале Кристо — Mon, 16 Jan 2023 13:16:22 +0000

Цементанрица УСЈЕ АД Скопје, целосно ги отфрла неоснованите тврдења од страна на граѓанската иницијатива Зелен хуман град. Изнесувањето на неточни и паушални тврдења, не е во интерес на граѓаните и подобрувањето на квалитетот на живот, но служи за стекнување на политички интереси на поединци. Јавно искажаниот збор е одговорност и мора да биде базиран на факти, а не на паушални тврдења чија цел е создавање на лажна слика, на товар на УСЈЕ. Имајќи предвид дека животната средина е во фокусот на Граѓанската иницијатива Зелен Хуман Град, изненадувачки се паушалните тврдењата кои не се во корелација со законската регулатива, ниту пак со најдобрите практики во областа кои веќе со децении се применуваат во Европската унија и другите развиени земји. Уште еднаш потенцираме дека вонредната контрола од страна на Државниот инспекторат за животна средина, спроведена на 3. и 4. јануари 2023 година, во присуство и на инспектори од Град Скопје, потврди дека емисиите од производниот процес во Цементарница УСЈЕ се пониски од дозволените гранични вредности. Производниот процес во Цементарница Усје се одвива во законски определените рамки и според еколошките стандарди, а производството автоматски запира доколку филтрите не работат. На сите релевантни експерти и познавачи на оваа област, овие резултати јасно им укажуваат дека работењето на УСЈЕ е согласно пропишаните параметри и нема корелација помеѓу работата на Цементарницата и квалитетот на амбиентниот воздух во градот. Согласно А-Интегрираната дозвола УСЈЕ има обврска да известување за емисиите еднаш месечно. И покрај тоа, имајќи го предвид јавниот интерес УСЈЕ, самоиницијативно, последните неколку години, еднаш неделно ги испраќа резултатите од мерењата од средно-дневните емисии од производниот процес до медиумите. Истите ги објавуваме и на веб страница на компанијата и се на увид на било која заинтересирана страна. https://www.usje.mk/mk/odrzhlivost/zhivotna-sredina/emisii-vo-vozdukhot/%D1%81%D0%BB%D0%B5%D0%B4%D0%B5%D1%9A%D0%B5-%D0%BD%D0%B0-%D0%B5%D0%BC%D0%B8%D1%81%D0%B8%D0%B8-%D0%B2%D0%BE-%D0%B2%D0%BE%D0%B7%D1%83%D1%85%D0%BE%D1%82/nedelni-izveshtai/ Во УСЈЕ постои независен 24-часовен мониторинг од германскиот производител SICK, кој е калибриран и контролиран од независни, овластени и акредитирани надворешни компании. Овој монтиторинг континуирано ги мери емисиите, па оттука независно од тоа дали контролата на надлежните служби е најавена или ненајавена, тоа не влијае на резултатите. Имено, експертите знаат дека производниот процес се одвива во строго определен режим и на него не може да се влијае. Имајќи превид дека ваша декларирана цел е подигнување на квалитетот на животот, по теркот на развиените градови во Европската Унија, ве упатуваме да ја погледнете регулативата во Унијата, која користењето на алтернативните (нефосилни) горива во одредени индустрии меѓу кои и цементната, е задолжително, а не прашање на избор, во изминатите неколку децении. Резултатот од тоа е почисти градови, помалку отпад на депонии, зачувување на природните лимитирани количини на фосилни горива, како и намалени CO2 емисии. Компанијата ќе продолжи да работи согласно највисоките стандарди на транспарентен начин.

Данела Арсовска повторно се скара со вистината, потврдено дека од Усје нема загадување

Катерина Бојаџиева — Fri, 13 Jan 2023 21:02:10 +0000

Помпезно закажа вонредна прес конференција, најави кривични пријави, објави дека инспекторите фатиле енормно загадување од Усје – фактите ја демантираа, па ја снема! Зошто Данела Арсовска одлучи лажно да го толкува извештајот на нејзините инспектори?, пишува Лидер. Оџаците на фабриката Усје не го загадуваат Скопје повеќе од законски регулираното, фабриката не придонесува во зголемувањето на ПМ 10 честиците во главниот град, покажува извештајот кој го објави Државниот инспекторат за животна средина, а кој е изготвен по контрола заедно со инспекторите од Град Скопје. Доколку го погледнете извештајот ќе видите дека таму се вели дека од Усје не доаѓа закана за аерозагадување на главниот град, туку дека била констатирана неправилност во котелот за греење, поради што имало проблеми внатре во просторијата кај котелот на компанијата но не и во атмосферата на главниот град! Во исто време, од фабриката уредно објаснија дека ова се случило поради тоа што заради економската криза греењето било префрлено од природен гас на мазут. Тезата на градоначалничката Данела Арсовска не и издржа ниту 24 часа, тврдењата за загадување и кривични пријави и паднаа како кула од карти. Се поставува прашањето зошто градоначалничката влезе во овој обид да ги лаже скопјани од каде им доаѓа загадувањето вршејќи атак врз една компанија која постојано поминува ригорозни контроли, додава Лидер. Повеќе на Лидер.мк.

