успех – Kurir.mk

Три хороскопски знаци кои се предодредени за живот полн со успех

Ивона Петрова — Fri, 31 Mar 2023 20:57:37 +0000

Секој има своја дефиниција за успех. Во зависност од вашите вредности и цели, успехот може да биде сè, од помагање на заедницата до тоа да се биде извршен директор. Дали ќе бидете успешни, ако им се верува на ѕвездите и астролозите, влијае и хороскопскиот знак. Во продолжение прочитајте кои се хороскопските знаци кои се предодредени за живот полн со успех. ОВЕН Луѓето родени во знакот Овен се предодредени да водат успешен живот. Нивниот огнен став ги тера да ризикуваат, но знаат и кога да се откажат. Конкурентноста е таа што ги држи во победнички начин на размислување. Сакаат да бидат први и најдобри, па дури и да немаат премногу изгледи, издржливоста и решителноста што ги поседуваат ги мотивира да работат напорно додека не успеат. Освен тоа, на Овните не им недостигаат иновативни идеи кои исто така им помагаат на патот кон успехот. Во секој случај, без оглед на тоа каков план имаат, ќе направат се ништо да не им застане на патот на нивниот конечен успех. ДЕВИЦА Девиците внимаваат на секој детаљ и имаат силна потреба секогаш да бидат најдобрата верзија од себе, поради што, меѓу другото, привлекуваат и толкав успех во животот. Тие се неверојатно посебни и секогаш се држат до високи стандарди, а истовремено имаат и приземен став кој им помага да останат фокусирани на своите цели. Покрај тоа, Девиците се подготвени да ги прилагодат своите ставови на новите можности. Таа флексибилност во комбинација со перфекционистичка природа едноставно води до посакуваната цел и успех. ШКОРПИЈА Страста е она што ги тера Шкорпиите до монументални височини, а желбата за создавање интимни врски и креативни потфати ги одржува мотивирани во сите области од животот. Страста е и причината што ги поттикнува Шкорпиите да направат се за да ја постигнат својата цел. Освен тоа, Шкорпиите се способни да ги чуваат своите чувства во посебна „фиока“ за непречено да стигнат до својата цел. Нивната мотивација е секогаш на врвот бидејќи се свесни за минливоста на животот, поради што прават се за да го живеат на најдобар можен начин, дури и ако ги снајде неволја.

Неуспехот не е опција за нив: Овие хороскопски знаци се ментално најсилни, родени се да бидат најдобри

Ивана Ефремовски — Thu, 13 Oct 2022 08:41:02 +0000

Секој хороскопски знак има свои квалитети, но особено се истакнуваат луѓето родени во овие 3 знаци. Тие се предодредени за голем успех. Неуспехот не им е опција, се што ќе започнат го претвораат во успех. Ова се трите ментално најсилни хороскопски знаци: Овен Овенот е полн со енергија, виталност и е многу активен на сите полиња. По природа е љубопитен и амбициозен, па на секој чекор ќе наиде на можност да создаде успешен бизнис и да заработи пари. Стравот е непознат за претставниците на овој знак, па затоа секогаш се подготвени за нови предизвици. Од друга страна, тие често делуваат премногу импулсивно, па секој Овен има барем еден непријател во својот живот. Тие не се плашат да го кажат своето мислење и затоа може да биде многу тешко да се работи со нив. Нивните најдобри квалитети се лидерството, енергијата и бестрашноста. Шкорпија Претставниците на овој знак имаат многу силен карактер. Ова е особено точно на емотивно ниво, бидејќи нивната страсна природа ги прави незапирливи. Кога размислуваат за нешто, не се откажуваат додека не постигнат успех. Имаат силен карактер и импулсивен темперамент. Шкорпиите обично се многу критични, донекаде арогантни, а односите со нив често се полни со тешкотии. Нивните најдобри квалитети се решителност, истрајност и способност за постигнување цели. Лав Лавот е доминантен и роден лидер, па соодветно, неуспехот не е опција за него. Не се плаши од ништо и сака да стекнува познанства, да започнува бизниси и да наоѓа иновативни решенија. Сепак, сето тоа понекогаш им се “удира од глава“, па импулсивно можат да направат погрешен чекор. Сепак, бидејќи се креативни, брзо се извлекуваат од секаква неволја. Нивниот најдобар квалитет е харизмата со која зрачат и одлучноста да бидат најдобри во се.

