Усман Дембеле – Kurir.mk

Усман Дембеле го комплетира трансферот во ПСЖ

Бошко Тасиќ — Wed, 09 Aug 2023 03:54:06 +0000

Фудбалските тимови на Барселона и ПСЖ ги договорија сите детали и сè ќе биде официјално во текот на оваа недела околу трансферот на Усман Дембеле. Французинот не беше дел од составот на Барса која успеа да го освои трофејот „Жоан Гампер“ и покрај тоа што учествуваше на еден од последните тренинзи. Според најавите Дембеле за 50 милиони евра ќе биде нов фудбалер на францускиот шампион, а клубот од „Камп Ноу“ ќе добие „само“ 25 милиони евра.

Чави: Усман Дембеле ја напушта Барселона

Бошко Тасиќ — Wed, 02 Aug 2023 11:12:42 +0000

Тренерот на Барселона, Чави потврди дека неговиот фудбалер Усман Дембеле заминува од клубот. После натпреварот со Милан на турнејата во САД, легендата на Барса одговараше на новинарски прашања, меѓу нив беше и со ситуацијата со крилниот играч. „Барселона ќе постои и после заминувањето на Дембеле. Ако играч не сака да игра во овој клуб, ние треба да го пуштиме. Разочаран сум од Дембеле. Разговарав со него, сакав да остане, но тој ми кажа дека веќе разговарал со ПСЖ и не сака да се повлекува и дека сака да замине. Едноставно не можеме да се натпреваруваме со понудите од богатите клубови. Нека му е со среќа“, истакна Чави. Дембеле во 2017 година од Борусија Дортмунд за 134 милиони евра се пресели на „Ноу Камп“, а сега заминува за 50 милиони во ПСЖ.

Дембеле му кажа „да“ на ПСЖ

Ристе Здравков — Mon, 31 Jul 2023 07:21:45 +0000

Усман Дембеле кариерата ќе ја продолжи во редовите на ПСЖ. Францускиот репрезентативец ги договори личните услови со „светците“ за петгодишен договор со кој ќе заработува далеку повеќе отколку што заработува во Барселона. Овој трансфер ќе го чини францускиот тим 50 милиони евра колку што изнесува клаузулата за заминување во договорот, а со оглед на тоа што од 1. август истата ќе се зголеми на 100 милиони евра, ПСЖ веќе работи на последните финеси и комплетирање на договорот до крајот на денот. Дембеле пристигна во Барселона во 2017 година во трансфер вреден 135 милиони евра. Бројните повреди го спречија да го покаже целиот потенцијал на „Камп Ноу“, но и покрај тоа досега настапи на 185 натпревари на кои забележа 40 голови и 43 асистенции.

Барселона ги прекина преговорите со Дембеле

Бошко Тасиќ — Sun, 09 Apr 2023 05:40:13 +0000

Разговорите меѓу каталонскиот гигант Барселона и Усман Дембеле за новиот договор се прекинати. Напаѓачот е врзан за тимот уште само една сезона, има откупна клаузула од 50 милиони евра. Барселона поради тешката финансиска ситуација, не е во можност да му понуди повисока плата на Дембеле. Ова е очекувано, но не било добро прифатено од претставниците на фудбалерот, и поради тоа процесот е во мирување. Токму од тука можно е Дембеле да се најде на трансфер листата на лето. Ова се темели дополнително со желбата на Барселона да го врати и Лионел Меси во Каталонија, па токму од тука можно е Барса да се откаже од неколку фудбалери, а еден од нив е токму Дембеле.

Дембеле неизвесен за пресметката со Манчестер Јунајтед

Бошко Тасиќ — Sun, 29 Jan 2023 07:10:39 +0000

Шпанскиот фудбалски клуб Барселона славеше на гостувањето кај Џирона (1:0), во локалното дерби, но остана без Усман Дембеле кој побара измена во 26.минута од натпреварот. Неколку часа по натпреварот, шпанските медиуми објавија дека Дембеле има повреда на квадрицепсот на левата нога. Оваа повреда ќе го оддалечи од тимот во наредните три недели. Поради повредата Дембеле најверојатно ќе го пропушти натпреварот со Манчестер јунајтед, на 16.февруари во Лига Европа.

