утро – Kurir.mk

Излезете надвор веднаш по будењето – еве зошто е потребно тоа

Ивана Ефремовски — Fri, 10 Mar 2023 10:16:59 +0000

Има многу работи по кои со нетрпение посегнуваме кога ќе се разбудиме наутро – тоа се телефонот, кафето или четка за заби. -Меѓутоа, неврологот д-р Ендрју Хаберман, исто така професор по невробиологија и офталмологија на Медицинскиот факултет во Стенфорд, тврди дека секое утро треба да излегуваме на свеж воздух, пренесува списанието Mel. И објасни зошто. Во својот подкаст, д-р Хаберман објасни како гледањето на сончевата светлина, идеално без очила за сонце, од две до десет минути по будењето е витална навика која треба да ја развие секој човек кој се грижи за своето здравје. Докажано е дека промовира подобро расположение, го намалува ризикот од депресија, ја подобрува концентрацијата, а исто така поттикнува губење на тежината. Исто така, дневната светлина е клучна бидејќи го ослободува хормонот на стрес кортизол, кој делува како одреден сигнал за будење, поттикнувајќи го будењето, но и способноста за фокусирање во текот на денот. Бројни студии спроведени досега потврдија дека утринската изложеност на природна светлина го подобрува спиењето навечер и будноста во текот на денот, кои се исто така клучни аспекти на стабилното ментално здравје. Исто така, истражувањата покажаа дека витаминот Д преку изложување на сонце е поврзан со севкупно намалување на ризикот од депресија.

Почнете од утре: Ако по утрото денот се познава, еве што треба да направите кога ќе се разбудите

Ивана Ефремовски — Sun, 18 Sep 2022 18:33:33 +0000

Ако по утрото се познава денот, вашето утро треба да биде позитивно, енергично, успешно и среќно. Денес ќе ви предложиме 11 начини со кои вашето утро може да биде баш такво, а вие почнете да го применувате тоа уште од утре. Разбудете се со најголема насмевка Вие одлучувате каков ќе биде вашиот ден врз основа на тоа како го започнувате. Вашата насмевка нека биде ваш најубав моден додаток. Вашата насмевка ќе ви даде самодоверба и шарм. Бидете благодарни Бидете свесни за сите убави работи во текот на денот, успесите кои сте ги постигнале, убавината на животот, луѓето со кои сте опкружени... Сите тие работи ставете ги на својата листа за благодарност и тоа нека биде ваш утрински ритуал. Почнете го денот исполнети со среќа и благодарност за работите кои ги имате. Пејте/Танцувајте/Пишувајте/Читајте Правете ја вашата омилена работа веднаш штом ќе станете. Кога ќе одвоите барем 5 минути пред работа или на утринската пауза, за нешто што вам ви е важно, тогаш тоа значи дека вашиот ден ќе започне со страст и задоволство. Кажете им на членовите на семејството колку ги сакате Доколку не живеете сами, вашето утро почнува со најблиските. Посветете им малку внимание секое утро. Сослушајте ги децата и подарете им љубов. Јавете им се на родителите. Гушнете ги вашите партнери. Изгледајте одлично Никогаш не знаете што може да ви се случи во текот на денот или на кого можете да налетате. Стар пријател, стара љубов, важна личност... Можеби некој ќе ви закаже важен итен состанок, итн. Секогаш изгледајте добро и посвете го вашето утро на средување, затоа што тоа е најбрзиот пат до среќата и самодовербата. Очекувајте само прекрасни работи Можеби баш тоа е денот кога ќе добиете покачување или ќе добиете некои добри вести. Какви ви се мислите, таков ќе ви биде и животот, па затоа отворете ги очите и замислувајте ги најубавите работи кои можат да ви се случат. Зграпчувајте ги можностите Сами го создавате вашиот живот. Убаво забележувајте ги можностите околу вас и зграпчувајте ги сите шанси кои ќе ви се појават во животот. Внесувајте новини во животот Секое утро направете нешто ново, купете кафе од кафуле во кое не сте биле претходно, разговарајте со непознати луѓе... Помагајте им на другите Помагајте им на другите, одговарајте им на прашање, отстапете место во автобус, донирајте... Така ќе најдете начин да се исполните во животот. Најдете време Некои луѓе едноставно не прифаќаат дека во денот можат да направат многу различни работи. Она што треба да го направиме е да станеме порано и да почнеме да ги правиме тие работи, наместо само да спиеме и да губиме драгоцено време во животот. Барајте инспирација Пронајдете го она што ќе ве натера да создавате прекрасни спомени. Инспирацијата е многу важна за целиот ваш ден и за чекорите кои сакате да ги направите. Од инспирацијата почнуваат сите успеси, затоа уште рано наутро пронајдете ја вашата инспирација која ќе ви го исполни целиот ден.