Ѓоковиќ со трофејот во Астана повтори успех на Федерер од 2010 година

Ристе Здравков — Mon, 10 Oct 2022 09:52:07 +0000

Новак Ѓоковиќ ја освои титулата на АТП турнирот во Астана, Казахстан. Со тоа, Србинот се закити со одличје и на турнир од серијата 500. По овој трофеј, Ѓоковиќ успеа да повтори еден успех кој не е виден на тениските терени од 2010 година. Српскиот тенисер оваа година креваше трофеи во сите натпреварувачки серии, односно во Тел Авив (250), Астана (500), Рим (1000), како и на Грен слем освојувајќи го Вимблдон. Ваков подвиг претходно имаше Роџер Федерер во 2010 година, кога го освои и завршниот Мастерс. Шанса за тоа ќе има и Ѓоковиќ бидејќи се очекува негов настап во Торино во ноември.

Октомври е нивниот месец: Овие знаци ги очекуваат голем успех и пари

Ивона Петрова — Sun, 25 Sep 2022 13:18:38 +0000

Првите есенски месеци за некои припадници од хороскопот е вистинско време кое треба да го искористат на најдобар начин. Во овој период ќе им се отворат вратите за нови можност, а вложениот труд конечно ќе се исплати. ЛАВ Октомври е месец кога Лавовите максимално ќе напредуваат во кариерата. Нивната способност и продуктивност ќе биде клучот за успехот. Долготрајниот труд ќе се цени и ќе бидат наградени со повисока позиција, а можно е и покачување на платата. Фокусирајте се на нови работни успеси за да продолжите да напредувате. ДЕВИЦА Романтичната Девица во овој период ќе ужива со сите сетила. Октомври е идеален за зајакнување на врската со партнерот. Сепак, не ги запоставувајте работните обврски бидејќи ова е период кога може да напредувате и на ова поле. Планирајте заеднички одмор со партнерот, може да биде клучен момент и за брак. СТРЕЛЕЦ Упорниот Стрелец овој октомври треба да го искористи за конечно да го добие тоа што го заслужува. Насочете се кон зајакнување на професионалната позиција. Ќе успеете да ја покажете својата сила и да напредувате. Бидете самоуверени, не дозволувајте некој да манипулира со вас. Иако нешто ви се чини тешко, сетете се дека само еден чекор ве дели од успехот кој го посакувате со години. Има потенцијал за поголем паричен прилив потребно е само да се изборите за своето место под ѕвездите.

Зад секој успешен маж стои неговата жена – и обратно!

Ивана Ефремовски — Fri, 25 Feb 2022 12:12:48 +0000

Зад секој успешен маж стои неговата партнерка и обратно – и тоа е дури и научно докажано. Веројатно длабоко во себе го знаете тоа, вашиот партнер може да има значајна улога врз вашиот успех, а важи и обратното. Имено, студијата спроведена на Универзитетот Карнеги Мелон потврди дека мажите и жените кои крај себе имаат партнери коишто им даваат поддршка во сè, имаат поголеми шанси за успех. Во експериментот учестуваа 163 парови, а научниците го анализираа начинот на кој луѓето комуницираат со своите партнери пред да донесат важна одлука. Резултатите од истражувањето се познати. Испитаниците постигнале успех кога добиле совет и поддршка од нивниот партнер и разговарале за проблемот со кој треба да се соочат. Тие тврдат дека совесноста, љубовта и поддршката се клучни за успехот на другиот партнер.

Оваа карактеристика ви гарантира успех во животот!

