утре – Kurir.mk

Пролетта почнува утре во 16 часот и 33 минути

Тале Кристо — Sat, 19 Mar 2022 08:33:48 +0000

Пролетта почнува утре во 16 часот и 33 минути. Во истовреме на јужната земјина полутопка почнува есента. За првиот пролетен ден што ќе трае 12 часа и 5 минути метеоролозите предвидуваат сончево и студено време со мала локална облачност. Ќе дува умерен до повремено засилен ветер од северен правец. Пролетта ќе трае 92 дена, 17 часа и 54 минути, односно до 21 јуни 2022 година во 11 часот и 13 минути кога почнува летото.

Од утре стабилно време со утрински температури под -5 степени

Тале Кристо — Sat, 21 Nov 2020 11:28:13 +0000

Стабилно време најавуваат метеоролозите за утре, но со пониски утрински температури, кои на повеќе места ќе се спуштаат под -5 степени. Како што информираат од УХМР, во понеделник, како и во втората половина од следната седмица по одделни котлини ќе има појава на магла и таму температурата ќе остане пониска во текот на денот. Времето денеска е претежно облачно, особено во западните и северните делови каде попладне на планините ќе има повремен слаб снег, а во пониските места слаб дожд. Ќе дува умерен до засилен северен ветер најизразен вдолж Повардарието и на повисоките места. Максималната температура ќе биде во интервал од 5 до 13 степени.

Утре ни доаѓа женски празник- еве кои се обичаите поврзани за него

Дарко Андоновски — Fri, 30 Oct 2020 10:10:24 +0000

Утре 31 октомври според Македонската православна црква се празнува апостол свети Лука. Лекар и зограф, автор на првите рачно изработени икони Именден празнуваат: Лука. Роден е во Антиохија. Во младоста ги изучи медицината и сликарската уметност. Тој ги наслика првите икони на Богородица, како и на првите меѓу апостолите Петар и Павле. Свети Лука е основачот на иконописот во Црквата. Му беше сопатник и соработник на апостолот Павле се до неговата смрт. Со него патуваше и го проповедаше Христовото Евангелие и во Македонија. По смртта на божествениот Павле, тој едно време помина во Египет, а оттаму отиде во Грција. Таму многу пострада, проповедајќи го воскреснатиот Христос, и најпосле, во Теба Беотиска, незнабошците го обесија на едно маслиново дрво. Од него ни остана едно Евангелие, а ја напиша и книгата Дела апостолски, и двете упатени, како писма, до некој великодостојник Теофил. Меѓу народот се смета за лесен празник што го празнувале само жените. По овој празник селаните започнувале да ја садат раната сорта лук.

Утре не излегувајте без чадор од дома

Тале Кристо — Wed, 14 Oct 2020 17:40:46 +0000

По денешната краткотрајна стабилизација на времето, во текот на утрешниот ден, односно од попладневните часови најпрвин во западните, а во текот на ноќта кон петок и во петок во текот на денот и во останатите предели ќе има врнежи од дожд. Локално, особено во западните и во северозападните предели врнежите ќе бидат ОБИЛНИ (над 40 л/м2). Локално ќе има услови за нестабилност проследена со поројни врнежи од дожд, грмежи и засилен ветер од јужен правец. Во текот на утрешниот ден максималните дневни температури на воздухот ќе се искачуваат во интервалот од 17 до 24 степени. За нови, детални и по потреба обновени метео информации, следете го официјалниот фејсбук профил на Славчо Попоски

Ограничено работно време на трафиките и мини маркетите во Грција

Магдалена Андонова — Fri, 25 Sep 2020 18:01:20 +0000

Трафиките, мини маркетите, продавниците за пијалаци и слично, во областа Атика, поширокиот дел на Атина, како и во другите делови на Грција каде што се во сила рестриктивни мерки, од утре ќе затвораат на полноќ, соопшти попладнево заменик-министерот за цивилна заштита на Грција Никос Хардаљас, јави дописничката на МИА од Атина. Одлуката не важи за бензински пумпи и аптеки, додека пак угостителските објекти, кафулињата и слично, наместо од 7 часот наутро, ќе можат да отвораат два часа порано, односно во 5. Новата мерка, веројатно е за да се спречи продажбата на алкохол и собирањето на младите на плоштадите и во парковите, откако на полноќ ќе затворат кафулињата. Во изминатите 24 часа во Грција се регистрирани 286 нови случаи на Ковид-19, од кои 163 се во областа Атика, а починаа три лица. Од почетокот на епидемијата во земјата, заразени се вкупно 16.913 лица, а починаа 369 лица. (МИА)

Утре не очекува нестабилно време со пороен дожд и грмежи, од среда топло со температура до 38 степени