5 ефикасни начини да се разбудите наутро без шолја кафе: Ќе бидете одморни и полни со енергија!

Магдалена Андонова — Mon, 06 Jun 2022 20:45:50 +0000

Навиките не се менуваат во текот на ноќта и сигурно е дека ќе ви треба малку време за да се навикнете на промените што сте ги направиле. Најдобро е постепено да се ослободите од навиката од која сакате да се ослободите, бидејќи во спротивно ќе создадете контра-ефект. Можеби нема да можете да замислите да го започнете денот без утринско кафе, но тоа е всушност возможно со неколку едноставни и пред се ефективни совети. Иако мислите дека нема ништо подобро од тоа да се разбудите со шолја миризливо кафе, поради негативните симптоми на кофеин на телото, можеби ќе треба да го започнете утрото на поздрав начин. Будете се во исто време Ако вашиот распоред варира во текот на неделата, вашето тело постојано се обидува да се прилагоди. Размислете за вашиот распоред и одлучете во кое време е точно да станете и да се будите во исто време секој ден. Ова ќе му олесни на телото да се навикне на распоредот, така што ќе ви биде полесно да станете наутро. Започнете го денот со вежбање Нема ништо подобро отколку да го започнете денот со утринска гимнастика и лесни вежби за истегнување. Ако преферирате трчање, утринско трчање или брза прошетка на свеж воздух веднаш ќе ве разбуди, подготвувајќи ве за успешниот ден пред нас. Туширајте се со ладна вода Најбрзиот начин да се разбудите наутро е да се истуширате со постудена вода. Можеби звучи како лоша идеја, но ако се истушите со топол туш, ќе се чувствувате поопуштено и „cozy“. Од друга страна, ако постепено испуштате поладна вода, полесно ќе се разбудите. Свеж воздух и сончева светлина Еден од најдобрите начини да се разбудите без кофеин е да го изложите телото на природно сонце и свеж воздух. Исто така, во текот на денот кога се чувствувате уморно, излезете на свеж воздух и земете неколку длабоки вдишувања, или уште подобро – прошетајте. Ова ќе му помогне на вашето тело брзо да се разбуди. Раширете ги завесите во спалната соба во текот на ноќта за да можете да се разбудите на сонце. Избегнувајте јаглехидрати Ако јадете многу јаглехидрати наутро, ќе почувствувате пад на енергијата за неколку часа. Наместо тоа, обидете се да јадете јајца, зеленчук, овошје за појадок, наместо колачи, житарици и слична храна.