Ристе Здравков — Mon, 11 Feb 2019 08:27:52 +0000

Постојат многу доблести и карактеристики кои влијаат на нашиот успех, но експертите велат дека една од нив е клучна. Дали некој некогаш ве опишал како совесна личност и ви рекол дека сте совесен и одговорен работник? Ако одговорот на ова прашање е ДА, тогаш за вас имаме добри вести. Токму совесноста е карактеристика која гарантира долгорочен успех во сите животни полиња. Успешните и стабилни луѓе ги красат многу позитивни карактеристики, но најважната е совесноста и одговорноста. Совесните луѓе се внимателни кога прават нешто, тие се грижливи, педантни и сакаат се да направат како што треба. Совесните луѓе се луѓе кои се организирани, самодисциплинирани, промислени и желни се за успех. Тие никогаш не доцнат, фокусирани се на извршување на своите задачи и обврски и секогаш се подготвени да им помогнат на колегите. Голем број истражувања во последно време покажале дека учесниците во истражувањата кои биле совесни, имале подобри работни позиции и поголеми приходи. Истовремено имале и подобри резултати во образовниот процес и постабилни љубовни врски. Освен успех, совесните луѓе можат да се пофалат и со подобро здравје. Најчесто не пушат и не пијат, па заради тоа и подолго живеат и се поздрави. Брент Робертс, психолог од Универзитетот во Илиноис вели дека совесноста е како миење заби, уште од почеток го спречува појавувањето на проблемот. Луѓето со оваа карактеристика секогаш имаат план. Дури и кога ќе се соочат со неуспех, тие веќе знаат како да се носат со тоа.

Мудра приказна: Клучот за успехот лежи во една работа која многу често ја забораваме

Ристе Здравков — Sat, 19 Jan 2019 08:50:26 +0000

Еден бизнисмен се нашол во долгови преку глава и во својот очај, никако не успевал да најде решение за својата ситуација. Земал повеќе кредити, се позамјмувал пари од кого стигне, а сега сите ги сакале назад парите кои тој ги немал. Еден ден излегол да прошета во паркот, со надеж дека тоа ќе му ги оттргне мислите, но тоа го направило уште поочаен. Размислувал за сите начини како да се спаси од банкрот, а тогаш еден старец му пристапил и му рекол: „Гледам дека нешто ве мачи. Можеби ќе ви биде полесно ако си ја олесните душата?“ Очајниот бизнисмен му ја раскажал својата ситуација, а старецот молчел и ниту еднаш не го прекинал. Кога бизнисменот прекинал, старецот му рекол: „Мислам дека можам да ви помогнам.“ Го прашал бизнисменот како се вика. Овој му кажал, па тогаш старецот извадил чек, го запишал името на бизнисменот и му го дал чекот. „Земете ги овие пари. Ќе се најдеме овде точно за една година и тогаш ќе ми ги вратите парите.“ – рекол старецот и си отишол пред бизнисменот да каже било што. Погледнал во чекот – старецот му дал 500.000 долари, а името на старецот бил Џон Рокфелер, еден од најбогатите луѓе на светот. Бизнисменот си рекол: „Можам да ги решам сите проблеми за една секунда“, но наместо тоа, го ставил чекот во сеф. Доволно му било тоа што знаел дека во сефот постои решение за неговиот проблем, па сега можел да се обиде и сам да се извлече од сите проблеми. Охрабрен од заштитната мрежа која ја имал во сефот, успеал повторно да застане на нозе. За половина година успеал да ги врати долговите, а потоа почнал и да заработува. По една година, се вратил во паркот со чекот во рака. Во закажаното време, старецот навистина се појавил. Во моментото кога бизнисменот тргнал кон него за да му се заблагодари и да му го врати чекот, позади старецот се појавила медицинска сестра. Сестрата рекла: „Толку ми е драго што ве пронајдов. Се надевам дека не ви пречел. Знае да избега од болница и да им кажува на луѓето дека е Рокфелер!“ Бизнисменот останал вчудоневиден. Цела година мислел дека го има магичното решение во сефот, решение кое ќе го спаси од можна пропаст, а во суштина немал ништо! Тогаш сфатил дека не се парите, вистински или не, тие кои направиле пресврт во неговиот живот. Новостекнатата самодоверба му направила пресврт во животот!