Не се плашам од ладното време, се плашам од ладните луѓе

Ристе Здравков — Fri, 04 Jan 2019 08:45:10 +0000

Се плашам од сите оние сенки кои секогап проаѓаат покрај нас без зборови и без глас. Се плашам од оние лажни насмевки кои изгледаат толку извештачено што не можеш, а да не се запрашаш што стои зад нив. Се плашам од пренапупмана еуфорија и услужност, а ти само го чекаш моментот кога личноста ќе ти каже нешто што толку многу ќе те здрма што повеќе нема да знаеш ништо. Не се плашам од ладното време, се плашам од ладните луѓе. Се плашам од оние луѓе кои секогаш глумат најдобри пријатели и зборуваат дека на нив секогаш можеш да се потпреш, но кога ќе дојде тој момент на криза, бегаат без око да им трепне. Се плашам кога луѓето стануваат непријатели преку ноќ, без ништо да се случи, а потоа се прашуваш како дојде до тоа заладување и што си направил за така да се однесуваат кон тебе и на крај сфаќаш дека не е до тебе. Не се плашам од ладното време, се плашам од ладните луѓе. Се плашам од односи кои не се вистински односи, туку одмерување на силите, некаква корист или заедничко поминување на времето додека не дојде нешто подобро. Се плашам од луѓе кои влегуваат во твојот живот и се однесуваат како да влегле во некој трговски центар и размислуваат што можат да земат и со што да платат, а кога ќе видат дека завршиле со купување, само излегуваат и никогаш не се вртат назад. Не се плашам од ладното време, се плашам од ладните луѓе. Се плашам од преправања и истрошени улоги во кои лошата глума го заменува сѐ она што сме и што можеме да бидеме. Ладното време ќе дојде и ќе пројде, но луѓето тешко се менуваат, тешко ги оставаат своите стари навики, а тешко и да препознаеш кој се наоѓа зад маските, а кој пристапува со искреност и отвореност. Треба време за да го научиш тоа, а можеби дотогаш некој и ќе се промени. Како и да е – сѐ ќе пројде!

Силните бури во Индија за еден месец усмртија 278 луѓе

Дарко Андоновски — Tue, 15 May 2018 09:16:27 +0000

Силните бури, необични по квантитет и моќ, предизвикаа смрт на 278 луѓе во шест држави во Индија од 11 април, што е значително повеќе во однос на 2017 година, кога загинаа 197 лица, пишува „Тајмс оф Индија“. Според податоците на весникот, кој се повикува на локалните власти и метеоролошката служба, во текот на првите недели на мај, жртви на стихиите биле 223, а во април 55 лица. Локални метеоролози претпоставуваат дека причините за силните природни феномени најверојатно се климатските промени.

усмртени 278 луѓе – Kurir.mk

Не се плашам од ладното време, се плашам од ладните луѓе

Силните бури во Индија за еден месец усмртија 278 луѓе