Изутринава во Македонија измерени -9 степени, најмноогу снег во Маврови Анови

Тале Кристо — Mon, 07 Mar 2022 07:19:33 +0000

Најниска температура во земјава изутринава е измерна на Попова Шапка -9 и во Маврови Анови -7. Во Крушево се измерени -3, во Претор, Берово и Охрид -1, а нула степени во Крива Паланка, Тетово, Прилеп, Битола, Скопје-Петровец. На останатите места насекаде е над нулата, а максимални 4 степени се измерени во Дојран и Гевгелија, соопшти УХМР. Во Маврови Анови наврна најмногу снег 61 сантиметар, во Крушево снежната покривка е 56, во Ѓуриште 36, во Пожаране 34, а во Битола 7 сантиметри. Најмногу дожд, пак, во изминатите 24 часа наврна во Дојран 7 литри на метар квадратен, потоа во Тетово 6, Штип и Пожаране 5, а најмалку во Скопје – Петровец, Попова Шапка, Битола и Прилеп – 1 литар. Врнежите престанаа во вечерните часови, а преку ноќта преовладуваше значително облачно време, тивко и не многу студено. Во текот на ноќта се појави магла во источниот дел од Скопско, а магла има утринава и на повисоките места од ниската облачност. Слаб дожд има утринава во Демир Капија и Скопје – Петровец. Времето денеска ќе биде променливо облачно и студено, главно во западните делови и на крајниот југоисток со врнежи претежно од снег. Ќе дува умерен, вдолж Повардарието повремено засилен ветер од северен правец. Максималната температура ќе достигне од 3 до 10 степени. Во Скопје ќе биде променливо облачно со услови за краткотраен дожд кој повремено ќе преминува во снег. Максималната температура ќе достигне 4 степени.

Кафето не е најдобра идеја: Овие три состојки ќе ви помогнат полесно да се расоните наутро

Ивана Ефремовски — Tue, 22 Feb 2022 18:03:52 +0000

Ако сакате да се разбудите свежи и расположени, кафето не е најдобрата идеја бидејќи тоа носи многу проблеми во текот на денот, поврзани со поспаноста, болка во стомакот и желудникот и поуденост. За убаво утро и уште поубав ден, потребни ви се само овие состојки. Овесна каша Таа е меѓу најдобрите намирници кои можете да ги изедете наутро. Дава енергија благодарение на нискиот глихемиски индекс и ви дава гориво за целиот ден. Јаглените хидрати во овесната каша брзо согоруваат што помага да останете будни и енергични во текот на целиот ден, а не само 1-2 часа како кафето. Вода Напијте се вода веднаш штом се разбудите, на празен желудник. Често дури и благата дехидрација може да го замагли вашиот ум и да го спречи неговото нормално функционирање. Во текот на денот, доколку се чувствувате поспани таа е подобра за енергија, за разлика од кафето. Чувајте шише вода покрај себе во текот на целиот ден. Јаболков оцет Не постои научно објаснување за силата на јаболковиот оцет, но тој е една од најмоќните здрави состојки. Делува одлично на енергијата и доброто расположение, а и на целото здравје. Само внимавајте да не претерате бидејќи може да го иритира грлото и системот за варење. Можете да додадете малку мед во него и млака вода.

Температури и под нулата – еве каде во Македонија утрово беше најстудено

Тале Кристо — Thu, 11 Nov 2021 07:13:26 +0000

Најниска темепартура утрово е измерена во Берово, минус два степена Целзиусова. Како што соопшти УХМР, следат Попова Шапка со минус еден степен, нула степени во Маврови Анови, Крива Паланка, Битола и во Крушево, еден во Лазарополе, два Струмица и Куманово, три Претор, Штип, Демир Капија, Виница и Гегелија, четири Прилеп и Дојран, пет во Скопје-Петровец и во Тетово, шест Охрид и седум степени во Скопје–Зајчев Рид. Во текот на ноќта преовладуваше умерено облачно време. Утрово по одделни котлини има појава на магла и ниска облачност. Времето претпладне по одделни котлини со појава на магла и ниска облачност. Преку денот сончево со мала до умерена облачност и со слаб до умерен ветер од југоисточен правец. Максималната температура ќе достигне од 10 до 15 степени. Во Скопје, сончево со мала до умерена облачност и со слаб ветер од променлив правец. Максималната температура ќе достигне до 13 степен.

