условна казна – Kurir.mk

Сопственичката на „Диамед“ добу условна казна од две години затвор

Тале Кристо — Mon, 13 Feb 2023 13:39:26 +0000

Сопственичката на „Диамед“ Вера Иванова денеска во Кривичниот суд беше прогласена за виновна дека сторила кривично дело злоупотреба на службената положба и овластување и перење пари за центрите за дијализа „Диамед“, и доби условна казна од две години затвор. -За кривичното дело злоупотреба на службената положба и овластување, Судот утврди казна затвор од една година и три месеци, и за кривичното дело перење пари - една година и три месеци затвор. Согласно 44 од КД од сторените кривични дела, на обвинетата и утврдува единствена казна затвор од две години, па согласно одредбите од членовите 48, 42 и 50, единствена казна затвор од две години, која нема да се изврши доколку обвинетата во рок од пет години сметано од денот на пресудата, не стори ново кривично дело, наведе во изречувањето на пресудата судијата Илија Трпков. Иванова беше обвинета дека како управител со умисла и на незаконски начин, продавајќи ја фирмата и без да го извести Министерството за здравство, ја предала лиценцата на шведски „Диаверум“. Таа се товари за злоупотреба на службената положба и за перење пари во вкупен износ од 11 милиони и 500 илјади евра. Процесот започна во септември 2021 година, а судењето го водеше судијата Илија Трпков.

Условни казни за уште шестмина обвинети за настаните пред Собранието

Ивона Петрова — Tue, 16 Aug 2022 11:33:30 +0000

Условни казни за уште шестмина обвинети за инцидентите пред Собранието за време на протестите против францускиот предлог изрече Судот, откако тие признаа вина на денешното судење во Основниот кривичен суд во Скопје за настаните пред Собранието на 5 јули годинава. Во Основниот кривичен суд Скопје, како што информираат од Судот, денеска се одржа главната расправа за предмет против шест лица обвинети за кривичното дело – Учество во толпа што ќе изврши кривично дело од чл. 385 ст.2 в.в ст.1 в.в. чл. 22 кои на 05.07.2022 година се случија пред Собранието на РСМ. – Сите шест обвинети, своеволно, ја признаа вината за кривичното дело кои им се става на товар, а по ценење на сите олеснителни и отежителни околност, судот донесе првостепена пресуда со која четврица од обвинетите им определи алтернативни мерки – Условна осуда во траење од 2 години затвор која казна нема да се реализира доколку во следните 4 годни не сторат ново кривично дело, а двајца од обвинетите, кои непосредно пред настанот наполниле 18 години, им определи алтернативна мерка – Условна осуда од 1 година затвор која казна нема да се реализира доколку во следните 3 години не сторат ново кривично, а воедно им определи и мерка – Засилен надзор, информираат од Основниот кривичен суд Скопје. Против овие пресуди, во делот на казната, осудените имаат право на жалба пред Апелациониот суд Скопје.

Две години условна казна за поранешен бугарски министер

Магдалена Андонова — Sat, 01 Aug 2020 17:46:58 +0000

Специјалниот кривичен суд во Бугарија денеска го прогласи поранешниот министер за економија и енергетика Румен Овчаров за виновен и го осуди на две години затвор, условно три години. Овчаров, кој беше дел од Кабинетот на премиерот Сергеј Станишев од 2005 до 2007 година, го лошо раководел со рудникот за јаглен „Бобов Дол“, бидејќи не ги искористил своите овластувања за да го контролира бизнисот на извршниот директор Пламен Стефанов, кој незаконски го приватизирал рудникот и со тоа ја оштетил државните каса за повеќе од 16,5 милиони лева (околу осум милиони евра). Вкупната штета предизвикана од Овчаров се проценува на 22,7 милиони лева (околу 11 милиони евра), а судот го објасни изрекувањето на условната казна со фактите дека Овчаров нема криминално досие, како и дека кривичното дело е сторено одамна. (МИА)

Педофил, осуден на 1.000 години затвор, е ослободен во САД

Ивона Петрова — Sat, 04 Jul 2020 07:48:43 +0000

Во САД педофил, кој е осуден на илјада години затвор, е ослободен на условна казна, пишува весникот „Њујорк тајмс“. Питер Малори, жител на американската сојузна држава Џорџија, е ослободен по поминати осум години в затвор. Ослободителната пресуда ја даде Апелацискиот суд во мај оваа година, утврдувајќи дека педофилот отслужил доволна казна. Малори беше уапсен во 2011 година поради поседување детска порнографија и навлегување во приватноста. Тој беше приведен во текот на истрагата за случаи на собирање порнографски материјал во кампусот на Техничкиотфакултет во Западна Џорџија, каде што работел. Полицијата се сомневала на еден од студентите за сторено кривично дело, но при претресот на компјутерот на Малори се откриени повеќе од 26.000 досиеја за детска порнографија. Во 2012 година, судот го прогласи за виновен. Во судницата тој беше опишан како „најактивниот колекционер на детска порнографија во светот“.