Тале Кристо — Mon, 24 Aug 2020 09:30:25 +0000

Нестабилно време со локален пороен дожд, грмежи и засилен ветер, најавуваат метеролозите за утре, а од среда стабилизирање и пораст на температурата. Утре локално процесите ќе бидат поинтензивни и во форма на невреме со пообилен дожд, силен ветер и појава на град. Температуата ќе се движи утринската од 13 до 20, дневната од 24 до 34 степени. Од среда повторно ќе преовладува сончево и топло време со повремена умерена облачност и со пораст на температурата, која ќе достигне и до 38 степени

Од утре не очекува постабилно време

Магдалена Андонова — Sat, 01 Aug 2020 16:51:08 +0000

Од утре не очекува постабилен и не особено топол период со дневни температури кои на југоистокот ќе достигнуваат до 36 степени. Повторно нестабилно ќе биде кон средината на работната неделата. Како што информира УХМР, времето утре ќе биде сончево со мала локална облачност. Ќе дува слаб до умерен претежно североисточен ветер најизразен долж Повардарието. Минималната температура ќе биде во интервал од 12 до 22, а максималната ќе достигне од 27 до 37 степени. УВ индексот ќе изнесува 8. Во Скопје, сончево со мала локална облачност и со слаб до умерен североисточен ветер. Минималната температура ќе се спушти до 18, а максималната ќе достигне до 35 степени. (МИА)

Од утре се укинува полицискиот час

Тале Кристо — Tue, 26 May 2020 16:08:57 +0000

Владата на денешната седница донесе одлука од утре да се укине полицискиот час, објави ТВ21. Според извори на ТВ21, одлука има и за рестораните и кафулињата да започнат со работа од четврток (28.05.2020) Одлуките ќе се дознаат во 19:00 часот кога и ќе биде прес конференцијата на претседателот на Владата на Република Македонија, Оливер Спасовски, министерот за здравство, Венко Филипче и д-р Жарко Караџовски од Институтот за јавно здравје, Претходно денеска заседаваше Комисијата за заразни болести која ги анализираше тековните состојби со ширењето на вирусот, а меѓу темите за расправа беа можностите за олабавување на мерките за отворање на угостителските објекти, на градинките и евентуалното намалување на полицискиот час. Институтот за јавно здравје изминатото деноноќие регистрираше 14 оздравени пациент, 16 нови случаи на Ковид-19, како и тројца починати.

Зоолошката градина од утре повторно отворена за посетители

Тале Кристо — Mon, 25 May 2020 09:28:16 +0000

Посетителите од утре повторно ќе можат да се дружат и да уживаат со животните во Зоолошката градина во Скопје. Зоолошка градина Скопје ќе биде отворена од утре од 9:00 часот, но поради ситуацијата со Ковид-19 има нов протокол за движење и придржување кон мерките. Посетителите при влез во Зоо Скопје ќе треба да носат маска или марама, ред ќе се чека на дистанца од 1,5 м кое е уредно обележано. Строго е забрането хранење и доближување до животните. Отпадоците мора да се фрлаат во корпите. Не смее да се употребуваат летниковците и детските игралишта. Низ зоолошката градина, посетителите ќе мора да држат дистанца од другите посетители. Од скопската зоолошка градина информираат дека бројот на посетители ќе биде ограничен, за во одреден момент да не се создава поголема гужва низ градината. Јавното здравје е пред се и затоа сите заедно да се придржуваме кон мерките.

Арсовски во интервју за Лидер: Утре ВМРО-ДПМНЕ објавува огромен скандал – вистината за бизнисот со марихуана! (ВИДЕО)

Тале Кристо — Thu, 23 Jan 2020 17:26:06 +0000

Портпаролот на ВМРО-ДПМНЕ, Димче Арсовски во интервју за порталот Економски Лидер откри дека утре ВМРО-ДПМНЕ ќе објави огромен скандал во врска со законот за опојни дроги, односно законот за марихуана. -Во текот на утрешниот ден ќе биде објавен еден сериозен скандал кој што зема сериозни размери во јавноста, тоа е дел од законот за опојни дроги, народски кажано законот за марихуана кој што во моментот власта сака да си го донесе по свој терк, вели во интервју за Лидер портпаролот на ВМРО-ДПМНЕ. Арсовски не откри многу детали за истиот, но увери дека станува збор за голем скандал каде што власта на СДСМ и фамилијата Заеви личните интереси ги ставаат пред државните -Не би откривал повеќе детали би оставил јавноста утре да ги чуе од тој скандал но, меѓутоа верувајте ова е уште еднен скандал низ низа на други скандали, каде што власта ги става, односно власта на СДСМ и фамилијата заеви ги става своите лични интереси пред сите останати државни интереси кои што се во интерес на граѓаните, истакна Арсовски.