Утринските навики на луѓето кои живеат најдолго

Ристе Здравков — Fri, 29 Oct 2021 12:09:05 +0000

Дали знаевте дека во некои делови од светот луѓето живеат подолго? Овие области се нарекуваат сини зони. Ова име прв го употребил авторот Ден Бетнер, кој во своето истражување таквите области на картата ги означил со сини кругови. Жителите на сините зони често живеат до 90, па дури и 100 години. Покрај долгиот животен век, се карактеризираат и со добра физичка форма, како и ментално здравје. Некои од овие области се островот Икарија во Грција, Калифорнија во САД, Окинава во Јапонија, полуостровот Никоја во Костарика и островот Сардинија во Италија. По долгогодишно истражување на овие области, Бетнер заклучил дека сите жители имаат две заеднички работи: добри здравствени навики и социјална вклученост. Процесот на стареење не може да се запре, но очигледно постојат начини на кои можете да придонесете за подолг живот. Пиење кафе и чај Луѓето во сините зони пијат до три шолји кафе наутро. Како одминува денот се префрлаат на чај, а по 17 часот на вино. Освен што помагаат во одржување на тежината, кафето и чајот го снабдуваат телото со хранливи материи кои го забавуваат стареењето и помагаат во намалување на ризикот од хронични болести. Пиењето на овие пијалаци се прави во друштво, што изгледа катарзично и релаксирачко. Задолжителен појадок Во текот на ноќта не јадеме и не пиеме, па наутро сме гладни и жедни, дури и ако тоа не го чувствуваме. На нашето тело му е потребна вода за да ги започне своите процеси, така што чаша вода треба да биде првото нешто што ќе го внесете веднаш штом ќе се разбудите. Со храната внесуваме „гориво“ за да го започнеме денот и утринскиот оброк треба да биде обилен и разновиден. Со утринска рутина се избегнува стрес Луѓето во сините зони си легнуваат кога им се спие и се будат без будилник. Така, тие го избегнуваат стресот, кој се смета за тивок убиец и прави значителна штета на нашето тело. Воспоставувањето утринска рутина ни помага да бидеме поуспешни и поефикасни, а многу успешни луѓе тврдат дека се будат пред 5 часот наутро и не се чувствуваат под стрес. Некои истражувања исто така покажаа дека луѓето кои стануваат порано живеат подолго од оние кои имаат навика да останат будни до доцна и да го преспијат утрото. Доволно спиење Ноќните птици обично не си дозволуваат доволно сон, имајќи предвид дека на возрасен човек му требаат најмалку 6, а идеално е 8 часа на ден. Исклучете ги екраните пред спиење, оставете природната утринска светлина да ве разбуди и избегнувајте прекумерна физичка активност пред спиење.

Ако ги имате овие утрински ритуали, залудно сте на диета – еве што не треба да правите

Ивана Ефремовски — Thu, 03 Jun 2021 07:40:57 +0000

Дали некогаш сте помислиле дека вашите утрински ритуали ве спречуваат во намерата да ослабете, иако вежбате и се трудите да се храните здраво? Внимавате на сѐ, а никако да ги симнете вишокот килограми. Ако се препознаете во овие утрински навики, време е да промените нешто. Многу спиете Ако премалку спиете, хормонот на стрес кортизол што се произведува кога сте ненаспани, ви го зголемува апетитот. Но, и премногу спиење не е на добро, барем не за вашата линија. Резултатите од едно најново истражување покажаа дека спиењето повеќе од 10 часа може да го зголеми индексот на телесна маса, особено спиењето до доцна наутро. Се спремате во мрак Кренете ги ролетните или отворете ги завесите кога ќе станете од спиење. Утринската светлина ќе го разбуди вашиот метаболизам и целото тело. Како очекувате денот да ви биде исполнет со енергија, ако се спремате во полутемница и не го подготвувате телото за активностите што следат? 20 до 30 минути дневна светлина е доволно за да влијае на индексот на телесна маса. Не го местите креветот Можеби ви звучи чудно, но дозволете да ви објасниме за што се работи. Едно истражување во САД покажа дека луѓето кои го местат креветот наутро не само што се раздвижуваат и со тоа го поттикнуваат метаболизмот, туку и подобро спијат навечер, што како рековме е важно за одржување на линијата. Јадете премалку наутро Не е тајна дека здравиот и балансиран појадок е важен за да имате енергија во текот на денот. Ако изедете квалитетен утрински оброк, ќе го потрошите во текот на денот и нема да бидете прегладнети до ручек. Балансираната исхрана е важна ако сакате да се решите од тие вишок килограми.