Реконструкцијата на улиците во Усје во завршна фаза

Ивона Петрова — Sat, 26 Nov 2022 19:52:44 +0000

Градоначалникот на Општина Кисела Вода, Орце Ѓорѓиевски денеска изврши увид во градежните активности во Усје, каде во завршна фаза е реконструкцијата на улиците. Како што соопшти Општина Кисела Вода, дел од улиците се асфалтираат, а дел се поплочува со павер елементи. – Никој повеќе нема да ги дискриминира моите сограѓани усјани, конечно го добиваат она што години наназад им беше ветувано, но за жал нереализирано. Сѐ до денес. Со силно темпо работиме на сите позиции, дел од улиците добиваат асфалт, дел бекатон. За некој ден Усје ќе биде непрепознатливо, со комплетно нови улици, со модерен лик и поквалитетен живот во оваа некогаш заборавена населба, рече Ѓорѓиевски. Тој додаде дека не запираат со овие активности и нагласи дека ќе продолжат да ја развиваат и унапредуваат Кисела Вода.

Усје денес ќе остане без вода

Ивана Ефремовски — Wed, 02 Nov 2022 07:35:52 +0000

На 02.11.2022, поради дефект на затворач ф-150 мм на ул. „Борис Трајковски“ 10 /бб (Усје) , прекинато водоснабдување ќе имаат корисниците од с. Усје. Водоснабдувањето ќе биде прекинато од 10:00 часот до завршување со санација на дефектот.

Град Скопје инвестира во изградба на нови улици во населбата Усје во општина Кисела Вода

Тале Кристо — Wed, 31 Aug 2022 15:03:51 +0000

Советот на Град Скопје на денешната 16-та седница ја донесе Одлуката за воспоставување меѓуопштинска соработка помеѓу Град Скопје и Општина Кисела Вода за асфалтирање на улици во населба Усје, Општина Кисела Вода. Проектот за изградба на нова улична мрежа и обнова на патна инфраструктура во населбата Усје во општина Кисела Вода го најави градоначалничката Арсовска на недоамнешната прес-конференција. - Град Скопје по успешната реализација на проектот за изградба на повеќе од 20-тина улици во општината Ѓорче Петров кои на барање на граѓаните за прв пат се асфалтираат, продолжува со проект за граѓаните во населбата Усје во Кисела Вода. Со цел да нема заборавени населби, односно на сите граѓани да им обезбедиме соодветни услови за живот, активно работиме да овозможиме рамномерен развој и во урбаниот и во руралниот дел на Скопје. - истакна Арсовска. Со реализацијата на овој проект, 20-тина улици со вкупна површина од околу 3200 квадратни метри во населбата Усје, кои досега не биле асфалтирани, односно, за првпат ќе се асфалтираат на барање на граѓаните да добијат нови улици и услови какви што заслужуваат.

Нема повредени лица и поголема материјална штета во пожарот во Цементарница УСЈЕ

Дарко Андоновски — Sun, 21 Aug 2022 14:20:04 +0000

Нема повредени лица и материјална штета од поголеми размери во денешниот пожар во Цементарница УСЈЕ, информираа попладнево од компанијата. Оттаму посочуваат дека пожарот најверојатно е предизвикан од дефект на електрична инсталација и дека е целосно ставен под контрола и изгаснат. – Денес, околу 11:30 часот, во Цементарница УСЈЕ АД Скопје се случи пожар, кој најверојатно е предизвикан од дефект на електричната инсталација, по што веднаш беше известена противпожарната служба. Вработените во УЈСЕ реагираа веднаш по настанувањето на пожарот, со што беше спречено негово понатамошно ширење. По пристигнувањето на противпожарната служба и нивната брза интервенција, заедно со вработените од компанијата, пожарот целосно беше ставен под контрола и изгаснат, а нема повредени лица и штети од поголем вид, се наведува во соопштението од компанијата. Од УСЈЕ велат дека увидот ќе продолжи за да се утврдат причините. Територијалната противпожарна единица на Град Скопје интервенираше со девет пожарникари и две возила.

