ВМРО-ДПМНЕ: Со Јовески како уставен судија, Заев поставува докажан послушник и бранител на криминалот во Уставен

Тале Кристо — Fri, 09 Jul 2021 06:35:14 +0000

Со Јовевски како уставен судија, Заев поставува докажан послушник и бранител на криминалот во Уставен, велат во партиското соопштение од ВМРО-ДПМНЕ. Доколку наводите се обистинат и Јовевски стане уставен судија тоа нема да биде поради неговите компетенции, авторитет и минат труд, туку само затоа што 4 години беше заштитник на криминалот на власта. Во време кога Јовески е шеф на ЈО, нема предмет за Заеви, за случајот "Рекет" каде од главниот извршител слушнавме дека парите од рекет завршиле кај Зоран и Вице Заеви. Јовески не отвори случај ниту за Ден Дончев кој видовме како трпа туце пари во торба. Јовески е извршителот кој премолчи и за исчезнувањето на името на Вице од пријавата за рекет во РЕК Битола. Криминалот на власта ќе беше невозможен, доколку не беше кооперативноста на Јовески. Поставувањето на Јовески во Уставен е уште еден во низата чекори за ставање на судот под палката на Заев. Време е ова присвојување на институциите да запре. Време е за Македонија за сите луѓе!, се вели во соопштението на ВМРО-ДПМНЕ.

Дебакл на СДСМ, Уставниот суд ги потопи сите аргументи на Заев: Нема услови за повторно свикување на Собранието!

Љупчо Цветаноски — Wed, 06 May 2020 14:28:03 +0000

Нема никакви услови за повторно свикување на Собранието чиј досегашен состав се самораспушти на средината од февруари со закажување на предвремените парламентарни избори кои поради епидемијата од Covid-19 не се одржаа на 12-тиаприл, едногласно одлучија во средата деветте судии на Уставниот суд. По час иполовина дискусија, уставните судии одлучиле дека станива збор за тема за која веќе е донесена одлука. Имено на 8-ми и на 15-ти април Уставниот суд расправаше по иницијатива против одлуката за распуштање на Собранието на 16-ти февруари и одлучи да не поведе постапка против неа, бидејќи таа е уставна и е во согласност со законите. Предлогот беше на уставниот судија Осман Кадриу, по барањата на одредени функционери и правници да се состане Собранието, да ги потврди двете одлуки за вонредна состојба од претседателот Стево Пендаровски, а најмногу поради тоа што нема Собрание за да ја контролира техничката влада. На крајот и самиот предлагач Кадриу гласал да се отфрли неговиот предлог. Така, Собрание ќе биде свикано само во нов состав, по одржување на парламентарни избори. Уставниот суд, исто така, нема да ја оценува уставноста на прогласувањето на првата вонредна состојба од 18–ти март, од страна на Пендаровски. Шестмина судии сметаат дека иницијативата е беспредметна, затоа што таа вонредна состојба е веќе завршена.

уставен – Kurir.mk

ВМРО-ДПМНЕ: Со Јовески како уставен судија, Заев поставува докажан послушник и бранител на криминалот во Уставен

Дебакл на СДСМ, Уставниот суд ги потопи сите аргументи на Заев: Нема услови за повторно свикување на Собранието!