Секое утро чаша МЛАКА ВОДА – кога ќе слушнете како влијае на кожата и линијата веднаш ќе почнете и вие да пиете!

Магдалена Андонова — Mon, 10 May 2021 11:05:25 +0000

Доколку се двоумите околу тоа кој напиток е најздрав да го започнеш денот со него, најдобро би било шолјата кафе или чај да ја замениш со млака вода, која веднаш ќе те хидрира, ќе ги разбуди органите и ќе ги охрабри да работат. Пиењето на млака вода наутро носи бројни позитивни дејства на здравјето, а некио од нив се детоксикација, добро варење како и слабеење. Детоксикација Конзумирањето топла вода ја подигнува телесната температура, па телото започнува да се зајакнува, а се поти и ги исфрла токсините од организмот, додека истовремено хидрира. Исто така, го олеснува протокот на крвта во организмот, ги стимулира метаболичките процеси а со самото тоа и побрзо согорување на масните наслаги. Стимулира варење Ако испиете две чаши топла вода на празен стомак наутро, тоа ќе има корисен ефект врз работата на цревата, ќе го подобри процесот на варење, ќе го стимулира метаболизмот и ќе го намали ризикот од стомачни проблеми и запек. Убавина и младост Топлата вода е одлична за хидрирање на кожата, но и за нејзина детоксикација, затоа е особено препорачлива за луѓе кои имаат проблеми со акни. Консумирајќи топла вода, ја подобрувате еластичноста на кожата, ја хидрирате и намалувате појава на брчки. Губење на тежина Според експертите, пиењето топла вода наутро ги подготвува цревата за остатокот од денот и може да придонесе за слабеење. Ги чисти цревата, спречува надуеност и ги решава вишоците течности во организмот. Исто така, се зголемува основната телесна температура, што доведува до тоа телото да троши енергија за да ја намали својата температура во нормала. Оваа потрошувачка на енергија го забрзува метаболизмот. Ги релаксира мускулите Консумирањето топла вода го зголемува протокот на крв и им помага на мускулите да се релаксираат, додека пиењето ладна вода доведува до контракција. Оваа мускулна релаксација може да помогне при широк спектар на болка, од менструални грчеви до артритис. Исто така може да ја ублажи несоницата.

Овие 5 работи никогаш не треба да ги правите наутро

Катерина Бојаџиева — Wed, 05 May 2021 20:27:52 +0000

Како го започнувате утрото, таков ќе ви биде и целиот ден. Ако утрото го почнете без енергија, така и целиот ден ќе ви биде непродуктивен, бидејќи сте направиле една од грешките кои ве чинат скапо, а не сте ни свесни за тоа. Ова се навиките кои треба да ги избегнувате наутро. Не го одложувајте алармот за будење „Snooze“ е една од најлошите „лоши услуги“ од модерната технологија. Одложувањето на алармот е многу лоша идеја наутро бидејќи секогаш кога ќе го направите тоа влегувате во нов циклус на спиење од кој ви е потешко да се освестите. Така, кога конечно ќе станете од кревет, ќе се чувствувате уморно и мрзеливо. Не станувајте веднаш од креветот Пробајте да се истегнете, да ги средите мислите малку, а потоа да станете од кревет. Колку повеќе се протегнете, толку повеќе енергија и самодоверба ќе имате во себе. Не читајте вести и меилови наутро Не го заморувајте својот мозок со лоши вести и меилови полни со обврски и одговорности. Сосредоточете се на тишината, средете ги своите мисли или пуштете си ја вашата омилена песна. Оставете ги меиловите и вестите за подоцна. Не го оставајте креветот растурен Можеби се чини бесмислено, но местењето на креветот е убава навика која треба да ја применувате наутро. Тоа е навика која ќе ја разбуди продуктивноста во вас, а и ќе ви даде убаво чувство на среденост во вашиот дом. Не пијте кафе веднаш штом се разбудите Кафето ни е важно на повеќето од нас за да се разбудиме и да бидеме функционални во текот на денот. Но, не морате да го пиете веднаш по будењето. Наместо тоа, можете да испиете смути или вода со лимон, а дури по некое време да посегнете по кафето.