Ѓорѓиевски: Усје за првпат добива градинка

Ивона Петрова — Fri, 01 Jul 2022 10:40:26 +0000

Жителите на Усје, за првпат добиваат градинка. Грaдоначалникот Орце Ѓорѓиевски денес го промовираше овој проект, кој е петтиот, од седумте капитални проекти по повод роденденот на Кисела Вода. Објектот кој наскоро ќе биде ставен во функција, има капацитет за стотина дечиња, пред се од населбите Усје, Стаклара и Градинар. -Влеговме во вториот дел од роденденската седмица на Општина Кисела Вода во која промовираме, реализираме 7 капитални проекти, по еден за секој ден. Денес сме во Усје, каде жителите од овој дел на Скопје, за првпат добиваат градинка. Извршивме преадаптација на овој објект. Ги менуваме работите од темел. Градежните активности овозможија можност за згрижување на 100тина деца. Во овие 350 квадратни метри сега има занимални, јасли, соба за изолација, простории за персоналот, два тоалета од кои еден е за деца со посеби потреби, а во подрумските простории ќе функционира перална. Во овој период што преостанува пред да ги отвориме вратите на оваа нова градинка, ќе се работи на уредување на дворот и обезбедување на дополнителни содржини корисни за раниот детски развој. Проектот што денес го реализираме има големо значење, пред се’ за дечињата од населбите Усје, Стаклара и Градинар, кои тука ќе имаат приоритет за запишување, но ќе биде од огромно значење и за останатите, бидејќи листите на чекање, како и секаде во Скопје, се огромни, а постоечките градинки се преполни. Дополнително, овој проблем го надминуваме со отворање на уште две градинки. Со задоволство сакам да најавам дека нова градинки ќе има и во Расадник, каде се подготвува техничка документација, а јаслите во претходно изградената градинка во Драчево веќе функционираат, додека за останатите дечиња се чека соглсност за вработување персонал од централните институции. Воедно, го проширивме капацитетот и на објектот “Синоличка” од ЈДГ “Весели Цветови”, а во следниот период го зголемуваме капацитетот и на објекотот “Кокиче” за 150 нови дечиња. Реализацијата на вакви крупни поекти ќе биде одлика и на понатамошното наше функционирање како раководство на Општина Кисела Вода. Ова се резултати од првите 7 месеци, што само укажува на нашата сериозна намера Кисела Вода да ја направиме модерно и современо место за живеење, изјави Ѓорѓиевски.

Ѓорѓиевски: Го зазеленуваме Усје со 1200 аризонски чемпреси, Кисела Вода ќе стане чиста и зелена општина

Магдалена Андонова — Tue, 30 Nov 2021 15:28:30 +0000

Садењето дрвја е инвестиција во зелената иднина и чиста животна средина. Како што ветив, подобрувањето на животот на нашите сограѓани во секој сегмент е мисија за која ќе го дадам и последниот атом од мене да ја исполнам, стои во Фејсбук статусот на градоначалникот на Кисела Вода, Орце Ѓорѓиевски. Тој напиша дека денеска го зазеленија Усје со 1200 аризонски чемпреси на површина од 5000m2, и дека со тоа ја подобруваат естетиката во овој напуштен простор и креираат и природен филтер против загадувањето. - Аризонскиот чемпрес е дрво кое најдобро одговара на временските услови, а за некоја година ќе бидат вистински бели дробови на овој простор кои ќе штитат од загадување. И ова е само почеток, ќе следат уште многу вакви акции. Кисела Вода ќе стане подобра, поубава, чиста и зелена општина во која ќе биде горд секој нејзин жител, додава градоначалникот Ѓорѓиевски во својата објава.

ФОТО: Страшна сообраќајка на Првомајска, има загинати и поголем број повредени лица

Ивона Петрова — Wed, 09 Jun 2021 05:17:38 +0000

Тешка сообраќајна несреќа се случила доцна синоќа на булеварот „Борис Трајковски“ кај Усје. Според неофицијални информации во тешката сообраќајка животот го загубија две лица, а поголем број се повредени. Првично, во несреќата учествувале пет возила. Дел од нив се целосно уништени. Полициски екипи поголем дел од булеварот го имаа затворено за сообраќај до завршување на увидот и расчистување на местото на настанот. Официјални детални информации се очекуваат во текот на денот од Министерството за внатрешни работи.