Дембеле договори нова соработка со Барселона до 2024 година за 40 отсто помала плата

Тале Кристо — Sat, 09 Jul 2022 08:44:11 +0000

Фудбалерот Усман Дембеле се согласи за нов договор со Барселона, објави „Мундо Депортиво“. Според шпанскиот спортски весник, 25-годишниот Французин ќе потпише договор со важност до 2024 година. Според новиот договор неговата плата ќе биде намалена за 40 %. Претходно претседателот на Барселона, Жоан Лапорта изјави дека играчот изразил желба да остане во тимот. Беше објавено дека за играчот се заинтересирани Челзи и Баерн Минхен. Минатата сезона Дембеле постигна два гола и 13 13 асистенции на 32 натпревари за каталонскиот клуб.

Дембеле останува во Барселона

Бошко Тасиќ — Sun, 03 Jul 2022 07:07:40 +0000

Францускиот фудбалски репрезентативец Усман Дембеле по се изгледа ќе го носи дресот на Барселона и во иднина. Каталонскиот весник Спорт преку својот портал вечерва објави дека крилниот играч, конечно, ја прифатил понудата од клубот иако таа не е според неговите финансиски побарување и желби. Барса инсистираше неговата плата да биде смалена за 40% што сега е прифатено и повеќе не постојат пречки договорот да биде продолжен.

НЕМА ДОГОВОР: Повеќе пари или Дембеле заминува од Барса

Ивона Петрова — Tue, 28 Jun 2022 09:03:29 +0000

Последната средба меѓу претставниците на Барселона и Усман Дембеле не даде резултат. Страните не се договорија за условите на последниот предлог. Конечната одлука за иднината на играчот ќе биде донесена оваа недела. Претставниците на фудбалерот исклучуваат продолжување на договорот доколку клубот не даде подобра понуда. На Барса и треба време да види дали може да му понуди подобар договор на играчот без да ги прекрши правилата за финансиски фер-плеј. Претходно беше објавено дека Усман е подготвен да го продолжи договорот со Барса под понеповолни услови од понудата на другите клубови, но не е задоволен од последната понуда на Каталонците. Дваесет и петгодишниот играч минатата сезона постигна еден гол и 13 асистенции на 21 натпревар во Ла Лига.

Дембеле не одлучил да го продолжи договорот со Барселона

Ивана Ефремовски — Sun, 06 Mar 2022 14:07:59 +0000

Иднината на напаѓачот на каталонскиот клуб Усман Дембеле останува неизвесн а, објави новинарот Жулиен Мејнард на Твитер. Напаѓачот не се одлучил да го продолжи договорот со клубот. И покрај тоа што 24-годишниот Французин бил во контакт со неколку европски клубови, според изворот нема конечна одлука за неговата иднина. Се истакнува дека можно е и заминување на напаѓачот од Барселона и продолжување на договорот со каталонскиот клуб. Претходно беше објавено дека Барселона му понудила на Дембеле договор до 2024 година со плата од осум милиони евра годишно. Дембеле оваа сезона за Барселона на 16 натпревари постигна два гола и имаше пет асистенции. Неговиот договор со каталонскиот клуб е до 30 јуни 2022 година. (МИА)

Барселона сака одговор од Дембеле за продолжување на договорот до натпреварот против Атлетик во шпанскиот куп

Дарко Андоновски — Mon, 17 Jan 2022 17:10:21 +0000

Иднината на играчот од средниот ред на Барселона, Усман Дембеле се уште е неизвесна. Клубот бара јасен одговор од играчот за продолжување на договорот до натпреварот против Атлетик во Копа дел Реј закажан за 20 јануари. Дембеле мора да прифати намалување на платата доколку реши да го продолжи договорот. Моментално заработува околу 20 милиони евра годишно. Клубот не сака да излезе од „разумна“ финансиска рамка. Доколку Французинот одбие да го продолжи договорот, тогаш Барса ќе ги разгледа опциите за трансфер на играчот. Во тековното извлекување во Ла Лига, Дембеле има одиграно шест натпревари на кои забележа две асистенции.